Kab Kuzul Ar Brezhoneg

24/09/2025

MASTER KLAS (5vet tennad) d'ar Sadorn 18 a viz Here, e Pondi.
MARVAILHAT HA LÂRET KAER E BREZHONEG E 2025

Aozet e vo d'ar Sadorn 18 a viz Gouel-Mikael ur Masterklas e brezhoneg evit konterion, kenaozet get Ti Douar Alre ha Ti ar Vro Bro Pondi : 09e30-5e d'enderv e salioù Kerlenn Pondi, 20€ (lakaat e anv).

Da heul e vo ur filaj get kontadennoù e brezhoneg da 5e30 d'enderv en Ty Poz (7 straed ar Lez-varn e Pondi).

Le samedi 18 octobre aura lieu un Masterclass en breton pour conteurs, coorganisé par Ti Douar Alre et Ti ar Vro Bro Pondi : 09h30-17h dans les locaux de Kerlenn Pondi, 20€ (sur inscription).

S'ensuivra une veillée de contes en breton à 17h30 au Ty Poz (7 rue du Tribunal à Pontivy).

https://www.tiarvrobropondi.com/
fil:///C:/Users/LDI/Downloads/maketenn_pleg_dibleg_master_klass_2025_19.pdf

24/09/2025

Nevez e ti Al Liamm :
"Skubañ ar mor", gant Paskal Hervio, ur romant polis bet skrivet gantañ e-pad ar chomadenn e Roc'h-Gored (Plougerne) en diskaramzer 2024. Skridoù all (div zanevell hag un destenn adkempennet) a gaver ivez en dastumad-mañ.
https://brezhoneg.org/bz/livres/3318-skuban-ar-mor.html

Emaomp war un enezenn e Breizh er bloavezh 1914 hag aet eo ur paotr kozh, Kolaz Mibin, diwar wel. Kaset e vez war an tach ar c’homiser Filochard eus a Bariz evit diluziañ an afer. Ur muntr a zo bet ha kerkent e soñj da Filochard en deus kavet ar muntrer e-touez an enezidi ha dre lizher e tispleg pep tra d’e vamm.
A-feur ma ‘z aer gant an istor e klever mouezh tudennoù disheñvel o kontañ o sav-poent : Goulc’hen ur paotr yaouank, Suzanna e vamm, Ambroiz e dad hag ar medisin Morvran. Skrijus ha mantrus an degouezh pa vo disoc’h an afer avat.
Evit an eil skrid a gaver en dastumad en deus adaozet Paskal Hervio ur romant bet skrivet gantañ : Texüe, tasmant kastell Brest, un darvoud a c’hoarvez e 1925. En dro-mañ avat ez eus bet degaset ul luziadell a bouez : skarzhet ez eus bet al lizherenn E , setu ma c’heller lenn un istor disheñvel mat a-benn ar fin hag ar yezh gwariet un disterig hag ar c’heriaoueg bet dibabet a zegas kalz fent.
E dibenn al levr ez eus div danevell aet ar maout gante e kenstrivadeg Ti ar Vro Kemper hag embannet er gelaouenn Al Liamm.

16/09/2025

Nevez e ti Sav-Heol : "Ar bleiz droch e skol ar chaseourien", gant Gilles Bizouerne, skeudennaouet gant Ronan Badel, ha troet gant Mark Kerrain.
https://brezhoneg.org/bz/albums-jeunesse/3317-ar-bleiz-droch-e-skol-ar-chaseourien-9791090456730.html

11/09/2025

🔆BARZHAZ, an distro-skol !😍
🎙 Magali Baron eus Kab Kuzul Ar Brezhoneg a ginnig deomp Bedoù Nevez, un torkad danevelloù gant Paskal an Intanv embannet gant Al Liamm evit ar bloaz 📻
➡️ https://www.radiobreizh.bzh/episode/75575

🔆BARZHAZ, an distro-skol !😍

🎙 Magali Baron eus Kab Kuzul Ar Brezhoneg a ginnig deomp Bedoù Nevez, un torkad danevelloù gant Paskal an Intanv embannet gant Al Liamm evit ar bloaz 📻

➡️ https://www.radiobreizh.bzh/episode/75575


Radio Breizh Radio Kerne Radio Naoned RBG - Radio Bro Gwened Arvorig FM

10/09/2025

Dilun e oa bet abadenn distro-skol "Lenn a-stroll" e Roazhon. Gouestlet e oa da luskad Gwalarn !
Deuet e oa an dud gant pep a levr bet dibabet a-ratozh ; an dastumad nevez gant "Al Liamm", "An tri boulomig kalon aour" gant Roparz Hemon, "Enez ar Rod" gant Langleiz, "Itron Varia Garmez" gant Youenn Drezen, "Dremm an Ankou" gant Abeozen, "Un aod... ur galon", gant Frañseza Kervendal... Puilh an danvez ha dedennus ar c'haozeadennoù, war a seblant !

09/09/2025

Ur pennad diwar-benn "Toull Kerliv, romant gant Charlie Grall embannet gant Al Lanv, en deus bet nevez zo priz saloñs Gwened ha priz Sten Kidna.

09/09/2025

Lid Kolier an Erminig a vo d'ar Sadorn 4 a viz Here e Kastell-Briant !
Roet e vo da Anne Auffret, Jakez Bernard, Gildas Buron ha Barry Cunliffe.

08/09/2025

D'ar Sul 7 a viz Gwengolo, da-geñver fin Gouel ar Leger, e oa bet ur valeadenn er C'houerc'had war roudoù Anjela Duval. Ouzhpenn 100 den a oa en em gavet !

03/09/2025

Pedet oc'h da zigoradur ar jardin Yeun ar Gow, d'ar Sadorn 6 a viz Gwengolo da 11 eur e Gouezeg.
Trugarez d'an itron Vaerez, da guzul-kêr Gouezeg ha da dud ar vediaoueg "Ty Lenn".

02/09/2025

Ganet e oa Yann-Frañsez ar Gonideg e Konk-Leon d'ar 4 a viz Gwengolo 1775, 250 vloaz zo. Kempennet en doa doare-skrivañ ar brezhoneg. Savet en doa yezhadurioù ha geriadurioù, ha troet en doa ar Bibl e brezhoneg.
Nevez 'zo ez eus bet embannet notennoù yezh bet lakaet war e c'heriadur gant A. Etienne, F. Vallée ha J-M. Bourdellès :
"Notes et remarques au dictionnaire breton-français de Le Gonideg", An Alarc'h, 2024, kempennet evit an embann gant Herve Seubil-gKernaudour.

Grammaire celto-bretonne, 1807
Dictionnaire celto-breton, 1821
Testamant nevez hon aotrou Jézuz-Krist. Trôet é Brézounek, Angoulem, 1827
Dictionnaire français-breton, 1847, embannet gant Kervarker war-lerc'h marv an oberour
Dictionnaire breton-français, 1850
Vocabulaire français-breton ha Vocabulaire breton-français, adwelet gant A. E. Troude, 1860
Bibl Santel pe Levr ar Skritur Sakr, 1866, L. Prud’homme

02/09/2025

Mirit an deiziad : gouel al levrioù a vo e Karaez d'ar 25 ha 26 a viz Here 2025 !
Evel boaz e vo roet priz an danevell vrezhonek ha Priz Langleiz da-geñver ar gouel.
Hag ar bloaz-mañ e lider ouzhpenn 100 vloaz Gwalarn ; gellout a reoc'h gwelet an diskouezadeg diwar-benn Gwalarn.