الواقع من عنابة

07/11/2025

أخدم و و لصق بالباتاكس المهم نسوميسيوني و ندي لبروجي اذا عندكم عذر حطوه رانا عيينا من لفكير تع لبريكول

07/11/2025

أسراب طائر 🐦 الزرزور تغزو المدينة

05/11/2025

دائما وأبدا نطالب المسؤول بمنصبه و مسؤوليته و ليس شخصيا
أقرأ المعاناة في في أول تعليق و نخلي رأيكم يفيدنا و اقترحو حل رانا عيينا يا سبحان الله

05/11/2025

دخلت إشعارات (les notifications) تع الصفحة سبحان الله كي تكون انسان عاقل و ولد فاميلة و متربي و نكتفي ربي يسخرلك ناس انك اشكرك بدون مقابل دخلت المنشور سابق تع الاخ محسن و الاخ الغير معروف الا فالفيديو تع الصيادة ناس كل تشكر فيه
و من هذا المنبر نفرح نحن كذلك بناس كيما هكا و الحمد لله على النظرة لي رزقنا بها ربي و ما أخطأناش نتمناو نكونو في احسن الخلق و الاخلاق في عبادة الله و رسوله و طاعة والدينا و احترام غيرنا
#شكرا لكم جميعا 🤛🤜

04/11/2025

الاثنين لا أعرفهم شخصيا و الاخ محسن نعرفو بحكم فيديواتو يخرجولي
درت كبتير على جال وحد الهدرة تع الصح عجبتني من عند الأخ لي يصيد كي سقساه قالو تهوى الصيادة قالو تغزر مع لبحر كيشغل تسبح نصيد خيرمن نقعد فالقهاوي و نڤطع فالناس تحياتنا خويا لي قعد تصيد فيديوات إيجابية تعرف تخمام الناس البسطاء ممكن خصاتو ألف حاجة من متطلبات الحياة لكن واحد يجي ما يسيء لنفسو و ما يسيء لغيرو ربي يباركلو

31/10/2025

المجد و الخلود لشهدائنا الأبرار تحيا الجزائر

31/10/2025

جنون العظمة
حاب تعرفها كيفاه روح شوف تعليقات ما يسمى بجمهور اتحاد عنابة ضد بني ولبان
في صفحة الخلية
فوخ و زوخ و حنا تيتر لا

31/10/2025

كاين مدرب أوخر سبوه و سحتوه و فرحو كي راح مي حكم فريق أوخر راو في المراكز الأولى
يبينلك الخلل مشو غير في المدرب

30/10/2025

❤️❤️

29/10/2025

29/10/2025

اعداء التطور
كون يسبغوهم و ينقيوهم ينوضو يبكيو و يشكيو بناس لي دارت المبادرة بحجة راحت لومبيونس تا عنابة بكري لازم نطلع راسي نشوف لخنز باه تحلالي و ڨستولنا المشاعر
في نفس الوقت ناس لي تقول كلام ادا و تتغنى بعنابة بكري منفيستيا في برموسيون اسمها اقلع مليون شجرة ا زرعها بيطون
تحت شعار عاند و متحسدش و دير كيما دار جارك ولا لازم دير كيما دار جارك مكانش كيفاه
استمتعو بالمشهد تاعنابة بكري بصح درك

28/10/2025

صورة رحبة سبعة رڨود
ناس تبرطاجي فاها و واحد يقلك الماضي الجميل واحد يبكي و لخناين تسيح و واحد يقلك عنابة بكري
يحبو السوق و ناس ناصبة فلرض و الغبار و تلاثة بعشرلاف واخدم بيع المسروق و لمغطس و تكعرير
ناس في ولايات مجاورة رام بمراكز تجارية عملاقة تعنى رام يروحو في رحلات باه يقضيو من عندهم و نتم ابقاو ابكيو على مرسيس و سبعة رڨود و ڨيطون
ناس طورت و هربت علينا و حنا مزالو حاطين هذا هو اعلى درجات التقدم و مزلنا نفوخو بيه مي الحقيقة انو القمة تعنا فقط وراها رابت التجارة عنا مقدرناش نكملو مي ناس افونسات صح
كنا نجيبو سلعة من الخروب و تاجنانت و الفكرون كانو سواق الجملة فليل دزني نعفس عليك الآن كلهم بلبازارات و بحسابات واتساب يبيعلك و هو راقد و تروح مرشي ڨرو متتغبرش تلمو كلش طور
تدرب دورة في شارع تجاري لي عنا تدخل لمحل مزال معلڨ امبولة صفرة فنص و دنيا ظلمة و تشم ريحت ميديتي و المعاملة لازم تشري باه يرضى عليك متشريش يسميك طيارة