Angoni Radio Station

Angoni Radio Station Radio Station

Katswiri ochita zisuzo zophunzitsa nkhani za Chipembezo za Chisilamu, Shaib Mustafa, yemwe amatchuka ndi dzina loti Mofo...
17/09/2026

Katswiri ochita zisuzo zophunzitsa nkhani za Chipembezo za Chisilamu, Shaib Mustafa, yemwe amatchuka ndi dzina loti Mofolo wamwalira lero kutsatira ngozi ya galimoto yomwe yachitika pa Mbulumbuzi m'boma la Chiradzulu.

Kwaswiriyu wamwalilira ku Chipatala cha Zomba Central Hospital komwe adagonekedwa atavulala pa ngoziyo.

Malingana ndi ma report, thupi lake lilowa m'manda la Chisanu m'mudzi mwa Mpama kwa T/A Mpama m'boma lomwelo la Chiradzulu.

Olemba: Oscar Tauzi - 17/09/2026
Angoni Radio Station

Katswiri pa nkhani yautolankhani wa zamasewero m'dziko la South Africa, Owen Ndlovu, yemwe thupi lake linapezeka Lachita...
17/09/2026

Katswiri pa nkhani yautolankhani wa zamasewero m'dziko la South Africa, Owen Ndlovu, yemwe thupi lake linapezeka Lachitatu atafa, patangotha maola ochepa atabedwa pamene galimoto yake inalandidwa m’dera lina pafupi ndi mzinda wa Johannesburg.

Apolisi ati Ndlovu, yemwe ankagwira ntchito youlutsa mau ku bungwe lofalitsa nkhani la boma la South Africa, SABC, akuti anagwidwa Lachiwiri pamene ankapita kukatenga mkazi wake ku tchalitchi ku Katlehong.

Anthu omwe anaona thupi lake, anauza a police kuti linali ndi mabala amene amaoneka kuti wachita kuombeledwa ndi mfuti zomwe apolice anatsimikiza izi.

Imfayi yachititsanso kuti anthu ayambenso kukambirana za kuchuluka kwa milandu ya kuphedwa kwa anthu ku South Africa.

Olemba Oscar Tauzi - 17/09/2026
Angoni Radio Station

Bungwe la Eastern Region Football Association ERFA lasintha tsiku loyambira masewero achigawo chachiwiri cha Durata Reg...
17/09/2026

Bungwe la Eastern Region Football Association ERFA lasintha tsiku loyambira masewero achigawo chachiwiri cha Durata Regional Division League 1 kuchoka pa 19 September kufika pa 26 September.

Kusinthaku kwadza pofuna kupereka mpata kwa matimu omwe sanalembetse osewera awo pa mpira Connect.

Ndipo osewera kapena official wa team aliyense yemwe sadzapezeka pa Mpira Connect nthawi yomwe yaperekedwayi itadutsa sadzaloledwa kukhala pa bench ya team yake.

Izi zili chimodzimodzi ndi Durata Regional Division League 2

Olemba: Oscar Tauzi - 17/09/2026
Angoni Radio Station

Anthu mu dziko la Nigeria ndi maiko ochuluka pa dziko la pansi akulira kutsatira imfa ya katswiri wa zisudzo za pa kanem...
16/09/2026

Anthu mu dziko la Nigeria ndi maiko ochuluka pa dziko la pansi akulira kutsatira imfa ya katswiri wa zisudzo za pa kanema Olu Jacob. Katswiri wa zisudzoyu wamwalira kucha kwa lero pa 16 September,2026.

Olu Jacob wakhala akudwala kwa nthawi yaitali ndipo mu chaka cha 2021 anthu a ku Nigeria anayamikira kwambiri mkazi wake chifukwa chosalema pakusamalira mwamuna wake pa nthawi imene ankadwala.

Olu Jacob wakhala akudwala matenda otchedwa dementia amene anagwira ubongo choncho chilichonse pa thupi la mkuluyu chinali chosokonekera ndipo analibe control ya pa thupi lake monga tonse tidziwa kuti ubongo ndi computer ya thupi.

Olu Jacob anatchuka kwambiri pa dziko lapansi kudzera mu mafilimu a ku Nigeria ndipo anthu ochuluka anagwa naye m'chikondi kaamba ka mphatso ya luso lake pa zisudzo komanso anali m'modzi wa ma actor opatsidwa ulemu ku Nigeria.

Olemba: Oscar Tauzi - 16/09/2026
Angoni Radio Station

Boma lalengeza kuti chiphaso cha unzika sichizikhala ndi tsiku lothera monga m'mene zinalili mbuyomu.Nduna ya zachitetez...
16/09/2026

Boma lalengeza kuti chiphaso cha unzika sichizikhala ndi tsiku lothera monga m'mene zinalili mbuyomu.

Nduna ya zachitetezo a Peter Mukhitho ayankhula izi mu mzinda wa Lilongwe, pomwe bungwe lowona za kalembera la National Registration Bureau (NRB) limakhazikitsa njira yamakono yopezera chiphaso cha unzika yotchedwa Nzika Digital wallet.

A Mukhito ati izi zithandizira kupulumutsa ndalama zomwe zakhala zikugwira ntchito popanga ziphasozi.

Iwo anapitiliza kunena kuti ndi masomphenya a mtsogoleri wa dziko lino Peter Mutharika kuwonetsetsa kuti dziko lino likupita patsogolo ndi luso lamakono.

Izi zadza pomwe kwa nthawi yaitali anthu akhala akudandaula pa nkhani ya kutha nthawi ya chiphaso cha umzika.

Olemba Oscar Tauzi - 16/09/2026
Angoni Radio Station

Mkulu wa Balaka Police Station, ACP Phillip Dinala, wachenjeza anthu kuti asamalipire ndalama kwa wapolisi aliyense chif...
16/09/2026

Mkulu wa Balaka Police Station, ACP Phillip Dinala, wachenjeza anthu kuti asamalipire ndalama kwa wapolisi aliyense chifukwa cha Police Bail, ponena kuti Police Bail ndi yaulere.

Polankhula ndi anthu omwe amabwera kudzacheza ndi achibale awo omwe ali m’manja mwa apolisi, ACP Dinala anati aliyense amene wapemphedwa ndalama pa nkhani ya Police Bail ayenera kupita ku ofesi yake kapena kupereka lipoti kwa apolisi kuti nkhaniyo itsatiridwe.

Anachenjezanso anthu kuti apewe kukumana mwachinsinsi ndi apolisi omwe akuyendetsa milandu ya achibale awo n’kuwapatsa ndalama kapena zinthu zina pofuna kuti apatsidwe bail.

Kuphatikiza apo, anthu achenjezedwa za chinyengo zomwe zimachitika monga anthu osadziwika kuwanamiza kuti ndi apolisi n’kuwapempha ndalama kuti achibale awo amasulidwe.

ACP Dinala walangiza anthu kuti asamatumize ndalama asanatsimikizire kaye ndi polisi. ACP Dinala anawapasanzo anthuwa njira zomwe angalumikizane ndi apolisi kuti athe kupereka malipoti kapena madandaulo pakakhala vuto.

Olemba: Oscar Tauzi - 16/09/2026
Angoni Radio Station

Ku Ntchisi a police agwira abambo awiri omwe akukayikiridwa kuti anali ndi njinga yamoto ya mtundu wa King Lion yomwe i...
15/09/2026

Ku Ntchisi a police agwira abambo awiri omwe akukayikiridwa kuti anali ndi njinga yamoto ya mtundu wa King Lion yomwe ikuganiziridwa kuti ndi yobedwa.

M'neneri wa polisi m'boma la Ntchisi a Sub-inspector Salomy Zgambo, ati awiriwa ndi, a Luka Baloyi komanso Ezron Banda.

Onsewa ndi ochokera m'dera la mfumu yayikulu Mwabulambo m'boma la Mzimba, ndipo agwidwa Kwa Chinsasa, m'dera la mfumu yayikulu Malenga m’boma la Ntchisi, atapezeka akusatsa njingayo kuti agulitse njingayo.

Pakadali pano, apolisi akufufuza kuti adziwe mwini wake wa njingayo komanso komwe anthu awiriwa anayipezera.

Olemba Oscar Tauzi - 15/09/2026
Angoni Radio Station

Thupi la yemwe anali mkulu wodziwika bwino pankhani za malonda, Fixon Menyauti lalowa m'manda lolemba pa 14 September 20...
15/09/2026

Thupi la yemwe anali mkulu wodziwika bwino pankhani za malonda, Fixon Menyauti lalowa m'manda lolemba pa 14 September 2026 ku Chileka m'boma la Blantyre.

A Menyauti aphedwa dzana la Mulungu ku Lunzu mu nzinda wa Blantyre ndi anthu ena olusa kenako mkuwotcha thupi lawo atawaganizila kuti ndi akuba.

Ku mwambo wa maliro a bambo Fixon Menyauti kunali anthu ochuluka omwe anakapelekeza komanso kutsanzikana mwapadera ndi malemu Menyauti.

Fixon Menyauti anabadwa pa 19 October 1991, ndipo amwalira pa 13 September 2026 mwambo wa maliro wachitika pa 14 September 2026.

Olemba Oscar Tauzi - 15/09/2026
Angoni Radio Station

Apolisi ku Chileka amanga anthu 16 (amuna 13 ndi amayi 3) powaganizira kuti anapha komanso kutentha a Fixon Menyauti om...
15/09/2026

Apolisi ku Chileka amanga anthu 16 (amuna 13 ndi amayi 3) powaganizira kuti anapha komanso kutentha a Fixon Menyauti omwe adaphedwa usiku was la Mulungu ku Lunzu mu nzinda wa Blantyre.

Bambo Menyauti anaphedwa chifukwa amaganizilidwa zoti anali munthu wakuba.

Anthu omwe amangidwa wa akhala akuonekela ku bwalo la milandu posachedwa, ndipo apolisi akupitirizabe kufufuza anthu ena omwe adatenga mbali pa mlanduwu.

Olemba Oscar Tauzi - 15/09/2026
Angoni Radio Station

15/09/2026

Bwalo la milandu m'boma la Phalombe lagamula bambo Dyton Marselimo ochokera m'dziko la Mozambique kukakhala kundende zaka khumi (10) chifukwa chopezeka ndi mlandu ozembetsa ana anayi.

M'neneri wa polisi ya Phalombe a Jimmy Kapanja anati oyimila boma pa mlanduwu a Lawrence Kagonegone anauza bwaloli kuti a Marselimo anagwidwa pa 9 September chaka chino

Panthawi yi apolisi a dziko lino amachita ntchito yawo yokhazikitsa chitetezo pa malo olowera ndi kutulukira a Likangala pomwe amkafuna kuzembetsa anawa pogwilitsa ntchito njira yosavomelezeka.

Olemba Oscar Tauzi - 15/09/2026
Angoni Radio Station

Address

Angoni
Bridgwater
265

Telephone

+265992436056

Website

Alerts

Be the first to know and let us send you an email when Angoni Radio Station posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Angoni Radio Station:

Shortcuts

Share

Category