London Paris Pakistan

21/10/2026

مظفرآباد(پی ائی ڈی) 20 اکتوبر 2026
چیف سیکرٹری آزاد کشمیر خوشحال خان سے چیئرمین انویسٹمنٹ بورڈ آزاد کشمیر انجینئر چوہدری رضوان انور نے تفصیلی ملاقات کی۔ملاقات میں ریاستی ترقی، آزاد کشمیر میں سرمایہ کاری کے فروغ، سرمایہ کار دوست پالیسی اور کاروباری ماحول کی بہتری پر تفصیلی تبادلہ خیال کیا گیا۔ ملاقات میں آزاد کشمیر میں عرصہ دراز سے بند پڑے صنعتی یونٹس کی بحالی، انڈسٹریل اسٹیٹس کو فعال کرنے،ون ونڈو آپریشن کے ذریعے سرمایہ کاروں کو سہولیات کی فراہمی اور مقامی و بین الاقوامی سرمایہ داروں کو آزاد کشمیر کی جانب راغب کرنے کے لیے جامع روڈ میپ پر غور کیا گیا۔چیئرمین انویسٹمنٹ بورڈ انجینئر چوہدری رضوان انور نے اس موقع پرگفتگو کرتے ہوئے کہا کہ آزاد کشمیر قدرتی وسائل سے مالا مال خطہ ہے، یہاں سرمایہ کاری کے وسیع مواقع موجود ہیں۔ہائیڈرو پاور، سیاحت، معدنیات، زراعت اور آئی ٹی کے شعبوں میں بے پناہ پوٹینشل موجود ہے۔انہوں نے کہا کہ سرمایہ کاروں کو آزاد کشمیر میں ہر قسم کا قانونی تحفظ، ٹیکس مراعات اور مکمل سہولت فراہم کی جائے گی۔ انویسٹمنٹ بورڈ کا ہدف ہے کہ بیرون ملک مقیم کشمیریوں اور پاکستانی سرمایہ کاروں کو راغب کر کے ریاست میں سرمایہ لایا جائے۔سرمایہ کاری سے نہ صرف ہزاروں نوجوانوں کے لیے روزگار کے مواقع پیدا ہوں گے بلکہ بے روزگاری کا خاتمہ اور ریاست میں معاشی خوشحالی اور خود انحصاری آئے گی۔چیف سیکرٹری آزاد کشمیر خوشحال خان نے چیئرمین انویسٹمنٹ بورڈ کی کاوشوں کو سراہتے ہوئے سرمایہ کاری کے فروغ کے لیے حکومت کی جانب سے ہر ممکن تعاون کی یقین دہانی کرائی۔واضح رہے کہ انجینئر چوہدری رضوان انور کا شمار آزاد کشمیر کے بڑے بزنس ٹائیکونز اور کامیاب صنعتکاروں میں ہوتا ہے۔ ان کی بطور چیئرمین انویسٹمنٹ بورڈ تعیناتی کو کاروباری، صنعتی اور تاجر حلقوں میں انتہائی خوش آئند قرار دیا جا رہا ہے اور توقع کی جا رہی ہے کہ ان کی قیادت میں آزاد کشمیر سرمایہ کاری کا مرکز بنے گا۔اس موقع پر چیئرمین بورڈ نے چیف سیکرٹری کے غیرمشروط تعاون پر شکریہ ادا کیا۔

19/10/2026

اپنی دھرتی، دھنڈرکلاں بھمبر آزادکشمیر ، اپنی پہچان — ہمارا فخر، ہمارا کشمیر!

17/10/2026

13/10/2026

گلی گلی میرے دشمن، گلی گلی میرے دوست!🩷✌️❤️

10/10/2026

ضلع بھمبر سے سوشل میڈیا تک، محبت اور پذیرائی کا ایک خوبصورت منظر!
گزشتہ چند دنوں سے فیس بک پر محترم انجینئر چوہدری محمد رضوان انور صاحب کے حوالے سے جس انداز میں مثبت پوسٹس، محبت بھرے پیغامات، مبارک بادوں اور نیک تمناؤں کا اظہار دیکھ رہا ہوں، وہ یقیناً خوش آئند اور قابلِ ذکر ہے۔
میرے مشاہدے کے مطابق، ضلع بھمبر میں شاید ہی کسی شخصیت کے لیے سوشل میڈیا پر اس قدر مسلسل اور بھرپور انداز میں مثبت پیغامات اور محبت کا اظہار دیکھنے کو ملا ہو۔ مختلف دوست، احباب اور خیرخواہ اپنے اپنے انداز میں رضوان انور صاحب کے لیے عزت، احترام اور نیک تمناؤں کا اظہار کر رہے ہیں۔ یہ سب کچھ دیکھ کر اندازہ ہوتا ہے کہ ان کی خوشی میں شریک ہونے والے لوگوں کی تعداد خاصی نمایاں ہے۔
یہ محبت صرف ضلع بھمبر تک محدود دکھائی نہیں دیتی، بلکہ آزاد کشمیر، پاکستان کے مختلف شہروں اور بیرونِ ملک مقیم احباب کی جانب سے بھی مبارک بادوں اور دعاؤں کا سلسلہ جاری ہے۔ فیس بک پر نظر آنے والی یہ مثبت سرگرمیاں اس خوشی کے موقع کو مزید نمایاں کر رہی ہیں۔
عہدے اور منصب اپنی جگہ، لیکن لوگوں کی جانب سے محبت، احترام اور خلوص کا اظہار اپنی الگ اہمیت رکھتا ہے۔ جب لوگ کسی شخصیت کی خوشی کو اپنی خوشی سمجھ کر اس میں شریک ہوں، تو یہ ایک خوبصورت سماجی روایت بن جاتی ہے۔
اللہ تعالیٰ جسے عزت عطا فرماتا ہے، اس کے لیے لوگوں کی محبت اور دعائیں بھی ایک بڑی نعمت بن سکتی ہیں۔ اصل خوبصورتی یہی ہے کہ عہدے اور منصب کے ساتھ انسان کو لوگوں کا خلوص، احترام اور دعائیں بھی نصیب ہوں۔
محترم انجینئر چوہدری محمد رضوان انور صاحب کو چیئرمین بورڈ آف انویسٹمنٹ، آزاد جموں و کشمیر کی ذمہ داری ملنے پرامید ہے کہ وہ اپنی صلاحیتوں، تجربے اور خلوصِ نیت کو بروئے کار لاتے ہوئے آزاد کشمیر کی ترقی، خوشحالی، سرمایہ کاری کے فروغ اور نوجوانوں کے لیے نئے مواقع پیدا کرنے میں مؤثر کردار ادا کریں گے۔
ہماری نیک خواہشات ہیں کہ رضوان انور صاحب آزاد کشمیر کی تعمیر و ترقی کے لیے بہترین خدمات انجام دیں، عوام کی امیدوں پر پورا اتریں اور اپنے کردار و کارکردگی سے اس اعتماد کو مزید مضبوط بنائیں۔ اللہ تعالیٰ انہیں اس اہم ذمہ داری میں کامیابی عطا فرمائے، ان کے لیے آسانیاں پیدا کرے اور انہیں ریاست و عوام کے لیے خیر و بھلائی کا ذریعہ بنائے۔ آمین۔

بلاشبہ، آزاد کشمیر میں محترم انجینئر چوہدری محمد رضوان انور صاحب کے لیے سوشل میڈیا پر نظر آنے والی محبت، عوامی پذیرائی اور نیک تمناؤں کا یہ سلسلہ ان کی مقبولیت کا نمایاں اظہار ہے۔ یہ عوامی اعتماد اور مثبت پذیرائی ان کے مستقبل کے لیے ایک مضبوط بنیاد ثابت ہو سکتی ہے۔ امید ہے کہ وہ اس اعتماد کو اپنی بہترین کارکردگی، مؤثر اقدامات اور آزاد کشمیر کی تعمیر و ترقی کے لیے عملی خدمات میں تبدیل کریں گے۔ آنے والا وقت ان کے لیے نئی کامیابیوں اور ریاست کی خدمت کے مزید مواقع لے کر آئے، یہی ہماری دلی دعا ہے۔
منجانب: چوہدری فیصل رشید، پیرس، فرانس