رياض جغام

رياض جغام Riadh Jegham

26/09/2025

"كذلك قال ربّك هو عليّ هيّن"...صدق اللّه العظيم ...خلّوها على ربّي فقط كونوا كما يحبّكم و ما تعرفش من أين يأتي ف*ج اللّه...

26/09/2025

يا رسول اللّه لو كان لي قلبان عشت بواحد و تركت آخر في هواك يتيّم ...
فصلّوا عليه و سلّموا...

منتصر عمّار...يشرّف ليتوال لاعبا و مسؤولا ...فقط نجح مع الصّغار ...فشل مع الكبار ...الإختلاف ثقافة و تربية و ذوق ...قد ل...
26/09/2025

منتصر عمّار...يشرّف ليتوال لاعبا و مسؤولا ...

فقط نجح مع الصّغار ...فشل مع الكبار ...

الإختلاف ثقافة و تربية و ذوق ...قد لا أكون معك في رأي و موقف و قرار و اختيار و لكن لا شيء يبيح لي أن أنال منك و أخوّنك و أشيطنك و أسبّك ...منتصر عمّار المدير الرياضي المستقيل مؤخّرا هو ولد ليتوال ...و هو لاعب دولي ...و هو من أنظف ما تعرف ...و هو مسؤول في مركز تكوين شبّان النّجم و ساهم في ولادة أجيال في النّجم ...و إنجازاته في المركز لا يمكن عدّها و لا حصرها ...اختاره زبيّر بيّة ليكون مديرا رياضيّا في مجموعته منذ الموسم الماضي ...لا ننكر ما قام به من تضحيات كمتطوّع لخدمة النّجم و هذا هام ...لأنّه لا يجب أن ننسى دائما أنّ ليتوال يتقدّم لخدمتها متطوّعون يقدّمون تضحيات مهما كانت بعد ذلك قيمة و نجاعة ما يقدّمونه...كنت أوّل من انتقد منتصر عمّار عندما صرّح بكلّ قسوة و إساءة و إهانة و جحود للمدرّب ولد ليتوال محمّد المكشّر أنّه سيتمّ تعويضه بمدرّب " كاليبر آخر" و هو لسعد الدريدي ...و منتصر تعرّض لحملة كبيرة في المدّة الأخيرة لأنّ الجماهير لم تقبل أن يعجز النّجم عن انتداب و توفير ملاعبية وسط دفاعيين محترمين و في قيمة النّجم و المدير الرياضي كان لاعب وسط دفاعي ... و الجماهير لم تقبل أن تكون انتدابات النّجم في مستوى الحسن دياو و غيره... و الجماهير لم تقبل أن يكون الفريق بلا روح و لا نغرة و لا قرينتا و لا عناد و لا غيرة على الفريق و لا انسجام و لا تواصل و لا لحمة ...غضب جماهير النّجم مشروع ...و لكن لا شيء يبرّر السبّ و الإهانات و تطييح القدر التي يعتمدها البعض ...منتصر عمّار كما أعرفه راجل و إيتواليست نظيف و صادق ...ربّما أساء التّقدير و أخطاء في عديد الإختيارات ...و لكن تلك هي المسؤوليّة تنجح تبقى ...تفشل تغادر...و منتصر عمّار نجح مع الصّغار ... و فشل مع الكبار ...

جاري العزيز موظّف بلديّة حمّام سوسة...رشدي الدوّاس...اليوم آخر حصّة عمل و يتقاعد ...و ربّي يشدّك بصحّتك ... لكلّ بداية ن...
26/09/2025

جاري العزيز موظّف بلديّة حمّام سوسة...رشدي الدوّاس...

اليوم آخر حصّة عمل و يتقاعد ...و ربّي يشدّك بصحّتك ...

لكلّ بداية نهاية ...هكذا المولى ...عندما صنع هذه الدّنيا جعل لها قاعدة ...لا شيء يدوم إلاّ وجهه...جاري العزيز صديق الطّفولة رشدي الدوّاس ملك مكتب الضّبط في بلديّة حمّام سوسة لعدّة عقود من الزّمن تنتهي رحلته مع بلديّة حمّام سوسة اليوم مع نهاية حصّة العمل و يكون بعدها قد قضى 41 سنة من العمل في البلديّة ...المشوار طويل و طويل جدّا بلا شكّ فيه أكثر من 4 عقود من الزّمن منح فيها رشدي الدوّاس البلديّة كلّ شيء ...بعضا من وقته و صحّته و شبابه و عائلته ...مثلما منحته البلديّة المكانة التي هو فيها بين النّاس و هكذا هي الدّنيا أخذ و عطاء ...من يقول رشدي الدوّاس يقول بالتّأكيد مكتب الضّبط ...و رششدي تعامل مع عشرات المسؤولين الكبار من رؤساء البلديّة و كتّابها العامين و اكتسب خبرة طويلة جعلته محلّ ثقة و تقدير و احترام من الجميع ...رشدي جاري العزيز أنت بالتّأكيد مقبل على مرحلة جديدة ستحاول التخلّص فيها من إدمان اسمه البلديّة لأنّه بعد 40 سنة و حياتك بكلّ جزئيّاتها و تفاصيلها معدّلة على العمل البلدي فلن يكون هيّنا و سهلا و بسيطا أن تبدأ يومك و تعيش حياتك من دون بلديّة و مشاغلها ...ربّي يشدّك بصحّة بدنك جاري العزيز و ربّي يطوّل عمرك في الخير ...و يرحم بابا علي ...

الدّنيا دروس ...من سليمان ...عادت الرّوح...و سيعود الإطمئنان...الكرة حالة انتشاء و شيخة و تسلطن ...الكرة أبدا عمرها و لا...
25/09/2025

الدّنيا دروس ...

من سليمان ...عادت الرّوح...و سيعود الإطمئنان...

الكرة حالة انتشاء و شيخة و تسلطن ...الكرة أبدا عمرها و لا كانت مرمّة و شانطي اخدم وروّح...الكرة معنويّات و حالة نفسيّة و حالة ذهنيّة تحوّل حتّى الملاعبيّة العاديين إلى مجانين كرة ...المدرّب لسعد الدّريدي و إلى آخر يوم في النّجم و هو يبحث عن العصفور النّادر ...لم يفعل شيئا على المستوى الذّهني لمجموعته و لاعبيه ...زبيّر بيّة و منتصر عمّار و مرافق الفريق و كلّ ذلك الفيلق الإداري المحيط بالفريق لم يلعب على روح المجموعة و انسجامها و لحمتها و تواصلها ...و المسؤوليّة لا تقف عند انتداب لاعب بل تتجاوز ذلك لتشمل اندماجه و ضمان انصهاره في القروب ...الدّنيا دروس ...و مخطيء و غالط من يعتبر أنّه لا يحتاج دروسا من أحد ...الدّرس وصل كأقوى و أبلغ و أعمق ما يكون...صحيح الثمن غالي برشا...و لكن المهمّ التّدارك ...في سليمان تحقّق الفوز و من دون تفاصيل يبقى فوزا تحتاجه نفسيّة الجميع لاعبين و مسؤولين و أحبّاء ...و هنالك في النّجم ما يمكن أن نبني عليه ...و عشيّة السبت القادم في مقبرة الغزاة الفريق السوداني ضحيّة أخرى من ضحايا هذا الملعب و سيعرف كلّ طرف حجمه الحقيقي ...و بقدرة ربّي باش تكون ف*جة و شيخة و شبعة أهداف ...

23/09/2025

و الله الروايح الكريهة و العفنة و المقرفة للحاوية نصف مطمورة أمام مدرسة طريق تونس جريمة في حق الأطفال و الصغار قبل الكبار...سيدتي البلدية ما رأيك؟

في النّجم مجموعة لا تستحقّ الإحترام...لا روح...لا انتماء...لا نغرة...و تقول خدّامة حزام ...أتذكّر و نحن أطفالا صغارا و ك...
21/09/2025

في النّجم مجموعة لا تستحقّ الإحترام...

لا روح...لا انتماء...لا نغرة...و تقول خدّامة حزام ...

أتذكّر و نحن أطفالا صغارا و كنّا نلعب في بطاحي الحومة يظلّ كلّ طفل فينا يستحضر لاعبه المفضّل حباشة و جنيّح و القروي و بكّاو و كمّون و غيرهم من الأساطير و نظلّ نلعب و نصرخ بالرّوح بالدمّ نفديك يا ليتوال ...فنكتشف قوّة أخرى و مددا آخر يحوّلنا إلى مجانين و حتّى عندما تتعطّل الأقدام تظلّ القلوب حيّة ...اليوم اللّي نشوفوا فيه في ليتوال ما عمرنا ما تخيّلناه في النّجم ...يا رسول اللّه حتّى ملاعبيّة الحومة كيف يلعبوا على كسكروت أو شيشة يتحمّسون و ينغرون ...ملاعبيّة رياضة و شغل لا يقبلون الهزيمة و أحيانا تشعل من أجل مخالفة ...و احنا في ليتوال ملاعبية تأكل ثلاثة مع العمران بعد تحضيرات و كأنّ شيئا لم يكن...و تخسر في أولمبي سوسة ضدّ الإفريقي و كأنّ الأمر عادي ...و تستسلم لهزيمة هزليّة مضحكة في أولمبي سوسة قبل 10 دقائق على نهاية اللّقاء و كان النّجم متقدّما بهدفين ؟؟؟...يا حبيبي ملاعبيّة ليتوال تقول خدّامة حزام اخدم و مركي الجرناطة و روّح ...ما على بالهم بشيء ...تستوي عندهم الأشياء الرّبح و الخسارة و تاريخ النّادي و معاناة الجماهير و قهرتها ...ملاعبيّة لا يجدون خلفهم قائدا يحفّزهم في الملعب و يبكي بالدّموع على جمعيّته و لا يجدون على البنك مسؤولا يتهزّ و يتنفض و يصرخ و يقطّع روحو ليمرّر لهم الإرساليّة ...و لا يجدون رئيسا يدخل عليهم حجرات الملابس و يطيّح لهم قدرهم و يذكّرهم بشناعةة و فظاعة ما يفعلونه في حقّ ليتوال...لا يجدون مسؤولا يجلس إلى المدرّب و يحاسبه و يطالبه بتفسير للمهازل التي تحدث في حقّ ليتوال ...لا يجد رئيسا يحاسب مسؤول الإنتدابات و المدير الرياضي على الكاراكوز الرياضي الذي يحدث في الفريق ...باختصار شديد المجموعة التي تحيط بالنّجم من مسؤولين و لاعبين تفعل كلّ ما في وسعها من أجل مرمدة ليتوال و تطييح قدرها و تشليكها و النّيل من تاريخها في سنة المأويّة ...و ربّي يبقّي السّتر على ليتوال ...

سيّدي الرّئيس...زبيّر بيّة...وضع ليتوال تعيس...فأين القرارات الفوريّة ؟؟؟...النّاس اللّي لا تقبل أنت دروسها...تذكّر أنّك...
20/09/2025

سيّدي الرّئيس...زبيّر بيّة...وضع ليتوال تعيس...فأين القرارات الفوريّة ؟؟؟...

النّاس اللّي لا تقبل أنت دروسها...تذكّر أنّك تتصرّف بفلوسها...

زبيّر بيّة كرامتك سيّدي محفوظة ما دمت تحفظ كرامة ليتوال...و احترامك حقّك علينا كإيتواليست و كلاعب دولي قائد للنّجم و كرئيس شرعي لليتوال و لكن سيّدي صحّة الرّأس و الغرور و التّعالي و التكبّر و ادّعاء الحكمة و امتلاك الحقيقة و منطق إش يا ذبّانة هذا سلوك يعنيك أنت في حياتك الخاصّة و لكن نحن على يقين من أنّه لا يمكن أن يقدّم لنا مسؤولا ناجحا ...نريدك أن تبقى رئيسا للنّجم باع و ذراع و إنجازات و قرارات و لمّ شمل و تقريب الكفاءات و التّعويل عليها في موسم المأويّة الذي من المفروض أن يشتعل فيه السّاحل و نصنع الحدث و يستعيد النّجم توهّجه و اشتعاله موش نصبح أضحوكة و الحيط القصيّر اللّي يجي يفحّج و يركب و برشا تمرميد و تشليك و تطييح قدر...تعاملك مع محمّد المكشّر بقطع النّظر عن الإبقاء أو الإستغناء عليه فيه برشا جحود...تعاملك مع الدّكتور العكروت و لن نخوض في التّفاصيل فيه برشا جحود...تعاملك مع من وجدهم النّجم وقت الحاجة ممّن قدّموا مئات الملايين لتخرج و تحكي عن صراع عائلات وهمي لا اساس له من الصحّة فيه برشا جحود...إصرارك على المدرّب لسعد الدّريدي و تمسّكك به و حمايته رغم تغفيصه و هزّانه و نفضانه من دون محاسبته و تنكّرك لتقاليد النّجم بما يسيء لاسم الفريق و تاريخه و هيبته فيه برشا جحود...خروجك بعد الفوز على قابس بتصريح عنتري تقول فيه أنّك لا تقبل من النّاس و الأحبّاء دروسها و لكنّك يا حبيبي تتصرّف بفلوسها و هذا جحود ...ناس يعلم بيها ربّي تنحّي من لحمها و الدّكتور العكروت يدور في الساحل حومة حومة و زنقة زنقة باش يجيبك المليارات و من بعد تخرج أنت تتسردك و ترفض الدّروس ؟؟؟...فمن ينتدب كميونة اللاعبين المضروبين من الحسن دياو إلى ماهر الصغيّر لا يستحقّ دروسا فقط و لكن دروس خصوصيّة و دروس تدارك ...سيّدي رئيس النّجم ...هنالك مشكل في ليتوال...هنالك أزمة ...و المطلوب منك يا رئيس أن توفّر الحلول و تتّخذ القرارات و تفرّ بالنّجم من العبث و الكارثة...أنت أمام امتحان ثاني ...لأنّ امتحان تركيز فريق يليق بالمأويّة و احتفالاتها يبدو أنّك مررت بجانبه ...اليوم أنت أمام امتحان حقيقي و لا نتمنى لك إلاّ النّجاح في العودة بالفريق إلى مساره العادي على الأقلّ...

المدرّب منتصر الوحيشي ...يقدّم نفسه في جرجيس ...لمن لا يعرفه ...وجعتني برشا الحملة التي تعرّض لها المدرّب منتصر الوحيشي ...
18/09/2025

المدرّب منتصر الوحيشي ...

يقدّم نفسه في جرجيس ...لمن لا يعرفه ...

وجعتني برشا الحملة التي تعرّض لها المدرّب منتصر الوحيشي بعد لقاء النّجم ...الرّجل سحق ليتوال و سيطر بالطّول و العرض و وفّر فرص التّهديف الواضحة و كان واضحا و جليّا أنّه أعدّ مقابلته و قرأ منافسه و كان المدرّب لسعد الدّريدي أمامه بلا حول و لا قوّة يعوّل على فورمة صبري بن حسن و فشل مهاجمي المنستير ...و مع ذلك يتعرّض منتصر الوحيشي لحملة لا مبرّر لها ...فكلّ واحد يفهم شويّة في الكرة يقتنع يقينا أنّ المنستير لها طابع لعب و لها هويّة و لها شخصيّة فنيّة و تكتيكيّة كفريق و مجموعة ...و ليس سهلا على أيّ مدرّب يأخذ المشعل عن المدرّب الكبير فوزي البنزرتي أن يحافظ على مستوى الفريق رغم خروج بعض ركائزه المؤثّرة و عدم توفير بدائل...أنا تحدّثت من قبل إلى منتصر الوحيشي و إنسانيّا قدّاش الرّاجل " كلاس " ... و قدّاش مغروم بالكرة و بالتّدريب و له إلمام واسع بكلّ صغيرة و كبيرة ... و الرّجل يترك نصف جرايته في الكتب و المجلاّت و البحوث التي تتعلّق بكرة القدم ...و الرّجل يترك جزء من جرايته في السّفر يتابع تمارين الفرق الكبرى و مقابلاتها ...المدرّب منتصر الوحيشي يتحوّل إلى جرجيس التي هزمت الإفريقي و الصّفاقسي و يربحها في جرجيس نتيجة و إقناعا و يحرمها من كلّ عناصر قوّتها و يشلّ حركتها و يسيطر عليها بالطّول و العرض ...فرحان برشا للمدرّب التونسي الشاب منتصر الوحيشي لأنّه استغلّ تنقّل جرجيس ليقدّم نفسه لمن لا يعرفه و كفى ...

جلال دحمان ...الدّكتور جرّاح المفاصل و العظام ...كلّ عام و أنت بخير ...يا جرّاح يا كبير ...الكبير ربّي ...و لكن في مجال ...
18/09/2025

جلال دحمان ...الدّكتور جرّاح المفاصل و العظام ...

كلّ عام و أنت بخير ...يا جرّاح يا كبير ...

الكبير ربّي ...و لكن في مجال اختصاصه جراحة المفاصل و العظام و باعتبار الخبرة الطّويلة في مستشفى فرحات حشّاد و مستشفى سهلول و في القطاع الخاص ...و باعتبار كفاءة الرّجل و قيمته العلميّة...و باعتنبار الأطبّاء الذين تكوّنوا على يديه و أهداهم لقطاع الصحّة في بلادنا و لتونس عموما ...و باعتبار تجنّده الدّائم لخدمة مدينته حمّام سوسة و أبناءها في كلّ وقت ...و باعتبار تجنّده لخدمة النّجم الرياضي الساحلي رئيسا للجنته الطبيّة تماما مثلما هو رئيس للجنة الطبيّة لأمل حمّام سوسة ...و باعتبار كفاءته العالية المشهود له بها من أصحاب الإختصاص داخل تونس و خارجها ...ففي يوم عيد ميلادك خويا الغالي جلال دحمان لا يمكن أن نقول إلاّ الكبير يبقى ديما كبير...و كلّ عام و أنت بخير ...

أولاد الجمعيّة...يستنجدون بهم زمن الغصرات...و يمسحون فيهم العبث و الفشل و الخيبات ...لحمة الكرومة...متّاكلة و مذمومة ......
18/09/2025

أولاد الجمعيّة...يستنجدون بهم زمن الغصرات...

و يمسحون فيهم العبث و الفشل و الخيبات ...

لحمة الكرومة...متّاكلة و مذمومة ...هذا هو حال أولاد الجمعيّة من مدرّبين ...لا يفكّرون فيهم ...لا يمنحونهم فرصتهم كاملة ...لا يبنون معهم مشروعا رياضيّا ...لا يؤمنون بهم أصلا ...و عندما تقف الزّنقة للهارب ... وتأكل بعضها ...يستنجدون بهم هروبا ...و يختفون خلفهم ...و يستعملونهم مسكّنا...ثمّ يمسحون فيهم أيديهم ...و يتركونهم يعانون و يقاسون و يتألّمون ويهزّون ويسبطون...نتذكّر جميعا ما حدث مع المدرّب محمّد المكشذر ثمّ في النّهاية يكون الجزاء بتصريح عنيف و قاسي يقول فيه صاحبه مسؤول النّجم سنتعاقد مع لسعد الدّريدي لأنّنا نبحث عن مدرّب " كاليبر آخر " ...و ما حدث مع المكشّر حدث من قبل مع سي توفيق زعبوب و سيد أحمد العجلاني و خالد بن ساسي و منير بوقدّيدة و سيف غزال و رضوان الفالحي و شكري عيسى و غيرهم ...يعني التّعويل على مدرّب من أبناء النّجم أصبح أمرا غير مطروح حتّى بالنّسبة للمدرّبين من أبناء النّجم مثل عبد الرزّاق الشابي و غيره ...يعني اعتماد أبناء النّجم زمن الغصرات أصبح خيارا فيه الكثير من تطييح القدر لأولاد الجمعيّة و استغلال سيّء و رديء لمشاعرهم و صدق انتماءهم بما يجعل نجاحهم غير مضمون لأنّهم يجدون أنفسهم في فمّ مدفع يواجهم الأزمات بمفردهم ...

يا خسارة ...وضعيّة النّجم تختصرها هذه العبارة ...الكاليبر (calibre ) ... و العصفور النّادر...أحيانا لا نحتاج إلى فلسفة ك...
16/09/2025

يا خسارة ...وضعيّة النّجم تختصرها هذه العبارة ...

الكاليبر (calibre ) ... و العصفور النّادر...

أحيانا لا نحتاج إلى فلسفة كبيرة لنفهم الأشياء و نقدّر استباقا عواقبها...خرج مسؤول النّجم و صرّح أنّ الفريق لن يواصل مع المدرّب محمّد المكشّر و سيأتي بمدرّب " كاليبر " آخر ؟...قلنا وقتها من نفقتو باين عشاه...أوّلا المكشّر مع المحافظة على الرّصيد المتوفّر و دعمه و تعزيزه يعني ضمان الإستمراريّة و استغلال حالة التّواصل و الإنسجام بين كطلّ مكوّنات الفريق بما جعله ينهي الموسم ثالثا و كان منافسا جديّا على المراتب الأولى و من وقتها بدينا في الهزّان و النّفضان و الواحد ساكت ...مركز التربّص في الشمال الغربي سوق و دلاّل ...الغفّاض و الملاكم و المضروب و جيب شلاكتك و أرّاح على عينين المدرّب لسعد الدّريدي و بموافقته تمّ اختيار المنتدبين ...ثمّ لعبت الكرة و هرّستنا العمران و شواتنا الإفريقي في سوسة اللّي طمعوا فيها جرجيس و السي أس أس في رادس...و كانت بنقردان تقدمنا...و حتّى قابس كانت تطمع فينا لولا تألّق الحارس صبري بن حسن في بداية اللّقاء ... و حطّتنا المنستير في تركينة لولا نفس الحارس ...ليطلع لنا المدرّب لسعد الدّريدي بحكاية العصفور النّادر و يفسّر المهازل و الفضائح الكرويّة بأنّ سببها الوحيد لاعب وسط دفاعي لم يلتحق بعد بالنّجم ؟؟؟...سامحوني و اللّه الواحد يكتب و حاشم و حزين في نفس الوقت...حاشم على خاطر في الأصل نكتب على شيخة ليتوال ...و حزين على خاطر ليتوال أكبر من برشا موجودين و أصحاب قرار فيها فنيا و إداريا ...و ربّي يجرّيها على الصّلاح ...

Adresse

Bouxières-aux-Dames

Site Web

Notifications

Soyez le premier à savoir et laissez-nous vous envoyer un courriel lorsque رياض جغام publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'entreprise

Envoyer un message à رياض جغام:

Raccourcis

Partager

Type