05/03/2026
Oghje hè un ghjornu particulare.
A rivista Orizonte hà persu una persona di prima trinca.
Un omu chì hà cunscratu a so vita à a Corsica, à a so cultura, à a so lingua è a so storia. Un omu chì hà incisu una stampa cunsiderevule in a nostra rivista, impastendu cun primura à dalli un'anima è à falla campà.
Iviu Battini era bellu più chè un cullaburatore. Era un musicante senza paru, d'una finezza è d'una sensibilità pocu cumune. Avia spartutu cù noi a so storia, quella di a musica corsa, e so passate, a so carriera, è tanti ricordi preziosi.
Ma era dinò è forse d'in prima, un gran pueta è un parullaghju magiore di a canzona corsa.
Sapia fà cantà e parolle cum'è si facenu ballà e corde d'un strumentu. I so scritti purtavanu a Corsica, i so pienti, e so fiertà, i so silenzii è e so speranze. Ghjè una memoria sana, una terra intera chì campavanu da i so versi.
Era dinò un filusofu, un omu di riflessione è di trasmissione, cù una parolla di valore è di ghjudiziu.
Oghje, cheremu à ognunu d'avvià un pinsà à quell'omu tamantu ch'ellu era.
Riposa in santa pace Gaël Ferrari è a squadra Orizonte
