Sosialurin

12/07/2025

Tey ungu hava ongan livandi kjans um foreldur ikki vegleiða tey...

Soleiðis sigur Gitte Klein, sum seinastu árini hevur verið atfinningarsama røddin og hevur varskógvað okkum um at avmarka skíggjanýtslu hjá børnum og ungum. Herróp hennara er, at fer skíggjatíðin upp, so verður minni tíð til annað, ið gagnar menningini betri. Skíggin ávirkar børn og ung, men vansarnir við ov nógvari skíggjatíð eru ymiskir, alt eftir, hvussu gamalt barnið er.

Les samrøðuna við Gitte Klein í sosialinum hesa vikuna 😊

07/07/2025

Tey gleða seg at spæla sjónleik og film á føroyskum 😊

Hjem til Aarhus ella heim til Føroya.
Føroysku sjónleikararnir Kjartan Hansen og Sofía Nolsøe Mikkelsen flyta nú aftur til Føroya at búgva eftir drúgt áramál sum yrkissjónleikarar uttanlands. Tey eru par, eiga tvey børn og hava keypt hús í Havn. - Vit hava saknað familju og vinir í Føroyum og at spæla sjónleik og film á føroyskum máli, sigur Kjartan Hansen

Les samrøðuna við Kjartan Hansen og Sofía Nolsøe Mikkelsen í sosialinum hesa vikuna 😊

foto: Isak Hoffmeyer og Kim Glud

04/07/2025

Ferðavinna er ein týðandi partur á Kirkjubøgarði...

Tað eru longu fleiri ár síðan, at neytini fóru av garðinum, men garðurin eigur eitt áseyðatal, sum liggur væl omanfyri 300. – Eg vil siga, at valið hjá okkum stóð millum neytini og ferðavinnuna, nú fjósið stóð fyri stórum íløgum, um vit skuldu hildið fram við mjólkini, sigur Jóannes Patursson, bóndi

Í blaðnum hesaferð hava vit vitjað á Kirkjubøgarði hjá 55 ára gamla, Jóannesi Paturssyni og familju hansara. Les alla greinina í sosialinum hesa vikuna 😊

04/07/2025

Fríggjadagur er, og nýggjur Sosialur fæst til keyps og kann lesast á netinum 😊

Hósdagin 24. juni 2025 kom Krossstei­nur, heimsins størsti fóðurflaki, inn á Funningsfjørð. Les meir um heimsins størsta fóðurflaka í blaðnum.

Ellisakfarið hesaferð er ein Volvo 240 GLE frá 1988.

Næsta málið er at vinna HM, sigur Hallur Danielsen, ið er partur av umsitingini í HSF. Les meir í blaðnum.

Føroysku sjónleikararnir Kjartan Hansen og Sofía Nolsøe Mikkelsen flyta nú aftur til Føroya at búgva eftir drúgt áramál sum yrkissjónleikarar uttanlands. Tey eru par, eiga tvey børn og hava keypt hús í Havn. - Vit hava saknað familju og vinir í Føroyum og at spæla sjónleik og film á føroyskum máli, sigur Kjartan Hansen. Tey gleða seg at spæla sjónleik og film á føroyskum.

Eisini kanst tú lesa samrøðu við Jóannes Patursson, bónda. Ferðavinna er ein týðandi partur á Kirkjubøgarði, sigur hann.

Alt hetta og meir afturat er at lesa í blaðnum hesa vikuna 🙂

03/07/2025

Fiat 127 frá 1976

Thorstein Midjord í Havn eigur ein 49 ára gamlan Fiat 127 frá 1976. Hóast bilurin er næstan 50 ára gamal, er hann í góðum standi.

Tað var Robert Thomassen, arkitektur, sum keypti bilin úr Danmark og innflutti hann í 2012. Fyri nøkrum ár­ um síðan keypti Thorstein Midjord bilin.

Les meir um søguna og bilin í blaðnum, sum fæst til keyps og kann lesast á netinum :)

01/07/2025

Torkilsheygsgarður á Nesi hevur bæði seyð og ferðavinnu í sínum konsepti.

- Garðurin og tað virksemi, sum hongur uppi í hesum, eitt náttúrligt savningarstað hjá allari familjuni. Hetta er serliga í samband við fjall, fletting, hoygging og hegning – ja, eg haldi, vit kunnu siga, at garðurin gjøgnum so mong ár hevur knýtt ættarliðini saman, sigur Leivur á Torkilsheyggi.

Les samrøðuna við Leiv á Torkilsheyggi í blaðnum, ið fæst til keyps og kann lesast á netinum 😊

30/06/2025

Beint sum Jógvan á Lakjuni fór á talara­ stólin at halda ein fyrilestur um abba sín á samfelagsmøti í Klaksvík annan hvítu­ sunnudag – sortnaði tað fyri honum, hann small av einum hjartasteðgi. Tíbetur vóru fólk har, sum fingu lív í hann aftur.

– Eg fekk hjartastopp. Uttan nakra ávaring. Eg fór upp á talarastólin, har eg skuldi halda fyrilestur um abba annan hvítusunnumorgun klokkan 11. Eg føldi meg væl. Eg hugsaði ikki um nakað, fór bara upp, men so bleiv eg brádliga svimmul, og so var eg vekk.

Les alla samrøðuna við Jógvan á Lakjuni í blaðnum, sum fæst til keyps og kann lesast á netinum 😊

26/06/2025

25/06/2025

Veðurforsagnirnar fyri leygardagin eru ikki góðar. Tær boða frá ógvisligum veðri – so ógvusligum, at tað ikki verður mett forsvarligt at savna 4500 fólk í Vágsbotni

25/06/2025

- Eg havi fingið ALS - men eg eri ikki stúrin, sigur 76 ára gamla, Thordis Skaalum í Sørvági, ið er Primus-motorurin aftanfyri Sørvágs Country & Bluesfestival.

- Eg veit, at við sjúkuni ALS er tað bara ein vegur. Mítt motto er, at eg skal liva so leingi, sum eg livi, men eg havi eisini fyrireikað mína jarðarferð, sigur 76 ára gamla, Thordis Skaalum í Sørvági.

Les samrøðuna við Thordis Skaalum í blaðnum, ið fæst til keyps og kann lesast á netinum.