Radio Fiji One is the Oldest station in Fiji which started in year 1954 . It is known as Radio Fiji One Domoiviti na Voqa ni Veiyanuyanu na Siteseni ni Yalomatua. Na Radio Fiji One – Na Domoiviti a tekivu veiqaravi ena 1954. Na siteseni ka rogoci duadua ena rua na sala ni kakaburaki – FM kei na AM. Na Domoiviti duadua ga edau rogoci kina na i tukutuku kei na sere makawa eso era katoni ka maroroi
tu ena noda valeniwalesi. E maroroya ka vakamareqeta na vosa vaka-Viti, na i tovo kei na i vakarau vakavanua vakakina na veivakauqeti me da kila ka kauwai talega ena nodra i tovo na veimata tamata eda sa bula veimaliwai tu e Viti. Na siteseni oqo na Radio Fiji One – na Domoiviti, e nona tiko ena gauna oqo na konitaraki ni kakaburaki vaka-Viti, na Public Service Broadcast, ka tokoni mai na matanitu. Na i naki levu ni veitokoni oqo, sa i koya na kena saumi me rawa ni dau rogoci e Viti, Rotuma/Rabe na veiporokaramu eso ena maroroya na noda vosa, i tovo kei na i vakarau vakavanua eda kilai tani kina. E rua na porokaramu sa dede talega ena noda valeniwalesi, sa i koya na gauna ni vuli ena walesi, e vakarautaki mai na Minisitiri ni Vuli ni noda vanua kei na Lotu Kaburaki edau rogoci ena Sigatabu ena 6:45pm ena yakavi talega ni Sigatabu.
