08/05/2026
So er tann 17. sosialurin í ár komin.... og har er ein rúgva av spennandi tilfari ;)
Tú kann millum annað lesa um, at eingin upptøka verður í tónlist á Fróðskaparsetri Føroya í ár, tí útbúgvingin í listaligum arbeiði skal spara. Les samrøðuna við Jens Dam Ziska, útbúgvingarleiðara í listaligum arbeiði.
Í blaðnum er eisini ein tíðargrein, ið eitur "Vit og vitlíki"... Próvtøkutíðin nærkast, og lærarar geva komandi vikurnar túsundtals ársmet og próvmet í fólkaskúlanum, miðnámsskúlanum og hægri lærustovnum. Eg tori at pástanda, at ongantíð hevur so stórur ivi verið um metingina sum nú. Hví? Tí tøknin enn einaferð hevur yvirhálað ein stagneraðan skúlaveruleika, men hesaferð við munandi hægri ferð enn áður.
Sjálvandi er Siðsøgan hjá Óla Jacobsen eisini í blaðnum. Hesaferð er yvirskriftin á siðsøguni "Sverri við Albert: Bumbaðir av týskarum"
Og so er Vinnan eisini við. Hesaferð eru byggivinnan og "hús & heim" evnini í vinnuni.
Her hava vit prátað við Kristian Krog Hentze, lærlingur og løgtingsmaður. – Jú, eg ætli mær at gerast liðugur og fáa sveinabrævið sum húsasmiður til heystar. Skjótt fer tingið í summarfrí, og tá tingið kemur saman aftur á ólavsøku, fari eg at royna at finna út av, hvussu læran kann samskipast við tingarbeiðið, sigur hann.
Nú stórt fokus er á bústaðartrot og bústaðarviðurskifti í Føroyum, og Norcon hevur prógvað, at íbúðir kunnu byggjast bíligari, enn vit síggja eitt nú í miðstaðarøkinum, eru nógv áhugað í at tosa við byggifyritøkuna í Vági um bygging. Vit hava tosað við teir, og samrøðuna kanst tú lesa í sosialinum ;)
"Vit hava ongantíð havt so nógvar fyrispurningar sum nú, og tað er næstan ikki dagur, at onkur ikki ringir og spyr um hús" tað sigur Beinir Nolsøe Olsen hjá Brigada hús.
So hava vit verið á vitjan hjá Duritu Viderø Gunnarsson og manninum Høgna Hammershaimb Andersen, sum hava bygt sær eini hús undir Varða í Havn. Eftir nógv ár í Danmark eru tey flutt heim. Tað hevði týdning at byrja nýggju tilveruna í einum heimi, sum tey sjálvi høvdu myndað, og tí avgjørdu tey at byggja nýggj hús. "Tað snúði seg um, hvussu rammurnar til okkara lív skuldu vera. Tilgongdin var sera góð og lærurík, og endaliga úrslitið er nógv ment, samanborið við har sum vit byrjaðu". Les samrøðuna og síggj myndirnar í blaðnum :)
"Eingin ger nakað einsamallur" sigur stjórin í J&K Petersen, Sigtór A. Petersen, sum ásannar, at hesi árini hava verið strævin, men at tey í felagnum eru ógvuliga væl nøgd við tað, sum er rokkið.
Eisini hava vit tosað við stjóran í Articon, Sunnvard Andreasen. - Tá vit hava ein stóran pakka, er vanligt, at vit heita á aðrar fyritøkur og veitarar um at hjálpa okkum. Hetta ger, at fleiri fáa nakað burturúr, og hetta ger tað eisini nógv stuttligari at arbeiða, sigur hann.
Heidi Mortensen er útbúgvin innanduraarkitektur og sniðgevi. Hon heldur, at tað týdningarmesta tá fólk skulu innrætta húsini hjá sær, er at tey seta sín persónliga dám á heimið. Les hvat annað hon sigur í vinnuni, ið er í sosialinum hesa vikuna :)
Á heysti í fjør boðaði Lív frá, at samtakið var farið inn á leiguíbúðamarknaðin. Lív fór undir at fyrireika verkætlanirnar eftir at P/f Fakfelag keypti helvtina av samtakinum í 2016, og nýggj íløguætlanin bleiv gjørd. – Kundarnir hjá okkum skulu hava eitt avkast, tað er tað vit koyra eftir, sigur Arnfinnur Gudjónsson sum er íløguleiðari hjá LÍV.
Sum tit síggja, so er ein rúgva av og góðum samrøðum, søgum og spennandi lesnaði í sosialinum hesa vikuna - gott vikuskifti :)
