05/12/2025
Magaalada Boorama waxa caawa ka dhacay rabshado sababay khasaare dhimasho iyo dhaawac isugu jira.
Rabshadaga ayaa bilaabmay kaddib markii ay isku dhaceen ciidamada ammaanka iyo shacab gadoodsan oo bannaan-baxyo ka sameeyey magaalada.
Sida ay xaqiijyeen warar laga helay xarumaha caafimaadka ee magaalada, waxa rabshadagha ku geeriyooday Afar qof oo shacab ah iyo dhaawaca tobanaan kale oo ay ku jireen askar ka tirsan ciidanka booliska.
Shacabka bannan-baxa ka sameeyey Boorama oo u badan dhalinyaro, ayaa weeraray xarumaha dowladda gaar ahaan xarunta maamulka Gobolka iyo xarunta Bangiga dowladda, taasoo sababtay inay ciidamadu dadka shacabka ah u adeegsadaan rasaas nool nool.
Kacdoonka shacavka Boorama ayaa bilaabmay gelinkii dambe ee maanta kaddib markii wasiirka warfaafinta oo dhalasho ahaan ka soo jeeda gobolka Awdal uu sheegay inay dowladdu ogolaatay in magaalada Saylac lagu qabto bandhiga buugga Xeee Ciise oo xiisad ka dhex abuuray beelaha dega gobolka Awdal ee Ciise iyo Gadabuursi.
Wasiirka Arrimaha gudaha Cabdalle Sandheere ayaa h**e u sheegay inaay joojiyeen bandhigga buuga xeer ciise oo lagu eedeeyey inuu ka soo jeedo Jiritaanka Somaliland.
Maalmihii u dambeeyey waxa socday wada xaajoodyo u socday madaxda dhaqanka Awdal iyo wasiiirada gobolka u dhashay, kuwaas oo diyaarinayey qorshe ay kaga noqon karaan goaankaas h**e kadib markii madaxweynaha Somaliland Cabdiraxmaan Cirro culays lagu saaray bandhiga buuga xeer ciise inuu ogolaado.
Si kasta, xaalada magaalada ayaa xilligan degan dadkina waa kala hoydeen, hadana lama saadalin karo xaalada ay magaaladu berri u ekaan karto.
