Birmingham Urdu

Birmingham Urdu Contact information, map and directions, contact form, opening hours, services, ratings, photos, videos and announcements from Birmingham Urdu, Broadcasting & media production company, Birmingham Urdu News Office, Birmingham.

**Birmingham Urdu 🇬🇧🇵🇰**

بِرمِنگھم میں اردو زبان، ثقافت، ادب اور کمیونٹی کی آواز۔
📰 خبریں | 🎭 ثقافت | 📚 ادب | 🤝 کمیونٹی
بیرونِ ملک پاکستانیوں اور اردو سے محبت کرنے والوں کے لیے ایک پلیٹ فارم۔

پاکستان پریس کلب یوکے (PPCUK) مڈلینڈز چیپٹر کے صدر راجہ ناصر محمود اور ان کے اہلِ خانہ، اپنی والدہ محترمہ کے انتقال پر ت...
24/09/2026

پاکستان پریس کلب یوکے (PPCUK) مڈلینڈز چیپٹر کے صدر راجہ ناصر محمود اور ان کے اہلِ خانہ، اپنی والدہ محترمہ کے انتقال پر تعزیت کے لیے ہفتہ، 26 ستمبر 2026 کو صبح 10 بجے سے نمازِ عشاء تک برمنگھم سینٹرل مسجد میں موجود ہوں گے۔

مرحومہ، راجہ محمد عارف خان آف میرپور، آزاد کشمیر کی ہمشیرہ بھی تھیں۔

دوست احباب، رشتہ دار اور واقف کار مرحومہ کے اہلِ خانہ سے تعزیت کے لیے تشریف لا سکتے ہیں۔

اللہ تعالیٰ مرحومہ کو جنت الفردوس میں اعلیٰ مقام عطا فرمائے اور سوگوار خاندان کو اس مشکل وقت میں صبر و استقامت عطا فرمائے۔ آمین۔

22/09/2026

دعوت اسلامی نے برطانیہ میں تاریخ رقم کر دی
تحریر /مرزا فیصل محمود
دعوت اسلامی کے زیر اہتمام برطانیہ کے شہر نوٹنگھم میں برطانیہ کی سرزمین پر تاریخ میں پہلی بار تین روزہ اجتماع 18,19,اور 20 ستمبر 2026 کو ہوا اور دعوت اسلامی نے شاندار تاریخ رقم کر دی اس تاریخی اجتماع کے اہتمام کو دعوت اسلامی سے وابستہ ایک ایک فرد کو دل ❤️ کی اتہاد گہرائیوں سے مبارکباد پیش کرتا ہوں خصوصا امیر اہلسنت اور بانی دعوت اسلامی مولانا الیاس عطار قادری رضوی دامت برکاتہم عالیہ کو جنہوں نے ایسی پیاری تحریک دی جنہوں نے دیار غیر میں ہماری لئے اور ہماری نسلوں کو بچانے کے ایسا ماحول پیدا کر دیا جو جو گھرانا اس سے وابستہ ہو کر دین متین سے جڑ جائے گا انءشااللہ وہ پر فتن ماحول سے کٹ جائے اس کی زندگیوں میں مدنی انقلاب آجائیگا اور گھروں اور کاروبار میں خوب خوب برکتیں ہونگی اور بیوی بچے فرمانبردار ہونگے اور یہ سب دین اسلام کی پیروی کرنے کی بدولت ہی ممکن ہو گا بہرحال چلتے ہیں تین روزہ اجتماع پر ویڈیو کلپس پر جو سوشل میڈیا پر موجود ہیں جب برطانیہ بھر سے قافلے نوٹنگھم کے اجتماع گاہ پر پہنچنے شروع ہوئے تو ایسا لگ رہا تھا کہ ہم یہ مناظر مکہ مکرمہ اور مدینہ منورہ کے دیکھ رہے کہ بسوں کی قطاریں حجاج کرام کو ایک جگہ سے دوسری جگہ لے کر آ رہی ہیں بڑا ہی خوبصورت منظر تھا تمام ہی انتظامات اتنے احسن انداز میں کئے تھے کہ ناہی کوئی افراتفری کا ماحول تھا اجتماع گاہ پر پہنچنے سے پہلے ہی اجتماع گاہ کے سائن بورڈز جگہ جگہ نصب کئے گئے تھے آگے پہنچے پر سیکورٹی چیک کی لائین اور دیگر آلات موجود تھے اور تمام افراد کی سیکورٹی چیک کے بعد ہی اجتماع گاہ میں اینٹری ہو رہی تھی جیسے ہی اجتماع گاہ میں داخل ہوئے تو بڑی بڑی مارکیز کا انتظام کیا گیا تھا اور ایک ذمیدار اسلامی بھائی بتا رہے تھے کہ ابتدا میں تقریباً 30ہزار اسلامی بھائیوں کے لئے انتظامات کئے گئے جو دوسرے دن نا کافی ہو گئے تھے اس کے بات ایک اور بہت بڑی مارکیز کا بندوست کیا گیا اور وہ بھی ناکافی ہو گئی اور لوگوں نے دوسری رات کیمپینگ ٹنٹ اپنے اپنے ساتھ لے کر آئے اور رات بسر کی اجتماع گاہ کی مارکیز اور ٹنٹوں نے منا کی یاد تازہ کر دی مارکیز کے علاؤہ مختلف اسٹال بھی دیکھنے کو میسر آئے جس میں مکتب المدینہ، ایف جی آر ایف ،نیو مسلم اور اسی طرح کے بہت سے اسٹال بھی موجود تھے ایف جی آر ایف کا اسٹال بھی عاشقان رسول کی توجہ کا مرکز رہا جہاں بہت سے ایوارڈز بھی رکھے گئے تھے جو دنیا بھر میں انسانیت کی بے لوث خدمات کے اعتراف میں نا صرف برطانوی اداروں اور مختلف آرگنائزیشن سمیت دیگر ممالک کے آفیشلز نے دئیے تھے اس موقع پر ایف جی آر ایف یو کے یورپ اور کینیڈا کے سربراہ سید فضیل رضا عطاری سے بات چیت کرنے کا موقع بھی میسر آیا منتظمین نے بڑے اچھے انتظامات کئے ہوئے تھے اجتماع گاہ کے اندر مختلف جگہوں پر بڑی بڑی اسکرینز آویزں کی گئی تھی تین روزہ اجتماع کے دوران مدنی چینل کا خوبصورت اسٹوڈیو بھی بنایا گیا جہاں سے لائیو نشریات بھی ٹیلی کاسٹ ہوتی رہی فرسٹ ایڈ اور کسی بھی ایمرجنسی کی صورتحال سے نمٹنے کے ایمبولینسز بھی موجود تھیں وضو اور بہت الخلاء اور کھانےکے انتظامات بہت خوب تھے پانچ وقت باجماعت کے علاؤہ تہجد ،چاشت،اشراق اور دیگر نفلی عبادات کا بھی اہتمام ہوتا رہا اسٹیڈیز سرکل جگہ جگہ لگائے گئے تھے اہم بات یہ بھی تھے اس موقع پر سینکڑوں علما ۓ کرام کی دستار بندی بھی ہوئی -
عام پاکستانی یہ سمجھتا ہے کہ قرآن وسنت کی عالمگیر تحریک دعوت اسلامی صرف پاکستانیوں کی ہی تحریک ہے -مگر اس تین روزہ اجتماع نے مجھے بلکل حیران کر دیا کہ اجتماع تو صرف یوکے لیول کا تھا ہی مگر اس میں قافلے ایشین ممالک جن میں انڈیا ،بنگلہ دیش سمیت دیگر ممالک پھر یورپین ،افریقن ممالک امریکہ کینیڈا اور آسٹریلیا سے بھی قافلے آئے تھے اور مختلف زبان بولنے والے عاشقان رسول آے تھےاور مجھے امیر اہلسنت مولانا الیاس عطار قادری کا بنیادی مقصد جو وہ کہا کرتے تھے اور ہیں مجھے اپنی اور ساری دنیا کے لوگوں کی اصلاح کی کوشش کرنی ہے اور یہ کوشش آج بھی جاری ہے اس تین روزہ اجتماع میں جہاں نمازوں کا اہتمام ہوا اسٹیڈیز سرکل لگے وہاں فرض علوم بھی سیکھنے کو ملیے اپنی نمازوں کی درستگی وضو اور غسل کے فرائض اور بہت کچھ سیکھنے کو میسر آیا جو گھر بیٹھے نہیں سیکھا جا سکتا تھا اور سب سے بڑی اپنی بات سوچ کو بدلنے کا موقع میسر آیا کہ ہمارے جینے کا حقیقی مقصد کیا ہے جو ہزاروں عاشقان رسول کے دل میں پیوست ہوگی اور ایک نئی سوچ اور نئی جینے کی امنگ لے کر اپنے اپنے گھروں،اپنے اپنے شہریوں اور اپنے اپنے ممالک میں لے کر جائیں گے اجتماع کے آخری روز نگران شورئ مولانا عمران عطاری کا فکر انگیز خطاب اور رکن شورئ حاجی عبدل حبیب عطاری کی حاضری نے چار چاند لگا دئے اور آخر میں رقعت انگیز دعا اور فکر مدینہ نے سماء باندھ دیا - ایک بار پھر پوری دعوت اسلامی اور تمام منتظمین کو تین روزہ اجتماع کی کامیابی پر بہت بہت مبارکباد ہو اس موقع پر رکن شورئ اور دعوت اسلامی برطانیہ کے سربراہ حاجی خالد عطاری نے اگلے سال ستمبر میں دوسرے تین روزہ اجتماع کا اعلان بھی کر دیا جو ستمبر 2027 کا انعقاد پزیر ہو گا -انءشااللہ
یقینا دعوت اسلامی نے تاریخ رقم کر دی ہے
اے دعوت اسلامی تیری دھوم مچی ہے

21/09/2026

کب؟ کہاں؟ کیوں؟ کیسے؟ اس ویڈیو کی کوئی معلومات نہیں مل سکیں۔ مگر سین دلچسپ یے۔

19/09/2026

برطانیہ میں دعوت اسلامی کا 3 روزہ اجتماع ۔ ہزاروں عاشقانِ رسول کی آمد متوقع ۔

18/09/2026

لوگ اس پر بحث کر رہے ہیں جھگڑے کے دوران کسی انکل نے گبھرا کر ایمرجنسی دروازہ کا ہینڈل نا کھینچ دیا ہوا۔ کچھ لوگ یہ کہہ ریے ہیں پی آئی اے کی فلائٹ نہیں ہو سکتی کیونکہ تمام ٹی وی سکرینین کام کر رہی ہیں۔ آپ کا جواب کیا یے کمنٹس میں بتائیں۔۔۔

18/09/2026

Bomb attack at Pakistan mosque kills at least 15, injures 50

17/09/2026

142 مائل فی گھنٹہ بی ایم ڈبلیو چلانے والے کی گاڑی بے قابو ہو کر گول چکر پر چڑھ گئی

شمالی یارکشائر میں شراب اور منشیات کے زیرِ اثر گاڑی چلانے والے ایک شخص نے پولیس سے فرار ہونے کی کوشش کے دوران BMW کی رفتار 142 میل فی گھنٹہ تک پہنچا دی، تاہم بعد ازاں گاڑی بے قابو ہو کر راؤنڈ اباؤٹ سے ٹکرا گئی اور ہوا میں اچھلنے کے بعد جھاڑیوں میں جا گری۔

ایشلے پار کے ڈرائیونگ کے بارے میں ایک شہری نے پولیس کو اطلاع دی تھی۔ North Yorkshire Police کے اہلکاروں نے A64 پر اسے تلاش کیا اور رکنے کا اشارہ دیا، تاہم پار نے گاڑی روکنے کے بجائے رفتار بڑھا دی۔

پولیس کا تعاقب A1(M) تک جاری رہا، جہاں پار نے گاڑی 142 میل فی گھنٹہ کی رفتار سے چلائی۔

بالآخر وہ گاڑی پر قابو نہ رکھ سکا اور ایک راؤنڈ اباؤٹ سے ٹکرا گیا۔ حادثے کے نتیجے میں BMW ہوا میں اچھل گئی اور پھر ایک جھاڑی میں جا کر رکی۔

خوش قسمتی سے اس حادثے میں کوئی دوسرا شخص زخمی نہیں ہوا۔

رواں سال اپریل میں خطرناک ڈرائیونگ، شراب پی کر گاڑی چلانے اور منشیات کے زیرِ اثر ڈرائیونگ کا جرم تسلیم کرنے کے بعد ایشلے پار کو 16 ماہ قید کی سزا سنائی گئی، جبکہ اسے تین سال اور آٹھ ماہ کے لیے ڈرائیونگ سے بھی نااہل قرار دیا گیا۔

پولیس کے مطابق خطرناک اور غیر ذمہ دارانہ ڈرائیونگ انسانی جانوں کے لیے خطرہ ہے۔ نئے اختیارات کے تحت پولیس اب کسی وارننگ کے اجرا کے بغیر بھی گاڑیاں ضبط کر سکتی ہے، جس کا مقصد خطرناک ڈرائیوروں کو سڑکوں سے دور رکھنا ہے۔

17/09/2026

برطانیہ سے 2 سالوں میں 80 ہزار غیر ملکی ڈی پورٹ کر دئیے گئے
۔
۔
۔
برمنگھم اردو کو موصول اعدادوشمار کے مطابق واپسی کی شرح تقریباً ایک دہائی کی بلند ترین سطح پر پہنچ گئی ہے۔

جولائی 2024 سے اب تک 80,000 سے زائد غیر ملکی مجرموں اور امیگریشن قوانین کی خلاف ورزی کرنے والے افراد کو ملک سے نکالا یا واپس بھیجا جا چکا ہے، جن میں 11,700 سے زائد غیر ملکی شہری مجرم بھی شامل ہیں۔

16/09/2026

برٹش ٹرانسپورٹ پولیس کی تحقیقات کے بعد ٹرام اسٹیشن پر اکیلی خواتین کو تشدد کا نشانہ بنا کر ان کی گاڑیاں چوری کرنے والے نوجوان کو چار سال قید کی سزا سنا دی گئی۔ ملزم ان وارداتوں کی ویڈیوز بنا کر سوشل میڈیا پر بھی شیئر کرتا تھا۔

ٹائرون ڈاؤننگ نے خواتین کو چاقو کی نوک پر یرغمال بنایا، جبکہ ایک واقعے میں اس نے بچے کو پرام میں لے جانے والی ایک ماں کے سر پر بھی وار کیا۔

برٹش ٹرانسپورٹ پولیس کے افسران نے سی سی ٹی وی، فرانزک شواہد اور عینی شاہدین کے بیانات کی مدد سے ملزم کا سراغ لگایا۔

برٹش ٹرانسپورٹ پولیس نے سیکڑوں گھنٹوں کی سی سی ٹی وی فوٹیج کا جائزہ لیا اور وسیع پیمانے پر ڈیجیٹل اور فرانزک تحقیقات کیں، جن کے ذریعے ڈاؤننگ کو جرائم کی اس سلسلہ وار وارداتوں سے جوڑا گیا اور اس کے خلاف مضبوط شواہد اکٹھے کیے گئے۔

پرتشدد جرائم زندگیاں تباہ اور خاندانوں کو شدید متاثر کرتے ہیں۔ اسی لیے پولیس ان کمیونٹیز میں ہدفی کارروائیاں کر رہی ہے جہاں جرائم سے سب سے زیادہ نقصان ہو رہا ہے، اور سڑکوں پر مزید پولیس افسران، پولیس کمیونٹی سپورٹ آفیسرز (PCSOs) اور اسپیشل کانسٹیبلز تعینات کیے جا رہے ہیں۔

16/09/2026

حرم کی فضائی حدود میں داخل ہونے کی کوشش کرنے والا ڈرون تباہ کر دیا گیا: میجر جنرل ترکی المالکی کا دعویٰ
بیان میں مزید کہا گیا کہ یہ ’مکہ کو نشانہ بنانے کی دوسری کوشش ہے۔‘

سعودی عرب نے کہا ہے کہ حوثیوں کی جانب سے حرم کی طرف بھیجا گیا ایک ڈرون روک کر تباہ کر دیا گیا ہے، جس سے مقدس شہر کو لاحق خطرات کے پیش نظر کشیدگی میں اضافہ ہو سکتا ہے۔

سعودی قیادت میں قائم اتحاد کے ترجمان ترکی المالکی نے کہا کہ رائل سعودی ایئر ڈیفنس فورسز نے منگل کی شام دشمن ڈرون کو ممنوعہ فضائی حدود میں داخل ہونے سے پہلے ہی روک لیا۔

المالکی نے اس واقعے کی مذمت کرتے ہوئے کہا کہ یہ نمازیوں کو خوفزدہ کرنے اور شہریوں کو نقصان پہنچانے کی کوشش ہے۔ انہوں نے خبردار کیا کہ دونوں مقدس مساجد اور حجاج و زائرین کی سلامتی ’’ریڈ لائن‘‘ ہے۔

حوثیوں نے اس سے قبل مکہ مکرمہ کو نشانہ بنانے کی تردید کرتے ہوئے کہا ہے کہ وہ مقدس مقامات کو نشانہ نہیں بناتے۔

Address

Birmingham Urdu News Office
Birmingham

Website

Alerts

Be the first to know and let us send you an email when Birmingham Urdu posts news and promotions. Your email address will not be used for any other purpose, and you can unsubscribe at any time.

Shortcuts

Share