15/08/2026
اليوم الثاني من مغامرة السفاري 🦁🌿 | Ngorongoro
من بعد نهار كامل فـ Tarangire National Park، ارتحنا فالفندق (ما عجبنيش، لذلك ما غاديش نشاركو معاكم 🤗)، وفقنا بكري باش نكملو ثاني يوم من مغامرتنا…
والوجهة هاد المرة كانت Ngorongoro Crater. 😍
هاد البلاصة مختلفة تمامًا… Ngorongoro عبارة عن فوهة بركانية ضخمة، ومن الفوق المنظر كيحبس الأنفاس. ومن بعد كتهبطو بالـ Jeep لداخل الفوهة، كاين عالم كامل من الحياة البرية. 🦁🐘🦏🐃
وكما قلت ليكم فالفيديو الأول، كان عندنا واحد التحدي أنا والوليدات:
واش نقدرو نشوفو الـ Big Five كاملين فهاد اليومين؟ 👀
فاليوم الأول شفنا الـ Leopard 🐆… اللي كيكون صعيب انك تلقاه و تشوفوا
وفـ Ngorongoro، و فاخر ساعة قبل ما نمشيو شفنا
Rhinoceros 🦏🤍
وكان هو آخر واحد ناقصنا من الـ Big Five! 😍🙌
وهكا قدرنا نكملو التحدي كامل… 👏
ولكن فعلاً، كانت نهاية مثالية لمغامرة يومين من أروع التجارب اللي عشناها فتنزانيا. 🤎🌿
📍نصائح إلا كنتو ناويين تديرو Safari فتنزانيا:
✔️ إلا قدرتو، خصصو يومين على الأقل باش تعيشو التجربة براحتكم وتزورو أكثر من بارك (كنصحكوم ايضا ب serengeti مكتابش احنا نديروه هاد المرة)
✔️ بداو السفاري بكري فالصباح، حيث كتكون عندكم فرصة أكبر تشوفو الحيوانات.
✔️ خدو معاكم جاكيطة، خصوصًا فـ Ngorongoro، حيث الصباح وفوق الفوهة يقدر يكون الجو بارد.
✔️ نظارات شمسية، واقي شمس، قبعة وماء ضروريين. (الماء و الاكل تكلفوا بيه الناس اللي مشينا معاهم)
✔️ (عطاوهوم لينا الناس اللي مشينا معاهم)Les jumelles 🔭، باش تشوفو الحيوانات اللي كتكون بعيدة
✔️ والأهم: ما تمشيوش بعقلية خاصني نشوف حيوان معين… السفاري فيها الحظ، وخليو الطبيعة هي اللي تفاجئكم😉🐘🦁🤎
️ بالنسبة للملابس، اختارو قدر الإمكان ألوان طبيعية ومحايدة بحال البيج، الكاكي، البني، الزيتي والأبيض المكسور. 🤎🌿 وتفاداو الألوان الفاقعة بزاف
وآخر نصيحة: استمتعوا بعينيكم قبل الكاميرا… حيث بعض اللحظات كتعيش مرة وحدة🤍
المهم الى تفكرت شي حاجة اخرى نخليها ليكوم هنا
