Hortabin Media

Koti
Suomi
Helsinki
Hortabin Media

Yhteystiedot, kartta ja reittiohjeet, yhteydenottolomake, aukioloajat, palvelut, arvostelut, kuvat, videot ja ilmoitukset Hortabin Media, Uutiset ja media -sivusto, Helsinki :ltä.

Hortabin Media is an independent digital-first news agency delivering breaking news, original reporting, and in-depth analysis on global events shaping the world today.

01/06/2026

: Maamulka Koofur Galbeed ayaa si rasmi ah ugu dhawaaqay tallaabooyin lagu xaqiijinayo Amniga magaalada Baydhabo oo sabtidii ay weerar ku soo qaadeen Ciidan taabacsan Madaxweynihii h**e ee Maamulkaasi, Laftagareen.

Wasiirka Amniga ee Koofur Galbeed, Xasan Cabdi Maxamed, oo la hadlay warbaahinta, ayaa shaaca ka qaaday in magaalada lagu soo rogay bandow xilliga habeenkii ah iyo baaritaanno guri-guri ah oo lagu galayo goobaha laga shakiyo.

Wasiirka ayaa sheegay in bandowgu uu billaaban doono 7:00 fiidnimo, isagoo sidoo kale mamnuucay in magaalada lagu dhex qaato wax hub ah oo aan fasax loo haysan.

“Baydhabo waxaa lagu soo rogay bandow ka bilaabanaya 7:00 fiidnimo, hub laguma dhex qaadan karo magaalada. Sidoo kale, waxaa la baari doonaa guryaha loo arko in amniga ay qalqal gelinayaan,” ayuu yiri Wasiir Xasan Cabdi Maxamed.

01/06/2026

Bajaajle la ilmeeyay kiiska Sacdiyo Bajaaj, farriina u diray Madaxweyne Xasan Sheekh Maxamuud.

01/06/2026

: Ammaanka guud ee Ismaamulka Mandheera ayaa aad loo adkeeyay iyada oo halkaas uu joogo Madaxweynaha Kenya, William Ruto oo lagu wado in uu ka jeediyo Khudbad uu uga hadlayo xaaladda guud ee dalkiisa iyo xuska maalinta gaar ah ee Madaraka loogu yeero.

Madaxweyne William Ruto ayaa dad badan oo ku sugan Garoonka Kubadda Cagta ee Wajeer u jeedin doonna Khudbad iyada oo sare loo qaaday nabadgalyada Ismaamulkaas maadaama ay dhowr jeer horay weerarro uga gaysteen AS.

Maalinta la xusayo ee Madaraka Day waa maalin xuskeeda uu soo jireen ahaa tan iyo 1dii June sanadkii 1963dii, waa maalin u gaar ah in la maamuuso awoodda ismaamullada oo ka dhashay nidaamkii gumaystihii Ingiriiska ee dalkaas soo isticmaarsaday.

Waxaa la joojiyay isu socodka Gaadiidka iyo Dadka Magaalada Wajeer maadaama Madaxweynaha Kenya, William Ruto iyo mas’uuliyiin kale ay joogaan, Ciidamo dheeraad ah ayaa la dhigay dhinaca Xadka Soomaaliya.

01/06/2026

: Saddex Arday ayaa ku dhaawacantay rasaas uu furay Askari katirsan ciidamada ammaanka Dowlad-Goboleedka Puntland oo ilaalinayay Arday galaysay Imtixaanka Shahaadiga ah ee Maamulkaas oo lagu qaadayay Iskuul ku yaalla Degmada Burtinle ee Gobolka Nugaal.

Ardayda dhaawaca soo gaaray ayaa loo qaaday mid kamid ah Goobaha Caafimaadka si looga daweeyo, waxaana warar is khilaafsan uu kasoo baxayaa sababta keentay in Askarigaas uu rido rasaasta dhaawacaas dhalisay.

Wararka ugu badan ayaa sheegaya in Askariga iyo qaar kamid ah Ardayda Imtixaanka galaysay ay is afgaareen kaddibna uu Askarigu sidaas uu ku furay rasaasta sababtay dhaawaca saddexda Arday waxaana isbaddellay jawiga goobta.

01/06/2026

: Hay’adda Wadooyinka Puntland (PHA) ayaa digniin adag u dirtay dhammaan darawallada iyo dadka isticmaala waddooyinka, kaddib markii roobab ka da’ay deegaanno ka tirsan Puntland ay sababeen biyo xooggan oo ku soo rogmaday togagga Buraan iyo Ceeldaahir, waxana lagu xusay bayaanka in xaaladdaani ay khatar weyn ku tahay isu-socodka gaadiidka iyo badbaadada dadka safarka ku jira.

PHA ayaa si gaar ah uga digtay darawallada inay iska ilaaliyaan isku dayga ay ku gudbayaan ama ku jarayaan togagga ay biyuhu marayaan, maadaama qulqulka biyuhu uu yahay mid xooggan oo aan la saadaalin karin. Sida ay hay’addu tilmaantay, tallaabadaas waxay halis gelin kartaa nafta dadka, gaadiidka iyo hantida kale.

Hay’addu waxay xustay in h**ey ay u dhaceen shilal kala duwan oo gaadiid ay biyuhu qaadeen, kuwaas oo ka dhashay taxaddar la’aan iyo ku xadgudubka digniinaha la xiriira badbaadada waddooyinka, arrintan ayaa muujinaysa baahida loo qabo in si buuxda loo raaco tilmaamaha amniga xilliyada roobabka.

01/06/2026

: Hay’adda Qaranka ee Dadka La Waayay ee Suuriya ayaa xaqiijisay geerida lix carruur ah oo sanadkii 2013 lagu waayay xabsiyada nidaamkii h**e ee Bashaar Al-Asad, kadib baaritaanno dheer iyo falanqayn lagu sameeyay xog iyo caddeymo kala duwan.

Carruurtan oo kala ahaa: Diimaa Cabdiraxmaan, Intisaar Cabdiraxmaan, Najaax Cabdiraxmaan, Alaa Cabdiraxmaan, Axmed Cabdiraxmaan, iyo Liyaan Cabdiraxmaan, ayaa la waayay kaddib markii ciidamada ammaanka ay xireen hooyadood, Dr. Raaniya Al-Cabbaasi, iyo aabahood Cabdiraxmaan Yaasiin, waxaana carruurta ku jirtay gabar yar oo la nuujinayay xilligii la qabtay.

Hay’addu waxay sheegtay inay heshay natiijooyin lagu kalsoonaan karo oo muujinaya in carruurtaasi la dilay, iyadoo qoyska dhibbanayaasha loo gudbiyay xogta ka hor inta aan si rasmi ah loo shaacin.

Ehellada carruurta ayaa sheegay inay arkeen muuqaallo lagu helay baaritaannada, kuwaas oo ka caawiyay inay aqoonsadaan carruurta, isla markaana ay xaqiijiyaan xaqiiqada ee ku saabsan halka ay ku dambeeyeen murugada leh kadib sannado badan oo sugitaan iyo rajo isugu jiray.

01/06/2026

: Dalal iyo hay’ado caalami ah ayaa si wadajir ah uga hadlay xaaladda siyaasadeed ee Soomaaliya, iyagoo muujiyay walaac ku saabsan muranka iyo xiisadaha siyaasadeed ee ka taagan dalka.

Qoraal wadajir ah oo ay saxiixeen safaarado iyo hay’ado caalami ah ayaa lagu sheegay in dhammaan dhinacyada Soomaalida looga baahan yahay inay si degdeg ah dib ugu bilaabaan wada-hadallada, isla markaana ay gaaraan is-afgarad ku saabsan hannaanka iyo jadwalka doorashooyinka, si loo ilaaliyo danaha shacabka Soomaaliyeed.

Beesha caalamka ayaa sidoo kale sheegtay inay diyaar u tahay inay taageerto wada-hadallo Soomaaliyeed oo xal loogu raadinayo khilaafaadka jira, haddii looga baahdo.

War-saxaafadeedka ayaa ugu dambeyn ugu baaqay madaxda Soomaalida inay mudnaanta siiyaan danta qaranka, kana fogaadaan tallaabo kasta oo horseedi karta sii kordhinta xiisadaha iyo qalalaasaha siyaasadeed.

01/06/2026

: Warar lagu kalsoonaan karo oo ay heshay Hortabin Media ayaa sheegaya in ku dhawaad 30 askari oo ka tirsanaa ciidamada Jubbaland ay soo gaareen magaalada Muqdisho, kadib markii ay isaga soo baxeen deegaannadii ay ku sugnaayeen.

Ilo xog-ogaal ah ayaa xaqiijiyay in askartan qaarkood ay soo mareen safar dheer oo dhinaca dhulka ah, iyagoo dhex maray deegaanno ay gacanta ku hayaan kooxda AS, Sida ay sheegayaan xogaha la helay, kooxda ayaa askarta ka qaaday hubkii ay wateen, kaddibna waxaa la isku afgartay in loo oggolaado marin ay uga gudbaan deegaannadaas.

Askarta kale ayaa la sheegay inay doomo ku soo gaareen xeebaha u dhow Muqdisho si ay uga baxsadaan xaaladda cakiran ee ka jirta goobihii ay joogeen, Markii ay soo gaareen agagaarka Muqdisho, ciidamada dowladda federaalka ee ku sugan kontoroollada laga soo galo caasimadda ayaa gacanta ku dhigay askarta, waxaana la bilaabay baaritaanno iyo diiwaangelin lagu sameynayo.

Xogaha la helayo ayaa sheegaya in askartan ay si weyn uga niyad jabsan yihiin habkii loo maareeyay dagaalkii Kudhaa, kaas oo sababay khasaare iyo jahwareer ku yimid ciidamada, Sidoo kale, askarta ayaa ka cabanaya mushaar la’aan muddo dheer soo jiitamaysay, taas oo la sheegay inay ka mid tahay sababaha ugu waaweyn ee keenay niyad-jabka iyo kala daadashada ciidamada.

01/06/2026

: Maxkamadda Gobolka Banaadir ayaa dib u dhigtay dhageysiga dacwadda ka dhanka ah Sacadiyo Macallin Cali, oo loo yaqaan Sacadiyo Bajaaj, kaddib markii xeer-ilaalintu ku guuldarraysatay inay soo bandhigto faahfaahin iyo caddeymo dhammaystiran oo ku saabsan eedeymaha loo haysto.

Abuukaate Xalane, oo ah qareenka difaacaya Sacadiyo Bajaaj, ayaa sheegay in dhageysiga dacwadda ay is hor-taageen dacwadda maadaama xeer-ilaalintu aysan keenin xog iyo caddeymo ku filan oo qeexaya nooca dacwadda iyo eedeymaha loo jeedinayo eedeysanaha.

Qareenka ayaa xusay in Dastuurka dalku uu dammaanad qaadayo in eedeysane kasta iyo qareenkiisu ay xaq u leeyihiin inay si buuxda u fahmaan dacwadda loo haysto, isla markaana ay codsan karaan dib u eegis ama hakinta dhageysiga haddii aan la helin xog ku filan oo arrintaas la xiriirta.

Sacadiyo Bajaaj ayaa la sheegay in loo haysto eedeyn la xiriirta kicin dadweyne, iyadoo muddo ku jirtay xabsi ka hor inta aan la hor keenin Maxkamadda Gobolka Banaadir.

01/06/2026

: Soomaaliya waxay gashay marxalad siyaasadeed oo adag, xilli ay sii xoogeysanayaan murannada ka dhashay muddo xileedka dowladda Federaalka oo dhammaaday iyo nooca doorasho ee dalka ka qabsoomi karta.

Marxaladdan kala guurka ah ayaa timid xilli muddooyinkii dambe ay jireen khilaafaad siyaasadeed oo soo noqnoqday, ayadoo xaaladda hadda jirta ay u muuqato mid ka duwan kuwii h**e, maadaama ay dhinacyadu si weyn ugu kala aragti duwan yihiin jihada siyaasadeed ee dalku aadayo.

Muddo xileedkii rasmiga ahaa ee afarta sano ee dowladda Federaalka ayaa dhammaaday, hase yeeshee xukuumaddu waxay ku dooday in wax ka beddel lagu sameeyay dastuurka uu siinayo hal sano oo dheeraad ah.

Dowladda ayaa ku andacoonaysa in muddadaasi sharci tahay islamarkaana ay lagama maarmaan u tahay sidii loo dhammaystiri lahaa qorshayaasha siyaasadeed iyo amni ee socda, gaar ahaan hirgelinta doorasho qof iyo cod ah oo muddo dheer la hadal hayay.

Osoite

Helsinki

Nettisivu

http://hortabin.com/

Hälytykset

Tiedä ensimmäisenä ja anna meille oikeus lähettää sinulle sähköpostitse uutisia ja promootioita Hortabin Media :ltä. Sähköpostiosoitettasi ei käytetä muihin tarkoituksiin, ja voit perua milloin tahansa.

Ota Yhteyttä Yritys

Lähetä viesti Hortabin Media :lle:

Oikopolut

Oma Yritys listan huipulle Mediayhtiö Helsinki :ssa?

Jaa

Kategoria

Uutiset ja media -sivusto