விவசாய தகவல்கள்

11/11/2025

தெரியுமா? வறட்சிக்கும் செழிப்பிற்கும் உள்ள இடைவெளி மண்ணிலேயே இருக்கிறது.

இயற்கையான கரிமப் பொருட்கள்(organic matter) நிறைந்த வளமான மண் அதிக மழைநீரை, ஒரு Sponge போல, உறிஞ்சி தக்கவைத்துக்கொள்ளும் திறன் கொண்டது.

இது நீர் வடிந்து வெளியேறுவதை குறைத்து, வறண்ட காலங்களில் தாவரங்களுக்கு நீர் கிடைக்கச் செய்கிறது.

மண்ணின் Organic matter அளவு 1% அதிகரித்தால், ஒரு ஏக்கர் நிலப்பரப்பில் சுமார் 20,000 கேலன் அதிகப்படியான நீரைக் தக்கவைக்க முடியும்.

மண்ணின் நலத்திற்கும் நீர் தக்கவைப்புக்கும் உள்ள இந்த அற்புத உறவு, இயற்கை இயல்பாகவே அளித்துள்ள வறட்சி காப்பீடு ஆகும்.

இயற்கை விவசாய முறைகள் மூலம் மண்ணின் Organic matter அளவை குறைந்தபட்சம் 3-6% (அந்தந்த பகுதிக்கு ஏற்ப) உயர்த்துவதன் மூலம், மண்ணை காப்பது மட்டுமல்லாமல், நமது நீர் வளத்தின் எதிர்காலத்தையும் நாம் பாதுகாக்கிறோம்.

ஆரோக்கியமான மண் = அதிகமான நீர்.
இது மிகவும் எளிது.

இக்கணமே செயல்படுவோம்

24/10/2025

24/10/2025

வணக்கம் நண்பர்களே

இன்றைய தினம் விவசாயத்தகவலில் எளிய விதை சோதனைமுறை பற்றி பார்ப்போம்

➡️ விதை விதைக்கும் முன்பு, விதை முளைச்சல் விகிதம் கண்டுபிடிக்கப்பட வேண்டும்
➡️ ஒரு சாதாரண கிண்ணத்தில் தண்ணீர் எடுத்து, 100 விதை போட்டு பாருங்கள்.
• மேலே மிதக்கும் விதைகள் பலவீனமானவை → அவற்றை பயன்படுத்த வேண்டாம்.
• அடியில் அமரும் விதைகள் → நல்ல தரமானவை.

➡️ இப்படி நல்ல விதைத் தேர்வு செய்தால், வயலில் முளைச்சல் அதிகரித்து, 15–20% வரை கூடுதல் விளைச்சல் கிடைக்கும்.

📌 குறிப்பு: விதை சோதனைக்கு 1–2 நாட்கள் மட்டுமே ஆகும், ஆனால் அது முழு சீசனுக்கே பலன் தரும்.

⸻

இது மாதிரி எளிய, நேரடி பயன் தரும் தகவலை நாள்தோறும் பெற எம்மை பின்தொடரவும்.
#விவசாயதகவல்கள்

28/08/2025

முல்லைத்தீவு விவசாய திணைக்களத்தின் தொழில்நுட்ப ஆலோசனை மற்றும் வழிகாட்டல் கிறிசலிஸ் நிறுவனமும் இணைந்து நடாத்திய விவசாயிகள் வயல் வியாபார பாடசாலை குழுக்களின் சிறந்த விவசாய நடைமுறைகளை பின்பற்றிய நிலக்கடலை செய்கையின் வயல் விழா நிகழ்வானது தண்டுவான் விவசாய விரிவாக்கல் பிரிவில் பழம்பாசி கிராமத்தில் 25-08-2025 பிற்பகல் 3 மணியளவில் ஆரம்பிக்கப்பட்டு பிற்பகல் 6 மணி வரை நடைபெற்றது.

இதில் முல்லைத்தீவு மாவட்ட பிரதி விவசாய பணிப்பாளர் கிருபவதி சிவதீபன் உதவி விவசாய பணிப்பாளர் மேரிஆஞ்சலா லக்சன் பாடவிதான உத்தியோகத்தர் விவசாய விரிவாக்கல் உத்தியோகத்தர்கள்(மாங்குளம்,தண்டுவான்)

கிறிசலிஸ் நிறுவன வட மாகாண பணிப்பாளர். ம. பிரபாகரன் விவசாய வயல் வியாபாரப் பாடசாலை திட்ட முகாமையாளர் ச. தேவதாஸ் மற்றும் சிரேஸ்ட திட்ட ஒருங்கிணைப்பாளர், திட்ட இணைப்பாளர்கள் கலந்துகொண்டனர்.

திட்டம் நடைமுறைப்படுத்தப்படும் கிராமங்களான பழம்பாசி,கரடிப்பிலவு,17ம் கட்டை, ஒலுமடு மற்றும் அம்பகாமம் பகுதிகளைச் சேர்ந்த விவசாயிகள் வயல் வியாபாரப் பாடசாலை குழுக்களின் சார்பில் கலந்துகொண்டனர்

குறித்த நிகழ்வில் விவசாயிகளால் மேற்கொள்ளப்பட்ட கீழ்வரும் சிறந்த பயிர் செய்கை நடவெடிக்கை துண்டங்கள் பற்றி 1.பொருத்தமான நில பண்படுத்தல்
2. தரமான விதை பயன்பாடு
3. வரிசை விதைப்பு
4. பரிந்துரைக்கப்பட்ட இடைவெளி
5. விதை பரிகரணம்
6. ஜிப்சம் பயன்பாடு
7. தூவல் நீர் பாசன பயன்பாடு விவசாயம்
8. உரம் பயன்பாடு
9. ஒருங்கிணைந்த பூச்சி மற்றும் நோய் கட்டுப்பாடு(IPM)
10. தரமான விதை உற்பத்தி
11. இயந்திரங்களின் பயன்பாடு

விவசாய இயந்திரங்களின் காட்சி படுத்தல் நிலக்கடலை விற்பனை பகுதி நிலக்கடலை பெறுமதி சேர் உற்பத்தி பகுதி பல்வேறு பட்ட விவசாய பயிர் செய்கை துண்டம் பயிர் சிகிச்சை மையம் மாவட்ட விவசாய பண்ணையின் நாற்றுகள் கன்றுகள் விற்பனை பகுதி என்பன காட்சிப்படுத்தப்பட்டு ஆலோசனைகள் வழங்கப்பட்டன.

குறித்த நிகழ்வின் பெரும் பகுதியை விவசாயிகள் தலமையயேற்று நடாத்தி இருந்தமை குறிப்பிடத்தக்கது. மற்றும் தமது முன்னேற்றமான அனுபவ பகிர்வையும் மேற்கொன்டு இருந்தனர். மேலும் தமது நிலக்கடலை செய்கை சம்பந்தமான எதிர்கால நடவடிக்கைககள் பற்றியும் கலந்துரையாடினர்.

இவ் விடயமானது குறித்த நிகழ்வில் கலந்து கொண்ட அதிகாரிகளின் பாராட்டை பெற்றது