RFI ខេមរភាសា / RFI Khmer

RFI ខេមរភាសា / RFI Khmer This is the official page of Radio France Internationale (RFI) in Khmer language. RFI is a public service radio station for people around the world.

It is the leading French radio for round-the clock international news. It provides French and foreign-language broadcasts through its offices in Paris and abroad. RFI in Khmer is one of these foreign-languages broadcasts.

28/11/2025

នៅអ៊ុយក្រែន អង្គភាព​ប្រឆាំងអំពើពុករលួយ ​ចុះ​ឆែកឆេរ​គេហដ្ឋាន​របស់​នាយកខុទ្ទកាល័យ​ប្រធានាធិបតីអ៊ុយក្រែន និងជា​មនុស្សជំនិត​របស់​លោក វ៉ូឡូឌីមៀរ ហ្សេឡេនស្គី​។ ប្រតិបត្តិការ​ចុះ​ឆែកឆេរនេះ​ ​ធ្វើឡើងដោយក្រុម​រដ្ឋអាជ្ញាពិសេស និង​ភ្នាក់ងារ​ប្រឆាំង​អំពើពុករលួយ​ ដើម្បី​​ស៊ើប​អង្កេត​សំណុំ​រឿងអាស្រូវ​​គៃបន្លំ​ប្រាក់ ៨៦ លានអឺរ៉ូ ក្នុង​វិស័យ​ថាមពល​អ៊ុយក្រែន​។

28/11/2025

នៅតែ​សល់​តែ​២ថ្ងៃទៀតប៉ុណ្ណោះ ការប្រគំតន្រ្តីជាប្រវត្តិសាស្រ្ត Rise for Khmerនឹង​លេចមុខ​​នៅទីក្រុង​ប៉ារីស ថ្ងៃទី​១ ធ្នូ ២០២៥។ ការប្រគំតន្រ្តីដែលមាន​ការចូលរួម​ពីតារា​ចម្រៀង​ល្បីនាំមុខ​គេ​របស់​កម្ពុជា គឺតារា​រ៉ែប វណ្ណដា កើតចេញពីគំនិតផ្តួចផ្តើមរបស់​ក្រុមយុវជនខ្មែរ​នៅប្រទេស​បារាំង​នៅក្នុង​នោះមាន​ ក្រុម​sabay sabay dara ដែល​ចង់​បាន​ថវិកា​ពីការ​លក់​សំបុត្រ​ដើម្បីយកទៅជួយ​ប្រជាជន​ភៀសសឹក​នៅតាម​តំបន់​ព្រំដែន​ខ្មែរ​ថៃ។ នៅ​ថ្ងៃ​អង្គារ ទី​២៥​វិច្ឆិកា ថោង ដារ៉ា ប្រធាន ក្រុមsabay sabay dara ​បាន​ធ្វើដំណើរ​ជាលើកចុងក្រោយទៅ​មើល​ទីតាំង​ប្រគំតន្រ្តី​នៅ​សាល Pleyel (ភ្លេយែល)​ និង​ផ្ទាំងបដា​ផ្សព្វផ្សាយពាណិជ្ជកម្ម​បិទ​នៅតាម​រូងរថភ្លើង​ក្រោមដីក្នុងទីក្រុង​ប៉ារីស។ ឈាង បុប្ផា​មាន​បទយកការណ៍ពីរឿងនេះ។

28/11/2025

ស្លាប់​មនុស្សយ៉ាងហោច​១២៨នាក់ នៅក្នុងគ្រោះអគ្គីភ័យនៅហុងកុង​ កាលពីថ្ងៃទី​២៦​វិច្ឆិកា

28/11/2025

នៅតែសល់តែ២ថ្ងៃទៀតប៉ុណ្ណោះ ការប្រគំតន្រ្តីជាប្រវត្តិសាស្រ្ត Rise for Khmèreនឹងលេចមុខនៅទីក្រុងប៉ារីស។ ការប្រគំតន្រ្តីដែលមានការចូលរួមពីតារាចម្រៀងល្បីនាំមុខគេរបស់កម្ពុជា គឺតារារ៉ែប វណ្ណដា កើតចេញពីគំនិតផ្តួចផ្តើមរបស់ក្រុមយុវជនខ្មែរនៅប្រទេសបារាំងនៅក្នុងនោះមាន ក្រុមsabay sabay dara ដែលចង់បានថវិកាពីការលក់សំបុត្រដើម្បីយកទៅជួយប្រជាជនភៀសសឹកនៅតាមតំបន់ព្រំដែនខ្មែរថៃ។ នៅថ្ងៃអង្គារ ទី២៥វិច្ឆិកា ថោង តារា ប្រធាន ក្រុមsabay sabay dara បានធ្វើដំណើរជាលើកចុងក្រោយទៅមើលទីតាំងប្រគំតន្រ្តីនៅសាល Pleyel (ភ្លេយែល) និងផ្ទាំងបដាផ្សព្វផ្សាយពាណិជ្ជកម្មបិទនៅតាមរូងរថភ្លើងក្រោមដីក្នុងទីក្រុងប៉ារីស។ ឈាង បុប្ផាមានបទយកការណ៍ពីរឿងនេះ។

28/11/2025

អគ្គបញ្ជាការរងនៃកងទ័ពជាតិ និងជាមេបញ្ជាការកងរាជអាវុធហត្ថលើផ្ទៃប្រទេស លោក សៅ សុខា កាលពីថ្ងៃទី២៧ ខែវិច្ឆិកា ឆ្នាំ២០២៥ បានបង្កើតក្រុមការងារចំពោះកិច្ចមួយ ដើម្បីស្រាវជ្រាវបាតុភាពមិនប្រក្រតីដែលបានកើតឡើងនៅបញ្ជាការដ្ឋានកងរាជអាវុធហត្ថខេត្តក្រចេះ។ ក្រុមការងារចំពោះកិច្ចនេះត្រូវបានបង្កើតឡើង ក្រោយមានការផ្សព្វផ្សាយពីសំណាក់សកម្មជនការពារធនធានធម្មជាតិ និងការរិះគន់ធ្ងន់ៗរបស់អ្នកកាសែតម្នាក់នៅកម្ពុជាទៅលើមេបញ្ជាការកងរាជអាវុធហត្ថខេត្តក្រចេះ។

28/11/2025

ការផ្សាយកម្មវិធីព័ត៌មានប្រចាំថ្ងៃរបស់វិទ្យុបារាំងអន្ដរជាតិ
ថ្ងៃសុក្រ ទី២៨ ខែវិច្ឆិកា ឆ្នាំ២០២៥ រៀបចំដោយ ស៊ឹម ចាន់សំណាង

28/11/2025

ប្រធានាធិបតីអាមេរិក លោក ដូណាល់ ត្រាំ បាន​ប្រកាសថាចង់បិទខ្ទប់ទាំងស្រុង ឈប់ទទួលជនអន្តោប្រវេសន៍មកពីប្រទេសតតិយលោក។ ការ​ប្រកាស​ចេញ​វិធានការ​តឹង​រឹង​បែបនេះ ធ្វើឡើង​ក្រោយការបាញ់ប្រហារពីសំណាក់​​ខ្មាន់​កាំភ្លើង​ម្នាក់ ប្រុស​ជន​ជាតិ​អាហ្វហ្កានីស្ថាន​ ដែល​បណ្តាល​ឲ្យ​របួសកង​​ឆ្មាំការពារជាតិអាមេរិក ២នាក់ តែពេលនេះ ឆ្មាំ​ម្នាក់បាន​ស្លាប់ព្រោះតែ​របួស​ធ្ងន់ធ្ងរ​ពេក​។

28/11/2025

គ្រោះមហន្តរាយទឹកជំនន់ បង្កដោយ​ព្យុះភ្លៀងយ៉ាងគំហុក បាន​វាយសង្គ្រុបផ្ទួនៗគ្នាប៉ុន្មានថ្ងៃមកនេះ នៅ​ភាគខាងត្បូងប្រទេសថៃ នៅម៉ាឡេស៊ី និងឥណ្ឌូណេស៊ី។ គិតត្រឹមតួលេខ​ចុងក្រោយ ព្រឹកថ្ងៃសុក្រទី​​២៨វិច្ឆិកា​នេះ នៅថៃមាន​មនុស្សស្លាប់​យ៉ាងហោច​១៤៥នាក់ ហើយ​នៅឥណ្ឌូណេស៊ីវិញ មានស្លាប់យ៉ាងហោច​១១១នាក់​។ ដោយ​ឡែក ព្យុះត្រូពិក​​​មួយទៀត បាន​​​បោកសង្គ្រុបលើ​ស្រីលង្កា បណ្តាល​ឲ្យ​ស្លាប់មនុស្សយ៉ាងហោច​ ៥៦នាក់ដែរ។

28/11/2025

ខ្សែជីវិតរបស់ «រាជិនីសំឡេងមាស» ប្រចាំប្រទេសកម្ពុជាក្នុងអំឡុងទសវត្សរ៍ឆ្នាំ៦០ និង៧០ គឺអ្នកស្រី រស់ សិរីសុទ្ធា ត្រូវបានគេយកទៅសម្តែងជាល្ខោនតន្រ្តី។ ល្ខោនតន្រ្តីនេះរៀបរាប់ពីវីរភាពតស៊ូ និងជីវិតជូរចត់របស់អ្នកស្រី រស់ សិរីសុទ្ធា ដែលបានរងការប្រមាថមើលងាយ និងរំលោភបំពានទាំងផ្លូវកាយ និងផ្លូវចិត្ត។ សម្រាប់ក្រុមសិល្បៈករ ឈុតឆាកនៃល្ខោនតន្ត្រី «រាជិនីសំឡេងមាស» នឹងក្លាយជាចំណីអារម្មណ៍ថ្មីមួយសម្រាប់ទស្សនិកជន និងជាផ្នែកមួយលើកតម្កើងវិស័យសិល្បៈនៅកម្ពុជា។

28/11/2025

រដ្ឋាភិបាលកម្ពុជាបានអនុម័តលើសេចក្តីព្រាងច្បាប់ចំនួន៥ ក្នុងនោះមានសេចក្តីព្រាងច្បាប់ចំនួន៣ ដែលផ្តោតលើវិស័យអាកាសចរណ៍។ នេះបើយោងតាមសេចក្តីប្រកាសព័ត៌មានស្តីពីលទ្ធផលនៃកិច្ចប្រជុំពេញអង្គគណៈរដ្ឋមន្ត្រីចេញផ្សាយនៅរសៀលថ្ងៃទី២៨ ខែវិច្ឆិកា ឆ្នាំ២០២៥។ អ្នកនាំពាក្យអាកាសចរណ៍ស៊ីវិលកម្ពុជាយល់ថា កិច្ចព្រមព្រៀង និងពិធីសារចំនួន ៣នេះមានសារៈសំខាន់ខ្លាំងណាស់សម្រាប់វិស័យអាកាសចរណ៍របស់កម្ពុជាដែលជួយឱ្យកម្ពុជាមានកេរ្តិ៍ឈ្មោះលើឆាកអន្តរជាតិ។

នៅទីបំផុត សាលាឧទ្ធរណ៍សម្រេចបន្តសវនាការជំនុំជម្រះក្តី អតីតប្រធានអតីតគណបក្សសង្គ្រោះជាតិ លោក កឹម សុខា នៅថ្ងៃទី១៨ ខែធ្នូ ឆ្ន...
28/11/2025

នៅទីបំផុត សាលាឧទ្ធរណ៍សម្រេចបន្តសវនាការជំនុំជម្រះក្តី អតីតប្រធានអតីតគណបក្សសង្គ្រោះជាតិ លោក កឹម សុខា នៅថ្ងៃទី១៨ ខែធ្នូ ឆ្នាំ២០២៥ ក្រោយពន្យារអស់រយៈពេលជាង ១ឆ្នាំ។ នេះបើតាមលោក ផែង ហេង សហមេធាវីការពារក្តីឲ្យលោក កឹម សុខា នៅថ្ងៃល្ងាចថ្ងៃសុក្រ ទី២៨វិច្ឆិកានេះ។ លោក ផែង ហេង រំពឹងថា សវនាការជំនុះជម្រះសំណុំរឿងលោក កឹម សុខា នៅថ្ងៃទី១៨ ខែធ្នូខាងមុខ អាចជាលើកចុងក្រោយនៃនីតិវិធី។ សូមរំលឹកបន្តិចថា កាលពីថ្ងៃទី៣១ ខែកក្កដា ឆ្នាំ២០២៥ លោក កឹម សុខា ដែលត្រូវបានកាត់ទោសឲ្យជាប់ឃុំក្នុងផ្ទះ២៧ឆ្នាំ ពី «បទក្បត់ជាតិ និងគប់គិតគ្នាជាមួយបរទេស» បានបង្ហាញមុខជាសាធារណៈលើកដំបូង ដើម្បីចូលរួមគោរពវិញ្ញាណក្ខន្ធដល់កងទ័ពកម្ពុជា ដែលបានពលីនៅក្នុងសមរភូមិតាមព្រំដែនកម្ពុជា-ថៃ។ លោក កឹម សុខា បានស្នើសុំអនុញ្ញាតទៅតុលាការរយៈពេលពីរថ្ងៃ ដើម្បីចូលរួមគោរពវិញ្ញាណក្ខន្ធយុទ្ធជនពលី ដោយនៅថ្ងៃទី៣១ ខែកក្កដា លោកបានទៅខេត្តកំពង់ចាម និងត្បូងឃ្មុំ និងនៅថ្ងៃទី០១ ខែសីហា លោកបានទៅខេត្តកណ្តាល និងខេត្តតាកែវ៕

28/11/2025

លោក ថាញ់ សឺន ឧបនាយករដ្ឋមន្ត្រីវៀតណាមបានអះអាងថា លោកនឹងលើកសំណើឲ្យជួយសម្រួលលក្ខខណ្ឌរស់នៅរបស់ពលរដ្ឋវៀតណាមលើទឹកដីកម្ពុជាទៅជជែកជាមួយភាគីកម្ពុជា។ ការអះអាងនេះធ្វើឡើង បន្ទាប់ពីលោក ថាញ់ សឺន បានជួបតំណាងសហគមន៍វៀតណាមនៅកម្ពុជាក្នុងពេលចូលរួមសន្និសីទលើកទី១៣ ស្តីពីកិច្ចសហប្រតិបត្តិការ និងការអភិវឌ្ឍខេត្តជាប់ព្រំដែនវៀតណាម-ដែលនឹងប្រព្រឹត្តទៅចាប់ពីថ្ងៃទី២៧ ដល់ថ្ងៃទី២៩ ខែវិច្ឆិកា។

Adresse

Saint-Ouen

Site Web

Notifications

Soyez le premier à savoir et laissez-nous vous envoyer un courriel lorsque RFI ខេមរភាសា / RFI Khmer publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type