Quel est le site Web ?

http://www.thinkinghatsonline.com/

Thinking Hats Media, paris, Paris (2026)

05/06/2026

എന്തുവാഡേയ് നിർത്താതെ ഊക്കുന്നോ.....? 😂👌

30/05/2026

ഞാനും ഒരു എസ്എഫ്ഐ പ്രവർത്തകൻ ആയിരുന്നു. ആദ്യത്തെ കേസ് പത്താം ക്ലാസ്സിൽ പഠിക്കുമ്പോൾ.

പിന്നെ എസ്എഫ്ഐ DYFI സിപിഎം രംഗത്ത് പ്രവർത്തിച്ചതിന്റെ ഭാഗമായി 25 ഓളം കേസുകൾ. കൂത്തുപറമ്പ് വെടിവെപ്പ് നടന്നതിന് ശേഷം നടന്ന സംഭവങ്ങളിൽ മാത്രം ഒരു ദിവസം 4 കേസുകൾ.

ആദ്യമായി ഒരു പാസ്സ്പോർട്ടിനു അപേക്ഷിക്കുന്നത് ഇരുപതാമത്തെ വയസിൽ. പക്ഷെ പോലീസ് അന്വേഷണം വന്നപ്പോൾ അപേക്ഷ തള്ളി.

മൂന്നാല് കേസുകൾ തീർന്ന സമയത്താണ് ഈ അപേക്ഷ കൊടുത്തത്.

പക്ഷെ ഒരെണ്ണം ബാക്കി ഉണ്ടായിരുന്നു. അതുകൊണ്ടാണ് തള്ളിയത്.
പിന്നെ അങ്ങോട്ട് കേസുകൾ കൂടിയതല്ലാതെ കുറഞ്ഞില്ല.

നാട്ടിൽ എന്തു പ്രശ്നം നടന്നാലും അതിൽ ഉണ്ടെങ്കിലും ഇല്ലെങ്കിലും കേസ് ഉറപ്പാണ് എന്ന അവസ്ഥയായി.

മാസത്തിൽ മിക്ക ദിവസവും കേസ് ഉണ്ടാകും.. പോകുന്ന വണ്ടി കാശും ജോലി നഷ്ടവും മാത്രം സഹിച്ചാൽ പോരാ..
കേസ് നടത്തുന്ന വക്കീലിനും അയാളുടെ ഗുമസ്തനും കൊടുക്കണം.

കേസിൽ പ്രതികളുടെ എണ്ണം കൂടിയാൽ നല്ലത്. ഫീസ് ഷെയർ ഇട്ടാണ് എടുക്കുക.
ചില കേസിൽ രണ്ടോ മൂന്നോ പേര് മാത്രമാണെങ്കിൽ ഷെയർ തുക കൂടും. കേസുകളുടെ എണ്ണം കുറഞ്ഞു പൂജ്യത്തിൽ എത്തിയിട്ട് വേണം ഒരു പാസ്പോർട്ട്‌ ഒപ്പിക്കാൻ എന്ന് വിചാരിച്ച് ഒരു പ്രശ്നത്തിനും പോകാതിരുന്നാലും ഏതെങ്കിലും കേസിൽ പ്രതിയായി പേര് വരും...

ഇങ്ങനെ ഇല്ലാത്ത സംഭവത്തിൽ പ്രതിയാക്കപ്പെട്ടതിനെ ചോദ്യം ചെയ്ത് ഒരു വലിയ നേതാവിനോട് പോലും ചൂടായിട്ടുണ്ട്. രക്ഷപ്പെടണമെന്ന് വിചാരിച്ചാലും ഒരു രക്ഷയുമില്ല ..

ഒരു തരം വലക്കെണി..

ഒരെണ്ണം അഴിക്കുമ്പോൾ മറ്റൊന്ന് വന്ന് കുരുങ്ങും..
അവസാനം 35 വയസ് ആവേണ്ടി വന്നു ഒരു പാസ്പോർട്ട്‌ എടുത്ത് ജോലി തേടി വിദേശത്ത് പോകാൻ..
ഇന്ന് മനസമാധാനത്തോടെ ജീവിക്കുന്നു..

കുഞ്ഞുങ്ങളെ നമ്മൾ ജനാധിപത്യ സംവിധാനത്തിന്റെ ഭാഗമാണ്.
രാഷ്ട്രീയം വേണം.
പക്ഷേ രാഷ്ട്രീയ നേതാക്കളുടെ ബലിയാടാവാൻ നിൽക്കരുത്..
അവർ നാളെ എംഎൽഎ യോ മന്ത്രിയോ ആകും..

ചിലപ്പോൾ പാർട്ടി സ്ഥാപനത്തിൽ ജോലിയോ അതുമല്ലെങ്കിൽ മന്ത്രിയുടെ സ്റ്റാഫിൽ കയറിക്കൂടാനോ പറ്റും..
അതല്ലെങ്കിൽ പാർട്ടിയിൽ ഉന്നത സ്ഥാനം.. അതിനെ ചുറ്റിപറ്റി കോൺട്രാക്ടർ വർക്ക്‌ അങ്ങനെ പലതും..

പക്ഷേ മഹാഭൂരിപക്ഷം ഒരു ഗതിയുമില്ലാതെ തെണ്ടും..
അതുകൊണ്ട് ആവേശം കുറച്ചു കുറക്കുക.. നിങ്ങളുടെ ആവേശമാണ് നേതാക്കളുടെ അടിത്തറ 😄

സുകുമാരൻ ദേവങ്കണം എന്നയാളുടെ കമന്റ്‌ ആണിത്.. ഒരനുഭവസ്ഥൻ.. #

17/05/2026

ഗ്യാസിന് വില കൂടിയപ്പോൾ ഒരു ചായയുടെ വില 15 രൂപയായി , ഒരു സോഡാ നാരങ്ങാവെള്ളത്തിന് 25 രൂപയുമായി..

ഡീസലിനും ഗ്യാസിനും അടിക്കടി വില ഉയരുമ്പോഴും പാവപ്പെട്ട ഓട്ടോ ഡ്രൈവർമാരുടെ അവസ്ഥ ആരും കാണുന്നില്ല..

പെട്രോൾ പമ്പിലും , സർവീസ് സെന്ററിലും കൊടുത്തു തീർക്കാൻ മാത്രമായി അവരുടെ അധ്വാനം മാറുകയാണ്..

റോഡിൽ ഓട്ടമില്ല , കയ്യിൽ കൂലിയുമില്ല..

ഒരു കുടുംബം പുലർത്താൻ പാടുപെടുന്ന ഓട്ടോക്കാരന്റെ സങ്കടം ആര് കേൾക്കാൻ..?

വിലക്കയറ്റത്തിന്റെ നടുവിൽ ശ്വാസം മുട്ടുന്ന സാധാരണക്കാരന്റെ വിലാപം ആര് കാണാൻ..😔

16/05/2026

ഇന്നലെ'യിൽ കണ്ട മൂന്ന് സീനുകൾ ഹാർട്ട് ടച്ചിങ്‌ ആയി. ഒന്ന് കുറിച്ച് വെക്കട്ടെ,,!

സീൻ 1 - കെപിസിസി ആസ്ഥാനത്ത് സതീശനെ വരവേൽക്കുന്നു. അകത്ത് കയറിയ സതീശനെ സ്വീകരിക്കുന്നു, മധുരം കൊടുക്കുന്നു. പിന്നെ എല്ലാവരും ചേർന്ന് കൈപൊക്കി, ക്യാമറക്ക് നോക്കി വിജയാരവം മുഴക്കുന്നു. കൈ ഉയർത്തിപ്പിടിച്ചിരിക്കുന്നത് ആരൊക്കെയാണ് എന്ന് മലയാളികൾ ശ്രദ്ധിച്ചിട്ടുണ്ടാവണം. ഒരറ്റത്തു സണ്ണി ജോസഫ്, പിന്നെ വിഷ്ണുനാഥ്, അനിൽകുമാർ, കൊടിക്കുന്നിൽ സുരേഷ്, ചെറിയാൻ ഫിലിപ് അങ്ങനെ വേറെ ആരൊക്കെയോ. ആ വൻ ആഹ്ലാദ-ആരവങ്ങളിൽ ഒന്നും പെടാതെ പുറകിൽ ഷിയാസ്. ഏത്, കൂടെപ്പിറപ്പിനെപോലെ രാത്രിയും പകലും സതീശനെ ചേർത്ത് പിടിച്ചവൻ. മുൻനിരയിൽ വരാതെ, മുൻവരിയിൽ പെടാതെ, പുറകിൽ നിന്ന് എല്ലാം കാണുന്ന സതീശന്റെ നിഴൽ. പക്ഷെ, മിനിറ്റുകൾക്കുള്ളിൽ അവിടുന്ന് പുറത്ത് കടക്കുമ്പോ സതീശന്റെ കൈവെള്ളയിൽ ഷിയാസിന്റെ കൈ ചേർത്ത് പിടിച്ചത് കണ്ടപ്പോ, ആ മനോഹര സൗഹൃദത്തിന്, മനുഷ്യന്റെ പരസ്പര പരിഗണനയക്ക് കേരളം വീണ്ടും സാക്ഷ്യം വഹിച്ചു..!

സീൻ 2 - ഉമ്മൻചാണ്ടിയുടെ വീട്ടിലേക്ക് കയറിച്ചെല്ലുന്ന സതീശനെ സ്വീകരിക്കാൻ മകൻ ചാണ്ടി ഉമ്മൻ കൈനിറയെ ഒരു ബൊക്കയുമായി നിവർന്ന് നിൽക്കുന്നു. എന്നാൽ സതീശൻ ചെയ്തത് ആ ബൊക്കയും, ചാണ്ടി ഉമ്മനെയും കൂട്ടിപ്പിടിച്ച് അകത്ത് പോയി, ശേഷം അകത്ത് നിന്ന് ഉമ്മൻ ചാണ്ടിയുടെ ഭാര്യയെ വിളിച്ച് സിറ്റൗട്ടിലേക്ക് വരുന്നു. ജനങ്ങൾ എല്ലാവരും കാൺകെ രണ്ടുപേരുടെയും കയ്യിൽ നിന്ന് അത് സ്വീകരിക്കുന്നു. കാരണം ഉമ്മൻചാണ്ടി ഇല്ലാത്ത വീട്ടിൽ, ആ 'അമ്മ' കഴിഞ്ഞിട്ടേ ഉള്ളൂ മകൻ. ആ കയ്യും കൂടെ ചേർത്ത് പിടിച്ച് ബൊക്ക മേടിക്കുന്നതാണ് ആ നിമിഷത്തിന്റെ കാവ്യ ഭംഗി..!

സീൻ 3 - ആ സീനിന്റെ നേർസാക്ഷ്യമാണ് മുകളിൽ ചിത്രത്തിൽ. തിരുവനന്തപുരത്ത് നിയുക്ത മുഖ്യമന്ത്രിയെ കാണാൻ എത്തിയ ഉന്നത പോലീസ് ഉദ്യോഗസ്ഥർ. ഡിജിപി, എ.ഡിജിപി, ഐ.ജി, കമ്മീഷണർ. അവരോട് സ്വന്തം നെഞ്ചിൽ കൈവെച്ച്, ബഹുമാനത്തോടെ, സുഹൃത്തിനെപോലെ സതീശൻ. അവരുടെ മുഖത്തെല്ലാം കഴിഞ്ഞ പത്തുവർഷം കാണാത്ത ഒരു ചിരിയും സന്തോഷവും. പരസ്പരം ബോഡി ലാംഗ്വേജിലും, സംഭാഷണത്തിലും ആകെയൊരു പോസിറ്റിവിറ്റി. പരസ്പരം ബഹുമാനം കാത്തുസൂക്ഷിക്കുന്ന ഒരുകൂട്ടം സുഹൃത്തുക്കൾ, ഒരു മുറിയിൽ ഒത്തുചേർന്നപോലെ..!

ഉയർന്ന പദവിയിലുള്ള ഒരു മനുഷ്യൻ, തന്റെ അപ്പുറത്ത് നിൽക്കുന്നവരോട്, സാഹചര്യങ്ങൾക്ക് അനുസരിച്ച് പെരുമാറുമ്പോൾ എന്ത് മനോഹരമാണ് അത് കാണാൻ. എന്തൊരു മഹത്വമാണ് അത് വീക്ഷിക്കാൻ. ഒരു സമൂഹത്തിന് എന്തൊക്കെ മാതൃകയാണതിൽ. ഇതൊക്കെയല്ലേ നമ്മൾ ആധുനിക മനുഷ്യർക്ക് വേണ്ടത്.

തൊട്ട് മുൻപിൽ നിൽക്കുന്നവരോട്, അവരുടെ ഡിഗ്നിറ്റി നോക്കാതെ, അവരെ ജഡ്ജിയ്യാതെ, മാനുഷികമായി പെരുമാറുന്നതാണ് ഏറ്റവും വലിയ പ്രൊഫഷണലിസം എന്ന് വിശ്വസിക്കുന്നയാളാണ് ഞാൻ. എന്നും എപ്പോഴും നമുക്കിങ്ങനെ പറ്റിയെന്നുവരില്ല. മനുഷ്യരാണ്, പിഴവുകൾ പറ്റാം. പക്ഷെ, സാഹചര്യങ്ങൾക്കൊത്തുള്ള ഔചിത്യ ബോധം, അത് കാത്ത് സൂക്ഷിക്കാനുള്ള ഒരു ശ്രമം നമ്മുടെ ഭാഗത്ത് നിന്നുണ്ടാവണം. അതിന് ഇതിലും വലിയ മാതൃക ഈ വാർത്തമാനകാലത്ത്‌ വേറെയില്ല.

ഈ നിമിഷം വരെ എനിക്ക് സതീശൻ ഒരു സോഡാ സർബത്ത് പോലും മേടിച്ചു തന്നിട്ടില്ല. ആകെ ഒരേ ഒരു വട്ടമേ നേരിൽ കണ്ട്, കൈ കൊടുത്തിട്ടുള്ളൂ. പല രാഷ്ട്രീയക്കാരുമായും ബന്ധമുള്ളപ്പോഴും, സൗഹൃദമുള്ളപ്പോഴും ഒഫീഷ്യലി, പേഴ്സണലി ഈ മനുഷ്യനുമായി ഒരു കോൺവർസേഷനും നടന്നിട്ടില്ല. പക്ഷെ, ഞാനയാളെ നിരന്തരം നിരീക്ഷിക്കുകയായിരുന്നു. ഞാനയാളെ പഠിക്കുകയായിരുന്നു.

എനിക്കയാളെ കുറിച്ച് നുണപറയേണ്ട, അയാളെ പുകഴ്ത്തണ്ട, അയാളെ വാഴ്ത്തുകയും വേണ്ട. നാളെ എനിക്കയാള് ഒന്നും തരാനും പോകുന്നില്ല. പക്ഷെ ഇയാളൊരു പ്രതീക്ഷയാണ്, ഇയാളൊരു പ്രേരണയാണ്. ഇയാളിൽ ഒരു മനുഷ്യനുണ്ട്. കൂടുതൽ മെച്ചപ്പെടാൻ ശ്രമിക്കുന്ന ഒരു നല്ല മനുഷ്യൻ. നമ്മുടെയൊക്കെ ഈ ചെറിയ ആയുസ്സിൽ, നമ്മൾ കാണാൻ പോകുന്ന ഒരു നല്ല മുഖ്യമന്ത്രിയും കൂടിയായി വി.ഡി സതീശൻ മാറട്ടെ എന്ന് നമുക്ക് ആഗ്രഹിക്കാം.!!

07/05/2026

നിങ്ങളുടെ അഭിപ്രായത്തിൽ മുഖ്യമന്ത്രി സ്ഥാനത്തേക്ക് ആരാണ് കൂടുതൽ യോഗ്യൻ?
1. വി.ഡി. സതീശൻ (V.D. Satheesan)
2. രമേശ് ചെന്നിത്തല (Ramesh Chennithala)
3.കെ.സി. വേണുഗോപാൽ (K.C. Venugopal)
വി.ഡി. സതീശൻ മുന്നിൽ നിന്ന് നയിച്ച നേതാവ്,രമേശ് ചെന്നിത്തല മുതിർന്ന നേതാവ് അനുഭവ സമ്പത്ത് അനുകൂലം,കെ.സി. വേണുഗോപാൽ High Command ൽ വലിയ influence ഉള്ള മുതിർന്ന നേതാവ്.

20/04/2026

വാഴ 2' കണ്ടിറങ്ങിയവർക്ക് പലർക്കും പല അഭിപ്രായങ്ങൾ ഉണ്ടാകാം, പക്ഷേ ആ ഒരു സീൻ... അത് കണ്ടിട്ട് കണ്ണ് നിറയാത്ത ആൺപിള്ളേർ കുറവായിരിക്കും.
മക്കൾ വിദേശത്തേക്ക് പോകുന്ന ആ എയർപോർട്ട് സീൻ. വിനായകിന്റെ അച്ഛൻ അവനെ ചേർത്തുപിടിക്കുമ്പോൾ, സുധീഷ് അവതരിപ്പിച്ച അച്ഛൻ കഥാപാത്രത്തിനടുത്തേക്ക് ഒരു കെട്ടിപ്പിടുത്തത്തിനായി അലൻ പതിയെ ചെല്ലുന്നുണ്ട്. അവന്റെ കണ്ണുകളിൽ ആ സ്നേഹം ആഗ്രഹിക്കുന്ന ഒരു മകനുണ്ട്. പക്ഷേ ഒരു നിമിഷം അടുത്തു വന്നിട്ടും, അലന്റെ അച്ഛൻ പറയുന്നത് "സമയം വൈകി, പോവാൻ നോക്ക്" എന്നാണ്.
സത്യത്തിൽ അത് വെറുമൊരു സിനിമാ സീനല്ല, നമ്മുടെയൊക്കെ വീടുകളിലെ ഒരു പച്ചയായ യാഥാർത്ഥ്യമാണ്.
മലയാളി അച്ഛന്മാർക്ക് സ്നേഹം പ്രകടിപ്പിക്കാൻ വലിയ മടിയാണ്. ഉള്ളിൽ മകനെ ഓർത്ത് നൂറ് ആകുലതകളും സ്നേഹവും ഉണ്ടെങ്കിലും, അതൊരു കെട്ടിപ്പിടുത്തത്തിലൂടെയോ "എടാ എനിക്ക് നിന്നെ മിസ്സ് ചെയ്യും" എന്നൊരു വാക്കിലൂടെയോ പുറത്ത് വരാറില്ല. പകരം അത് "സമയം വൈകി" എന്നോ, "പൈസ സൂക്ഷിച്ചു ചിലവാക്ക്" എന്നോ, "അവിടെ ചെന്നിട്ട് വിളിക്ക്" എന്നോ ഉള്ള നിർദ്ദേശങ്ങളായി മാറും.
മകനെ കെട്ടിപ്പിടിക്കാൻ ആഗ്രഹമുണ്ടായിട്ടും അത് പുറത്ത് കാണിക്കാത്ത അച്ഛനും, അച്ഛൻ തന്നെ ഒന്ന് കെട്ടിപ്പിടിച്ചിരുന്നെങ്കിൽ എന്ന് കൊതിക്കുന്ന മകനും... സ്നേഹമുണ്ടായിട്ടും അന്യോന്യം അത് കൈമാറാൻ അറിയാത്ത രണ്ട് പുരുഷന്മാർ!
ആൺപിള്ളേരുടെ ജീവിതത്തിൽ അച്ഛൻ എപ്പോഴും ഒരു 'Unsolved Mystery' ആണ്. പരുക്കൻ ഭാവങ്ങൾക്കും ശാസനകൾക്കും ഉള്ളിൽ അവർ ഒളിപ്പിച്ചു വെക്കുന്ന ആ വലിയ സ്നേഹം തിരിച്ചറിയാൻ നമ്മൾ ചിലപ്പോൾ ഒരുപാട് വൈകിപ്പോകാറുണ്ട്.
ചിരിപ്പിക്കാൻ വേണ്ടി മാത്രമല്ല, ഇതുപോലെ ഉള്ളുലയ്ക്കുന്ന ചില നിമിഷങ്ങൾ കൂടി സമ്മാനിച്ചതിന് 'വാഴ 2' ടീമിന് നന്ദി.
നിങ്ങളുടെ ജീവിതത്തിലും ഉണ്ടായിട്ടുണ്ടോ അച്ഛനോട് സ്നേഹം പറയാൻ മടിച്ചു നിന്ന, അല്ലെങ്കിൽ അച്ഛൻ സ്നേഹം പ്രകടിപ്പിക്കാൻ മടിച്ചു നിന്ന ഇതുപോലെയുള്ള നിമിഷങ്ങൾ?

18/04/2026

എന്റെ സുഹൃത്തുക്കളോട് എനിക്ക് പറയാനുള്ളത്... ഒത്തിരി വേദനയോടെ പറഞ്ഞോട്ടെ... വാൽപ്പാറ നിന്ന് പൊള്ളാച്ചി വരുന്ന വഴി നമ്മുടെ നാട്ടിലെ ഒത്തിരി ആളുകൾ ഇന്ന് മരണപ്പെട്ടു 😭. അതെന്താണ് കാരണം എന്ന് നിങ്ങൾ ചിന്തിച്ചിട്ടുണ്ടോ.?
ഞാൻ ഇപ്പോഴും ന്യൂസ് കണ്ടുകൊണ്ടിരിക്കുന്നു.. ടെമ്പോ ട്രാവലർ എന്ന വാഹനമാണ് അപകടത്തിൽപ്പെട്ടത്.. ഈ ടെമ്പോ ട്രാവലറിന്റെ ബ്രേക്ക് സിസ്റ്റം എപ്പോഴും കമ്പ്ലൈന്റ് ആണ്. അത് സ്ഥിരമായി ആ വാഹനം ഓടിക്കുന്ന ആളുകൾക്ക് അറിയാം...
ഒരിക്കലും ഇന്ന് ആ വാഹനം ഓടിച്ച ആളെ ഞാൻ കുറ്റം പറയുകയല്ല...
ടെമ്പോ ട്രാവലർ ഓട്ടം വിളിക്കുന്ന എല്ലാവരോടും ഞാനൊരു കാര്യം പറഞ്ഞോട്ടെ എന്റെ എക്സ്പീരിയൻസ് വെച്ചിട്ട് ഞാൻ പറയുന്നതാണ് എന്ന് നിങ്ങൾ കരുതിയാൽ മതി. ഏതു ഗിയറിലാണ് കയറ്റം കയറുന്നത്... അതേ ഗിയറിൽ തന്നെ തിരിച്ച് ഇറങ്ങി വരണം. പ്രത്യേകിച്ച് ടെമ്പോ ട്രാവലർ... ബ്രേക്ക് ചവിട്ടുന്നത് പരമാവധി ഒഴിവാക്കുക.. എസി ഉള്ള വാഹനമാണെങ്കിൽ എസിയും വർക്ക് ചെയ്യിപ്പിക്കുക. അപ്പോൾ നമുക്ക് ബ്രേക്ക് ചവിട്ടുന്നത് പരമാവധി ഒഴിവാക്കാം.
ടെമ്പോ ട്രാവലറിന്റെ ബ്രേക്ക് സിസ്റ്റത്തെ പറ്റി ഞാൻ പറയുകയാണെങ്കിൽ പക്കാ ഫെയിലിയർ ആണ്... ഈ വാഹനം ബെൻസ് ഡിസൈൻ ആണ് പക്ഷേ അപ്ഡേറ്റ്സുകൾ ഇവർ എടുക്കാറില്ല എന്ന് തോന്നുന്നു. ടെമ്പോ ട്രാവലർ എന്നുപറയുന്ന വാഹനം ചുരങ്ങളിൽ ബ്രേക്ക് ചവിട്ടി ഇറങ്ങിയാൽ ബ്രേക്ക് പെഡൽ താന്നു പോയി അടിയിൽ മുട്ടും . പിന്നെ ബ്രേക്ക് എന്ന സാധനം ഉണ്ടാകില്ല... അതുകൊണ്ട് ദയവു ചെയ്തു എന്റെ ഈ പോസ്റ്റ് കാണുന്ന ആളുകൾ എക്സ്പീരിയൻസ് ഉള്ള ടെമ്പോ ട്രാവലർ ഡ്രൈവർമാരെ വിളിച്ചുപോവുക കാര്യം പറയുമ്പോൾ എന്നെ ചീത്ത വിളിക്കണ്ട... ഞാനും ഒന്നര മാസം മുൻപേ അതിലെ ഇറങ്ങി വന്നിരുന്നു ആദ്യമായാണ് ആ വഴിക്ക് ഞാൻ വാഹനം ഓടിച്ചു വരുന്നത് അത്യാവശ്യം നല്ല റിസ്ക് ഉള്ള വഴിയാണ്...
എന്തായാലും അപകടത്തിൽ മരണപ്പെട്ടവർക്ക് ആദരാഞ്ജലികൾ... 😭😭😭

Thinking Hats Media

05/06/2026

30/05/2026

17/05/2026

16/05/2026

07/05/2026

20/04/2026

18/04/2026

Adresse

Site Web

Notifications

Raccourcis

Partager

Catégorie

Demande de retrait de la fiche