Shan-e-kahuta News

16/01/2026

کہوٹہ کے علاقہ نتھوٹ روڈ پر تیز رفتار کار کا ایکسیڈنٹ الحمدللہ کوئی جانی نقصان کی اطلاع نہیں

16/01/2026

اسسٹنٹ کمشنر کہوٹہ ایوشہ ظفر کا فوری ایکشن، سستہ بازار کا اچانک دورہ، ریٹ لسٹ کی خلاف ورزی پر دکانداروں کو جرمانے

کہوٹہ: اسسٹنٹ کمشنر کہوٹہ ایوشہ ظفر صاحبہ نے عوامی شکایات کا نوٹس لیتے ہوئے سستہ بازار کا اچانک دورہ کیا۔ دورے کے دوران اشیائے ضروریہ کی قیمتوں، ریٹ لسٹ کی دستیابی اور سرکاری نرخوں پر عملدرآمد کا تفصیلی جائزہ لیا گیا۔

چیکنگ کے دوران متعدد دکاندار سرکاری ریٹ لسٹ کی خلاف ورزی اور زائد قیمتیں وصول کرتے ہوئے پائے گئے، جن کے خلاف موقع پر جرمانے عائد کیے گئے۔ اسسٹنٹ کمشنر نے واضح کیا کہ ناجائز منافع خوری کسی صورت برداشت نہیں کی جائے گی اور عوام کو مقررہ نرخوں پر سہولت فراہم کرنا انتظامیہ کی اولین ترجیح ہے۔

ایوشہ ظفر صاحبہ نے متعلقہ عملے کو ہدایات جاری کیں کہ سستہ بازار سمیت تمام مارکیٹس میں روزانہ کی بنیاد پر چیکنگ کا عمل جاری رکھا جائے۔ عوام نے انتظامیہ کے اس بروقت اور مؤثر اقدام کو سراہا ہے

16/01/2026

16/01/2026

پی آئی اے کا کینیڈا اور برطانیہ کی ریلوے کمپنیوں سے اشتراک، مسافروں کے لیے ایئر ٹو ریل سہولت متعارف

رپورٹ زاھدانور مرزا
پاکستان انٹرنیشنل ایئرلائنز (پی آئی اے) نے مسافروں کو مزید سفری سہولت فراہم کرنے کے لیے کینیڈا اور برطانیہ کی معروف ریلوے کمپنیوں کے ساتھ شراکت داری کا اعلان کر دیا ہے۔
پی آئی اے کے ترجمان کے مطابق اس معاہدے کے تحت ٹورنٹو، لندن اور مانچسٹر جانے والے مسافر اب ہوائی سفر کے بعد ایک ہی ٹکٹ کے ذریعے ٹرین کے ذریعہ اپنی آخری منزل تک پہنچ سکیں گے، اور انہیں ریلوے ٹکٹ علیحدہ سے بک کرنے کی ضرورت نہیں ہوگی۔
ترجمان نے بتایا کہ پی آئی اے نے کینیڈا اور برطانیہ میں ’’ایئر ٹو ریل‘‘ سہولت متعارف کرائی ہے، جس کے تحت ٹورنٹو پہنچنے والے مسافر کینیڈا کے آٹھ بڑے شہروں تک جبکہ لندن اور مانچسٹر آنے والے مسافر ٹرین کے ذریعے برطانیہ کے 50 سے زائد شہروں تک سفر کر سکیں گے۔
انہوں نے مزید کہا کہ مسافر اپنے ریلوے ٹکٹ ہوائی ٹکٹ کے ساتھ پی آئی اے کے بکنگ دفاتر، رجسٹرڈ ٹریول ایجنٹس، سرکاری ویب سائٹ اور موبائل ایپ کے ذریعے آسانی سے بک کر سکتے ہیں، جس سے وقت اور محنت کی بچت ہوگی۔۔

13/01/2026

متحدہ عرب امارات اور پاکستان کے درمیان پری امیگریشن کلیئرنس سے متعلق باضابطہ معاہدہ کرنے پر اتفاق ہوگیا۔

متحدہ عرب امارات جانیوالوں کی امیگریشن پاکستان ہی میں مکمل کی جائے گی، وفاقی وزیر داخلہ محسن نقوی سے یو اے ای کے وفد کی ملاقات میں فیصلہ کرلیا گیا، کراچی سے پائلٹ منصوبے کا آغاز ہوگا۔

ڈی جی کسٹمز اینڈ پورٹ سیکیورٹی احمد بن لاحج الفلاسی کی قیادت میں یو اے ای کے وفد نے وفاقی وزیر داخلہ محسن نقوی سے اسلام آباد میں ملاقات کی، دونوں ممالک کے درمیان پری امیگریشن کلیئرنس کے حوالے سے باضابطہ معاہدہ کرنے پر اتفاق کیا گیا۔

محسن نقوی کا کہنا تھا کہ اب مسافروں کو متحدہ عرب امارات پہنچنے پر طویل امیگریشن کارروائی سے نہیں گزرنا پڑے گا، وہ ڈومیسٹک مسافروں کی طرح سیدھا ایئرپورٹ سے باہر نکل سکیں گے، اقدام سے سفر میں سہولت، وقت کی بچت اور مسافروں کے مجموعی تجربے میں نمایاں بہتری آئے گی۔

یو اے ای وفد نے اقدام کو دونوں ممالک کے عوام کیلئے انتہائی مفید قرار دیتے ہوئے مکمل تعاون کی یقین دہانی کرائی۔

13/01/2026

ہنگامی پریس کانفرنس ، علامہ ہاشم ظہور نقیبی ممبر کہوٹہ پریس کلب اور مرکزی جامع مسجد کہوٹہ کے سابقہ خطیب خطہ پوٹھوار کے بزرگ ممتاز عالم دین علامہ پیر حافظ محمد عبد الغفور نقشبندی صاحب. نے ہنگامی پریس کرتے ہوئے وزیر اعلی پنجاب مریم نواز شریف، فیلڈ مارشل. جناب جرنل حافظ عاصم منیر صاحب اور وزیر داخلہ محسن نقوی صاحب سے انصاف کی درد مندانہ اپیل کرتے ہوئے کہا کہ میں نے تحصیل کہوٹہ میں اپنی زندگی کے 65 سالہ دین اسلام کی ترویج اشاعت کے لیے وقف کئے ہیں. تحصیل کہوٹہ کے گھر گھر میں میرے شاگرد موجود ہیں. گزشتہ چار ماہ سے میرے مظلوم بیٹے اور پوتے کو اڈیالہ جیل میں سلاخوں کے پیچھے بند کر کے رکھا گیا ہے. میں حلفیہ کہتا ہوں کہ میرے بیٹے کا اور پوتے کا تعلق کرین پارٹی سے نہیں ہے. میرا بیٹا ضلعی امن کمیٹی کا ممبر ہے. میں بستر علالت سے اٹھ کر حکام بالا سے انصاف مانگنے میڈیا کے سامنے آیا ہوں. خدارا مجھے انصاف دیتے ہوئے میرے پوتے محمد قاسم علی اور میرے بیٹے علامہ ظہور اعوان نقیبی کو رہا کیا جائے اور مجھے میری اس آخری عمر میں ان سے ملوایا جائے. وزیر اعلی صاحبہ، فیلڈ مارشل صاحب ، اور وزیر داخلہ صاحب یقیناً ہمیں جلد انصاف دلوانے میں ہماری مدد کریں گے اور اس چیز کا نوٹس لیں گے.

13/01/2026

راجہ اشتیاق کے بھائی ، راجہ اسماعیل کے والد متحرم، راجہ عدیل اورنگزیب کے ماموں جان مشہور ٹرانسپورٹر راجہ مشتاق احمد قضائے الہی سے وفات پا گے ہیں مرحوم کی نماز جنازہ بروز منگل شام 3 بجے سخی سبزواری کے دربار میں ادا کی جائے گئی۔