Nert ikki við

15/07/2025

vit nerta við vaksin og skermar
vit tosa ofta um stóra nýtslu av skermum hjá børnum og ungum og hvussu hetta ávirkar tey, men hvussu sær skermnýtslan út hjá vaksnum? eru tey betri ella í veruleikanum líka ring? í dag nerta vit við vaksin og skermar.

vit tosa við turið teitsdóttir um hennara skermnýtslu, bæði sum einstaklingur og mamma.

síðani práta vit við daisy iversen og súsannu í króki úr ssp, um hvussu skermnýtslan hjá vaksnum sær út og hvørja ávirkan hon hevur.

vertir eru anna joensen-næs og sálarfrøðingur bjørt lind.

15/07/2025

vit nerta við ótrúskap
hví eru vit ótrúgv? kann man vera kensluliga ótrúgvur? hví velja vit at opna okkara parløg? í dag nerta vit við ótrúskap.

vit tosa við bergtórur h. bjarkhamar, prest, og jónleyg djurhuus, antropolog, um hvat ótrúskapur er og hvørjar tankar tey hava um evnið. síðani virkar bjørt bæði sum sexologur og vertur í sendingini í dag.

í partinum í dag hava vit valt ikki at hava nakað persónligt sjónarmið men heldur fordjúpa okkum í hvat ótrúskapur merkir og hvørjar hugsanir vit hava um tað.

vertir eru anna joensen-næs og sálarfrøðingur bjørt lind.

25/06/2025

hvussu ávirkar veðurlagskreppan okkum? hvat skulu vit gera, tá tað kennist sum einki er at gera? hvussu skulu vit bera okkum at, tá óttin um okkara framtíð og veðurlag tekur so nógv yvir, at alt annað kennist líkasælt? í dag nerta við við veðurlagsótta.

vit tosa við kolbrún í haraldsstovu, plantuvistfrøðing og deildarleiðara á plantufrøði deildini á tjóðsavninum um hennara upplivingar við veðurlagsótta.

síðani tosa vit við gitte klein, sálarfrøðing, um hvat veðurlagsótti er og hvussu man viðgerð fyri tað.

vertir eru anna joensen-næs og sálarfrøðingur bjørt lind.

25/06/2025

hvørjar fordómar eru áhaldandi um fólk við autismu, bæði í størri høpi og í sosialum samanhangum? hvat passar og hvat passar ikki? í dag merta vit við autismu.

vit tosa við silviu olsen um hennara upplivingar við autismu.

síðani práta vit við barbaru krossteig, ið eisini hevur autismu og somuleiðis starvast á einum bústovni við fólki, ið hava sálasjúku og sosialar avbjóðingar.

vertir eru anna joensen-næs og sálarfrøðingur bjørt lind.

11/06/2025

vit nerta við ættleiðing
“eg hugsi mest tá eg fylli. tí tá veit eg eisini sum mamma, at tað gloymir man ikki. tá veit eg í hvussu er, at tað er onkur sum hugsar um meg onkustaðni.” í dag nerta vit við ættleiðing.

vit tosa við mariu daisy konradsdóttir, ið er ættleidd úr india og kom til føroya sum heilt lítil.

síðani práta vit við moniku hjelm rasmussen, leiðara á familjufyrisitingini.

vertir eru anna joensen-næs og sálarfrøðingur bjørt lind.

08/06/2025

ynskir tú at siga tína søgu?
í næstum fara vit undir at nerta við ótrúskap. í hesum sambandi leita vit eftir einum persónligum sjónarmiði, ið ynskir at siga sína søgu. tað kann bæði vera ein, ið hevur upplivað ótrúskap ella sjálvur hevur verið ótrúgvur.

um tú ynskir at siga tína søgu, ert tú hjartaliga vælkomin at venda tær til okkum umvegis instavangan ella skriva privat til annu ella bjørt.

08/06/2025

ynskir tú at siga tína søgu?
í næstum fara vit undir at nerta við føðitunglyndi. í hesum sambandi leita vit eftir einum persónligum sjónarmiði, ið ynskir at siga sína søgu.

um tú ynskir at siga tína søgu, ert tú hjartaliga vælkomin at venda tær til okkum umvegis instavangan ella skriva privat til annu ella bjørt.

04/06/2025

vit nerta við persónleikaórógv
tá ið vit tosa um persónleikaórógv, raka vit djýpri. tí tá vit tosa um ymisku diagnosurnar innan økið gerst tað persónligt. vit fara frá at tosa um tekin til hvønn persónleika vit hava. nert ikki við vendur aftur gjøgnum summarið aftaná eitt ár í dvala og í dag nerta vit við persónleikaórógv.

vit snakka við albertu mc. leod jacobsen, sersálarfrøðing á barna- og ungdómspsykiatriini, um hvat persónleikaórógv er og hvussu man útgreinar fyri tað.

síðani tosa vit við marin magnusardóttir østerø, námsfrøðing á bú- og viðgerðarstovninum hornið, um hvussu tey arbeiða við fólki við persónleikaórógv á stovninum.

fyri fyrstu ferð hevur tað ikki borið til at finna eina persónliga søgu. vit tosaðu við fleiri, ið ynsktu at úttala seg men í síðsta enda ikki tordu, tí tey vóru bangin fyri stigmaðinum. tað týður tó á, at vit hava rakt okkurt og tí halda vit tað er týdningarmikið at tosa um, hví tað er so.

vertir eru anna joensen-næs og sálarfrøðingur bjørt lind.

03/06/2025

í tínum útvarpi mikudagar kl. 17.05 gjøgnum summarið

21/10/2024

vit nerta við stigma og fordómar á altjóða sálarheilsudegnum nú á kvf ljóð

Hvørjar fordómar hava vit áhaldandi um sálarsjúku og psykiatri? Í dag nerta vit við stigma og fordómar anno 2024 sent frá Altjóða Sálarheilsudegnum 2024