L'Coin

27/08/2026

16/07/2026

السلام عليكم الخوت عندي مشكيل مع واحد الأخ خدامين فنفس البلاصة أنا امراة متزوجة كولشي كيحتارمني وحتى أنا داخلة سوق راسي مهم هذ السيد حاط عليا العين شحال هذي وهذ الأيام بدا كيضور بيا ضرت فيه گلت ليه عطيني بالتيساع راني مزوجة متيقنيش، وتعرض ليا ذاك نهار بغا اتكرفص عليا هربت منو بزز وحالتي عالم بيها غي الله سمحت گاع فالخدمة إوا ضبر على نمرتي كيهددني قالي غديري داكشي لي بغيت ولا والله حتى نخسر ليك وجهك ولا نشدك فشي بلاصة صحة بحكم عارفني فين ساكنة دبا دارني فبالو، راجلي مقلت ليه والو غيدير شي موصيبة مبغيتش ليه الضرر أنا مرضت مبقيت قادة نخرج معرفت شنو ندير مع هذ السيد أنا محجبة كنلبس مستور زعما ماشي شاف مني شي حاجة خايبة لي تخليه إلسقني هكا فكرت نشكي بيه ولكن كيهددني.
عتقوووووووووووووني اشنو ندييييير الله يرحم الوالدين

15/07/2026

كنعرف واحد السيد هادي عام و نص وقاليا وجدي راسك، السبت جاي غادي يجيب دارهم يدوي مع با و خوتي ، ولكن قاليا مزير ماعندوش باش يجي لدارنا قاليا سلفيني باش نشري ليك داكشي لي خاص بينما باع سلعة لي ياله بدا فيها مشروع 🙏 صيفطت ليه 6000درهم(مية و عشرين الف) باش يقدر يجي ويجيب معاه اللي خاص زعما اكبر بيا قدام العائلة و هو لي فرض عليا المبلغ قاليا غنجيب ليك داكشي همواي و واعدني انه غيبيع سلعة غيرجع ليا فلوسي من بعد قاليا خاصو يشري شي حوايج جداد باش يجي لابس مزيان، وأنا ما بغيتش نحشم قدّام عائلتي، زدت وصيفطت ليه عشرين الف أخرى.هي المجموع وصلنا ل مية و ربعين الف ريال ( 7000درهم )💔💔💔
‎ حنا ساكنين بعيدين على بعضيتنا 6 سوايع، يعني ملي غيجي هو وعائلتو خاصهم يباتو عندنا. دابا السؤال ديالي هو واش هاد الفلوس اللي عطيتو اقدر اضمصني فيهم ؟؟ و معندي حتا ورقة كتضمن ليا راه عطيتو الفلوس و لا ماكانش غاياكلني فرزقي واش الفلوس لي عطيتو كافيين باش يبان مزيان قدّام عائلتي ؟؟ولا نزيد نعطيه؟ مع العلم هو خدام بياع و شراي عندو كروصة فسوق كايخدم حر حسب الوقت ديالو. وأنا بصراحة اللي خلاني نبغيه هو أنه ما كيرضاش، وعندو شخصية، وزيد عليها كايغير عليا بزاف.والاكين صاحبتي دخلاتني الشك و قاتليا مشاو ليك فلوسك😭قالت ليا الا جا خطبك جي تال وجهي و دفلي 💔 باش تنصحوني الله ارحم الوالدين واش نقوليه اجي نديرو ورقة ديال السلف ولا حشومة عايب حيت غيولي راجلي ؟؟؟ نصائحكم راني تالفة ديروني فحال ختكم 🙏🙏🙏🙏

14/07/2026

واش صافي تأكدنا بلي المغرب مابغاش يلعب مع فرنسا داك النهار !!
و مكاين لا مؤامرة
و لا بيع و شرا

12/07/2026

شي فقيه صحيح هدا

09/07/2026

انا مشت نعس 😢

07/07/2026

⚡ إلى درتي 25 عام، خاصك تكون فهمتي هاد الدروس قبل ما يفوت الفوت…

🧵👇

1️⃣ تعلم شي مهارة رقمية كتدخل الفلوس
⏰ عطِ ساعتين فنهار علاقل لشي مهارة مطلوبة فالسوق، بلاما تشتت.

2️⃣ كيفاش تبدا؟
🎯 اختار مهارة وحدة، تبع واحد كيفهم فيها، وخدم عليها 100 نهار بلاما توقف.

3️⃣ الصالير بوحدو ما ماعمرو يغنيك
💰 إلا بغيتي ترتاح مادياً، خاصك تبني أكثر من مصدر ديال الدخل.

4️⃣ اختار الناس اللي دايرين بيك
👥 تصاحب مع ناس كيهضرو على البيزنس، الفلوس، والتطور…
المحيط ديالك كيقدر يطلعك ولا يهبطك.

5️⃣ ربح من المعرفة ديالك
✨ تعلم شي حاجة، طبّقها، ومن بعد بيع الخدمة ديالك ولا علمها لناس خرين.

6️⃣ إلا تالف، بدا بوحدة من هاد المهارات
🛠️
• البيع (Sales)
• البرمجة
• التسويق الرقمي
• Copywriting
•المحتوى
•التصميم ومهارات اخرين ب AI …

ركز على مهارة وحدة لمدة 3 شهور على الأقل.

7️⃣ قرا كل نهار
📚 وخا غير 30 دقيقة.
الناس الناجحين كيتعلمو حياتهم كاملة.

8️⃣ ما تبقاش فمدخول واحد
📈 بنّي استثمارات وأصول مع الوقت، وخلي الفلوس تخدم عليك مع الوقت.

9️⃣ بنّي الاسم ديالك فالأنترنت
🌍 دير محتوى، شارك التجارب ديالك، بنّي جمهور…
راه الأنترنت ولى أكبر فرصة باش تبدل حياتك.

🚀 إلى بديتي بهاد الخطوات دابا، من بعد 5 ولا 10 سنين غادي تشكر راسك على القرار اللي خديتي اليوم.

🚨 و متنساش بلي بين 2026 و 2036 كاينا سيمانة

♻️ بارطاجي هاد المنشور مع شي واحد عندو بين 20 و30 عام، يمكن تبدل ليه المستقبل.

💬 و قوليا شنو هي المهارة اللي غادي تبدا تتعلمها من اليوم؟