51News HD, 128/130, Ladypool Road, Birmingham (2025)

30/09/2025

پشاور: خیبرپختونخوا کابینہ میں بڑا سیاسی جھٹکا سامنے آیا ہے، صوبائی وزراء عاقب اللہ خان اور فیصل ترکئی نے اپنے عہدوں سے استعفیٰ پیش کر دیا۔
پاکستان تحریک انصاف کے سینئر رہنما اسد قیصر نے دونوں وزراء کے استعفوں کی تصدیق کرتے ہوئے کہا کہ عاقب اللہ خان (وزیر آبپاشی) اور فیصل ترکئی (وزیر ابتدائی و ثانوی تعلیم) نے اپنے استعفے وزیراعلیٰ علی امین گنڈا پور کو بھجوا دیے ہیں۔ اسد قیصر نے یہ اعلان سوشل میڈیا پلیٹ فارم ایکس پر کیا اور استعفوں کی تصاویر بھی شیئر کیں۔
پارٹی ذرائع کے مطابق دونوں وزراء پر وزیراعلیٰ کے خلاف مبینہ سازش کا الزام تھا، جس کی شکایت علی امین گنڈا پور نے بانی تحریک انصاف تک بھی پہنچائی تھی۔

30/09/2025

پشاور سمیت مختلف شہروں میں آٹے کی قیمتوں میں اضافہ
پشاور: صوبائی دارالحکومت پشاور میں آٹے کی قیمتوں میں ایک بار پھر اضافہ دیکھنے میں آیا ہے۔ آٹا ڈیلرز ایسوسی ایشن کے مطابق صرف ایک ہفتے کے دوران 20 کلو آٹے کے تھیلے کی قیمت میں 100 روپے کا اضافہ ریکارڈ کیا گیا ہے
ڈیلرز کا کہنا ہے کہ مکس آٹے کا 20 کلو تھیلا اب 2400 روپے جبکہ فائن آٹے کا 20 کلو تھیلا 2600 روپے تک جا پہنچا ہے
دوسری جانب سرگودھا میں بھی آٹے کی قیمتوں میں مسلسل اضافہ جاری ہے۔ ذرائع کے مطابق سفید آٹے کے گٹو کی قیمت 20 روپے اور سرخ آٹے کے گٹو کی قیمت 10 روپے تک بڑھ گئی ہے۔
شہریوں کا کہنا ہے کہ بازار میں بیشتر مقامات پر سرکاری نرخوں پر آٹا دستیاب نہیں اور وہ مہنگے داموں خریدنے پر مجبور ہیں۔ عوام نے حکومت اور متعلقہ اداروں سے فوری اقدامات کا مطالبہ کیا ہے تاکہ آٹے کی قیمتوں کو قابو میں لایا جا سکے۔

30/09/2025

نیپال سے سیریز میں شکست پر ویسٹ انڈیز کے کپتان برہم، کھلاڑیوں کو آئینہ دیکھنے کا مشورہ
ویسٹ انڈیز کو نیپال کے ہاتھوں ٹی ٹوئنٹی سیریز میں حیران کن شکست کے بعد کپتان عقیل حسین نے ٹیم کی کارکردگی پر شدید مایوسی کا اظہار کیا ہے۔ انہوں نے کہا کہ اگر ہم عالمی سطح پر اپنی موجودگی محسوس کروانا چاہتے ہیں تو محض بڑے نام کافی نہیں، ہمیں خود احتسابی کی ضرورت ہے
عقیل حسین کا کہنا تھا، "یہ انٹرنیشنل کرکٹ ہے، اگر ہم اپنے اہداف حاصل نہیں کر پا رہے تو ہمیں آئینہ دیکھنا ہو گا۔ سوال یہ ہونا چاہیے کہ آیا ہم واقعی اس معیار پر پورا اُترتے ہیں یا نہیں
کپتان نے مزید کہا کہ ایک مربوط ٹیم کو طے شدہ منصوبے کے تحت کھیلنا چاہیے، اور ہر کھلاڑی کو حالات کو جلد سمجھ کر خود کو ڈھالنا چاہیے۔ "نیپال کے بلے بازوں نے 174 رنز کے تعاقب میں بہترین بیٹنگ کی، جبکہ ہمارے گیند بازوں کو زیادہ ذمہ داری کا مظاہرہ کرنا چاہیے تھا،" انہوں نے مزید کہا
نیپال نے پہلی بار ویسٹ انڈیز کو ٹی ٹوئنٹی سیریز میں شکست دے کر نئی تاریخ رقم کی ہے، جو کہ ایک مکمل رکن ملک کے خلاف ان کی یادگار کامیابی ہے
دوسری جانب جنوبی افریقہ کے خلاف 18 رکنی اسکواڈ کا بھی اعلان کر دیا گیا ہے۔

30/09/2025

ابو ظہبی: متحدہ عرب امارات نے رہائشی اور وزٹ ویزوں سے متعلق نئی پالیسیز کا اعلان کر دیا ہے۔ حکام کے مطابق یہ اقدامات عالمی معیار کے مطابق وضع کیے گئے ہیں تاکہ یو اے ای کو مزید مستحکم معاشی، سیاحتی اور پیشہ ورانہ مرکز بنایا جا سکے
تفصیلات کے مطابق نئی پالیسی کے تحت بیوہ اور طلاق یافتہ خواتین کو اسپانسر کے بغیر رہائشی پرمٹ دیا جائے گا۔ اسی طرح غیر ملکی دوستوں کو وزٹ ویزہ پر بلانے کے لیے اسپانسر کی کم از کم ماہانہ آمدنی 15 ہزار درہم مقرر کر دی گئی ہے
کاروباری شخصیات کے لیے بھی سہولت متعارف کروائی گئی ہے جس کے تحت وہ مالی اسناد پیش کر کے بزنس ویزہ حاصل کر سکیں گے، چاہے ان کا کاروبار یو اے ای میں ہو یا بیرون ملک۔
ڈرائیورز کے حوالے سے بھی نیا ضابطہ لاگو کر دیا گیا ہے، جس کے مطابق اب صرف رجسٹرڈ اور لائسنس یافتہ ٹرانسپورٹ کمپنیاں ہی انہیں اسپانسر کرنے کی مجاز ہوں گی

29/09/2025

پاک فوج کے ترجمان لیفٹیننٹ جنرل احمد شریف چوہدری نے کہا ہے کہ آزاد کشمیر میں سیاسی سسٹم کام کررہا ہے اور اگر ریاست ٹیکس نہیں لے گی تو مراعات اور تنخواہیں کیسے ادا کی جائیں گی، آزاد کشمیر میں لوگوں کو احتجاج کا حق ہے مگر انتشار سے معیشت کو نقصان ہوتا ہے۔
پیر کو ڈی جی آئی ایس پی آر لیفٹیننٹ جنرل احمد شریف چوہدری کا آزاد کشمیر کی مختلف جامعات کے طلبہ سے پلندری میں خطاب سوشل میڈیا پر وائرل ہوگیا۔
ترجمان پاک فوج نے 15 ستمبر کو آزاد کشمیر کے علاقے پلندری میں مختلف جامعات کے ایک ہزار سے زائد طلبا اور اساتذہ کے سوالات کا جواب دیا جب کہ سوال و جواب کے چند حصوں کی ویڈیو سوشل میڈیا پر وائرل ہوگئی۔
عوامی ایکشن کمیٹی کی توڑ پھوڑ کی سیاست پر سوال کے جواب میں ڈی جی آئی ایس پی آر نے کہا کہ آزاد کشمیر میں سیاسی سسٹم ہے جو کام کر رہا ہے، آزاد کشمیر میں تمام اشاریے بشمول تعلیم ، صحت اور انفراسٹرکچر بہت بہتر ہیں۔لیفٹیننٹ جنرل احمد شریف چوہدری نے کہا کہ اگر ریاست ٹیکس نہیں لے گی تو مراعات اور تنخواہیں کیسے دے گی، 30 فیصد سے زائد آزاد کشمیر کے لوگ سرکاری نوکری کرتے ہیں، احتجاج سب کا حق ہے مگر انتشار سے معیشت کو نقصان ہوتا ہے، اللہ تعالیٰ نے کشمیر کو بے پناہ نعمتوں سے نوازا ہے۔
ترجمان پاک فوج نے مزید کہا کہ پاکستان کا خواب دیکھنے والے کا تعلق بھی کشمیر سے تھا، فوج میں متعدد آفیسرز اور جوان کشمیری ہیں، کشمیر کا مستقبل ”کشمیر بنے کا پاکستان“ ہے

29/09/2025

لاہور: چیئرمین وزیراعظم یوتھ پروگرام رانا مشہود احمد خان نے نیوز کانفرنس میں کہا کہ پاکستان کے نوجوان نہایت باصلاحیت ہیں اور اب دنیا کے ہر کونے میں ان کے لیے مواقع موجود ہیں
انہوں نے واضح کیا کہ حکومت نوجوانوں کو تعلیم، مہارت اور جدید ٹیکنالوجی سے آراستہ کرنے کے لیے یکساں مواقع فراہم کر رہی ہے تاکہ وہ ملک کی ترقی میں مؤثر کردار ادا کر سکیں۔
رانا مشہود احمد خان نے بتایا کہ حکومت نے بھٹوں پر کام کرنے والے بچوں کو اسکولوں میں داخل کر کے انہیں روشن مستقبل کے لیے تیار کیا ہے۔ اس کے ساتھ، نوجوانوں کے لیے نیشنل یوتھ ایمپلائمنٹ پالیسی بھی متعارف کرائی گئی ہے، جس کا مقصد ملک میں بیروزگاری کے خاتمے کو یقینی بنانا ہے۔
پالیسی کے تحت نوجوانوں کو مختلف زبانوں، آئی ٹی، صحت، معدنیات اور دیگر شعبوں میں مہارت حاصل کرنے کے مواقع دیے جائیں گے۔ انہوں نے مزید کہا کہ اس پالیسی کے تحت ہر سال 10 فیصد کاروبار رجسٹرڈ کیے جائیں گے اور حکومت آئندہ دو سے تین ماہ میں پاکستان کی پہلی نیشنل ایڈولوسینٹ پالیسی کا اعلان کرے گی۔
رانا مشہود احمد خان نے کہا، "ہم اپنے نوجوانوں کو دنیا کے ممتاز اداروں تک رسائی فراہم کر رہے ہیں تاکہ وہ عالمی سطح پر اپنی مہارت کا لوہا منوا سکیں۔ یہ ہنر مند نوجوان پاکستان کا روشن مستقبل ہیں۔ آج کا پاکستان ایک ابھرتا ہوا ملک ہے جو عالمی سطح پر اپنی شناخت

29/09/2025

وفاقی وزیر اطلاعات و نشریات عطاء اللہ تارڈ نے ایشین کرکٹ کونسل کے صدر محسن نقوی کے جرات مندانہ اور اصولی فیصلے کو سراہا ہے۔ انہوں نے کہا کہ محسن نقوی نے کھیلوں کی روح اور کرکٹ کے وسیع تر مفاد کو مقدم رکھتے ہوئے ایک مضبوط مؤقف اختیار کیا۔
عطاء اللہ تارڈ نے سوشل میڈیا پر اپنے بیان میں لکھا کہ بطور صدر ایشین کرکٹ کونسل، محسن نقوی کا فیصلہ بالکل درست اور بروقت تھا۔ بھارتی ٹیم نے ایک مرتبہ پھر اپنی روایتی ہٹ دھرمی کا مظاہرہ کرتے ہوئے ٹرافی وصول کرنے سے انکار کیا، تاہم محسن نقوی اپنے اصولی مؤقف پر قائم رہے جس کے نتیجے میں بھارتی ٹیم کو ٹرافی کے بغیر ہی میدان چھوڑنا پڑا۔

29/09/2025

پاکستان اسٹاک ایکسچینج میں ریکارڈ تیزی کا تسلسل جاری ہے اور ہنڈرڈ انڈیکس نے نئی بلند ترین سطح کو چھو لیا ہے
کاروباری ہفتے کے پہلے ہی دن مارکیٹ میں زبردست تیزی دیکھی گئی اور انڈیکس 900 سے زائد پوائنٹس بڑھ کر ایک لاکھ 63 ہزار 236 پوائنٹس تک پہنچ گیا
یاد رہے کہ گزشتہ ہفتے کے اختتامی سیشن میں بھی ہنڈرڈ انڈیکس 2 ہزار 976 پوائنٹس اضافے کے بعد 1,62,257 پوائنٹس پر بند ہوا تھا، جو اس وقت کی بلند ترین سطح تھی
ادھر کرنسی مارکیٹ میں ڈالر کی قدر میں کمی واقع ہوئی ہے۔ ایکسچینج کمپنیز ایسوسی ایشن کے مطابق انٹر بینک میں امریکی ڈالر 10 پیسے سستا ہو کر 281 روپے 27 پیسے پر ٹریڈ ہوا۔

28/09/2025

وزیراعظم محمد شہباز شریف اور نائب وزیراعظم برطانیہ میں مقیم سمندر پار پاکستانیوں سے گفتگو

28/09/2025

پاک انڈیا میچ پر لندن میں وزیر اطلاعات عطاء تارڑ کی گفتگو۔

28/09/2025

نائب وزیراعظم و وزیر خارجہ محمد اسحاق ڈار کی لندن میں میڈیا سے گفتگو
حرمین شریفین کی حفاظت ہم سب کا دینی اور اخلاقی فرض ہے
تحریک انصاف نے دفاعی تنصیبات پر حملہ کر کے قومی ریڈ لائن عبور کی ہ
اللہ کرے بھارت مسئلہ کشمیر کے حل کی جانب پیش قدمی کرے اور مقبوضہ کشمیر سے متعلق متنازع آرٹیکل واپس لے
سعودی عرب کے ساتھ دفاعی معاہدے پر مذاکرات گزشتہ ڈیڑھ سے دو سال سے جاری تھے۔

28/09/2025

طلبہ وطالبات نے یادگارِ شہداءپر حاضری دی،پھول رکھے اور وطن عزیز کے شہداءکے بلند درجات کے لیے دعا کی۔
دورے کے دوران طلبہ وطالبات کو ایئرڈیفینس سسٹم اور فا ئرنگ کے طریقہ کار کے بارے میں آگاہی فراہم کی گئی۔
طلباء کو کمبٹ ا یفیشنسی کی ٹریننگ بھی دیکھا ئی گئی۔
اس دورے کا مقصد عوام اورپاک فوج کے درمیان تعلقات کو مزید مستحکم بنانا تھا۔
طلباء نے پاک فوج کی قربانیوں کو وطن کے امن کا ضامن قرار دیا اور دورے کے انعقاد کو بے حد سراہ

51News HD

30/09/2025

30/09/2025

30/09/2025

30/09/2025

29/09/2025

29/09/2025

29/09/2025

29/09/2025

28/09/2025

28/09/2025

28/09/2025

28/09/2025

Address

Website

Alerts

Contact The Business

Shortcuts

Share

Category