Maroc أجي تفهم القانون و العقار

02/01/2026

الضريبة في المغرب كتقتل المقاولة الصغرى...

هادشي ديما كيتقال ولكن واش بصح ؟

واش بصح السيستيم مسموم ضد المقاول الصغير؟

الناس اللي كيدافعو على هاد الرأي كيعامدو على ثلاثة العوامل اجي نففكوها جالسين جالسين

1. المساهمة الدنيا
(Cotisation Minimale): الضريبة على الخسارة

الصراحة بغيتي رأيي هادي هي أكبر تكلخيّة اقتصادية فحق المقاول الصغير.
السيستيم كيقوليك: "وخا تكون خاسر هاد العام، وخا تكون يلاه بادي، خاصك تخلص نسبة من رقم المعاملات ديالك".

* القالب فين كاين؟
الكبير عندو سيولة وقدرة يقترض باش يقدر يغطي بيها هاد المصاريف.
الصغير اللي كيتقاتل مع السلعة والخدامة، هاد الضريبة كتقدر تكون هي الرصاصة اللي كتخرّج الموظف الوحيد اللي عندو، أو كتسد ليه المحل.
السيستيم بحال لا كيعاقبك حيت حاولتي وما نجحتيش هاد العام.

ولكن اذا شفتي من وحهة نظر الدولة غادي تقوليك هادشي كاين فكاع الدول و كنعطيوك 36 شهر اعفاء منها... اذا ثلاث سنين وانت كتحاول دوز لاكيس ...
اذا كنتي ما فيدكش وماقادرش تنجح مشروع ف ثلاث سنين سد وهنينا...

2. توحيد سعر الضريبة (IS):

من بعد الإصلاح الأخير، المغرب غادي فالتوجه ديال توحيد الضريبة على الشركات (IS) فـ 20%.

* قبل: الصغير كان كيخلص 10% على الأرباح اللولا (تحت 300 ألف درهم).
* دابا: السيستيم كيقول لشركة يلاه باديّة وكدخل 20 مليون د الأرباح: "خلصي بحالك بحال شركة كدخل مليار".

نظرياً هي عدالة، ولكن واقعياً هي إقصاء.

3. اللي كبير عندو امكانيات اكثر باش يدافع على راسو

* الكبير: عندو جيش ديال المحاسبين
(Experts comptables)
ومحامين ديال الضريبة. خدمتهم هي يلقاو الثقابي فالقانون باش يخلصو أقل ما يمكن بالقانون.
(Tax Optimization)

* الصغير: كيدير المحاسبة بيديه ولاعند شي محاسب على قد الحال.
غلطة صغيرة فتوصيل ولا فاكتورة تقدر تجيب ليه مراجعة ضريبية تشتت ليه الشمل مسكين ...

وزيد على هادشي القانون معقد لدرجة أن المعرفة بالقانون ولات امتياز للأغنياء فقط.

4. ضريبة الصّدق
(The Formal Sector Penalty)

المقاول الصغير اللي باغي يخدم نيشان، كيتخلص الضريبة، وكيديكلاري الموظفين، وكيخلص الـ TVA.

وفنفس الوقت، كينافس السيكتور غير المهيكل اللي ما كيخلص والو وكيبيع قل منو فالثمن.

الدولة هنا، بلا ما تقصد، كتعطي حافز عكسي: اللي كيغش كيربح، واللي باغي يكون مقاول مواطن كياكل الدق.

زيد على هادشي التعقيدات الادارية باش تسترجع الضريبة على القيمة المضافة مشكلة، باش تحتج على شي تظلم مسطرة معقدة، باش تجاوب على مراجعة ...

حتى الناس اللي متفائلين متفقين على جزء كبير من هادشي واذا دويتي معهم يقولو لك راه هادشي كامل فيه تحسن في السنوات الاخيرة...

في الخلاصة، واش الضريبة مصممة عمداً لقتل الصغير؟

غالباً لا، ومنعرف ثاني :)

النية غالبا هي جمع الفلوس للخزينة بأسهل طريقة. ولكن الآثار الجانبية ديال هاد القوانين هي اللي سامّة.

أشنو بان ليكم؟ واش الضريبة هي الحيط اللي حابس الشركات باش يكبروا ؟

#الضريبة #المغرب #اقتصاد

01/01/2026

01/01/2026

خبر عاجل فالسكن فالمغرب! اللي خدا دعم الدولة باش يشري السكن مايمكنش يبيعو قبل 5 سنوات. إلا بغيتي تبيع قبل هاد المدة خاصك ترجع كامل الدعم للدولة، زائد ممكن تتّطبق عليك ضريبة العقار. الهدف هو باش الدعم يبقى للمواطني اللي بغاو السكن الرئيسي ماشي للمضاربة. تفقدوا تفاصيل المدة والشروط فالفيديو الطويل اللي في القناة. وشكراً.
#ملكيات

01/01/2026

كنقدمو:

شرح مبسّط للفرق بين السرقة وخيانة الأمانة فالقانون المغربي

شنو كيقولو القانون الجنائي وقوانين المال العام

فين كتوقف المسؤولية الإدارية وكتبدا المسؤولية الجنائية

شنو الحقوق ديال المواطن المغربي وطرق المساءلة القانونية

⚠️ الفيديو توعوي وتحليلي، وما فيه حتى اتهام لأي جهة، الهدف هو نشر الوعي القانوني فقط.

📌 إذا عجبك المحتوى:

دير Like

شارك الفيديو

خلّي رأيك فالتعليقات (النقاش مرحّب به)
#الدكتور معتوق
#سرقة المال العام
#خيانة الأمانة
#القانون المغربي
#مسؤولين مغاربة
#جرائم المال العام
#الفساد في المغرب
#تحليل قانوني
#القانون الجنائي المغربي
#المال العام
#حقوق المواطن
#المساءلة القانونية
#واش سرقة ولا خيانة
#أخبار المغرب
#قانون
#عدالة
محاسبة المسؤولين

31/12/2025

مع بداية سنة 2026، يستعد المغرب لدخول مرحلة جديدة من التعديلات الجبائية والتنظيمية، عقب صدور قانون المالية رقم 50.25 بالجريدة الرسمية، والذي يتضمن سلسلة من التدابير التي ستمس بشكل مباشر الحياة اليومية للمواطنين، كما ستنعكس على طريقة اشتغال المقاولات ومناخ الأعمال بصفة عامة.

القانون المالي الجديد، الذي سيدخل أغلب مقتضياته حيز التنفيذ ابتداءً من فاتح يناير المقبل، جاء محمّلاً بإجراءات توصف بالمركّبة، تجمع بين تخفيفات ضريبية محدودة من جهة، وتشديد واضح في آليات المراقبة والتتبع من جهة ثانية، في سياق تسعى فيه الحكومة إلى توسيع الوعاء الضريبي وتعزيز موارد الدولة.

وعلى مستوى الأسر، أقر القانون رفع الخصم الضريبي عن الأعباء العائلية من 500 إلى 600 درهم عن كل شخص معال، ليرتفع السقف السنوي إلى 3600 درهم للأسر المكوّنة من ستة أفراد، وهو إجراء تقول الحكومة إنه يندرج ضمن دعم القدرة الشرائية، في وقت يرى فيه عدد من المتابعين أن أثره يبقى محدوداً أمام الارتفاع المتواصل في تكاليف المعيشة.

كما شملت التدابير توسيع الإعفاء الضريبي ليطال معاشات التقاعد التكميلي الممنوحة من طرف الصندوق المهني المغربي للتقاعد لفائدة متقاعدي القطاع الخاص، إلى جانب تمديد الإعفاء من الضريبة على القيمة المضافة ورسوم الاستيراد على الأبقار والإبل، في حدود سقف محدد، بهدف الحفاظ على استقرار أسعار اللحوم الحمراء خلال السنة المالية الجديدة.

#المغرب #الحكومة #الضريبة #الاقتصاد

31/12/2025

هاد الفيديو غادي يشرح ليك شنو كيوقع قانونياً فالمغرب إلى كانت عندك مبالغ مالية كبيرة فالبنك بلا تصريح ضريبي، وشنو هي السلطات ديال إدارة الضرائب، وإمتى يقدر يتحجز الحساب البنكي بسبب الديون أو الأحكام القضائية.

🎯 فهاد الفيديو غادي تعرف:

واش مجرد وجود فلوس فالبنكة فيه مشكل قانوني

مداخيل اليوتيوب والإنترنت: واش خاصها تصريح ضريبي

شنو كتدير إدارة الضرائب إلى شكات فمصدر الأموال

الحجز على الحساب البنكي بسبب الديون: كيفاش كيدار

الفرق بين المخالفة الضريبية والجريمة الجنائية

الحلول القانونية لتسوية الوضعية بلا مشاكل

📚 المراجع القانونية المعتمدة:

المدونة العامة للضرائب (المواد 22، 23، 213، 214، 231)

قانون المسطرة المدنية (الفصول 488 إلى 495)

القانون الجنائي المغربي (فيما يخص الشيكات والنصب)

⚠️ هذا الفيديو توعوي قانوني فقط وما فيه حتى تشجيع على التهرب الضريبي. الهدف هو نشر الوعي وتفادي الوقوع في مشاكل قانونية خطيرة.

إذا كنت مهتم بـ:
القانون المغربي، العقار، الضرائب، مداخيل الإنترنت، والحماية القانونية ديالك
فما تنساش تشترك فالقناة وتفعل الجرس باش توصلك الفيديوهات الجديدة.

📩 عندك سؤال قانوني؟ خليه فالتعليقات وغادي نجاوبك عليه ففيديو جاي.

31/12/2025

الإخوان و الأخوات سواء اللي عندهم فلوسهم في البنك و خايفين من الضريبة و مفهمينش شكون اللي عندو الحجز و شكون اللي لا و حتى اللي باقي مادزوش ليهم فلوس الأدسنس أو اللي خدام في الأنترنيت بصفة عامة اليوم فيديو مع العاشرة مساءا و اللي عندو شي سؤال يحطو في التعاليق غادي يلقى الجواب في الفيديو .
معا لمحاربة الإشاعة و الأمية القانونية

31/12/2025

لا حديث في أوساط المنعشين العقاريين بجهة الدار البيضاء، ومن يدور في فلكهم من مقاولات ومؤسسات تجارية، إلا عن مرحلة جديدة تتجه السلطات العمومية بعمالات وأقاليم الجهة نحوها، في مواجهة المنعشين المتهربين ضريبيا، وخصوصا أولئك الذين دأبوا على تجاوز المستحقات الضريبية الجماعية على الخصوص، وجرجرتها قبل التخلص منها أو من جزء مهم منها، بفعل مسطرة التقادم، وخصوصا ما يرتبط بضريبة الأراضي العارية، أو الإعفاءات التي خولت للبعض في ظروف مفتقدة لمزيد من الشفافية.

وفي هذا السياق، أكدت مصادر مطلعة أن عنوان المرحلة الجديدة سيكون الصرامة، ثم الصرامة، موضحة أن الأمر قد يصل إلى حد تجميد رخص بناء، وشهادات خاصة بالسكن والمطابقة، من أجل الضغط على هؤلاء المتهربين والمتلاعبين، لأداء ما بذمتهم من مبالغ مالية مهمة لفائدة الجماعات الترابية.

ورش لا محالة سيصفق له ويدعمه الجميع، وسيطالب هؤلاء بالتأكيد بتمديده ليشمل كل جهات المملكة.

#المغرب #العقارات #الضريبة

30/12/2025

الإخوان و الأخوات المرجو اللي بالمقدرة ديالو يدعم الصفحة بأبوني و النجوم يديرها باش يتحيد واحد للتقيييد عندي فالصفحة ليسا أمرا و لكن اللي بالمقدرة ديالو و لكم جزيل الشكر .
و عاونو بالبارطاج و التفاعل مع التدوينات و اي حاجة تحطات في الصفحة شكرا لكم من القلب و على الدعم ديالكم تحياتي

30/12/2025

الإخوان و الأخوات واش فعلا هادشي اللي في التدوينة صحيح لكان صحيح راه مشكل كبيييير هذا لكل المغاربة إذن الحسابات البنكية في. خطر .
راه مبقيت انا فاهم والو شي حد يفهمنا اشنو واقع ؟؟؟؟