Herria Astekaria

18/06/2026

28/05/2026

Ezagutzen dukezu 82 urte hauetan jarraian astero argitaratua eta etxe askotara zabaldua den HERRIA euskarazko aldizkaria. Bertzeak bertze, Euskal Herri guziko berri mota askoren gainera, aurki ditaizke nazioartekoak, diasporakoak, historiari eta euskarari buruzko artikuluak, pilotari eskainia zaion orrialde oso bat, bai eta irakurleen xokoa.
Berrien hedatzeaz gain, gure helburua da herrritarrak euskaraz irakurtzera bultzatzea ; gure hizkuntzak egiten baitu gure lurraldea Euskal-Herria dela.
Azken urteotan, gastu batzuk, bereziki posta eta inprimatze gastuak, biziki emendatu dira. Ondorioz, Herria egoera zail batean da gaur egun. 2024an 11.000 euroko galera izan genuen, eta 2025ean 28.000 eurokoa. Egoera honek segitzen badu, astekariaren etorkizuna ez da gehiago segurtatua izanen, eta bi lanpostu zuzenean mehatxatuak dira.
Egoera honi buru egiteko, diru bilketa parte-hartzaile baten abiatzea erabaki dugu.
Zuen sustengua ezinbestekoa da: bakoitzak ahal duen neurrian lagun dezake. Herria sustengatuz, euskararen zaintzan, prentsa libre eta independente baten atxikitzean, eta ondare kultural bizi baten ondoko belaunaldiei transmititzean parte hartzen duzue.

Diru emaitza egiteko: https://www.helloasso.com/associations/editions-basques-herria/collectes/herria-lagundu