By Generations FM

14/01/2026

ICEအဖွဲ့အဖမ်းခံရမှာကြောက်ပြီး မြန်မာကျောင်းသူတစ်ဦး ကိုယ့်ကိုကိုယ်အဆုံးစီရင်ဖို့ကြိုးစား

အေတီ/BVJ_ ဇန်နဝါရီ ၁၄၊ ၂၀၂၆

အမေရိကန်နိုင်ငံ၊ မင်နီဆိုးတားပြည်နယ် စိန့်ပေါလ်မြို့မှာနေထိုင်နေတဲ့ အသက်၂၃နှစ်အရွယ် မြန်မာကျောင်းသူတစ်ဦးဖြစ်တဲ့ မသူဇာဟာ(နာမည်လွှဲ) အမေရိကန်လူဝင်မှုကြီးကြပ်ရေးအေဂျင်စီ-ICEအဖွဲ့ရဲ့ ဖမ်းဆီးတာကိုခံရမှာကြောက်ပြီး ကိုယ့်ကိုကိုယ်သတ်သေဖို့ကြိုးစားမှုဖြစ်ပွားခဲ့ပါတယ်။

မသူဇာကြုံတွေ့လိုက်ရတဲ့အခြေအနေကို သူ့ရဲ့အခန်းဖော်ဖြစ်သူကိုကျော်စိုး(နာမည်လွှဲ)က Burma VJကို အခုလိုပြောပြပါတယ်။

“အခုတလောကျွန်တော်တို့ဘက်မှာ ICE အဖွဲ့ ရဲ့ဖမ်းဆီးမှုကအရမ်းစိပ်လာတယ်။ ၂၀၂၃ခုနှစ်က Visitဗီဇာနဲ့ရောက်လာပြီးခိုလှုံခွင့်တင်ထားတဲ့ မြန်မာပြည်ကသူငယ်ချင်းတယောက် တနေ့ကအဖမ်းခံလိုက်ရပြီး Texasအပို့ခံလိုက်ရတယ်။ သူ့သူငယ်ချင်းဖမ်းခံရလို့စိတ်မကောင်းဖြစ်ကြောက်နေတဲ့အချိန် အဲ့ဒီညကလည်း အိမ်နားကမျက်စောင်းထိုးတိုက်ကို ICEအဖွဲ့ကကားနဲ့လာကြည့်တယ်။အဲ့ဒါတွေပေါင်းသွားတော့ ဒီနေ့မနက်၉နာရီခွဲလောက်မှာ သူ့လက်ကိုသူ...နဲ့ပြန်...တယ်။ ပြီးတော့သူသောက်နေကျ ... ဆေးငါးရက်စာလောက်ကိုလည်း တခါထဲသောက်ပလိုက်တယ်။ အဲ့ဒါနဲ့ 911အမြန်ခေါ်ပြီးဆေးရုံပို့လိုက်ရတယ်“

မသူဇာရဲ့လက်ရှိအခြေအနေဟာ အသက်အန္တရာယ်စိုးရိမ်စရာမရှိတော့ဘူးလို့ သိရပေမယ့် အခုအချိန်ထိတော့ဆေးရုံမှာကုသမှုခံနေရဆဲပါ။

ICEအဖွဲ့ရဲ့ အဖမ်းအဆီးကိစ္စတွေစမဖြစ်ခင်ထဲက မသူဇာက therapistတွေနဲ့ပုံမှန်တွေ့နေရပြီး၊ စိတ်ကျရောဂါနဲ့ပတ်သက်တဲ့ ဆေးတွေသောက်နေရတဲ့သူဖြစ်ကြောင်းကိုလည်း အခန်းဖော်ကိုကျော်စိုးကပြောပါတယ်။

မသူဇာနဲ့ကိုကျော်စိုးတို့နှစ်ယောက်ဟာ ၂၀၂၄ ခုနှစ်၊ဇန်နဝါရီလ စာသင်တန်းကိုတက်ရောက်ဖို့အတွက် ၂၀၂၃၊ဒီဇင်ဘာလက အမေရိကန်နိုင်ငံ၊မင်နီဆိုးတားပြည်နယ် စိန့်ပေါလ်မြို့ကိုရောက်လာတဲ့သူတွေဖြစ်ပါတယ်။ ထရမ့်အစိုးရမတက်ခင် ICEအဖွဲ့ရဲ့ ဖမ်းဆီးမှုတွေမဖြစ်ခင်က Special Student Relief (SSR) အရ work Permit နဲ့အလုပ်လုပ်ခွင့်ရနေတဲ့သူတွေဖြစ်ပြီး ခိုလှုံခွင့် Asylumလည်း တင်ထားတယ်လို့သိရပါတယ်။

"F1 Student status နဲ့ စာရွက်စာတမ်းအစုံရှိပေမဲ့ ဒီမှာကအကုန်ဖမ်းနေတော့ အပြင်တောင်မထွက်ရဲတာ။ အဖမ်းခံရရင် ရှေ့နေခနဲ့တင် ​ဒေါ်လာ ၃၀၀၀/၄၀၀၀ ကုန်တာဆိုတော့ မြန်မာကမိဘတွေနေတဲ့နေရာကလည်းစစ်ဖြစ်နေတော့ ပိုက်ဆံလည်းမပို့နိုင်ဘူး ။အဲ့လိုတွေအခြေအနေဆုံသွားလို့ပါဗျာ" လို့ ကို​ကျော်စိုးက ထပ်ဖြည့်​ပြောပါတယ်။

ဒါပေမယ့် အမေရိကန်ပြည်ထောင်စုက မြန်မာ နိုင်ငံသားတွေကို ယာယီကာကွယ်ပေးထားတဲ့အခြေအနေ (Temporary Protected Status)ကို​ဒေါ်နယ်ထရမ့် အစိုးရက ရုတ်သိမ်းဖို့ဆုံးဖြတ်လိုက်တာကြောင့် သူတို့အပါအဝင် ခိုလှုံခွင်း​​တောင်းခံထားတဲ့သူအများစုရဲ့ အခြေအနေကစိုးရိမ်စရာအ​ခြေအ​နေ​တွေနဲ့ရင်ဆိုင်​နေရပါတယ်။

မင်နီဆိုးတားပြည်နယ်တဝိုက်မှာ အမေရိကန်လူဝင်မှုကြီးကြပ်ရေးအေဂျင်စီ (ICE)အဖွဲ့ ကဖမ်းဆီးမှုတွေဆက်တိုက်ပြုလုပ်နေပြီး ဇန်နဝါရီ၁၀ရက်နေ့ကလည်း ကရင်အမျိုးသမီးတစ်ဦးဟာ နေအိမ်မှာဖမ်းဆီးခံလိုက်ရပြီး အခုထိပြန်မလွတ်သေးဘူးလို့ သိရပါတယ်။

ဇန်နဝါရီ ၇ရက်နေ့ကလည်း မင်နီဆိုးတားပြည်နယ်၊မင်နီယာပိုလစ်မြို့မှာ အသက် ၃၇ နှစ်အရွယ် ရီနီးနီကိုးလ်ဂွတ်ဒ်ဆိုတဲ့အမျိုးသမီးတစ်ဦးကို ICEအဖွဲ့ဝင်တစ်ဦးကသေနတ်နဲ့ပစ်သတ်ခဲ့တာကြောင့် အမေရိကန်နိုင်ငံတဝှမ်းဆန္ဒပြပွဲတွေဆက်တိုက်ဖြစ်နေပါတယ်။

ပုံစာ- မင်နီဆိုးတားပြည်နယ်၊စိန့်ပေါလ်မြို့ဆေးရုံအရေးပေါ်ဌာနမှာ မသူဇာ ဆေးကုသမှုခံယူနေစဥ်

24/09/2024

01/08/2024

စစ်အာဏာသိမ်းပြီးတဲ့နောက် ပဋိပက္ခတွေကျယ်ပြန့်လာပြီး မြန်မာက ကလေးသူငယ် တစ်သန်းကျော်ဟာ ဝက်သက်၊ ပိုလီယိုနဲ့ .....

30/07/2024

17/07/2024

ဆုတောင်းပွဲမှာ ဗုဒ္ဓဘာသာဘုန်းတော်ကြီး၊ ခရစ်ယာန်သင်းအုပ်ဆရာ၊ မွတ်စလင်ဘာသာရေးခေါင်းဆောင်တို့က ကိုဂျင်မီတို့လေးဦးနှင့်တကွ နွေဦးတော်လှန်ရေးမှာ အသက်ပေးခဲ့ရတဲ့ သူအားလုံးအတွက် London ကနေ ဆုတောင်းမေတ္တာပို့သပေးကြမှာဖြစ်ပါတယ်။

"ကိုဂျင်မီတို့ လေးဦးအတွက်နှစ်ပတ်လည် ဘာသာပေါင်းစုံဆုတောင်းပွဲ”

ဇူလိုင်၂၃ရက်နေ့ဟာ ကိုဂျင်မီ၊ကိုဖြိုးဇေယျာသော်၊ကိုလှမျိုးအောင်၊ ကိုအောင်သူရဇော် တို့ကို အာဏာ
သိမ်းစစ်ကောင်စီက မတရားကြိုးပေးသတ်ခဲ့တာ နှစ်နှစ်ပြည့်တဲ့နေ့ဖြစ်ပါတယ်။ နွေဦးတော်လှန်ရေးအတွက် ကိုဂျင်မီတို့လေးဦး အသက်ပေးခဲ့ရမှုကို အမှတ်တရဂုဏ်ပြုတဲ့အနေနဲ့ ဘာသာပေါင်းစုံဆုတောင်းပွဲ ကျင်းပပြုလုပ်သွားဖို့ စီစဥ်ထားပါတယ်။

အထက်ပါဆုတောင်းပွဲမှာ ဗုဒ္ဓဘာသာဘုန်းတော်ကြီး၊ ခရစ်ယာန်သင်းအုပ်ဆရာ၊ မွတ်စလင်ဘာသာရေးခေါင်းဆောင်တို့က ကိုဂျင်မီတို့လေးဦးနှင့်တကွ နွေဦးတော်လှန်ရေးမှာ အသက်ပေးခဲ့ရတဲ့ သူအားလုံးအတွက် ဆုတောင်းမေတ္တာပို့သပေးကြမှာဖြစ်ပါတယ်။

အလားတူ ကိုဂျင်မီနဲ့ လူပုဂ္ဂိုလ်ချင်းရင်းနှီးတဲ့ နိုင်ငံ‌ရေးလုပ်ဖော်ကိုင်ဖက်တွေကလည်း ကိုဂျင်မီနဲ့ ပတ်သက်တဲ့အမှတ်တရတွေဝေငှပြောကြားပေးကြဖို့ရှိပါတယ်။ အစားအသောက်အနေနဲ့ ကော်ဖီ၊
လဘက်ရည်၊မြန်မာမုန့်တွေကို အခမဲ့ ဧည့်ခံကျွေးမွေးဖို့ စီစဥ်ထားပါတယ်။ ညနေ ၆ နာရီမှာ စတင်ဝင်ရောက်နိုင်ပြီး၊ ၆:၂၅ နောက်ဆုံးထားပြီးဝင်နိုင်ပါတယ်။ ကြွေလွင့်သွားတယ့် သူရဲကောင်းတွေအတွက် ဝမ်းနည်းခြင်းအထိမ်းအမှတ် အပေါ် အမည်းရောင်ဝတ်လာဖို့ မေတ္တာရပ်ခံပါတယ်။

ဆုတောင်းပွဲကို တက်ရောက်မည်ဆိုပါက ကျေးဇူးပြု၍ attendance form ဖြည့်ပေးပါ။

https://docs.google.com/forms/d/e/1FAIpQLSctv8BHqe5qbErNJjnCx8EUIuZoGGTisHD-xY2s8lr0QDE4Ew/viewform?vc=0&c=0&w=1&flr=0

Two Year Memorial Service Dedicated to Ko Jimmy and other three Burmese Democracy Activists On July 23rd, it will mark two years since Ko Jimmy, Ko Phyo Zeyar Thaw, Ko Hla Myo Aung, and Ko Aung Thu Zaw were unlawfully arrested and executed by the Myanmar Military Junta.

In their honour, we will hold a two-year memorial event on Tuesday, the 23rd of July 2024 to commemorate their ultimate sacrifice for our Spring Revolution. During the event, a video message prayer from a Buddhist Monk will be shared, along with a Christian Minister and a Muslim Imam who will also join to pray for all fallen heroes and for all the people of Burma.

Additionally, Ko Jimmy's political comrades and other distinguished guest speakers will share memories to honor him and his legacy. Refreshments, including Tea, Beverages and Burmese Snacks, will be provided. For further details, please refer to the invitation card. Your presence and support would be deeply appreciated as we gather to remember and celebrate the lives of these brave individuals.

If you are joining the event, please fill out the attendance form.
https://docs.google.com/forms/d/e/1FAIpQLSctv8BHqe5qbErNJjnCx8EUIuZoGGTisHD-xY2s8lr0QDE4Ew/viewform?vc=0&c=0&w=1&flr=0

23rd July, 6:30 pm to 8:30 pm
Union Chapel - 19b, Compton Terrace,
London, N1 2UN.
The door will open at 6:00 PM and close at 6:25 PM
Dress code: Black

11/07/2024

UK မှာ မိန်းမနဲ့ သမီး ၂ယောက်ကို မြှားနဲ့ပစ်သတ်ပြီးလွတ်မြောက်နေတဲ့ လူသတ်တရားခံ​
Kyle Clifford

Police began the hunt for 26-year-old Kyle Clifford after the bodies of the wife and two daughters of the BBC sports commentator were found in Hertfordshire....

02/07/2024

ယူတီကာကရင်အဖွဲ့ဥက္ကဋ္ဌ စောလူပွေဒိုနှင့် မေးမြန်းချက်

၁၃ နှစ်အရွယ် ကရင်လူငယ် ပစ်သတ်ခံရမှုအပေါ် ယူတီကာကရင်အဖွဲ့ဥက္ကဋ္ဌ စောလူပွေဒိုနှင့် မေးမြန်းချက်

---------------
“အမှုကပြည်နယ် စုံစမ်းဖော်ထုတ်ရေး AG လက်ထဲမှာရှိပြီး ” ယူတီကာကရင်အဖွဲ့ဥက္ကဋ္ဌ စောလူပွေဒို

အမေရိကန်ပြည်ထောင်စု၊ နယူးယောက်ခ် ပြည်နယ်၊ ယူတီကာမြို့နယ်တွင် ပြီးခဲ့သည့် ဇွန် ၂၈ ရက်နေ့ ညပိုင်းက အသက် ၁၃ နှစ်အရွယ် ကရင်လူငယ် စောညမွှေးကို ရဲတပ်ဖွဲ့က ဖမ်းဆီးပစ်ခတ်ရာ သေဆုံးမှု ဖြစ်စဥ် ဖြစ်ပွားခဲ့ပါသည်။

ဖြစ်စဥ်ဖြစ်ပွားခဲ့မှု၊ နောက်ဆက်တွဲ အခြေအနေများနှင့် ပတ်သက်၍ Karen Organization of Utica အဖွဲ့ဥက္ကဋ္ဌ စောလူပွေဒိုနှင့် ကေအိုင်စီ-ကရင်သတင်းဌာနက ဆက်သွယ်မေးမြန်းထားမှုများကို ပြန်လည်ဖော်ပြ လိုက်ပါသည်။

မေး။ ။ ယူတီကာမှာ ၁၃နှစ်အရွယ် ကရင်လူငယ် စောညမွှေး ပစ်သတ်ခံရတဲ့ဖြစ်စဉ်နဲ့ ပတ်သက်ပြီး ပြောပြပေးပါ။
ဖြေ ။ ။ ဖြစ်စဉ်က ဘယ်လိုဖြစ်လာလဲဆိုရင် အဲဒီကလေးက သူ့သူငယ်ချင်းတစ်ယောက်နဲ့ ည ၁၀နာရီကျော်မှာ စက်ဘီးစီးတယ်။ အဲမှာရဲက သူတို့ကို စစ်ဆေးဖို့ ရပ်ခိုင်းလိုက်တယ်။

သိရတာကတော့ ရဲကအခုလို ရပ်ခိုင်းတဲ့အကြောင်းအရင်းကတော့ နှစ်ချက်သုံးချက်ရှိတယ်။ အဲဒီ မတိုင်ခင် ၂ ရက်လောက်က ဒီဒေသမှာ ဓားပြမှုနဲ့ပတ်သက်ပြီး လူငယ်တွေ ဖမ်းခံရတာရှိတယ်။ လက်နက်တွေ၊ ဓားတွေနဲ့ ဖမ်းဆီးရမိတာရှိတယ်။ ဒါကြောင့် ရဲတွေက အင်အားဖြည့်ပြီး ကင်း လှည့်လာတယ်။ သူတို့ကအဲဒီမှာ စက်ဘီးစီးတာက လမ်းလယ်ခေါင်မှာစီးတယ်။ အမှန်ဆိုရင် စက်ဘီး ဆိုရင် လမ်းဘေးဘက်မှာစီးရမယ်ဆိုတော့ ရဲက သူတို့လမ်းလယ်ခေါင်မှာစီးတာကိုရပ်ခိုင်းလိုက်တာ ဖြစ်တယ်။

ရဲက သူတို့ကို ရပ်ခိုင်းပြီးတော့ ခန္ဓာကိုယ်မှာ ဘာပါလဲ စစ်မှာပေါ့၊ အဲဒီအချိန်မှာ သူကပြေးတယ်၊ ပြေးတဲ့အချိန်မှာရဲကလည်း သူ့နောက်ကိုလိုက်တယ်။ အဲမှာ ရဲက သူ့ကို ပေးလှဲကျပြီးတော့ နှစ်ချက် သုံးချက် ထိုးလိုက်တယ်။ ရဲက ၃ ယောက်ရှိတယ်။ နောက်ဆုံးတစ်ယောက်ရောက်တဲ့အချိန်မှာ သေနတ်အသံမြည်လာတော့ သူက အဲမှာသေဆုံးသွားတယ်။

ကင်မရာထဲက ပုံအရ ရဲသူ့ကို လိုက်တဲ့အချိန်မှာ သူက အနောက်ဘက် တစ်ချက်နှစ်ချက် ပြန်ကြည့်ပြီး ပြေးတယ်။ သူ့လက်ထဲမှာ သေနတ်တစ်လက်ပါတာကိုရဲတွေ့တော့ လက်ထဲမှာသေနတ်ပါတယ်ဆိုပြီးရဲက အော်ပြောပြီးတော့ အင်အားသုံးပြီး သူ့ကို ပစ်မိသွားတယ်။

ဒါက မြို့လုံခြုံရေးရဲတွေရဲ့မှတ်တမ်းအရ သတင်းမှတ်တမ်းတွေအရပေါ့နော်။ အခင်းဖြစ်ပြီး တဲ့အချိန်မှာ သေနတ်ကို ပြန်စစ်ကြည့်လိုက်တော့ သေနတ်က ကစားစရာ သေနတ်အတုဖြစ်တယ်။ ကျည်ဆံ အစစ်မဟုတ်ဘူး။ လေနဲ့ပစ်ရတဲ့သေနတ်ဖြစ်နေတယ်။ ဖြစ်စဉ်က အဲလိုဖြစ်တာပါ။

မေး။ ။ အဲဒီလူငယ်က သေဆုံးသွားတယ်ဆိုတော့ ဘယ်နှစ်ချက်ပစ်လိုက်တာလဲ။ ဖြစ်စဉ်က ဘယ်ရက်၊ ဘယ်အချိန်မှာဖြစ်တာလဲ။
ဖြေ။ ။ ပစ်တာက တစ်ချက်ထဲပဲ ဘာဖြစ်လဲဆိုတော့ သေစေနိုင် တဲ့အနီးကပ်ကိုလာပစ်သွားတာဆိုတော့။ ဖြစ်စဉ်ကတော့ ဇွန် ၂၈ရက်နေ့ ည ၁၀ နာရီကျော်မှာဖြစ်တယ်။

မေး။ ။ ယူတီကာ ရဲတွေဘက်က အခင်းဖြစ်ပွားပြီးနောက် သတင်းစာရှင်းလင်းပွဲလုပ်တာရှိတယ် လို့သိရ တယ်။ သတင်းစာရှင်းလင်းပွဲက ပြီးဆုံးအောင် မလုပ်ဖြစ်ဘဲ ရပ်လိုက်ရတယ်လို့ ကြားတယ်။ ဘာကြောင့်လည်း ပြောပြပေးပါအုံး။
ဖြေ။ ။ ရဲတွေက သတင်းစာရှင်းလင်းပွဲလုပ်တာ မပြီးလိုက်ဘူး။ ဘာဖြစ်လဲဆိုရင်အဲဒီအချိန်မှာ လူထု တွေက ခံစားချက်အရမ်းပြင်းထန်တယ်။ ဝင်ပြီးပြောဆိုတာတွေများတော့ သူတို့က ပြီးအောင် မလုပ် လိုက်ရဘူး။ ဒါပေမယ့်ရဲဘက်ကတော့ သူတို့ ရဲခန္ဓာကိုယ်မှာတပ်ထားတဲ့ ကင်မရာတွေတော့ ချပြတာရှိတယ်။

ကျနော်တို့နေတဲ့ပြည်နယ်မှာ စည်းကမ်းချက်တစ်ခုရှိတာက ရဲတွေက ပြစ်မှုထဲမှာပါရင် ဒီမြို့ထဲမှာဖြစ်ရင် ဒီမြို့က အမှုရှာဖွေဖော်ထုတ်လို့ မရဘူး။ ရှာဖွေဖော်ထုတ်တာတွေက တခြားမြို့နယ်က လာပြီး အမှုဖော်ထုတ်ရတယ်၊ တရားစီရင်ရတာဖြစ်တယ်။ မြို့နယ်အဆင့် တရားစီရင်လို့မရဘူး။ ဒီနေ့ကတော့ သူတို့ အမှုဖွင့်ပြီး အမှုကပြည်နယ် စုံစမ်းဖော်ထုတ်ရေး AG (ရှေ့နေချုပ်-Attorney General)လက်ထဲမှာရှိပြီး။

မေး။ ။အခုလို အသက်မပြည့်သေးတဲ့ ကလေးသေဆုံးတာနဲ့ပတ်သက်ပြီး ဒေသတွင်းက လူထုတွေရဲ့ အမြင်နဲ့ ဘယ်လို ပြောဆိုနေကြတာရှိလဲ။ ပြောပြပေးပါ။
ဖြေ။ ။ လူထုတွေဘက်ကတော့ ခုနက ပြောသလိုဘဲစိတ်ခံစားချက် emotion အရမ်းများတဲ့အချိန်ဖြစ်နေတယ်။ စိတ်မကောင်းကြဘူး။ ဒီနေ့ညနေပိုင်းတုန်းက တွေ့ဆုံဆွေးနွေးမှုတစ်ခုလုပ်တယ်။ အဲမှာ သူတို့တွေပြောတာက စိတ်မကောင်းဘူး။ ရဲနှစ်ယောက်က ဖမ်းမိထားတာကို ကျန်တဲ့ရဲတစ်ယောက်က ဘာလို့ သူ့ကို ပစ်တာလဲပေါ့ သူ့မှာ လက်နက်ပါသည်ဖြစ်စေ၊ မပါသည်ဖြစ်စေ ဖမ်းမိပြီးဆိုရင် ပစ်စရာမလိုဘူး ဆိုပြီးပြောတယ်။

တချို့လူငယ်ကတော့ ရဲစခန်းမှာသွားပြီး ဆန္ဒဖော်ထုတ်တာတို့ ဆန္ဒပြတာတို့လုပ်ချင်တယ်။ ဒါပေမယ့် သက်ကြီးပိုင်းတွေ၊ ဦးစီးဦးဆောင်မှုလုပ်တဲ့သူတွေကတော့ သူတို့ကို အကြံပေးတာပေါ့နော် ဆန္ဒဖော်ထုတ်ချင်ရင် ဖော်ထုတ်လို့ရတယ်။ ဒါပေမယ်ငြိမ်းငြိမ်းချမ်းချမ်းလုပ်ရမယ်။

ဘာဖြစ်လဲဆိုတော့ သေဆုံးသွားတဲ့ လူငယ်က အခုမှ ၁၃နှစ်ပဲရှိသေးတော့ သူ့ကို ကောင်းရာမွန်ရာ ငြိမ်းချမ်းစွာနဲ့ပဲ သွားစေချင်တယ်။ ဟိုးတနေ့ညတုန်းကတောင်မှ ဘယ်သူဦး ဆောင်လုပ်တာလဲတော့မသိဘူး ရဲစခန်းမှာသွားပြီး ဆန္ဒပြတာရှိတယ်။အကြီးကြီးတော့မဟုတ်ဘူး အချိန်ကလည်း မကြာဘူးအဲဒီမှာ ရဲကားတွေကို ပစ်ပေါက်တာတွေရှိတယ်လို့ ပြောတယ်။ ခနနေတော့ အားလုံးပျောက်သွားတယ်။

ဒီဖြစ်စဉ်ဖြစ်တော့ဒီမှာရှိတဲ့ လူမျိုးပေါင်းစုံက ကျနော်တို့ အစည်းအဝေးလုပ်တဲ့အချိန်မှာ အများကြီး လာပြီးဝန်းရံပေးတာရှိတယ်။ ဘာဖြစ်လဲဆိုတော့ ဒီကိစ္စနဲ့ပတ်သက်ပြီး တရားမျှတမှုရှိရှိ အရေးယူလုပ်ဆောင်ပေးဖို့ နောက်နောင်မဖြစ်ဖို့အတွက်တော့ သူတို့လာပြီး ဝန်းရံထောက်ပံ့ပေးကြ ပါတယ်။

မေး။ ။ အဲဒီလူငယ်က အမေရိကန် ပြည်ထောင်စုကို ရောက်တာ ဘယ်လောက်ကြာပြီလဲ။
ဖြေ။ ။ အမေရိကန်ကို သူတို့မိဘနဲ့ရောက်တာက ၉နှစ်ရှိပြီး သူလာတာက ဘယ်ဒုက္ခသည်စခန်းလဲတော့ကျနော်က မမှတ်ထားဘူး။ ထိုင်း-မြန်မာနယ်စပ်က ဒုက္ခသည်စခန်းတစ်ခုကပဲ။ သူ့မှာက မောင်နှမ ၄ယောက်ရှိတယ်။ သူကတော့ ၃ယောက် မြောက်ပေါ့နော်။ သူက အခုမှ အလယ်တန်းပြီးထားတာ၊ အလယ်တန်းအဆင့် ကျောင်းဆင်းပွဲက ဇွန် ၂၆ရက်နေ့မှာ ကျောင်းဆင်းပွဲလုပ်တယ်။၂၈ ရက်နေ့မှာတော့ ပစ်သတ်ခံရတာဖြစ်တယ်။ ဖြစ်စဉ်ဖြစ်တဲ့ညမှာ သူနဲ့အတူ ပါသွားတဲ့သူ့သူငယ်ချင်းနဲ့ကစကားမပြောရသေးဘူး။ ကလေးရဲ့မိဘတွေက စကားပြောခွင့်မပေးသေးဘူး။ သူ့သူငယ်ချင်းက ကရင်လူမျိုးတော့မဟုတ်ဘူး ၊ ဗီယက်နမ်က ဖြစ်တယ်။ စုံစမ်းဖော်ထုတ်တဲ့အခါမှာတော့ သူ့ကိုတော့ လာမေးမှာပါ။ အခုတော့သူ့အမေက ကျနော်တို့နဲ့ မပေးတွေ့သေးဘူး။

အခုနေတဲ့မြို့က လူမျိုးပေါင်းစုံရှိတယ်။ ဒုက္ခသည်အနေနဲ့လာနေတာကတော့ ကရင်လူမျိုး အများဆုံးပါပဲ။ အရင်တုန်းကတော့ ဗီယက်နမ်၊ ကမ္ဘောဒီးယား၊ နီပေါ၊ ဆိုမာလီယား အဲဒီကဒုက္ခသည်တွေ အများကြီးပါပဲ။ အခုပြန်များလာတာက ယူကရိန်းတို့ အာဖဂန်နစ္စတန်တို့ အသစ်တဖန်ပြန်များလာတာ လူမျိုးပေါင်းစုံအများကြီး ပါပဲ။

မေး။ ။ အဲဒီအမှုကိစ္စနဲ့ပတ်သက်ပြီး အဲဒီက ကရင်လူမှုအဖွဲ့အစည်းတွေက ဘာတွေလုပ်ဆောင်နေလည်း ရှင်းပြပေးပါ။
ဖြေ။ ။ ဒီအမှုနဲ့ပတ်သက်ပြီး လူငယ်တွေကတော့ ဒီကိစ္စကို ထိထိရောက်ရောက် လုပ်ဆောင်ပေးချင်တယ်။ မိသားစုဝင်တွေနဲ့ တွေဆုံပြီး မေးမြန်းတာတွေပေါ့။ ကျနော်တို့ကတော့ လိုအပ်တဲ့ ထောက်ပံ့မှုအပိုင်းတွေတော့ လုပ်ဆောင်ပေးတယ်။

အခုချိန်မှာတော့ ရှေ့နေရှာမယ်။ ဘာဖြစ်လဲဆိုတော့ ဒီအမှုကိုထိထိရောက်ရောက်ဖြစ်ဖို့က ရှေ့နေ ကောင်းကောင်းနဲ့ ရှာမှရမှာဖြစ်တယ်။ ဒီမှာရှိတဲ့ အင်္ဂလိပ်တွေကလည်း ကျနော်တို့ကို ကူညီ ဆောင်ရွက်ပေးတာအများကြီးပဲ။ ဘယ်ရှေ့နေကောင်းလဲဆိုတာတွေ။ ကျနော်တို့ ကရှေ့နေတွေနဲ့စကားပြောကြည့်တယ်။ ရှေ့နေ နှစ်ယောက်သုံးယောက်နဲ့တော့ စကားပြောထားတယ်။ ဒါပေမယ့် မရွေးရသေးဘူး။ အကောင်းဆုံးတစ်ယောက်ကို ရွေးမယ်။

ကျနော်တို့ လူမှုအဖွဲ့ဘက်ကတော့ ဒီမှာရှိတဲ့ အင်္ဂလိပ်သူငယ်ချင်းတွေကိုရှာပြီး ကောင်းကောင်းလေး စုံစမ်းဖော်ထုတ်ရမှာဖြစ်တယ်။ အသင်းအုပ်ဆရာတွေလား အများကြီးရှိတယ်ပြီးတော့ ဒီမှာရှိတဲ့ မြို့တာဝန်ရှိသူတွေနဲ့ချိတ်ဆက်ပြီးတော့ လုပ်ဆောင်မယ်ပေါ့။ သူ့ကိုပစ်သတ်တဲ့ရဲဟာ အပြစ်ရှိလား၊ မရှိလား၊ သူ့မှာ စည်းကမ်းဘယ်လောက်လိုက်နာမှုရှိလဲ အဲဒါတွေကတော့ AG လက်ထဲမှာရှိတာပေါ့နော်။

အခုဝိုင်းကူညီလုပ်ဆောင်ပေးတာ ကျနော်တို့ ယူတီကာ ကရင်အဖွဲ့အစည်းတစ်ခုထဲမကဘူး။ အမေရိ ကန်ဒေသအသီးသီးမှာရှိတဲ့ ကရင်အဖွဲ့အစည်းတွေလည်း သူတို့ဘာတွေကူညီပေးရမလဲ ဘယ်လို ကူညီပေးရမလဲ ချိတ်ဆက်လာတာအများကြီး ရှိပါတယ်။

Photo: Lu Pway Doh FB and Social Media

26/06/2024

24/06/2024

တောင်ကိုးရီးယား နိုင်ငံ ရှိ လီသီယံ ဘတ်ထရီ စက်ရုံ မီးလောင် မှုတွင် အနည်းဆုံး တရုတ် နိုင်ငံသား ၁၈ဦး ခန့် သေဆုံး

A large fire is currently burning at a lithium battery manufacturing plant in South Korea. One person has been confirmed dead, and at least 21 others are una...

19/06/2024

လူထုခေါင်းဆောင်အတွက် မွေးနေ့ ဆုတောင်းပွဲ လန်ဒန် တွင် ကျင်းပ

ဓာတ်ပုံ _ HT London