RadioMergimi.com

28/05/2026

Sot zemrat tona janë të mbushura me pikëllim për humbjen e dëgjueses sonë të dashur, Fahries, e cila ishte një mike e afërt e Radio Mërgimit dhe pjesë e pandashme e emisioneve tona. Bashkë me bashkëshortin e saj Rexhepin, ata ishin dëgjues të rregullt që me fjalët, humorin dhe praninë e tyre na argëtonin dhe na jepnin motiv në çdo emision.

Ndarja e saj nga jeta ka lënë një dhimbje të madhe tek familja, miqtë dhe tek të gjithë ne që e njohëm përmes valëve të radios. Ajo la pas fëmijët e saj të vegjël, të cilëve u mungon tani ngrohtësia dhe dashuria e nënës së tyre.

Në këto momente të rënda, lutemi me zemër që i Madhi Zot, me mëshirën e Tij, ta forcojë dhe ta shërojë Rexhepin, i cili ndodhet i shtrirë në spital duke luftuar me sëmundjen e kancerit. Për hir të fëmijëve të tyre, lusim Zotin t’i japë forcë, shpresë dhe shërim.

Familjes së Fahries i shprehim ngushëllimet më të sinqerta. Kujtimi për të do të mbetet gjithmonë në zemrat tona.

I qoftë i lehtë dheu dhe Zoti e mëshiroftë Fahrien.

(Me datë 29.05.2026 e premte në mbrëmje nga ora 20h00 deri 21h00 Emisioni "Ngushëllime nga dëgjuesit për familjen Zogaj-Sallahaj)

27/05/2026

06/05/2026

Për të gjithë ju që dëshironi të regjistroheni për të votuar në zgjedhjet e 7 qershorit, klikoni:

KQZ

18/02/2026

Të dashur dëgjues të Radio Mërgimit,
Në këtë muaj të madhërishëm të Ramazanit, ju përcjellim urimet më të përzemërta nga zemra. Urojmë që kjo periudhë e shenjtë t’ju sjellë paqe, shëndet, begati dhe forcë shpirtërore.
Agjërim të lehtë, lutje të pranuara dhe zemra të mbushura me dritë e mirësi.

Urime muaji i shenjët i Ramazanit për ju dhe familjet tuaja, kudo që ndodheni!

17/02/2026

🇽🇰 Gëzuar 18-vjetorin e Pavarësisë së Kosovës! 🇽🇰

Sot shënojmë 18 vjet liri, sakrificë dhe krenari kombëtare. Një ditë e shenjtë për të gjithë shqiptarët, kudo që ndodhen, veçanërisht për mërgatën që gjithmonë ka qenë dhe mbetet shtyllë e fortë e atdheut.
Radio Mërgimi ju uron nga zemra 18-vjetorin e Pavarësisë së Kosovës, duke kujtuar me respekt të gjithë ata që sakrifikuan për lirinë dhe shtetin tonë. Le të vazhdojmë ta ndërtojmë të ardhmen me unitet, punë dhe dashuri për vendin.

Lavdi dëshmorëve!
Rroftë Kosova e lirë dhe e pavarur! 🇽🇰

Me respekt staffi
Radio Mërgimi

30/01/2026

Me dhimbje të thellë mora lajmin për ndarjen nga jeta të kolegut dhe mikut tonë, Agim Sejdiu, nga Presheva, i cili jetonte në Bruksel.(Belgjikë)
Agimi ishte dëgjues i rregullt i Radio Mërgimit, veçanërisht i emisionit “Brenga e Jete”. Për shkak të shqetësimeve shëndetësore, ai shpesh ishte i preokupuar dhe i ngarkuar emocionalisht. Pas një emisioni të së dielës për Mjekësinë Alternative, më kontaktoi personalisht dhe më tregoi për gjendjen e tij shëndetësor (Diabeti)
Jetonte në Bruksel, bashkëshorten dhe fëmijët i kishte afër.Me dëshirën për ta ndihmuar dhe për t’ia larguar sadopak brengat, e ftova t’i bashkohej Radio Mërgimit si moderator. Agimi kishte një zë fonik, të ngrohtë dhe shumë të afërt për dëgjuesit. Edhe pse nuk kishte përvojë të mëparshme si moderator, pas shumë hezitimesh e vështirësish, ai pranoi. Në fillim të vitit 2019 shkova ta takoj në Bruksel dhe t’ia dërgoj teknologjinë e nevojshme për punë. Ishte një njeri i mirë, i sjellshëm dhe i bekuar. Me fillimin e pandemisë COVID-19, Agimi u bë edhe më i shqetësuar dhe i frikësuar, sidomos për shkak të shëndetit dhe sëmundjes së diabetit nga e cila vuante. Ne si kolegë përpiqeshim gjithmonë ta mbështesnim, ta inkurajonim dhe ta qetësonim përmes bisedave dhe humorit, vetëm që të mos ndihej i vetëm. Për fat të keq, pas disa keqkuptimeve dhe dyshimeve të pabazuara, ai vendosi të largohej nga moderimi dhe gradualisht edhe nga shoqëria. Edhe pse u largua nga radio, kontaktet tona private nuk u ndërprenë kurrë, sepse shëndeti dhe mirëqenia e tij na kanë interesuar gjithmonë.
Sot, me zemër të thyer, mora lajmin e hidhur se Agim Sejdiu ka ndërruar jetë.
Në emrin tim personal, në emër të gjithë kolegëve të Radio Mërgimit dhe në emër të dëgjuesve tanë, shprehim ngushëllimet më të sinqerta për familjen Sejdiu, për shoqërinë dhe për të gjithë ata që e njohën Agimin.

Allahu të mëshiroftë, mik i dashur.

Kujtimi yt do të mbetet gjithmonë me ne.
Lamtumirë Gimoo 😮‍💨

09/12/2025

Ju lutem Shpërndane sa më shumë!

Thirrje për gjithë bashkatdhetarët tanë në Francë, veçanërisht në qytetin e Nicës!

Ne, familjarët e Sahit REKËS, i lindur me 09/12/1954 në fshatin Korbliq komunë e Kaçanikut, ju drejtohemi me lutjen më të sinqertë Për Radio Mërgimi, për të na ndihmuar në zbardhjen e fatit të tij, pasi prej 26 vitesh nuk kemi asnjë kontakt dhe nuk dimë asgjë për të.

Nëna e Sahitit, sot 90-vjeçare dhe e sëmurë, jeton vetëm me një dëshirë të fundit: ta dëgjoj edhe një herë zërin e djalit të saj, para se ta lë këtë botë. Ajo shpesh thotë: “Nuk dua të mbyll sytë pa e dëgjuar edhe një herë zërin e tij.”

Kontaktet e fundit janë bërë përmes një numri telefoni që nëna e tij e kishte ruajtur.
Personalishtë kemi kontaktuar me personin dhe në fillim të bisedës pranoj që mbiemri i ti është REKA, por që tha se quhej :Serge!! Fillimisht pohoi se kishte të bënte me personin që kërkonim, por sapo u përmendën detaje rreth familjes, biseda u ndërpre. Fatmirësisht, kjo bisedë është regjistruar nga Studio e Radios së Mërgimit, dhe familjarët e kanë konfirmuar se zëri i përket Sahitit.
Për këtë arsye, kërkojmë ndihmën tuaj, veçanërisht të komunitetit shqiptar në NICË të Francës, për ta identifikuar ose për të dhënë çfarëdo informacioni që mund të ndihmojë në gjetjen e tij.

Kjo nënë nuk kërkon asgjë tjetër – as sqarime, as justifikime, veçse të dëgjojë për pak çaste zërin e djalit të saj.

Nëse dikush nga ju e njeh, e ka parë, ka punuar dikur me të, apo ka ndonjë informacion, ju lutemi shkruani në koment ose kontaktoni privatisht.

Një lajm i vogël për ju, mund të jetë jetëshpëtues për një nënë!!!!

🙏 Ndihmojeni të gjejë qetësinë e shpirtit para se të jetë vonë.!!!

06/12/2025

Të dashur dëgjues të Radio Mërgimit,

Ju njoftojmë se duke filluar nga data
20 dhjetor, Radio Mërgimi do të jetë në pushime dimërore!

Me këtë rast, ju urojmë gëzuar festat e fundvitit, shumë shëndet, mbarësi dhe gëzim në familjet tuaja!

Me programet dhe emisionet tona të rregullta do të rikthehemi sërish më 5 janar 2026, të gatshëm për një vit të ri të mbushur me energji, zëra të rinj dhe përmbajtje të reja për komunitetin tonë.

Faleminderit që jeni pjesë e jona dhe që na shoqëroni çdo ditë!

Me respekt,
Radio Mërgimi