Rilindja Online

05/09/2025

Sot vizituam Fit4Life në Lipjan, një biznes familjar model, i udhëhequr nga Razim Misini me bashkëshorten.

Prej vitit 2009, “Fit4Life” është adresë e disiplinës dhe suksesit në sport, ku spikat edhe djali i tyre, Altin Misini, kampion në kategorinë Men’s Physique për Kosovë.

Krenari për familjen Misini, si dhe për Lipjanin që ka biznese të tilla inspiruese!

05/09/2025

Po të kthehej Hashim Thaçi nga Haga, cilin do ta zgjidhnit kryeministër të Kosovës, atë apo Albinin?

04/09/2025

Mirëmbrëma nga Dobraja!

Së bashku me Agonin, kandidatin tonë për Kuvend Komunal, kafen e mbrëmjes e ndamë me qytetarët e Dobrajes. Diskutuam hapur për sfidat me të cilat përballet sot ky fshat dhe paraqitëm ofertën tonë politike për zgjidhjen e tyre.

Mbështetja dhe përkrahja e fuqishme që morëm nga Dobraja na motivon edhe më shumë për të vazhduar rrugën tonë për ndryshim!

Fitorja është e jona!

02/09/2025

Nga sfidat tek mundësitë: Rruga e grave të Lipjanit drejt fuqizimit

Së bashku me Aferditen, kandidaten tonë për Kuvendin Komunal, takuam disa gra nga qyteti i Lipjanit, me të cilat identifikuam bashkërisht sfidat e grave në Lipjan, si dhe diskutuam për rolin e komunës në menaxhimin dhe tejkalimin e këtyre sfidave.

Jam thellësisht i përkushtuar që, në konsultim me gratë, të hartojmë politika, masa, programe dhe projekte specifike, që objektiv kryesor kanë rritjen e fuqizimit socio-ekonomik të grave, si dhe rritjen e ndikimit të tyre në qeverisje dhe vendimmarrje.

01/09/2025

Zhegrova mirëpritet ngrohtësisht në Juventus me flamurin e UÇK-së, ai vë nënshkrimin në të 🇦🇱

29/08/2025

28/08/2025

Sot, së bashku me Mustaf Gashin, ShPK, pronarin e një prej kompanive më të mëdha të ndërtimit në Lipjan e Kosovë, vizituam vendpunishtet ku po krijohet zhvillimi i së ardhmes në Kompleksin Grand Tower, Prishtina e Re. Ky biznes është shembull i zhvillimit në komunën tonë. Me punësimin e një numri të madh punëtorësh nga Lipjani, ai siguron jo vetëm vende pune, por edhe mirëqenien e shumë familjeve lipjanase.

Si Kryetar i ardhshëm i Lipjanit, kam një zotim të qartë: hartat zonale do të rishikohen në konsultim të hapur me sektorin privat; nuk do të ketë ndërhyrje politike në punën e sektorit; do të fuqizohet stafi profesional komunal për t’i shërbyer më mirë palëve.

Por mbi të gjitha ndërtimi në Lipjan do të zhvillohet dhe do të rriten standardet, do të promovohen të drejtat e punëtorëve në këtë sektor, sidomos siguria dhe shëndeti në punë, si dhe do të kërkojmë banim të përballueshëm dhe të qëndrueshëm për qytetarët tanë.
Ky është ndryshimi që e meritojnë punëtorët, bizneset, si dhe çdo qytetar i komunës sonë.

Fitorja është e jona!

28/08/2025

Xhemail Zeqiri, ish aktivist i hershëm i Rinisë Demkratike dhe më pas i PDK-së, tash menaxher i lartë në një kompani prestigjioze dhe me Master në Menaxhment, na bashkohet fuqishëm në mbështetje për kandidaturën time për Kryetar të Komunës së Lipjanit.

Me përvojë, kredibilitet dhe rezultate të dëshmuara, ai beson se ka ardhur koha për ndryshimin e madh në Lipjan!

28/08/2025

Mirëmëngjesi, Lipjan!

Bekim Bytyqi nga Qylaga, së bashku me familjen e tij, anëtarë të deritanishëm të LDK-së, sot aderuan në radhët e PDK-së dhe ofruan mbështetje të plotë për Kryetarin Shukri Buja.

Ky bashkim është dëshmi se vizioni ynë për zhvillimin e Lipjanit po fiton gjithnjë e më shumë përkrahje nga qytetarët e të gjitha fshatrave e lagjeve.

Fitorja është e jona!

26/08/2025

Mirëmbrëma nga Torina

Së bashku me kandidatin për Kuvend Komunal, Besimin, sonte qëndruam në lagjen Jusufi në Torinë, ku u mirëpritëm me shumë ngrohtësi nga anëtarë, simpatizantë dhe mbështetës të PDK-së.

Energjia dhe përkrahja që na jepni çdo ditë janë forca jonë për të ecur drejt fitores dhe për të ndërtuar një të ardhme më të mirë për Lipjanin!

Kjo mbështetje e fuqishme është për Kryetarin Buja dhe kandidatin tonë për Kuvend Komunal, Besim Jusufi.

Fitorja është e jona!

25/08/2025

Ismet Jashari - një ikonë e luftës, e organizimit dhe e disiplinës ushtarake, sot shënon përvjetorin e përjetësisë së tij, njëkohësisht edhe përvjetorin e dëshmorëve të Brigadës 121 të Zonës Operative të Pashtrikut.

E kujtoj me krenari kohën kur vepronim së bashku në Lëvizjen Popullore të Kosovës (LPK) dhe ti vije në redaksinë e gazetës “Zëri i Kosovës”.
Kujtoj rrugëtimin tonë drejt Kosovës, në marsin e vitit 1998, bashkë me Agim Bajramin, Abenë, Fehmiun dhe Xhevën. Me trup atleti dhe plot energji, ti ishe gjithmonë i gatshëm për sakrificë, i përkushtuar pa rezervë ndaj çështjes kombëtare.

Të kujtoj në betejat heroike të Llapushnikut e Carralevës, Qafës së Duhlës e Blinajës. Të kujtoj në plagët e lirisë, në Kleçkën legjendare, ku lufta u bë histori dhe gjaku u bë flamur.

E kujtoj me emocione të thella takimin tonë të fundit, kur të dhashë këmishën ushtarake që e doje aq shumë. Një moment i thjeshtë, por që sot peshon rëndë në kujtimet dhe krenarine time.

Sot, kujtimet më rëndojnë, por ato janë kujtime të lavdisë.
Ti u përjetësove më 25 gusht 1998 për t’u kthyer në LEGJENDË.

Lavdi veprës, luftës dhe jetës së Komandant Kumanovës!
Lavdi dëshmorëve të Brigadës 121 të ZO të Pashtrikut!
Lavdi të gjithë dëshmorëve të kombit!

24/08/2025

Mirëmëngjesi, Lipjan!

Me energji të reja dhe me besim të plotë, bashkë po ecim drejt fitores.

Lipjani meriton më shumë, dhe kjo është koha jonë!