Quel est le site Web ?

Manifesti

Për të kuptuar pushtetin përmes interesave që e lëvizin. Qëndrime, fakte dhe prapaskena pa doreza.

12/08/2026

Një kopsht zoologjik justifikohet vetëm nëse humbjen e lirisë së kafshëve e kompenson me siguri, ushqim, ujë, hapësirë dhe kujdes shëndetësor.

Pamjet e fundit nga Kopshti Zoologjik i Tiranës dhe vlerësimet e përsëritura të vizitorëve ngrenë pikëpyetje serioze mbi kushtet në të cilat mbahen kafshët.

Pamjet nuk përcaktojnë një diagnozë veterinare. Por ato kërkojnë kontroll të pavarur, transparencë dhe përgjigje konkrete nga institucionet përgjegjëse.

Duhet të publikohen protokollet e furnizimit me ujë dhe ushqim, masat për temperaturat ekstreme, rezultatet e inspektimeve dhe trajtimet veterinare. Nëse kushtet e nevojshme nuk mund të garantohen, kafshët duhet të transferohen në qendra të përshtatshme.

Pas hekurave nuk po testohet natyra e kafshëve. Po testohet njerëzorja jonë.

Lexoni analizën e plotë:
https://manifesti.al/lajm/kopshti-ku-kafsha-me-e-rrezikshme-eshte-vete-njeriu

03/08/2026

Të shtëna në mes të detit dhe një operacion policor që përfundoi me ndalimin e një jahti përballë Himarës.

Rreth orës 21:00 të së dielës, pushuesit në Palasë raportuan se nga një mjet lundrues dyshohej se ishte qëlluar me armë zjarri në ajër. Policia e ndoqi jahtin nga deti dhe toka, ndërsa ai lëvizte drejt Himarës.

Në bord ndodheshin Bruno Çela, Leonard Hasa, Afrim Kastrati dhe Pashk Gjini. Gjatë kontrollit të personave dhe të jahtit nuk u gjet armë apo ndonjë send tjetër i paligjshëm.

Të katërt mohuan se kishin qëlluar dhe, pas marrjes në pyetje, u lanë të lirë. Hetuesit kryen ekspertimet për faktorët plotësues të qitjes, ndërsa çështja vijon të hetohet nën drejtimin e Prokurorisë së Vlorës.

Mes personave të shoqëruar ishte Bruno Çela, djali i pronarit të kompanisë Brunes dhe anëtar i Këshillit Bashkiak të Tiranës, si dhe Pashk Gjini, biznesmen ndërtimi dhe pronar i kompanisë Alesio 2014.

01/08/2026

Një kështjellë me vlerë rreth 2.6 milionë euro në Oise, llogari bankare me mbi 2 milionë euro, dy apartamente dhe mjete motorike.

Këto janë pasuritë që, sipas SPAK-ut, janë identifikuar në Francë gjatë hetimeve financiare ndaj Ermal Beqirit. Autoriteteve franceze u është dërguar kërkesë për ndihmë juridike, me qëllim sekuestrimin e aseteve dhe vijimin e gjurmimit të pasurive të tjera.

Operacioni kishte nisur përpara arrestimit. Më 19 qershor 2026, SPAK kërkoi ndihmën e autoriteteve franceze për lokalizimin e Beqirit, i cili ishte në kërkim ndërkombëtar me “Red Notice”. Ai u arrestua më 24 korrik, pasi hyri me një avion të lehtë në hapësirën ajrore të kufizuar mbi centralin bërthamor të Penly-t.

Gjykata franceze ka urdhëruar vazhdimin e paraburgimit të tij për qëllim ekstradimi, ndërsa kërkesa shqiptare për dorëzimin është përcjellë zyrtarisht.

Në Shqipëri, SPAK kishte sekuestruar më herët pasuri të lidhura me Beqirin në Green Coast, Rolling Hills dhe Golem, si edhe jahtin “Skyfall” dhe llogari bankare.

Sekuestrimi nuk është konfiskim përfundimtar, ndërsa arrestimi dhe akuzat nuk përbëjnë provë fajësie. Ermal Beqiri prezumohet i pafajshëm deri në një vendim gjyqësor përfundimtar.

E plotë tek Manifesti.al

31/07/2026

Hetimet ndaj Belinda Ballukut shtrihen edhe te gjashtë lotet e tjera të Unazës së Madhe. Ish-zëvendëskryeministrja është thirrur së bashku me avokatin mbrojtës për t’i komunikuar zyrtarisht statusin e të pandehurës për procedurat e reja të përfshira në dosje.

Më herët, ajo ishte marrë e pandehur për tenderin e Tunelit të Llogarasë dhe Lotin 4 të Unazës së Madhe.

Por marrja si e pandehur nuk sjell automatikisht arrestimin. SPAK duhet të argumentojë dhe të kërkojë masën, Kuvendi duhet të japë autorizimin për shkak të mandatit të deputetes, ndërsa vendimin përfundimtar mbi masën e sigurimit e merr GJKKO.

Arresti është masë sigurimi, jo dënim. Belinda Balluku prezumohet e pafajshme derisa fajësia të provohet me vendim gjyqësor përfundimtar.

Shfletoni më shumë për të shpjeguar çfarë ka ndryshuar në dosje dhe si funksionon procedura ligjore.

E plotë në Manifesti.al

30/07/2026

Arrestimi i Ermal Beqirit në Francë aktivizoi dy procese paralele.

Në Shqipëri, ai rezulton në kërkim ndërkombëtar në kuadër të dosjes së AKSHI-t dhe ndaj tij është caktuar masa “arrest me burg”. Në Francë, autoritetet po vlerësojnë rrethanat e fluturimit mbi zonën e mbrojtur të centralit bërthamor Penly.

Ekstradimi nuk është automatik. Nëse Beqiri pranon kthimin, procedura mund të përfundojë më shpejt. Nëse e kundërshton, shqyrtimi nga drejtësia franceze mund të zgjasë, ndërsa hetimi për fluturimin mund të ndikojë në rendin e procedurave.

Pyetja kryesore mbetet: a do të trajtohet fluturimi vetëm si shkelje e rregullave të aviacionit, apo autoritetet franceze do të gjejnë elemente që kërkojnë një hetim më të thellë?

Shfletoni më shumë për të kuptuar dy proceset dhe skenarët e mundshëm.

Lexoni analizën e plotë në Manifesti.al.

29/07/2026

Nga dosja e SPAK-ut te fluturimi mbi centralin bërthamor Penly: Arrestimi i Ermal Beqirit në Francë bashkon dy histori që deri tani zhvilloheshin në vende të ndryshme.

Sipas raportimeve, avioni i tij kaloi mbi zonën e ndaluar të centralit dhe zbriti nën lartësinë e lejuar. Beqiri deklaroi se kishte gabuar ndërsa fliste në telefon me nënën. Por plani i fluturimit, fakti që udhëtonte vetëm dhe tre pajisjet AirTag të gjetura gjatë kontrollit ngritën pikëpyetje të tjera.

Autoritetet po verifikojnë arsyen reale të fluturimit, por dyshimet për spiunazh nuk janë konfirmuar publikisht.

Në Shqipëri, ndaj Beqirit është caktuar masa “arrest me burg” në dosjen e tenderëve të AKSHI-t. Akuzat dhe pretendimet e SPAK-ut mbeten për t’u provuar përfundimisht në gjykatë.

Shfletoni më shumë për të kuptuar ngjarjen, elementet e dyshimta dhe kontekstin e saj.

Lexoni analizën e plotë në Manifesti.al.

Adresse

Paris

Site Web

https://manifesti.al/

Notifications

Soyez le premier à savoir et laissez-nous vous envoyer un courriel lorsque Manifesti publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.