Voice Of Sehnsa NEWS

28/11/2025

23/11/2025

سہہنسہ: پریس نمائندگان نے وزیرِ حکومت آزاد کشمیر چوہدری محمد اخلاق سے ملاقات کی۔ اس موقع پر انہیں ایک مرتبہ پھر وزارت کا قلمدان سنبھالنے پر مبارکباد پیش کی گئی۔ اس دن مختلف سیاسی و سماجی شخصیات سمیت متعدد مکاتبِ فکر کے وفود نے بھی وزیرِ حکومت سے ملاقاتیں کیں۔

پریس نمائندگان سے گفتگو کرتے ہوئے وزیرِ مال چوہدری محمد اخلاق نے کہا کہ حلقہ چار سہنسہ، سرساوہ اور پنجیڑہ میں جاری ترقیاتی منصوبے جلد مکمل کر لیے جائیں گے۔ ان منصوبوں میں گریڈ اسٹیشن سہنسہ، واٹر سپلائی اسکیم شامل ہیں جن پر تیزی سے کام جاری ہے۔

ان کا مزید کہنا تھا کہ اگلا اہم منصوبہ تحصیل ہیڈکوارٹر اسپتال سہنسہ کی بہتر سے بہتر تعمیر و ترقی ہے تاکہ علاقے کے عوام کو معیاری طبی سہولیات فراہم کی جاسکیں۔

چوہدری محمد اخلاق نے اس بات پر زور دیا کہ عوامی خدمت کو وہ اپنا فرض سمجھتے ہیں اور علاقے کی ترقی و خوشحالی کے لیے بھرپور محنت جاری رکھیں گے۔

23/11/2025

ڈاکٹر راجہ وسیق خان — سہنسہ کی سیاست کا اُبھرتا ہوا باشعور اور مضبوط نام
سہنسہ : راجہ آفاق خان نے کہا ہے کے
راجہ نصیر احمد خان مرحوم کے انتقال کے بعد حلقہ سہنسہ کی سیاست میں ایک واضح خلا محسوس کیا جا رہا ہے۔ عوام اپنے مسائل کے حل، مضبوط قیادت اور دیانت دار نمائندگی کے لیے ایک نئی امید کے انتظار میں ہیں۔
ایسے وقت میں پڑھے لکھے نوجوانوں کی نمائندگی اور باشعور قیادت کی ضرورت پہلے سے زیادہ نمایاں ہو چکی ہے۔کیونکہ وقت اس بات کا تقاضا کرتا ہے کہ اب سہنسہ کی نمائندگی ایک ایسے انسان کو سونپی جائے جو اعلیٰ تعلیم یافتہ ہونے کے ساتھ ساتھ زیرک،بارہک بین، معاملہ فہم اور قوت فیصلہ سے لیس ہو اور جذبہ خدمت خلق سے سرشار ہو۔

اسی پس منظر میں ڈاکٹر راجہ وسیق خان اعلیٰ تعلیم یافتہ ہونے کے ساتھ ساتھ بردبار مزاج، پختہ سوچ ایک متوازن، سنجیدہ اور باصلاحیت مستقبل کے رہنما کے طور پر سامنے آ رہے ہیںاور عوامی خدمت کے عزم کے باعث تیزی سے عوام میں مقبول ہو رہے ہیں۔ وہ 2011 سے عملی سیاست میں ہیں اور 2016 سے مستقل طور پر حلقے میں موجود ہیں اور اپنے آپ کو اللہ کی مخلوق کی خدمت کے لیے وقف کر رکھا ہے۔پچھلے دس سال میں وہ راجہ نصیر احمد خان مرحوم کے ساتھ حلقے کے ہر وارڈ اور یونین کونسل میں گے اور اپنے اعلی اخلاق اور قائدانہ صلاحیتوں کے باعث وہاں کے لوگوں کے دلوں میں جگہ بنانے میں کامیاب یوئے۔وہ ان دنوں بھرپور انداز میں عوامی رابطے کو ترجیح دے رہے ہیں۔
گلی، محلوں اور دیہات میں عوامی مسائل کو سننا، تجاویز لینا اور عملی حل کی کوشش کرنا ان کے طریقۂ کار کا حصہ بن چکا ہے اور حلقے بھر میں لوگوں کے دکھ درد خوشی اور غمی میں شرکت کرنا انکی ترجیحات میں شامل ہے۔حلقے کے نوجوانوں کے ساتھ انکا دلی لگاؤ ہے کیونکہ وہ خود نوجوان ہیں اور نوجوانوں کے مسائل کا حل اور انھیں تعلیمی اور تفریحی سہولیات فراہم کرنا انکی اولین ترجیح ہو گی۔
ان کی یہی خلوص پر مبنی سیاست، نرم گفتاری اور اصولوں کی پاسداری انہیں مستقبل کی ایک مضبوط، سنجیدہ اور قابلِ بھروسہ آواز بنا رہی ہے۔ عوام پُرامید ہیں کہ ڈاکٹر وسیق اپنی تعلیم، وژن اور عملی سیاست کے تجربے کی بنیاد پر نہ صرف بہترین قائد ثابت ہوں گے بلکہ حلقے کے مسائل کو مؤثر انداز میں ہر فورم پر اجاگر بھی کریں گے۔

امید ہے کہ ڈاکٹر راجہ وسیق خان وہ مضبوط اور بااثر نمائندہ ثابت ہوں گے جس کا حلقہ سہنسہ طویل عرصے سے منتظر تھا۔

22/11/2025

سہنسہ ، مرحوم راجہ نصیر احمد خان کے دست راز سردار طائر بسمل ایڈووکیٹ کا حلقہ چار سہنسہ کی عوام سمیت ن لیگ کے کارکنان کے نام خصوصی پیغام

21/11/2025

دبئی21 نومبر 2025:* متحدہ عرب امارات میں جاری دبئی ایئر شو کے آخری دن ایک ہنگامہ خیز واقعہ پیش آ گیا جب ہندوستانی ہئرونوٹیکل لمیٹڈ (HAL) کی تیار کردہ جدید لائٹ کمبیٹ ایئر کرافٹ (LCA) تیجس کا ایک جہاز ڈیمونسٹریشن کے دوران گر کر تباہ ہو گیا۔ یہ حادثہ جمعہ کی دوپہر تقریباً مقامی وقت 2:10 بجے پیش آیا، جس کے نتیجے میں ایئرپورٹ کے قریب سے گھنے سیاہ دھوئیں اٹھنے لگے اور شائقین میں افراتفری پھیل گئی۔ رپورٹ کے مطابق، یہ تیجس جنگی جہاز ایک بڑی تعداد میں جمع ہجوم، بشمول خاندانوں اور بچوں، کے سامنے ہوائی مہارت کا مظاہرہ کر رہا تھا کہ اچانک اس کی تباہی ہوگئی۔

20/11/2025

سہنسہ، ، سابق وزیرحکومت راجہ نصیر احمد خان مرحوم کی برسی آج انوئی سرہوٹہ کے مقام پر عقیدت و احترام سے منائی گئی ، وفاقی وزیر امور کشمیر گلگت بلتستان و سیفران و صدر مسلم لیگ (ن) خیبر پختونخوا انجینئر امیر مقام نے کہا ہے کہ مرحوم راجہ نصیر احمد خان ایک باوقار، اصول پسند اور شائستہ سیاسی رہنما تھے جن کی جدائی آزاد کشمیر کی سیاست اور سماج کے لیے ایک بڑا خلا ہے جو آسانی سے پُر نہیں ہو سکے گا۔
وہ سابق وزیر آزاد جموں و کشمیر مرحوم راجہ نصیر احمد خان سہنسہ، ضلع کوٹلی کے تعزیتی ریفرنس سے خطاب کر رہے تھے جس میں مسلم لیگ (ن) آزادکشمیر کی مرکزی قیادت نے بھی شرکت کی۔

انجینئر امیر مقام نے کہا کہ مرحوم راجہ نصیر احمد نے سیاست میں خدمت، بردباری اور شرافت کے وہ معیار قائم کیے جو آنے والی نسلوں کے لیے مشعلِ راہ رہیں گے۔ انہوں نے کہا کہ مرحوم کا کردار ثابت کرتا ہے کہ سیاست گالم گلوچ کا نہیں بلکہ عوامی خدمت، استحکام اور باہمی احترام کا راستہ ہے۔ ’’ان کے جانے سے ہم ایک سنجیدہ، کمیٹڈ اور باوقار آواز سے محروم ہو گئے ہیں،‘‘

انجینئرامیر مقام نے واضح کیا کہ وزیرِ اعظم پاکستان کی ہدایات ہیں کہ ’’آزاد کشمیر کی ترقی اور عوامی فلاح میں کسی قسم کی کمی نہیں آنی چاہیے۔‘‘

وزیراعظم پاکستان میاں محمد شہباز شریف کی قیادت میں ملک ترقی کی راہ پر گامزن ہو چکا ہے۔

یہ معرکہ حق کی فتح تھی کہ آج دنیا میں کشمیر کا مسئلہ ایک بار پھر مرکزی حیثیت اختیار کر چکا ہے۔ دنیا میں پاکستان کے وقار اور اعتماد میں اضافہ ہوا ہے۔

انجینئر امیر مقام نے مزید کہا کہ دنیا میں کشمیر کا مسئلہ ایک بار پھر مرکزی حیثیت اختیار کر رہا ہے اور پاکستان کے وقار و اعتماد میں اضافہ ہوا ہے۔

تقریب سے صدر مسلم لیگ (ن) آزاد کشمیر شاہ غلام قادر، سابق وزیرِ اعظم راجہ فاروق حیدر خان، جنرل سیکریٹری چوہدری طارق فاروق، راجہ نثار احمد خان، ملک نواز سابق وزیر، چوہدری یاسین گلشن، مسعود خالد اور ملک ذوالفقار نے بھی خطاب کیا۔ مقررین نے مرحوم راجہ نصیر احمد خان کی سیاسی و سماجی خدمات کو زبردست خراجِ عقیدت پیش کیا۔
مقررین نے کہا کہ راجہ نصیر احمد خان نے ہمیشہ عوامی خدمت کو ترجیح دی اور ان کی خدمات ہمیشہ یاد رکھی جائیں گی۔
آخر میں مرحوم کے لیے دعائے مغفرت کی گئی اور اللہ تعالیٰ سے آزاد کشمیر میں امن، ترقی اور خوشحالی کے استحکام کی دعا کی گئی۔

اس موقع پر وفاقی وزیر برائے امورِ کشمیر و گلگت بلتستان و سیفران انجینئر امیر مقام نے سابق وزیر مرحوم راجہ نصیر احمد خان کی قبر پر حاضری دی۔

اس موقع پر صدر مسلم لیگ (ن) آزاد کشمیر شاہ غلام قادر، مرحوم وزیر کے رشتہ دار راجہ طالب خان سمیت دیگر اہم سیاسی و سماجی رہنما بھی موجود تھے۔
مرحوم راجہ نصیر احمد خان کی سیاسی و سماجی خدمات کو خراجِ عقیدت پیش کیا گیا اور اُن کی بلندیِ درجات کے لیے دعا کی گئی۔

19/11/2025

افسوس ناک خبر ، سہنسہ تحریڑ : نوجوان بجلی کا کرنٹ لگنے سے جان کی بازی ہار گیا ،
سردار خضر حیات کے جوان سال اکلوتے بیٹے سردار اویس ساکن تحریڑ چموئی آج بجلی کا کرنٹ لگنے سے انتقال کر گئے ۔ انا للہ وانا الیہ راجعون۔۔
اللہ پاک مرحوم کی مغفرت فرمائے اور والدین کو صبر و جمیل عطاء کرے ، آمین