07/12/2025
Wasiirka Arrimaha Gudaha iyo Amniga Somaliland, 𝐌𝐮𝐝𝐚𝐧𝐞 𝐂𝐚𝐛𝐝𝐚𝐥𝐞 𝐌𝐚𝐱𝐚𝐦𝐞𝐝 𝐂𝐚𝐫𝐚𝐛, oo ay weheliyaan wasiirada Dhalinyarada iyo Ciyaaraha, iyo Gaashaandhiga, Axmed-Yaasiin 𝐌𝐚𝐱𝐚𝐦𝐞𝐝 𝐅𝐚𝐚𝐫𝐚𝐱 𝐢𝐲𝐨 𝐌𝐚𝐱𝐚𝐦𝐞𝐝 𝐂𝐚𝐥𝐢 𝐘𝐮𝐮𝐬𝐮𝐟( 𝐈𝐥𝐤𝐚𝐜𝐚𝐬𝐞) ayaa maanta gudoomiyay shirkii Amniga ee 𝐆𝐨𝐛𝐨𝐥𝐤𝐚 𝐒𝐞𝐥𝐞𝐥.
Shirka Amniga Gobolka Selel, ayaa inta badan waxa lagaga hadlaa xaalada guud ee Amniga Gobolka, iyo kolba haday jiraan wax ku soo kordhay Amniga Guud ee Gobolka. Xaalada Amniga Gobolka Selel, aad bay u fiican tahay.
Gudoomiyaha Gobolka Selel, Cabdi Siciid Faahiye, ayaa warbixin ku saabsan Amniga guud ee Gobolka Selel ka jeediyay shirka,
Waxanu sheegay in ay meel fiican marayso xaalada Amniga Gobolka Selel. Masuuliyiinta kala duwan ee ka gawl gala gobolkuna ay bulshada u adeegayaan.
Wasiirada Arrimaha Gudaha iyo Amniga, Gaashaandhiga iyo Dhalinyarada iyo Ciyaaraha, oo shirkaas ka hadlay ayaa si wayn ugu mahad naqay laamaha ka hawl gala Gobolka Selel iyo Magaalada Saylac sida fiican ee ay u sugeen Amniga Guud ee Gobolka Selel, iyo sida wanaagsan ee ay ugu adeegayaan bulshada ku nool Gobolka Selel.
Shirkan maanta ee Amniga Gobolka Selel, waxa kale oo goob joog ahaa taliye ku xigee ka 2-aad ee ciidanka Booliska Somaliland iyo masuuliyiin kale oo ka mid ah weftiga wasiirada ee ku sugan gobolka Selel.
