Arz-e-Pak News

15/07/2025

17/06/2025

Zainab Tufail Arbab

08/05/2025

https://youtu.be/t1-SDvmzhB8?si=5w3LhNXRKyNZt1Xc

16/01/2025

*ریاض میں فیوچر منرلز فورم میں وفاقی وزیر ڈاکٹر مصدق ملک کی جانب سے پاکستان کے کان کنی کے شعبے کی پذیرائی*
ریاض، 16 جنوری، 2025: فیوچر منرلز فورم (ایف ایم ایف) نے شرکت کرنے والے 20,000 سے زیادہ رجسٹرڈخواتین وحضرات کودوسرے دن بھی اپنی جانب متوجہ کیا، جن میں وزراء، کان کنی کے شعبے سے منسلک پیشہ وراورخدمات فراہم کرنے والے افراد، سرمایہ کاران اور ماہرین تعلیم شامل ہیں۔ یہ فورم عالمی کان کنی کی صنعت میں شراکت داروں کوایک جگہ لانے کے لئے ایک اہم موقع ثابت ہوا۔
پاکستان پویلین اس فورم کے شرکا کی توجہ کا مرکز بنا ہوا ہے۔ ایک مہمان نے کہا کہ "اگر بہترین ڈیزائن کے پویلین کے لیے ایوارڈ دیے جائیں تو پاکستان پویلین ضرور جیت جائے گا"۔ پاکستان کے وزیر پیٹرولئیم اور آبی وسائل ڈاکٹر مصدق ملک نے فورم میں لگائے گئے مختلف اسٹالز کے جائزے کے دوران پاکستان پویلین کا دورہ بھی کیا۔ انہوں نے پویلین کے تزئین وآرادئش میں پاکستان پیٹرولئیم لمیٹڈ (پی پی ایل) کی کاوشوں اور دیگر شریک کمپنیوں کے تعاون کی تعریف کی۔
قبل ازیں، وفاقی وزیر نے عالمی معدنی طلب کو پورا کرنے کے لیے بین الاقوامی تعاون کو فروغ دینے کے موضوع پر ایک پینل ڈسکشن میں شرکت کی۔ انہوں نے سرکاری اور نجی شعبوں کے درمیان تعاون بڑھانے کے لئے عملی نقطہ نظر پر روشنی ڈالی اور کان کنی کے شعبے کو فروغ دینے کے لئے پاکستان کے عزم کا اعادہ کیا۔
ترکی، چین اور چلی جیسے ممالک کے سرمایہ کاروں نے پاکستان میں کان کنی کے بڑھتے ہوئے مواقع میں دلچسپی کا اظہار کیا اور ممکنہ سرمایہ کاری کے بارے میں معلومات حاصل کیں۔
پاکستانی وفد نے 16 جنوری کو صبح 9:30 سے 11:00 بجے کے دوران 90 منٹ کے اجلاس کی میزبانی کی۔ وفاقی وزیر ڈاکٹر مصدق ملک، پاکستان پیٹرولئیم لمیٹڈ کے منیجنگ ڈائریکٹر جناب عمران عباسی، ریکوڈک کے پراجیکٹ ڈائریکٹر سمیت دیگر مقررین نے پاکستان میں کان کنی کے شعبے میں سرمایہ کاری کے لئے سازگار ماحول اور اس شعبے کی ترقی کے لیے حکومت کے اسٹریٹجک وژن پر روشنی ڈالی۔

*فوٹوکیپشن:*
1. (بائیں سے تیسرے )وزیر پیٹرولیم اور آبی وسائل ڈاکٹر مصدق ملک، فیوچر منرلز فورم 2025 کے دوسرے دن عالمی معدنی طلب کو پورا کرنے کے لیے بین الاقوامی تعاون کو فروغ دینے کے حوالے سے پینل گفتگو کے دوران
2. (بائیں سے چوتھے اور تیسرے ) وزیر پیٹرولیم اور آبی وسائل ڈاکٹر مصدق ملک اور ایم ڈی اور سی ای او پی پی ایل، فیوچر منرلز فورم 2025 میں شرکت کرنے والی کمپنیوں کی انتظامیہ اور مہمانوں کے ساتھ پاکستان پویلین میں

16/01/2025

*بسکونی بسکٹس کی پریمیم رینج نے ’ہوم برانڈ آف دی ایئر-پاکستان‘ ایف ایم سی جی ایشیا ایوارڈز 2024جیت لیا*

پاکستان،16جنوری، 2025: سنگاپور میں منعقدہ ایف ایم سی جی ایشیا ایوارڈز2024میں بسکونی (Bisconni) بسکٹس کی پریمیم رینج کو ’ہوم برانڈ آف دی ایئر - پاکستان‘ کیٹیگری کے اعزاز سے نوازا گیا ہے۔ ریٹیل ایشیا (Retail Asia)کے زیر اہتمام یہ ایوارڈ پورے براعظم میں تیزی سے فروخت ہونے والی اشیائے صرف (ایف ایم سی جی) کے شعبے میں بہترین کارکردگی کو سراہتا ہے، جس میں ایسے برانڈز کو اجاگر کیا جاتا ہے جنہوں نے غیر معمولی جدت طرازی، معیار اور صارفین کے اطمینان کا مظاہرہ کیا ہے۔

بسکونی کی پریمیم رینج کا تعارف کمپنی کے لیے ایک اہم سنگ میل ہے۔ یہ رینج کمپنی کی ترقی اور صارفین کی خدمت کے لیے ایک اہم قدم ثابت ہوئی ہے جو درآمد شدہ مصنوعات کے مساوی معیار کا تقاضا کرتی ہے۔ اس پریمیم رینج نے نہ صرف بسکٹس کے چاہنے والوں کے دلوں میں گھر کر لیا ہے ، بلکہ مارکیٹ کو بھی متاثر کیا ہے تاکہ برانڈ کا متعلقہ اور پرکشش رہنا یقینی بنایا جا سکے۔

اس سنگ میل کےحصول پر اظہار خیال کرتے ہوئے بسکونی کے چیف آپریٹنگ آفیسر،محمد صابر گوڈیل نے کہا کہ ”بسکونی پریمیم رینج نے پاکستان کی مسابقتی فوڈ انڈسٹری میں ایک منفرد مقام بنایا ہے جو صارفین کو اپنی دیکھ بھال یا لطف اندوزی کی صورت میں پریمیم مصنوعات پر خرچ کرنا جاری رکھتے ہیں۔ بسکونی نے نہ صرف زیادہ متنوع مصنوعات کا پورٹ فولیو تیار کیا ہے ،جو صارفین کے مختلف شعبوں کے تقاضوں کو پورا کرتا ہے ، بلکہ معاشی اتار چڑھاؤ کے دوران آمدنی کے ذرائع کو بھی مستحکم کرتا ہے۔ ہوم برانڈ آف دی ایئر - پاکستان ایوارڈ جیتنا اس بات کی علامت ہے کہ ایک برانڈ کو پاکستان میں اشیائے صرف کے شعبے میں اپنی بہترین کارکردگی اور مارکیٹ میں مجموعی موجودگی کی وجہ سے تسلیم کیا گیا ہے۔ ہم صارفین کے تاثرات اور مارکیٹ کے رجحانات کی بنیاد پر مصنوعات کی رینج میں جدت اور توسیع جاری رکھنے کا ارادہ رکھتے ہیں۔“

یہ اعزاز بسکونی کو نہ صرف خطے میں، بلکہ عالمی سطح پر بھی، اپنے مارکیٹ شیئر میں مزیداضافے کے لیے ایک مضبوط پوزیشن فراہم کرتا ہے۔ اپنے جدید نقطہ نظر اور عمدگی کے عزم کے ساتھ ، بسکونی، بسکٹس کی صنعت کے مستقبل کو تشکیل میں قیادت کرنے کے لیے تیار ہے۔

آٹھ منفرد مصنوعات کے پورٹ فولیو کے ساتھ ، بسکونی پرائم نے پریمیم بسکٹس کی کیٹیگری میں نئے معیار قائم کیے ہیں۔ اس کے بہترین اور منفرد ذائقوں اور غیر متزلزل معیار نے نہ صرف صارفین کو محظوظ کیا ہے بلکہ مارکیٹ کی توقعات کو بھی نئے سرے سے بیان کیا ہےاور درآمد شدہ برانڈز کے اعلیٰ معیار کا متبادل فراہم کیا ہے۔

***