08/01/2026
តើការដែលមិនឈ្នះឬចាញ់គេពេលនេះ មកពីមិនរួបរួមសាមគ្គីជាតិពិតមែនទេ?
សូមពិចារណាៈ
គ្រប់គ្នាដឹងច្បាស់ថា«ការសាមគ្គីគឺឈ្នះ ឯបែកបាក់សាមគ្គីគឺចាញ់» ប៉ុន្តែបើសាមគ្គីតែមាត់ ហើយអ្នកមានអំណាច មិនអនុវត្តជាក់ស្តែង ក៏មិនទទួលបានជ័យជំនះនោះដែរ។
ដូច្នេះការបរាជ័យ ឬការមិនឈ្នះ ឬការចាញ់នេះ គឺពិតជាបានឆ្លុះបញ្ចាំងឲ្យឃើញយ៉ាងច្បាស់ថា មិនទាន់មានសាមគ្គីជាតិ ជាធ្លុងមួយពិតប្រាកដនៅឡើយទេ គឺសាមគ្គីតែមួយជ្រុង កម្ចាត់ជ្រុងផ្សេងទៀត។ បើសាមគ្គីតែប្រជាពលរដ្ឋ ដែលចូលរួមជួយឧបត្ថមកងទព័ និងជនរងគ្រោះ ក៏មិនទាន់គ្រប់គ្រាន់ដែរ ហើយអ្នកខ្លះបានហៅតែឲ្យគេសាមគ្គី តែខ្លួនបំបែកបំបាក់ នោះក៏មិនឈ្នះដែរ។
សូមមេត្តារួបរួមសាមគ្គីជាតិនឱ្យពិតប្រាកដ មិនមែនសាមគ្គីតែបក្សនឬអ្នកដែលហៃអើទេ។ ដូចនេះដើម្បីឲ្យជាតិមួយអាចរួបរួមសាមគ្គីរឹងមាំបាន គឺលុះត្រាតែផ្តើមចេញពីទឹកចិត្ត និងសកម្មភាពពិតរបស់អ្នកមានអំណាច ដែលពេលនោះហើយ គឺរាស្ត្រនឹងអបអរសាទរ ដល់មេដឹកនាំ ដែលនឹងនាំឱ្យអ្នកដឹកនាំនោះ មានកិត្តិយស មានឈ្មោះជាវីរៈបុរស ដ៏ខ្ពស់ត្រដែត ដែលក្នុងប្រវត្តិសាស្ត្រ នឹងកត់ត្រា ថាខ្មែរឈ្នះ ដោយសារស្នាដៃមេដឹកនាំចេះបង្រួបបង្រួមសាមគ្គីជាតិខ្មែរ៕
ព្រលឹង ជាតិ
