Global Arrow

Global Arrow Digital Media Network

ہانگ کانگ کے شمالی علاقے میں واقع کثیرالمنزلہ رہائشی کمپلیکس میں گزشتہ رات لگنے والی آگ نے تباہی مچادی ہے جس نے دیکھتے...
27/11/2025

ہانگ کانگ کے شمالی علاقے میں واقع کثیرالمنزلہ رہائشی کمپلیکس میں گزشتہ رات لگنے والی آگ نے تباہی مچادی ہے جس نے دیکھتے ہی دیکھتے عمارت کے کئی بلاکس کو اپنی لپیٹ میں لے لیا۔

خبرایجنسی کے مطابق آتشزدگی کے واقعے میں اب تک 55 افراد کی ہلاکت ہوچکی ہے جن میں سے 51 افراد موقع پر ہی ہلاک ہوئے جب کہ 4 نے دوران علاج اسپتال میں دم توڑا۔

اس حوالے سے ہانگ کانگ فائرسروس حکام کا بتانا ہے کہ رہائشی کمپلیکس کے 8 میں سے4 بلاکس میں لگی آگ پر قابو پایا جاچکاہے جب کہ دیگر بلاکس میں آگ پر قابو پانے کی کوشش جاری ہیں تاہم ایک رہائشی بلاک آگ سے متاثر نہیں ہوا۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



بنگلا دیشی انسدادِ بدعنوانی کمیشن نےشیخ حسینہ کے خلاف ڈھاکا کے نواحی علاقے میں قیمتی زمینوں پر قبضےکے تین مقدمات دائر کر...
27/11/2025

بنگلا دیشی انسدادِ بدعنوانی کمیشن نےشیخ حسینہ کے خلاف ڈھاکا کے نواحی علاقے میں قیمتی زمینوں پر قبضےکے تین مقدمات دائر کررکھے تھے ۔

خبرایجنسی کےمطابق بنگلادیش کی سابق وزیراعظم شیخ حسینہ کو عدالت نے جمعرات کو کرپشن کے الزام میں 21 سال قید کی سزا سنائی ہے، یہ فیصلہ ایک ہفتے بعد سامنے آیا ہے جب انہیں انسانیت کے خلاف جرائم میں سزائے موت سنائی گئی تھی۔

عدالت نے فیصلے میں کہا کہ شیخ حسینہ نے سرکاری زمین کو ذاتی ملکیت سمجھا، ریاستی وسائل پر نظر رکھی اور خود اور اپنے قریبی رشتہ داروں کے فائدے کے لیے سرکاری کارروائیوں میں ہیرا پھیری کی۔

عدالت کی جانب سے شیخ حسینہ کے امریکا میں مقیم بیٹے اور بیٹی کو بھی 5،5 سال قید کی سزا سنائی گئی۔

یاد رہے کہ گزشتہ سال طلبہ احتجاج اور پرتشدد مظاہروں کے دوران 1000سے زائد افراد کی ہلاکت کے بعد شیخ حسینہ واجد 5 اگست 2024 کو ہیلی کاپٹر کے ذریعے بنگلا دیش سے بھارت فرار ہوگئی تھیں، جب سے وہیں مقیم ہیں۔

شیخ حسینہ واجد کو گزشتہ ہفتے انسانیت کےخلاف جرم میں سزائے موت بھی سنائی جاچکی ہے۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



عالمی تحقیقی ادارے ورلڈ ریسورس انسٹی ٹیوٹ نے پاکستان کے سولر انقلاب کی آگے بڑھنے کی حیران کن رفتارکو تسلیم کرتے ہوئے...
27/11/2025

عالمی تحقیقی ادارے ورلڈ ریسورس انسٹی ٹیوٹ نے پاکستان کے سولر انقلاب کی آگے بڑھنے کی حیران کن رفتارکو تسلیم کرتے ہوئے کہا ہےکہ 2015 میں تقریباً صفر سے شروع ہونے والا سفر 2026 تک بجلی کے مجموعی نظام میں 20 فیصد تک ہو جائے گا۔
ورلڈ ریسورس انسٹی ٹیوٹ کے مطابق صرف 2024 میں ہی پاکستان نے 22 گیگا واٹ صلاحیت کے سولر پینلز درآمد کیے جوکہ برطانیہ کی گزشتہ 5 سال کی مجموعی تنصیبات سے بھی زیادہ ہے جب کہ یہ کینیڈا کی پوری تاریخ میں لگائے گئے سولر سسٹمز سے بھی بڑھ کر ہے۔

ورلڈ ریسورس انسٹی ٹیوٹ کا بتانا ہے کہ 2025 میں اب تک پاکستان 1.5 ارب ڈالر کے سولر پینل درآمد کر چکا ہے جس کے بعد پاکستان دنیا کا تیسرا بڑا سولر پینل درآمد کنندہ ملک بن گیا ہے۔

ورلڈ ریسورس انسٹی ٹیوٹ کے مطابق پاکستان اپنی تاریخ کی سب سے نمایاں، عوامی قیادت سے ہونے والی تبدیلی کے دور سے گزر رہا ہے۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



جرمن آمر کے ہمنام ہونے کی وجہ سے افریقی سیاستدان ایڈولف ہٹلریوونونا عالمی میڈیا کی توجہ کا مرکز بن گئے۔59 سالہ ایڈولف ہٹ...
27/11/2025

جرمن آمر کے ہمنام ہونے کی وجہ سے افریقی سیاستدان ایڈولف ہٹلریوونونا عالمی میڈیا کی توجہ کا مرکز بن گئے۔

59 سالہ ایڈولف ہٹلریوونونا SWAPO پارٹی کے رکن ہیں جن کا جرمن آمر کا ہمنام ہونا ان کی انتخابات میں کامیابی کے امکان کو روشن کررہا ہے۔

اس حوالے سے سیاستدان ایڈولف ہٹلر کا کہنا ہے کہ ماضی کے معروف جرمن آمر ہٹلر کے برعکس دنیا کو فتح نہیں کرنا چاہتے بلکہ صرف اپنے حلقے کے لیے بہتر خدمات اور ترقی چاہتے ہیں۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



حال ہی میں چین کے شہر بیجنگ کے ایک میوزیم کی جانب سے متعارف کردہ منفرد کافی نے لوگوں کی توجہ اپنی طرف مبذول کرلی۔ غیر م...
27/11/2025

حال ہی میں چین کے شہر بیجنگ کے ایک میوزیم کی جانب سے متعارف کردہ منفرد کافی نے لوگوں کی توجہ اپنی طرف مبذول کرلی۔

غیر ملکی میڈیا رپورٹ کے مطابق اس کافی کی خاص بات اس کی تیاری میں پوشیدہ ہے جس کیلئے خشک پیلے رنگ کے میل ورمز کا استعمال کیا جاتا ہے ، اس کے ساتھ ہی کافی کو پسے ہوئے لال بیگوں کا پاؤڈر چھڑک کر پیش کیا جاتا ہے۔

اس کافی سے لطف اندوز ہونیوالے افراد اس کا ذائقہ ’ جلا ہوا اور تھوڑا کھٹا‘ قرار دیتے ہیں۔
ساؤتھ چائنا مارننگ پوسٹ کی ایک رپورٹ کے مطابق، روچ کافی کے ایک کپ کی قیمت 45 یوآن (تقریباً 6 امریکی ڈالر) ہے، اسے کیڑوں تھیم پر بنے میوزیم( insect-themed museum)کی کافی شاپس پر فروخت کیا جاتا ہے۔

میوزیم کے ایک ملازم کا بتانا ہے کہ’ کافی کو پہلی بار رواں برس جون کے آخر میں لانچ کیا گیا تھا جو حال ہی میں انٹرنیٹ پر ٹرینڈ بن گئی، کیڑوں کیلئے بنائے گئے میوزیم میں روچ کافی کی پیشکش ایک اچھا خیال ہے‘ ۔

روایتی چینی طب کے مطابق کاکروچ پاؤڈر خون کی گردش کو بہتر بنانے میں مدد کر سکتا ہے جب کہ پروٹین سے بھرپور کھانے والے کیڑے مدافعتی نظام کو بڑھا سکتے ہیں۔

اس میوزیم کی جانب سے روچ کافی کے علاوہ دیگر غیر معمولی مشروبات بھی متعارف کروائے جاچکے ہیں جن میں پکچر پلانٹ سے تیار digestive juice اور ant drink شامل ہیں۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



پولیس کے مطابق دھماکا ریمورٹ کنٹرول بارودی مواد پھٹنے سے ہوا، بارودی مواد ڈیڑھ کلو گرام وزنی تھا۔پولیس نے پھٹنے والی گیس...
27/11/2025

پولیس کے مطابق دھماکا ریمورٹ کنٹرول بارودی مواد پھٹنے سے ہوا، بارودی مواد ڈیڑھ کلو گرام وزنی تھا۔

پولیس نے پھٹنے والی گیس پائپ لائن کے مقام کا معائنہ کیا۔ پولیس کا کہنا ہے کہ ملزمان ایک آئی ای ڈی پائپ لائن کے ساتھ چھوڑ کر گئے تھے، چھوڑا گیا ڈیڑھ کلو گرام بارودی مواد بھی ناکارہ بنا دیا گیا ۔

واضح رہے کہ حسن خیل میں گزشتہ رات گیس پائپ لائن پھٹنے کا واقعہ پیش آیا تھا۔ دھماکے سے 24 انچ گیس پائپ لائن میں آگ لگ گئی تھی جس کے باعث کے پی کے مختلف شہروں کو گیس کی فراہمی متاثر ہوئی۔

صوبہ کے3 اضلاع میں اب بھی گیس کی فراہمی معطل ہے۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



کمپنی کی جانب سے جاری بیان میں بتایا گیا کہ اے آئی کو اگر ذمہ داری اور شفافیت کے ساتھ استعمال کیا جائے تو یہ تخلیقی صلاح...
27/11/2025

کمپنی کی جانب سے جاری بیان میں بتایا گیا کہ اے آئی کو اگر ذمہ داری اور شفافیت کے ساتھ استعمال کیا جائے تو یہ تخلیقی صلاحیتوں میں اضافہ کر سکتی ہے، دریافت کے عمل میں مددگار ثابت ہو سکتی ہے اور تحفظ میں اضافہ کر سکتی ہے۔

بیان کے مطابق نئی اپ ڈیٹس کمیونٹی کو زیادہ واضح معلومات اور مزید کنٹرول فراہم کرنے کے لیے تیار کی گئی ہیں تاکہ وہ اے آئی کے ساتھ تعلق کے بارے میں بہتر فیصلہ کر سکیں۔

ان میں سے ایک فیچر اے آئی سے تیار کردہ مواد کے لیے ہے۔

جلد ہی ٹک ٹاک منیج ٹاپکس میں اس فیچر کو آزمایا جائے گا۔

اس سیٹنگ کے ذریعے صارفین یہ طے کر سکیں گے کہ ان کی فار یو فیڈ میں اے آئی سے بنایا گیا مواد کس حد تک دکھائی دے۔

جو لوگ اے آئی ویڈیوز سے زیادہ لطف اندوز ہوتے ہیں، وہ اس طرح کے مواد کی مقدار بڑھا سکیں گے، جبکہ وہ صارفین جو ایسی ویڈیوز کم دیکھنا چاہتے ہیں، اسے کم کر سکیں گے۔

یہ کنٹرول ان ٹولز کا حصہ ہے جو صارفین کو مواد کی سفارشات کو ذاتی نوعیت کا بنانے اور اپنی پسندیدہ اشیا کو دریافت کرنے میں مدد فراہم کرتے ہیں۔

شفافیت کو مزید مضبوط بنانے کی غرض سے ٹک ٹاک اپنے اے آئی لیبلنگ سسٹمز کو بھی بہتر بنا رہا ہے۔

سوشل میڈیا پلیٹ فارم پہلے ہی متعدد ایسے طریقے استعمال کرتا ہے، جن میں کرییٹرز کے لیبل، اے آئی ڈیٹیکشن ماڈلز اور C2PA Content Credentials شامل ہیں، تاکہ اے آئی سے تیار کردہ ویڈیوز کی نشاندہی کی جا سکے۔

اب تک 1.3 ارب سے زائد ایسی ویڈیوز کو لیبل کیا جا چکا ہے۔

مگر اب کمپنی نظر نہ آنے والی واٹر مارکنگ کے نام سے ایک نئے ٹول کو آزما رہی ہے۔

نظر نہ آنے والے واٹر مارکس صرف ٹک ٹاک کے سسٹمز ہی پڑھ سکیں گے اور اس طرح دوسروں کے لیے انہیں ہٹانا مشکل ہو جائے گا۔

یہ واٹر مارکس ایڈیٹنگ یا ری پوسٹنگ کے بعد بھی برقرار رہتے ہیں، جس سے اے آئی لیبلنگ مزید قابلِ اعتماد اور پائیدار ہو جاتی ہے۔

آنے والے چند ہفتوں میں ٹک ٹاک اپنے ٹولز مثلاً اے آئی ایڈیٹر پرو کے ذریعے بنائے گئے اے آئی مواد اور C2PA Content Credentials کے ساتھ اپ لوڈ کیے گئے مواد میں نظر نہ آنے والے واٹر مارکس شامل کرنا شروع کرے گا۔

عالمی سطح پرٹک ٹاک اے آئی سے متعلق تعلیم میں بھی سرمایہ کاری کر رہا ہے اور اس مقصد کے لیے 20 لاکھ ڈالر کا نیا اے آئی لٹریسی فنڈ قائم کیا ہے۔

یہ فنڈ غیر منافع بخش اداروں اور ماہرین کی معاونت کرے گا تاکہ وہ ایسا تعلیمی مواد تیار کریں جو لوگوں کو یہ سمجھنے میں مدد دے کہ اے آئی ٹیکنالوجی کیسے کام کرتی ہے، اے آئی سے تیار کردہ مواد کو کیسے پہچانا جائے اور اے آئی کو محفوظ اور ذمہ داری کے ساتھ کس طرح استعمال کیا جائے۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



انجینئرنگ یونیورسٹی میں تقریب سے خطاب میں وزیراعلیٰ کے پی نے کہا کہ یہ عوام کے ٹیکس کا پیسہ ہے جس سے باہر فلیٹس اور جزیر...
27/11/2025

انجینئرنگ یونیورسٹی میں تقریب سے خطاب میں وزیراعلیٰ کے پی نے کہا کہ یہ عوام کے ٹیکس کا پیسہ ہے جس سے باہر فلیٹس اور جزیرے خریدے جارہے ہیں۔

انہوں نے کہا کہ این ایف سی اجلاس میں ضم اضلاع کے فنڈز صوبے کو دینے کا معاملہ اٹھائیں گے، فاٹا انضمام کے بعد این ایف سی میں ہمارا حصہ 19 فیصد بنتا ہے، 7 سال سے 350 ارب روپے سالانہ حصہ نہیں مل رہا۔

بعد ازاں اڈیالہ جیل کے قریب گورکھپور ناکے پر میڈیا سے گفتگو میں سہیل آفریدی کا کہنا تھا کہ بانی پی ٹی آئی سے ملاقات نہ کرانے پر ہمارے خدشات بڑھ رہے ہیں، ہمارے پاس آخری راستہ بھی ہے اس پر غور کیا جارہا ہے۔

سہیل آفریدی کا کہنا تھا کہ ہم نے تمام قانونی اور جمہوری راستے اپنائے ہیں، میں دھرنے میں آنا چاہتا تھا لیکن بانی پی ٹی آئی کی بہنوں نے منع کیا، بانی پی ٹی آئی کی ہدایت پرحکومت سے مذاکرات ہوئے لیکن ان کے پاس کوئی اختیار نہیں، آپ سمجھتے ہیں کہ اس حکومت کے پاس کوئی اختیار ہے؟ میں نے کسی سے بات کرنے کی بات نہیں کی، کیونکہ ان کے پاس مینڈیٹ ہی نہیں۔

ان کا کہنا تھا کہ 8 فروری کو جو ہوا، 23 نومبر کو بھی وہی ہوا، حالیہ ضمنی الیکشن میں 95 فیصد لوگ ووٹ دینے نہیں نکلے، پنجاب کے عوام نے ووٹ نہ دے کر بانی پی ٹی آئی سے اظہار یکجہتی کیا۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



ایک بیان میں وزیراعلیٰ پنجاب مریم نواز نے کہا کہ ناجائز قبضے کے کیس کے جلد حل سے عوام کو فوری ریلیف دینا چاہتے ہیں لہٰذا...
27/11/2025

ایک بیان میں وزیراعلیٰ پنجاب مریم نواز نے کہا کہ ناجائز قبضے کے کیس کے جلد حل سے عوام کو فوری ریلیف دینا چاہتے ہیں لہٰذا بے سہارا بیواؤں کے قبضہ کیس ترجیحاً حل کیے جائیں۔

وزیراعلیٰ پنجاب مریم نواز نے آرڈیننس 2025 کے مکمل نفاذ کی ہدایت دیتے ہوئے کہا کہ تمام ڈپٹی کمشنر ناجائز قبضہ کیس پر روزانہ اجلاس کریں، قبضے کے خلاف فوری حکومتی اقدامات کی اطلاع عوام تک پہنچانے کیلئے مساجد میں اعلانات کیے جائیں گے۔

وزیراعلیٰ مریم نواز نے ہرتحصیل میں اسسٹنٹ کمشنر آفس میں بھی قبضےکی درخواستیں وصول کرنے کی ہدایت جاری کی۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



ان سائن بورڈز کے لیے نیلے یا سبز رنگوں کا استعمال کیا جاتا ہے مگر صرف ان مخصوص رنگوں کو ہی کیوں استعمال کیا جاتا ہے؟ان س...
27/11/2025

ان سائن بورڈز کے لیے نیلے یا سبز رنگوں کا استعمال کیا جاتا ہے مگر صرف ان مخصوص رنگوں کو ہی کیوں استعمال کیا جاتا ہے؟

ان سائن بورڈز میں بتایا جاتا ہے کہ آپ کس ہائی وے پر موجود ہیں، باہر نکلنے کا راستہ کس طرف ہے، اپنی منزل سے کتنی کلومیٹر دور ہیں اور کن مقامات سے گزر رہے ہیں۔

تو جہاں تک ان کے سبز یا نیلے رنگ کی بات ہے تو اس کے پیچھے چھپی وجہ کافی دلچسپ ہے یا یوں کہہ لیں کہ سادہ ہے۔

20 ویں صدی میں متعدد ممالک نے روڈ سیفٹی سے متعلق قوانین کو یکجا کرنے پر کام شروع کیا اور 1968 میں ویانا کنونشن آن روڈ ٹریفک کو عالمی سطح پر اپنایا گیا۔

اس کنونشن میں طے کیا گیا تھا کہ کس سڑک کو ہائی وے قرار دیا جائے، حادثات پر کیسے ردعمل ظاہر کیا جائے گا جبکہ سڑک پر موجود ٹریفک کے درمیان حفاظتی فاصلے وغیرہ کا تعین کیا گیا۔

مگر اس کے ساتھ ساتھ ہائی ویز کے ٹریفک سائن بورڈز کے رنگوں کا تعین بھی کیا گیا۔

ممالک کو نیلے اور سبز رنگوں میں سے کسی ایک کو اپنانے کا آپشن دیا گیا۔

تو دنیا بھر میں ممالک نے (چاہے کنونشن کا حصہ بنے یا نہیں) ہائی ویز کے ٹریفک سائن بورڈز کے لیے سبز اور نیلے رنگوں کا استعمال شروع کرلیا۔

مثال کے طور پر جرمنی، فرانس، پرتگال، اسپین اور پولینڈ وغیرہ میں نیلے سائن بورڈز استعمال کیے جاتے ہیں۔

امریکا، فن لینڈ، سویڈن، یونان، ترکیہ اور سوئٹزر لینڈ میں سبز سائن بورڈز کا استعمال کیا جاتا ہے۔

پاکستان میں یہ دونوں رنگ ہی مختلف ہائی ویز پر استعمال کیے جاتے ہیں۔

صرف ان 2 رنگوں کے استعمال کی وجہ بھی سادہ ہے، ان کو آسانی سے دیکھنا اور پڑھنا ممکن ہے۔

ہماری بینائی ان دونوں رنگوں کو آسانی سے پراسیس کرلیتی ہے اور ایک اور وجہ یہ ہے کہ ان رنگوں کے سائن بورڈز کی رنگت آسانی سے ماند نہیں پڑتی۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



اذلان شاہ نے انسٹاگرام پر اعلان کیا تھا کہ میں دوبارہ شادی کر رہا ہوں اور میری اہلیہ نے اس کی اجازت دے دی ہے، اس معاملے ...
27/11/2025

اذلان شاہ نے انسٹاگرام پر اعلان کیا تھا کہ میں دوبارہ شادی کر رہا ہوں اور میری اہلیہ نے اس کی اجازت دے دی ہے، اس معاملے میں میرے خاندان کو نہ بیچ میں لایا جائے اور میرے لیے دعا کی جائے۔

اذلان کے اس اعلان نے سوشل میڈیا پر ہلچل مچا دی اور صارفین نے شدید غصے کا اظہار کیا۔
شدید تنقید کے بعد اذلان شاہ نے ایک وضاحتی ویڈیو جاری کی جس میں کہا کہ میری پوسٹ کا مقصد لوگوں کو یہ بتانا تھا کہ میں دوبارہ شادی کر رہا ہوں تاہم یہ دوسری شادی نہیں بلکہ میں اپنی اہلیہ وریشہ سے ہی دوبارہ نکاح کر رہا ہوں۔

انہوں نے بتایا کہ اس اعلان کے بعد بعض افراد نے اسے مذاق سمجھا، کچھ نے سخت زبان استعمال کی اور کچھ نے مجھ پر طنز کیا۔

وریشہ نے بھی تصدیق کی کہ ہماری شادی کی تیسری سالگرہ قریب ہونے کے باعث ہم دوبارہ شادی کررہے ہیں، اذلان کا اعلان کرنے کا انداز غلط تھا جس پر ہم معذرت خواہ ہیں اور یہ تاثر دینا درست نہیں کہ وہ کسی اور سے شادی کررہے ہیں۔

صارفین نے اس پورے معاملے کو ’سستا پبلسٹی اسٹنٹ‘ قرار دیتے ہوئے جوڑے کو آڑے ہاتھوں لے لیا۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



غیرملکی میڈیا کے مطابق آرمینیا اور بھارت کے درمیان1.2 بلین ڈالر مالیت کے 12 طیاروں کی خریداری پر بات چیت ہورہی تھی اور...
26/11/2025

غیرملکی میڈیا کے مطابق آرمینیا اور بھارت کے درمیان1.2 بلین ڈالر مالیت کے 12 طیاروں کی خریداری پر بات چیت ہورہی تھی اور اگر یہ سودا طے پاتا تو یہ تیجس جنگی طیارے کی پہلی بڑی برآمدی ڈیل ہوتی۔

رپورٹس میں بتایا گیا ہےکہ آرمینیا کی جانب خریداری منسوخ کرنے پر اسرائیل ایرو اسپیس انڈسٹریز کوبھی دسیوں ملین ڈالر کا نقصان ہوگا کیونکہ اسرائیل میں تیار کردہ ریڈار جیسے بہت سارے جدید آلات تیجس میں شامل کیے ہیں۔

واضح رہے 21 نومبر کو دبئی میں ائیر شو کے دوران بھارت کا جنگی طیارہ تیجس گر کر تباہ ہوا تھا جس کے نتیجے میں پائلٹ بھی ہلاک ہوگیا تھا۔

Follow us on Watsapp channel
https://whatsapp.com/channel/0029VarifiJLY6dEAQsCeR0l



Address

Ashwood GaIT 1
Edinburgh
EH1

Telephone

+923002526497

Website

Alerts

Be the first to know and let us send you an email when Global Arrow posts news and promotions. Your email address will not be used for any other purpose, and you can unsubscribe at any time.

Shortcuts

Share

Category