19/11/2025
CORPS URBAIN TANA-VILLE (C.U)
MANDRAY ANJARA FENO AMIN’NY FAMPANDRIANA FAHALEMANA ETO ANDRENIVOHITRA**
Nahetsika nanerana an’Antananarivo ireo sampana rehetra miandraikitra ny filaminana eo anivon’ny Corps Urbain,ho fanamafisana ny fanavaozana sy ny torolalana napetraky ny Direction Générale de la Police Nationale (DGPN), tarihin’ny Commissaire Divisionnaire de Police TSARAMONINA Jean Victoir, araka ny fanambarany tamin’ny mpanao gazety.
Ekipa izay tarihin’ny Commandant du Corps Urbain (CCU), Commissaire de Police SORODANY Fritz Hermann.
Ahitana ny :
• CUI – Compagnie Urbaine d’Intervention
• UIR – Unité d’Intervention Rapide
• BFP – Brigade Féminine de Proximité
Ny sampana mandrafitra ny Corps Urbain
Hita sy tsapa ny vokatra azo vokatry ny asan’ireo andiany ireo, kanefa mbola hamafisina hatrany izany satria ny vahoaka no laharam-pahamehana, hoy ny fanambarana.
⸻
🔵 CUI – Compagnie Urbaine d’Intervention
Ny CUI dia andiany misahana ny intervention amin’ny lafiny rehetra, ary tsy misalasala amin’ny asa mora na sarotra.Miditra an-tsehatra amin’ny tranga maika sy olana mitranga amin’ny faritra rehetra.
• Mamaly antso avy amin’ny vahoaka sy ny manampahefana amin’ny fotoana rehetra.
• Manao fandraisana andraikitra mivantana hanarenana na hiarovana ny filaminana.
👉 CUI = andiany miditra voalohany amin’ny toe-javatra rehetra.
⸻
🔵 UIR – Unité d’Intervention Rapide
Ny UIR dia vondrona manokana voaofana amin’ny asa mavesatra sy risika avo, ary misahana hetsika manokana.
Asa sy andraikitra :
• Miady amin’ny halatra, asan-jiolahy ary fandikan-dalàna avo lenta.
• Manao asa « coup de poing » sy fisamborana sarotra.
• Mety hanao tenue na tsy hanao tenue arakaraka ny zava-misy sy ny tetik’asa.
• Mandray fepetra haingana amin’ny toe-javatra mampidi-doza.
👉 UIR = andiany haingana sy matanjaka amin’ny asa sarotra.
⸻
🔵 BFP – Brigade Féminine de Proximité
Ny BFP dia andiany miaro manokana ny ankizy sy ny vehivavy, indrindra amin’ny tranga herisetra.
Asa sy andraikitra :
• Miandraikitra ny herisetra ara-nofo, ara-batana, ara-tsaina mianjady amin’ny vehivavy sy ankizy.
• Manao sensibilisation eny amin’ny sekoly sy eny amin’ny fokontany.
• Manampy sy manoro lalana ireo tra-boina amin’ny fandraisana andraikitra voalohany.
• Mandray andraikitra amin’ny fisorohana sy fandraisana fitarainana mifandraika amin’ny VBG.
👉 BFP = andiany mpiaro vehivavy sy ankizy, ary mpanentana ara-tsosialy.
⸻
🔴 Hafatra sy Tanjona Iombonana
Ny Corps Urbain dia hentitra amin’ny fanatanterahana ny andraikiny ary handray fepetra amin’izay mandika lalàna, ho fanatratrarana filaminana maharitra eto an-dRenivohitra.
Na izany aza, tsapanay fa tsy vitan’ny polisy irery ny asa fiarovana.
Ilaina ny fiaraha-miasa sy fanampian’ny vahoaka, indrindra amin’ny fampitam-baovao sy vaovao ilaina hiadiana amin’ny asa ratsy sy ny tsy fandriampahalemana.
Ny tanjona dia ny hahafahan’ny mponina eto an-dRenivohitra miaina milamina, na andro na alina.
Ps: fiarahamiasa @ vahoaka @ fiantsoina avy hatrany ny polisy rehefa misy tranga hafa2 no fisorohana ny loza faran'izay haingana.Hoan'ny CU manokana,tao anatin'ny heritaona izay 200 mahery ireo JIOLAHY voasambotra,Ary tamin'ity erinandro ity manokana miisa 10 ireo mpanendaka sy mpanao asa ratsy voasambotra ; midika izany fa tsy mitsitsy amin'ireo mpanao asa ratsy ny polisy.
Nangonin'i Herizo Randrianjafy
