21/08/2025
Shirkadda TelkRemit oo ka mid ah shirkadaha Dahabshiil Group ayaa si rasmi ah u maal-gelisay kulanka Somali Week Toronto, oo ka dhacay magaalada Toronto ee dalka Canada. Kulankan oo ka mid ah ah kulamadda ugu waaweyn ee bulshadda soomaaliyeed kusoo bandhigto dhaqanka, hiddaha, suugaanta iyo sport-ga si loogu dhiiri galiyo dhalinyaradda soo kobcaysa.
Telk Remit, oo ah adeegga ugu casrisa ee dirista lacagaha iyo fududeynta adeegyada maaliyadeed, ayaa muujisay sida ay uga go’an tahay taageeridda dhalinyaradda gaar ahaan dhaqanka, ciyaaraha is-dhexgalka bulshada iyo dhiirrigelinta jiilasha cusub.
Tartankan ayuu ujeedkiisu ahaa in lagu xuso dhaqanka iyo hal-abuurka, isla markaana lagu kobciyo xiriirka bulshada qurba-joogta ah. Waxa kale oo uu ahaa madal lagu dhiirrigeliyo dhalinyarada, si ay u bartaan oo u xafidaan dhaqanka iyo hiddaha ay ka soo jeedaan.
