23/11/2025
وجيهة الجندوبي في برنامج :
الطلاق مرتين يعني إني فشلت، خضت فيهم الباهي أكيد وفيهم خايبهم أكثر، إذا كان الخايب أقل ممكن العيد ينجم يصلّح لكن إذا وصلنا للطلاق فهذا يعني إننا ماعرفناش نتواصلوا ... إختياري الي فشل، اخترت الشخص، المنظومة علاش نحمّل الغير؟ نحمل روحي أنا، مانشكيش أنا مانرميش على العبد ... الطلاق الأوّل والثاني مش لنفس السبب، سيناريوهات الحياة متجددة والعبد كيف يعيش مع ناس يعيش مع الباهي والخايب، كل واحد وشخصيتوا، كل واحد ورؤيتوا للدنيا، وكيفاش يشوف شريكوا ... أنا بش وصلت وشفت ورقة الطلاق مانقولش خسرت، وإنما نقول هذا هو الحل ... لحد الآن مافماش 3، أنا متلفتة لروحي لخدمتي، هيأتي، مالا لشكون عايشة أنا، لولدي، جمهوري ... محلاني نهبل، عندي مسلسلاتي كيف نروّح نتبعهم، عندي فطوري، عندي عشايا، مانحبش الدراما، توا مانيش محتاجة شريك عاطفي، أنا إلي بش يحبني يحبني بخدمتي، بنجاحاتي، بالفشل متاعي في بعض الأشياء
