FJKM Filadelfia Meaux Hetsika

29/09/2026

30/09/2026 : MOFONAINA

Habaloka 3 : 17 - 19
Mihazona ny finoako hatrany aho

1- Na dia tsy nizotra araka ny izy aza ny asa natao :

“Fa na dia tsy mamontsina aza ny aviavy… " (and17) :
Taratry ny asa natomboka ireo voatanisa eto toy ny aviavy, voaloboka, oliva, saha, ondry ao amin ny vala. Indraindray dia tsy araka izay vokatra nandrasana no hita amin ireo asa natao irery. Hoy ny oha-pitenenana malagasy hoe : "Raha indray mandeha no manta vary, aza mandevin tsotrobe". Toy izany koa ny hoe : "Nanakofa ve ny vary tamin ito, mihaodihaody ny mosary ? Aza kivy ambony ihany, mamafaza na dia im p**o". Maro ireo sedra nihatra tamin ny martiora fa tsy nahakivy azy ireo izany.

2- Mbola hifaly sy hiravoravo hatrany :

"Nefa izaho dia mbola hifaly amin ny Jehovah ihany …" (and 18). Ny mpino miorina amin ny finoana dia tsy manankina ny fifaliany sy ny fiainany manontolo amin ny asa sy ny hita maso azo tsapain-tanana. Toa an'i Jesoa izay manaiky hatramin ny farany ny fijaliana sy ireo sedra tsy maintsy natrehany. Izany fahaizana miravoravo ao amin ny Tompo izany dia isan ny fototry ny valim-bavaka ho an ny mpino (Sal 37. 4). Misaora ny Tompo hatrany .

3- Ny Tompo no tanjako :

Ny fanatrehan ny Tompo, ny fampaherezana avy Aminy no ahafahan ny mpino manohy hatrany ny hazakazaka.

Fanontaniana :

Nahoana ny mpino no misaotra amin ny zavatra rehetra ?

29/09/2026

28/09/2026

29/09/2026 : MOFONAINA

La bonne semence

J’ai été saisi par le Christ… Je fais une chose : oubliant ce qui est derrière et tendant avec effort vers ce qui est devant, je cours droit au but pour le prix de l’appel céleste de Dieu dans le Christ Jésus.
Philippiens 3. 12 - 14

Nous laisser saisir par le Christ
Dans le verset du jour, l’apôtre Paul écrit : “J’ai été saisi par le Christ”. Nous laisser saisir ? Reconnaissons-le, ce verbe n’évoque pas quelque chose de positif dans notre esprit.

Au premier abord, c’est un état qui nous paralyse, nous enlève la force. Être saisi de crainte, qui voudrait l’être ? Être saisi de froid, pas davantage. Mais nous pouvons aussi être saisis de joie, ou encore saisis par la beauté d’un paysage. Vous souvenez-vous de ce qui, un jour ou un autre, vous a saisi ? Peut-être un coucher de soleil flamboyant, ou bien le calme presque surnaturel d’une clairière ; ou encore une rencontre marquante, une parole qui touche en plein cœur.

Paul a été saisi par le Christ le jour où, en chemin vers Damas pour persécuter les chrétiens, il s’est retrouvé jeté à terre et aveuglé, tétanisé en entendant la voix de Jésus s’adressant à lui depuis le ciel (Actes 9). Quelle expérience bouleversante ! Sa vie a été radicalement transformée. Christ l’a libéré de sa haine, de ses désirs de meurtre envers les chrétiens, et lui a donné un courage et une force incroyables pour avancer. Par la suite, Paul a rencontré l’opposition, l’hostilité, parce qu’il était devenu chrétien et qu’il le disait. Mais il a persévéré dans sa foi au Christ.

Et nous ? Laissons-nous saisir par le Christ. Il ne s’agit pas de vivre une expérience surnaturelle ou exceptionnelle, mais de nous laisser bouleverser par son amour, par sa Parole “vivante et opérante” (Hébreux 4. 12) ou par des circonstances dans lesquelles nous le voyons agir merveilleusement dans nos vies.

27/09/2026

28/09/2026 : MOFONAINA

Soratra Masina
👉 I Mpanjaka 3 : 4 - 15.

I) Mahafoy ho an'i Jehovah (And. 4) :

Nasehon'i Solomona fa ny tsara indrindra sy ny zava-dehibe taminy no natolony ho fanatitra ho an'i Jehovah.
Fankasitrahana sy fahavononana hanome ho an'i Jehovah ny fahafenoana amin'ny fanompoana.
👉 - Ny tsara sy ny sarobidy indrindra no atolotra ho an'Andriamanitra dia ny fotoana, ny hery sy ny fananana ary ny talenta.
- Ny fo feno fahavononana no takin'ny fanompoana marina.

II) Ny fahaizana mangataka amin'i Jehovah (And. 5 - 10) :

Hoy Jehovah tamin'ny Solomona : "Angataho izay tianao homeko anao".
Tsy nangataka harena na andro lava na fahendrena tamin'ny fahalavony izy fa fo mahay mihaino sy fahendrena hitarika vahoaka (And. 9);
Faly Jehovah.
👉 - Tsy izay mety amin'ny olona no nangatahiny fa izay mahasoa ny asan'Andriamanitra sy ny olona, fahendrena, fahalalana sy fahatokiana ary fo mahay manompo.

III) Mahay mandray valim-bavaka (And. 11 - 15) :

Tsy mangataka zavatra ho azy manokana i Solomona dia nomen'Andriamanitra fahendrena sy harena ary voninahitra izay tsy nangatahiny (And.13);
Fa mampahatsiahy Jehovah ny andehanany amin'ny lalany sy ny fitandremana ny didiny ( And. 14 ).
👉 - Raisina amin'ny fankasitrahana ny valim-bavaka fa fitahiana ary ampiasaina amin'ny voninahiny;
- Akoatran'ny valim-bavaka dia tokony hahafaly ny fankatoavana ilay Mpamaly vavaka.

Ho an'Andriamanitra Irery ihany anie ny voninahitra. Amen !

27/09/2026

🫓 27/09/2026 : MOFONAINA

📖 Jakoba 2, 14 - 26

✍️ Ny fifandraisana eo amin’ny finoana sy ny asa:

1️⃣- Asehoy amin’ny alalan’ny asa ny finoanao :

Fantatra fa «ny finoana no fahatokiana ny amin’ny zavatra antenaina, fanehoana ny zavatra tsy hita» (Heb 11, 1).

Eo ny didy manao hoe : «Tiava an’i Jehovah Andriamanitrao amin’ny fonao rehetra sy ny fanahinao rehetra ary ny sainao rehetra, tiava ny namanao tahaka ny tenanao». Aseho amin’ny asa ny fanatanterahana ireo didy lehibe ireo. Voasoratra fa «Raha misy manao hoe : Tia an’Andriamanitra aho, nefa mankahala ny rahalahiny, dia mpandainga izy; fa izay tsy tia ny rahalahiny izay hitany, hataony ahoana no fitia an’Andriamanitra Izay tsy hitany ?» (I Jao 4. 20). Araka izany, mifamatotra akaiky ny hetsika hita maso sy ny finoana ny tsy hita maso. Asehoy amin’ny asa ny finoana.

2️⃣- Hamarinina amin’ny asa isika, ary vonjena amin’ny finoana :

«…Hamarinina amin’ny asa ny olona, fa tsy amin’ny finoana ihany» (Jak 2, 24): Samy zava-dehibe, na ny asa, na ny finoana. Ny fanavahana ny osy sy ondry ao amin’ny Mat 25, 31 - 46; ny fahasambaran’ireo « maty ao amin’ny Tompo sy ny asany manaraka azy (Apo 14, 13), dia samy maneho fa hamarinina amin’ny asa isika. Tsy azo avela anefa ny finoana an’i Jesoa izay fototry ny famonjena antsika. Tsarovy ary, fa maty ny finoana tsy misy asa.

❓Fanontaniana :

Samy zava-dehibe ny finoana sy ny asa, nahoana ?

26/09/2026

26/09/2026 : MOFONAINA

I KORINTIANA 9, 24 - 27

1- Tohizo hatrany ny hazakazaka masina :

«Mihazakazaha toy izany mba hahazoanareo» (and 24b) :

Ny mpihazakazaka dia manana hafainganam-pandeha mafy kokoa mihoatra ny mpandeha tsotra. Misy lalan-kizorana mazava; ary manana tanjona voafaritra tsara. Mazava ny toromarika pratika nomena antsika momba izany : «Hazakazaka masina» momba ny fahamarinana, fianakaviana, tanindrazana, tontolo iainana. Mizotra mankaiza ary ny fiainam-pianakavianao ? Manakory ny fikolokoloanao ny tontolo iainana ? Mandeha amin’ny fahamarinana hatrany tokoa ve? Inona no anjarabirikinao eo amin’ity tanindrazana iaraha-manana ity ? Aza variana na mitoditodika ianao. Mitandrema tsara sao lavo !

2- Mahonona tena amin’ny zavatra rehetra :

Manana fitsipi-pifehezana manokana ny mpihazakazaka. Mifehy tena izy amin’ny sakafo, torimaso ampy tsara, fialam-boly voasaina tsara, manao fanazaran-tena mitohy, mikolokolo ny tenany amin’ny maha Tempolin’ny Fanahy Masina azy. Miala amin’ny fanaon’izao tontolo izao, sahy miavaka amin’ny maro. Mandeha amin’ny fahamasinana.

3-Katsaho hatrany ny satroboninahitra tsy mety ho lo :

Manam-petra ireo valim-pitia azontsika Izay omanin’ny Tompo ho antsika dia maharitra mandrakizay. eto an-tany.

Fanontaniana :

Mizotra tsara ve ny hazakazaka masina any aminareo ?

25/09/2026

25/09/2026 : MOFONAINA

II TESALONIANA 3 : 6 - 13

Ireo andraikitra miandry antsika.

1-Manaraka tsara ny fampianarana natolotra :

«Ary mandidy anareo izahay…mba hialanareo amin’ny rahalahy rehetra izay tsy mitoetra tsara ka tsy manaraka ny fampianarana natolotra izay noraisiny taminay» (and. 6) : Nisy ireo nitondra fampianaran-diso momba ny andron’ny Tompo (II Tes 2, 2 - 3). Nisy fiantraikany teo amin’ireo mpino sasany izany. Nanjary niraviravy tanana sy kamo hiasa izay nandray an-jambany izany. Ny fiandrasantsika ny fiverenan’i Jesoa eny amin’ny rahon’ny lanitra dia vao mainka mampirisika antsika hiasa, hiasa tsara, hiasa tsy tapaka. Amin’ny fiahiana ny ankohonana, amin’ny fitoriana ny Filazantsara, amin’ny fanatanterahana ny fanompoana. Araka izany dia ilaina ny mihaino sy manaraka tsara ny fampianarana omen’ny raiamandreny mpiahy.

2- Miasa tsara amin’ny fiadanana :

«Raha misy tsy mety miasa, dia aoka tsy hihinana izy» (and 10).
«Ary izay manao toy izany dia didianay sy anarinay ao amin’i Jesoa Kristy Tompo mba hiasa tsara amin’ny fiadanana ka hihinana izay azy ihany» (and 12). Samy nomen’ny Tompo saina sy tanana aman- tongotra isika. Samy tolorany saina amin’ny alalan’ny Fanahy Masina. Mampianatra antsika Jesoa mba hampitomboantsika ny talenta nomena antsika (Mat 25,15).

Fanontaniana :

Inona avy ireo andraikitra miandry antsika mpino ?

23/09/2026

24/09/2026 : MOFONAINA