الواقع من عنابة

19/08/2025

19/08/2025

بالتوفيق

19/08/2025

نتكلمو الآن على حادثة السقوط المميت لعامل ببلدية سرايدي
حسب تقرير الحماية المدنية بتاريخ البارحة
🚨وفاة شخص في حادث سقوط
✅️تدخلت اسعافاتنا والمتمثلة في الوحدة الثانوية سرايدي على الساعة 11 سا23 د ، من أجل حادث سقوط عامل بناء من الطابق الرابع لعمارة سكنية في طور الإنجاز يبلغ من العمر 34 سنة ، بالمكان المسمى واد الشيوخ بلدية سرايدي و دائرة #عنابة ، الضحية متوفية في عين المكان تم تحويله مباشرة إلى مصلحة حفظ الجث/ث بالمستشفى الجامعي إبن رشد
🔴الأسئلة المطروحة هي هل هذا العامل يعمل تحت تأمين صحي
🔴 اين رئيس البلدية من كل هذا و شفناه تدخل على مواقع تواصل الاجتماعي من اجل كيس قمامة و بقرة و حرت كيفاه مبانش و عبد كامل مات و لو تعزية مكانش
هل يفتح تحقيق
ربي يرحم لي مات لكن روح بن آدم عمرها مكانت رخيصة

18/08/2025

مسرح الهواء الطلق بعنابة

18/08/2025

محور دوران المحافر كغيره من محاور الدوران الاولوية لي وجهو صحيح

18/08/2025

ملقري صفحة مسينياليا و المنشورات ميوصلوش بارح جاتني رسالة في بريد الصفحة لمريض في المستشفى يطلب مساعدة صراحتا تعرف بأننا ملڨري كل شيء نبقاو شعب عظيم و نقي و صافي و متأكد ان كل سلبياتنا قادر نتجاوزوها في ظرف قصير آلاف الرسائل و التعليقات لي تأكد لحمة و تضامن و طيبة هذا الشعب العظيم

18/08/2025

يتنحاو ڨع
هذي الحافلة و اشباهها المخلص الوحيد للشعب في الوقت الحالي و روسوفور لي وجو صحيح و شوفار لي والله معبالو بيك الوحيدين لي قادر يوفرولك خدمة عزيزي المواطن
تحير كي تقرى الاسطر لولين بصح اذا هو واقعك لي لازم تقبلو بعد العديد و آلاف حوادث المرور و انا وش كنت نشوف في طريق الاخضرية بلاك و انا نكتب درك تلقى على الاقل حادث ولا زوز صراو
لكن العاصمة عندها طعم آخر عندهم قنوات العار عندهم صفحات مليونية عندهم حوايج زايدين بالنسبة لباقي ارجاء الوطن
كي صرات الكارثة و بدات تمشي كشغل ناس تأثرت بزاف و التفكير الوحيد تا اصحاب القرار كيفاه يمتصو الصدمة لي تقاس باها الشعب المخدر نقول مخدر لاني انا واحد منهم و الانسان العاقل عمرو ولا يركب في الشكل لي في الصورة و يسميه حافلة
نرجعو فكرة تتنحاو ڨاع و نزع جميع الحافلات لي متصلحش ؟؟ السؤال و هل عنا حافلات تصلح تسما كي يروحو كل حنا نبقاو بلا حافلات تسما حنا منروحو ني للخدمة ني نحوسو نس نقضيو يزيكم بلا هبال
لازم تدريجيا و انتقال سلس
لازم نحيو سح لي فايتين ثلاثين سنة و الحافلة لي فصورة مزالت على ديدانها مبعد بشوي
يفوتو شهورة و ناس تنسا و يرجع صاحب الحافلة يدير اضراب و روسوفار و يزيدو فتسعيرة و تستمر الحياة
تبقى فكرة تتنحاو ڨع تجي بحرارة الروح و دواها بسيط هو بيكورة (تشكة) الصبر و تسليط هموم الحياة على المواطن باه يبقى يشوف في كلمة اكوسط هي لاكوسط و يتخايل انو مول حافلة مزينها و متهلي فاها

17/08/2025

في هذي البلاد غير العذاب كشغل السكان لي عايشين فاها خلقو قوانين عايشين بيهم و متفاهمين و اي واحد يطلع راسو يعلقولو تيكي
لازم تلبس لاكوست كيفهم و تربي بومزين لازم عليك تريح فالقهوة و تلعب لاكوانش و ديمينو و تسيبورتي يا برصا يا ريال
لازم تخمم كيفهم و ولدك و ولادهم يلبسو كيف كيف لبسة وحدة و يحففو نفس التحفيفة و يديرو ضربة في شعر سينو يعقدوهولك مهما وش شريتيلو
المرأة لازم دير كيما نساء لازم باه تزوز شوفة بصوارد.و خطبة بصوارد و عقد بصوارد و عرس ب بزاف صوارد و زيد فوق منها عيود و مناسبات و عيد ميلاد.و خرجات من و من تسقاملك فالمليار و ميرضاوش عليك
كي يدي ولدك سيزيام لازم تلبسلو لباس تخرج و تكومنديه من عند خياطة تخسر شكارة صوارد و ولدك درلو كيف صحابو
كي يدي بيام لازم تخرجو من كارو تا طموبيل و تعيطو و تصورو لحظة لي شفتو فاها الاسم في فديو و تبكيو و تتحضنو
الباك لازملو عرس
باه ديرو حملة تشجير لازم تجيبو لي مارطو بيكار هم لولين بسكو مزروعة بالبغلي
باه تخدم لازملك معريفة و كي تدخل تخدم تبقى تحت جناح لي دخلك تقودلو الى يوم دين و الا كيما دخلك كيما يقدر يخرجك
باه تدي سكنة لازم تبني فوضاوي يريب فيه فمك و تتقاس بأمراض لي يمدو عليهم 100% ولا تسنا عشرة سنوات باه يكملو لاديال
كي تدي سكنة لازم تعاودها من داخل و طيش ديكمبر ولات داخلة فالثقافة تعنى
باه يفهموك لازم تحكي بلغتهم و تحكيلهم على عنابة بكري ملڨري انا خالق في ثمانينات و منعرفهاش بكري هذي لي يحكيو علاها جماعة دوميل
رئيس الجمهورية لازم تقولو عمي باه تبان مؤيد و ولد كرطيك لي قتل ولد كرطي اوخر لازم تقول ربي يطلق سراحو باه يرضاو عليك لي يبيعو المهلوسات
كلش لازم تحصلو في ناس ابداها من ضربوني بعين و سحروني و حرزو بيا و شاف معايا مهم حصلها فالمكتوب و تقدرت في حالة وحدة غير لكان نتا كشما دير كارثة
بين مناسبة و مناسبة كاين مناسبة دخلة تا مدرسة اول لنوفمبر اول جانفي عيد شجرة العيد صغير العيد كبير محرم رمضان عاشورة يناير خمسة جويلية
حلمك و عايلتك يخليوك تحلم الا باه تزوز تجيب دقص و تكون ساكن فدارك تقضي من سوبيرات و تشري خبز و تروح و كي توالي تروح تشم شوي غبرة تا بولفار نتا و المخلوقة و تروحو و نتم حايرين في خلق الله و ناس حايرة فيكم

17/08/2025

بائعو الهندي و خلي زوالي يخدم و يديرولهم اشهار فالصفحات مع الحان حزينة و العبارة الشهيرة لي عندو يدي و لي معندوش يدي
يجي ينصب في نص طريق يتعاركو على بلايص يخلي زبل فالرض مشوه المنظر و النتيجة هذا الزوالي هو لي يخلص

17/08/2025

مستعجل :
كاين مريض بمستشفى كاروبي من ولاية قسنطينة
معاه عمتو مرافقة وهي تاني فحالة ماكانش كيفاه تقوم بيه ماعندوش لا ماكلة لا قش ابدل بيه كرشو منفوخة بسلامتكم يحتاج سروال طاي 3وتريكو عريض عجال كرشو شكون يروحلو يعاونو فالمحنة هده في أجركم بماكلة ولباس حتا مستعمل وصالح للإستعمال هيا خاوتي الله يرضى عليكم
0670304880

17/08/2025

🛑 تمكنت فرقة غطاسي وحدة شطايبي من إنقاذ 05 اشخاص ( رجل و 04 أطفال) كانوا على متن زورق مطاطي للنزهة ، إثر تعرضهم إلى صعوبة في الرجوع إلى الشاطئ نتيجة تيارات بحرية قوية ، وذلك بشاطئ وسط المدينة.