RENAY real talk

17/06/2026

16/06/2026

What is RSS?

15/06/2026

13/06/2026

ഒരു കപ്പൽ ദുരന്തവും സോഷ്യൽ മീഡിയയിലെ 'യുദ്ധ'വിളികളും: യാഥാർത്ഥ്യം എന്താണ്?
ലോകത്ത് ഏറ്റവും കൂടുതൽ ഇന്ത്യക്കാർ ജോലി ചെയ്യുന്ന, ആയുധശേഷിയിൽ ഒന്നാമതുള്ള രാജ്യമാണ് അമേരിക്ക. അവിടെ നിന്നുമുള്ള ഒരു കപ്പൽ ദുരന്ത വാർത്തയും അതിനെത്തുടർന്ന് നമ്മുടെ നാട്ടിൽ നടക്കുന്ന ചർച്ചകളും കാണുമ്പോൾ ചില കാര്യങ്ങൾ പറയാതിരിക്കാൻ കഴിയില്ല.
അമേരിക്കൻ ബ്ലാക്ക് ലിസ്റ്റിൽ പെട്ട ഒരു കപ്പൽ, കമ്പനിയുടെ ചില തിരുമറികൾ കാരണം അവിടെ നിന്നും യാത്ര തിരിച്ചു. ആ കപ്പൽ എങ്ങോട്ടാണ് പോകുന്നതെന്നോ, അതിന്റെ നിയമവിരുദ്ധ പശ്ചാത്തലമോ അതിൽ ജോലി ചെയ്യുന്ന സാധാരണക്കാരായ ജീവനക്കാർക്ക് അറിയാൻ വഴിയില്ലല്ലോ. ഒടുവിൽ അമേരിക്ക ഈ കപ്പലിന് കൃത്യമായ മുന്നറിയിപ്പ് (Warning) നൽകിയിരുന്നു. എന്നാൽ ക്യാപ്റ്റൻ അത് പാലിച്ചില്ല എന്നാണ് വിവരം.
അമേരിക്ക വിചാരിച്ചിരുന്നെങ്കിൽ വലിയൊരു ക്രൂയിസ് മിസൈൽ അയച്ച് ആ കപ്പൽ പൂർണ്ണമായും തകർക്കാമായിരുന്നു. പക്ഷേ അവർ ചെയ്തത് കപ്പലിന്റെ എൻജിൻ മാത്രം നിഷ്ക്രിയമാക്കുക എന്ന ലക്ഷ്യത്തോടെ 'ഹെൽഫയർ മിസൈൽ' (Hellfire Missile) വിക്ഷേപിക്കുകയാണ്. എന്നാൽ നിർഭാഗ്യവശാൽ ആ സമയം എൻജിൻ റൂമിലോ മറ്റോ ആയിരുന്ന നമ്മുടെ മൂന്ന് ഇന്ത്യൻ ജീവനക്കാരുടെ ജീവൻ ആ ആക്രമണത്തിൽ നഷ്ടപ്പെട്ടു.
ഈ മൂന്ന് സഹോദരങ്ങളുടെ വേർപാടിൽ രാജ്യം ഒന്നടങ്കം അതീവ ദുഃഖിതരാണ്. നമ്മുടെ പ്രതിഷേധം ശക്തമായി രേഖപ്പെടുത്തേണ്ടതുണ്ട്, അത് ഇന്ത്യ ചെയ്യുകയും ചെയ്തു. ഇതിനകം തന്നെ അമേരിക്കൻ അംബാസഡറെ രണ്ടു തവണ നേരിട്ട് വിളിച്ചുവരുത്തി ഇന്ത്യ ഔദ്യോഗികമായി പ്രതിഷേധം അറിയിച്ചിട്ടുണ്ട്.
പക്ഷേ, ഇവിടെ ചില മാധ്യമങ്ങളും സോഷ്യൽ മീഡിയാ 'വിദഗ്ദ്ധരും' നടത്തുന്ന പ്രചാരണങ്ങൾ കാണുമ്പോൾ അത്ഭുതം തോന്നുന്നു!
ഇവിടെയിരുന്ന് അമേരിക്കയോട് യുദ്ധം പ്രഖ്യാപിക്കണം എന്ന രീതിയിലാണ് മലയാളികൾ ഉൾപ്പെടെയുള്ള ചിലരുടെ സംസാരം.
എല്ലാത്തിനും പ്രധാനമന്ത്രി കുറ്റം പറഞ്ഞ്, ഇതൊരു ഭരണവിരുദ്ധ വികാരമാക്കി മാറ്റാൻ മാത്രമാണ് ചില മാധ്യമങ്ങൾ ശ്രമിക്കുന്നത്. ദുരന്തം വരുത്തിയ അമേരിക്കക്കെതിരെ ഇവരൊന്നും ഒരക്ഷരം മിണ്ടുന്നില്ല!
നമ്മൾ മനസ്സിലാക്കേണ്ട ചില യാഥാർത്ഥ്യങ്ങളുണ്ട്: 👇
1. പ്രവാസികളുടെ സുരക്ഷ: കോടിക്കണക്കിന് ഇന്ത്യക്കാർ ജീവിക്കുന്നതും ജോലി ചെയ്യുന്നതുമായ രാജ്യമാണ് അമേരിക്ക. വൈകാരികമായി ചിന്തിച്ച് ഒരു യുദ്ധത്തിലേക്ക് പോയാൽ അവിടെയുള്ള ലക്ഷക്കണക്കിന് ഇന്ത്യൻ കുടുംബങ്ങളുടെ അവസ്ഥ എന്താകും?
2. ആഗോള സമവാക്യങ്ങൾ: അമേരിക്കയുടെ സഹായമില്ലാതെ ഇന്ന് ലോകത്ത് ഒരു രാജ്യത്തിനും അത്ര എളുപ്പത്തിൽ മുന്നോട്ട് പോകാനാകില്ല. നമ്മൾ എന്തൊക്കെ അവകാശവാദങ്ങൾ ഉന്നയിച്ചാലും, പൂർണ്ണമായും ഒറ്റക്കാലിൽ നിൽക്കാൻ മാത്രമുള്ള സാമ്പത്തിക-സൈനിക സാഹചര്യം ഇന്നത്തെ ആഗോളവൽക്കരണ കാലത്ത് ഒരു രാജ്യത്തിനുമില്ല.
നമ്മുടെ സഹോദരങ്ങളുടെ മരണം അങ്ങേയറ്റം വേദനാജനകമാണ്. അതിൽ ശക്തമായ നയതന്ത്ര ഇടപെടലുകളിലൂടെയും നിയമനടപടികളിലൂടെയും അമേരിക്കയിൽ നിന്ന് നഷ്ടപരിഹാരവും നീതിയും ഉറപ്പാക്കുകയാണ് വേണ്ടത്. അല്ലാതെ സത്യാവസ്ഥ മനസ്സിലാക്കാതെ സോഷ്യൽ മീഡിയയിൽ യുദ്ധം വിളിച്ചു പറയുന്നതും, ഇതിനെ രാഷ്ട്രീയ ലാഭത്തിനായി ഉപയോഗിക്കുന്നതും തികഞ്ഞ വിഡ്ഢിത്തമാണ്.
നമുക്ക് യാഥാർത്ഥ്യബോധത്തോടെ ചിന്തിക്കാം, നമ്മുടെ പ്രവാസികളുടെ സുരക്ഷയ്ക്ക് മുൻഗണന നൽകാം. 🙏

11/06/2026

What is BRICS summit 2026.How many of you know?
എത്രപേർക്കറിയാം BRICS Summit നെക്കുറിച്ച്