RFI ខេមរភាសា / RFI Khmer

RFI ខេមរភាសា / RFI Khmer This is the official page of Radio France Internationale (RFI) in Khmer language. RFI is a public service radio station for people around the world.

It is the leading French radio for round-the clock international news. It provides French and foreign-language broadcasts through its offices in Paris and abroad. RFI in Khmer is one of these foreign-languages broadcasts.

08/10/2025

ចិន តាមរយៈឯកអគ្គរដ្ឋទូតរបស់ខ្លួនប្រចាំប្រទេសថៃបានអះអាងជាថ្មីពីការមិនលូកដៃចូលក្នុងទំនាស់ព្រំដែនកម្ពុជា-ថៃនោះទេ។ យោងតាមសេចក្តីរាយការណ៍របស់កាសែតថៃចុះផ្សាយថ្ងៃទី៨តុលានេះ ចិនបានច្រានចោលរបាយការណ៍ស៊ើបការណ៍សម្ងាត់របស់ថៃដែលថា នៅប៉ុន្មានសប្តាហ៍មុនផ្ទុះការវាយប្រហាររវាងកងទ័ពថៃ និងកងទ័ពកម្ពុជា យន្តហោះយោធាចិនបានដឹកជញ្ជូនគ្រឿងសព្វាវុធយ៉ាងច្រើន និងបានចុះចតយ៉ាងស្ងៀមស្ងាត់ ក្នុងខេត្តព្រះសីហនុរបស់កម្ពុជា។

08/10/2025

មេដឹកនាំអតីតបក្សប្រឆាំងលោក សម រង្ស៊ី នៅថ្ងៃពុធទី៨តុលានេះ បានប្រកាសសមាសភាពបឋមនៃរដ្ឋាភិបាលកម្ពុជាឯករាជ្យ២៣តុលា។ រដ្ឋាភិបាលក្រៅប្រទេសនេះ មានសមាសភាពសុទ្ធសឹងជាអតីតមន្ត្រីបក្សសង្រ្គោះជាតិ និងរស់នៅក្រៅប្រទេសដូចលោក សម រង្ស៊ី។

ក្នុងរយៈពេល ២ឆ្នាំ កម្ពុជាបានបណ្តេញជនបរទេសពាក់ព័ន្ធបទល្មើសអនឡាញជាង ១ម៉ឺន៥ពាន់នាក់។ នេះបើតាមលោក ស សុខា រដ្ឋមន្ត្រីក្រសួងម...
08/10/2025

ក្នុងរយៈពេល ២ឆ្នាំ កម្ពុជាបានបណ្តេញជនបរទេសពាក់ព័ន្ធបទល្មើសអនឡាញជាង ១ម៉ឺន៥ពាន់នាក់។ នេះបើតាមលោក ស សុខា រដ្ឋមន្ត្រីក្រសួងមហាផ្ទៃ ដែលបានថ្លែងក្នុងសិក្ខាសាលាស្ដីពីការផ្លាស់ប្ដូរបទពិសោធន៍ក្នុងការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា និងការលាងសម្អាតប្រាក់នៅព្រឹកថ្ងៃទី៨ ខែតុលា ឆ្នាំ២០២៥នេះ។ បើតាមលោក ស សុខា ក្រសួងការពារជាតិ ក្នុងអាណត្តិមុនដែលដឹកនាំដោយ លោក ស ខេង បានបណ្តេញជនបរទេសពាក់ព័ន្ធបទល្មើសអនឡាញជាង ២ម៉ឺន១ពាន់នាក់។ ចំពោះរដ្ឋមន្ត្រីមហាផ្ទៃ កិច្ចការងារបង្ក្រាបបទល្មើសអនឡាញមិនមែនតែកម្ពុជាម្នាក់ឯងទទួលខុសត្រូវនោះទេ ពោលបណ្ដាប្រទេសនានាត្រូវឈ្វេងយល់ពីគ្នាទៅវិញទៅមកដើម្បីរួមបង្ក្រាបបទល្មើសអនឡាញទាំងនោះ៕

ប្រភពរូបភាព៖ ក្រសួងការពារជាតិ

08/10/2025

រដ្ឋាភិបាលថៃត្រូវតែទទួលខុសត្រូវ ក្នុងការចាត់វិធានការលើពលរដ្ឋខ្លួន ដែលវាយប្រហារ និងប្រមាថលោក ហ៊ុន សែន ប្រធានព្រឹទ្ធសភាកម្ពុជា និងថ្នាក់ដឹកនាំកម្ពុជាផ្សេងទៀត នាពេលថ្មីៗនេះ។ នេះជាបញ្ជាក់របស់ព្រឹទ្ធសភាកម្ពុជានៅថ្ងៃទី៧ ខែតុលា ឆ្នាំ២០២៥ ដោយបានចាត់ទុកទង្វើរបៀបនេះជាការប្រមាថយ៉ាងធ្ងន់ធ្ងរដល់សេចក្តីថ្លៃថ្នូររបស់មនុស្សជាតិ តម្លៃ សីលធម៌ និងការគោរពគ្នាទៅវិញទៅមករវាងប្រជាជាតិ និងប្រជាជាតិ។

08/10/2025

អស់រយៈពេលជាច្រើនទសវត្សរ៍មកហើយ គេបានជឿថា ផ្ទាំងគំនូរផ្នែកខាងក្នុងនៃព្រះវិហារព្រះកែវមរកត ឬហៅថា ព្រះវិហារប្រាក់នៅក្នុងព្រះបរមរាជវាំង ត្រូវបានខូចខាត និងបាត់បង់ទាំងស្រុង។ ប៉ុន្តែរឿងដ៏គួរអោយអស្ចារ្យបំផុត ក្នុងពេលថ្មីៗនេះ ផ្ទាំងគំនូរទាំងនេះត្រូវបានគេរកឃើញឡើងវិញ តាមរយៈរូបថតចម្លងហ្វីលកញ្ចក់របស់ប្រទេសអង់គ្លេស និងការសិក្សាស្រាវជ្រាវរបស់ជនជាតិបារាំង។ ការរកឃើញថ្មីនេះបានក្លាយជាលទ្ធផលនៃការតាំងពិព័រណ៍ថ្មីមួយរបស់សារមន្ទីរ ស.ស.រ នៅរាជធានីភ្នំពេញ ក្នុងគោលបំណងរំលឹកបេតិកភ័ណ្ឌគំនូរខ្មែរដែលបានបាត់បង់ និងរកឃើញវិញដោយកម្រ និងចែករំលែកការស្វែងយល់ពីស្នាដៃដ៏ល្អឯករបស់វិចិត្រករខ្មែរ នាដើមសតវត្សរ៍ទី២០។

07/10/2025

នៅថៃ ក្រុមមេដឹកនាំចលនា «អាវក្រហម» ចំនួន ១១នាក់ ​ត្រូវ​តុលាការកាត់ទោសព្រហ្មទណ្ឌ ដែលស្ថានទម្ងន់ទោសក្នុងកម្រិតផ្សេងៗគ្នា។ អ្នកទោសខ្លះត្រូវជាប់ក្នុងពន្ធនាគារជាង ៤ ឆ្នាំ។ សំណុំរឿងនេះពាក់ព័ន្ធនឹងបាតុកម្មទាមទារទម្លាក់រដ្ឋាភិបាលថៃ កាលពីឆ្នាំ ២០១០។

07/10/2025

គណៈកម្មាធិការណូបែលបានប្រគល់ជ័យលាភីរង្វាន់ណូបែលរូបវិទ្យាឆ្នាំ២០២៥ ឲ្យអ្នកស្រាវជ្រាវ ៣នាក់ដែលបានរកឃើញឥទ្ធិពលនៃរូងកង់ទិក ម៉ាក្រូស្កូពី និងការកម្រិតថាមពលនៅក្នុងចរន្តអគ្គិសនី។ អ្នកស្រាវជ្រាវទាំង ៣នាក់ គឺលោក John M. Martinis ជនជាតិអាមេរិក Michel H. Devoret ជនជាតិបារាំង និងលោក John Clarke ជាជនជាតិអង់គ្លេស។

07/10/2025

បារាំងបានធ្លាក់ផុង​ក្នុងវិបត្តិ​នយោបាយ គួរ​ឲ្យ​ព្រួយបារម្ភបំផុត បន្ទាប់ពី​លោក​នាយករដ្ឋមន្ត្រី​ថ្មី​ សេបាស្យៀង ឡឺក័រ​នុយ បានប្រកាសលាចុះតំណែង​ កាលពីថ្ងៃចន្ទទី​៦តុលា​ ប្រមាណ​តែ​១៤ម៉ោង​ក្រោយ​ប្រកាសសមាសភាពរដ្ឋាភិបាល​ថ្មី​។ ការលាចុះពីតំណែង ព្រោះតែ​មានបក្សនយោបាយ​មិនពេញចិត្ត​នឹង​សមាសភាពរដ្ឋាភិបាល និងបានប្រកាសគំរាម​ដាក់ញត្តិ​សភា ដើម្បី​​បោះឆ្នោតដកសេចក្តី​ទុកចិត្ត​។ សម្រាប់ពេល​នេះ បារាំង មហាអំណាចសេដ្ឋកិច្ច​ទី​២របស់អឺរ៉ុប កំពុងស្ថិតនៅក្នុងភាពតែលតោល គ្មានរដ្ឋាភិបាល​ ស្របពេល​ដែលបរិបទសេដ្ឋកិច្ច​ និង​​សង្គ្រាមនៅ​អ៊ុយក្រែន​​ផង កំពុងតែរួមរឹតយ៉ាងខ្លាំង។

07/10/2025

ការផ្សាយកម្មវិធីព័ត៌មានប្រចាំថ្ងៃរបស់វិទ្យុបារាំងអន្ដរជាតិ
ថ្ងៃអង្គារ ទី០៧ ខែតុលា ឆ្នាំ២០២៥ រៀបចំដោយ អោ ស្រីពេជ្រ

07/10/2025

សន្ទុះនៃការផលិតថាមពលស្អាត ឬថាមពលកកើតឡើងវិញ បានថយល្បឿនជាខ្លាំង ព្រោះតែការផ្លាស់ប្តូរជំហរនយោបាយអាកាសធាតុរបស់សហរដ្ឋអាមេរិក និងចិន។ នេះបើតាមរបាយការណ៍ប្រចាំឆ្នាំ របស់ទីភ្នាក់ងារថាមពលអន្តរជាតិ (AIE) ដោយបញ្ជាក់ថា កំណើនការផលិតថាមពលស្អាត ទាបជាងកម្មវត្ថុដែលបានកំណត់នៅក្នុងកិច្ចប្រជុំ COP28។

07/10/2025

ថ្ងៃទី៧ តុលា ២០២៥នេះ ជាគម្រប់ខួប ២ឆ្នាំគត់នៃហេតុការណ៍វាយប្រហាររបស់ក្រុមហាម៉ាសលើអ៊ីស្រាអែល និងដែលបានបើកប្រតិបត្តិការសងសឹកវិញ រហូតក្លាយជាសង្គ្រាមបង្ហូរឈាម និងវិបត្តិមនុស្សធម៌យ៉ាងធ្ងន់ធ្ងរនៅហ្កាហ្សា។ តែសង្គ្រាម ២ឆ្នាំទំនងឈានដល់របត់ថ្មីមួយ ព្រោះកិច្ចចរចាដោយមិនផ្ទាល់ រវាងរដ្ឋាភិបាលអ៊ីស្រាអែល និងចលនាហាម៉ាសបានចាប់ផ្តើម ជាមួយក្តីរំពឹងថានឹងអាចដោះលែងចំណាប់ខ្មាំងទាំងអស់មកវិញ និងបញ្ចប់សង្គ្រាមហ្កាហ្សាបាន។

07/10/2025

អង្គការសង្គមស៊ីវិលជិត ២០ស្ថាប័នសម្តែងក្តីបារម្ភពីការវិលចូលស្រុកយ៉ាងក្រាស់ក្រែលរបស់ពលករចំណាកស្រុក ដែលទៅធ្វើការនៅប្រទេសថៃ ក្រោយកម្ពុជា-ថៃមានជម្លោះព្រំដែន។ ក្នុងសេចក្តីថ្លែងការណ៍រួមចេញផ្សាយនៅថ្ងៃទី៧ ខែតុលា ឆ្នាំ២០២៥ ក្រុមអង្គការសង្គមស៊ីវិលទាំងនោះមើលឃើញពីផលលំបាកពលករ ត្បិតការវិលត្រឡប់ដ៏ច្រើនលើសលប់បែបនេះនឹងប៉ះពាល់ខ្លាំងដល់ស្ថានភាពការងារ និងសេដ្ឋកិច្ចកម្ពុជាដែលកំពុងលំបាកស្រាប់។

Adresse

Saint-Ouen

Site Web

Notifications

Soyez le premier à savoir et laissez-nous vous envoyer un courriel lorsque RFI ខេមរភាសា / RFI Khmer publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type