Tasekla taqbaylit

14/08/2023

Adlis n Lidya n Ǧerǧer
Ass-a mačči d iḍelli

21/07/2023

Idlisen n massa Louisa Kaneb i d-yeffɣen deg 2023

19/07/2023

Anwi akk idlisen i d-yeffɣen deg 2023 ?

10/07/2023

Ad d-tili teẓrigt tis 4 n rreḥba n udlis n Cemmini "L'AGORA DU LIVRE" deg At Weɣlis (Bgayet) gar 13 d 15 yulyu 2023.

10/07/2023

Tasekla taqbaylit : yeffeɣ-d udlis amaynut n Djamel Mahroug ɣer teẓrigin Talsa.

05/07/2023

Ad d-tili teẓrigt tis 3 n rreḥba n udlis n At Wasif "Tamesrit n udlis amaziɣ" seg 27 ar 30 ctember 2023 deg uxxam n yilmeẓyen n At Wasif.

05/07/2023

Amaynut i d-yeffɣen di tsekla taqbaylit, ammud n tullisin "YENNA WAGU YENNA WAḌU" n Rachid TIGHILT, yeffeɣ-d di Lulu, (assaɣ) :
https://www.lulu.com/fr/search?page=1&q=rachid+tighilt&pageSize=10&adult_audience_rating=00

22/06/2023

fb.com/stars

19/06/2023

Amaynut deg udlis d tsekla n teqbaylit

17/06/2023

Tajmilt i Mhenni Xalifi

12/06/2023

Ur ḥbiseɣ ara taɣuri,rniɣ ar sdat ɣas akken " Tejreḥ tasa" mazal aktayen......↓↓↓↓↓

Amḍiq i tsekla taqbaylit yettwarun

23/04/2023

Ungal '' Tadist yettwaneεlen '' n tnagalt Massa Zohra Aoudia, Taẓrigt Imtidad, 2023.
Ferḥeɣ nezzeh mi qqareɣ s teqbaylit ullis i izaden, i icebḥen am wa, ijebbed seg yal tama ama d asentel ama d aɣanib ama d tikta daxel ama d tiknikat swayes tuli tiddi n uẓeṭṭa n wungal , yettcudd asugen s lxiṭ n wullis yeẓṭan akken i iwata, ur ak-tettruẓ ara tugna deg wallaɣ-ik, ad tḥulfeḍ aql-ik deg usaru ad twaliḍ deg-s yal tama, ulac acu i izeglen daxel, tiẓeḍt n tɣuri ara tmagreḍ deg-s ad k-teqqim deg wallaɣ, ad tafeḍ iman-ik daxel, d ungal ara k-yawin seg uḥric amezwaru s teqbaylit-nni i iḥemmel wul, yebɣa lxaṭer, rnu ɣer waya ad tegreḍ tamawt ɣef umhaz i d-yellan deg tira n tmarut ad tafeḍ tessaweḍ deg ungal '' Tadist yettwaneεlen'' ayen ur tessaweḍ ara deg wungal-is amenzu, ad tafeḍ teffeɣ i yiman-is tikkelt-a am tala yettfeggiḍen skud tettεemmireḍ skud tettfeggiḍ ad d-tefk ugar.

Ullis n Damya Fezgan yelli-s n Raẓan d ullis ilaw n leεtab d tmerẓuga i d-yettmagar yal ugujil ur nesεi imawlan deg tlemmast n tmetti taεibant deg wallaɣ-is i as-yesbubben ddnub n wayen ur d-ḥerren yifassen-is, tezzi-as-d tmarut i usentel-a seg yal tama, tesqerdec aṭas n temsal-nniḍen daxel tekker-as s kra din d tizemmar tesεa-tent, tettwel-as i ssenεa n wungal, i wullis, i uglam, i ccbaḥa n tutlayt, am uberṭali ara d-isebken taxatemt n lfeṭṭa, tesbek-aɣ-d massa Awdiya ungal-a s lqis, tewzen-it am txatemt. Tanemmirt tameqqṛant i tmarut ɣef teḥjurt-a taẓiḍant i d-terna ɣer temkerḍit taqbaylit, gedha ɣef uxeddim-a, afud igerrzen ɣer sdat deg ubrid n tira, awer yekkaw yimru yettazzalen s ccbaḥa-ayi. Tanemmirt tayeḍ.

Sɣur : Lynda Taḥaddiwt
-------------------------------------

Tamawt i yiselmaden n tmaziɣt: deg wungal-a ad tafem iḍrisen i ifazen nezzeh ara tesmersem i uselmed ( aḍris imesfukel, aglam, tukkisin n wullis i icebḥen i yisental yemgaraden ...) nekk s timmad-iw ferneɣ-d aṭas n yiḍrisen i ukayad amellal n lbak deg-s.