https://www.facebook.com/105579522129979/

Adam - A Burmese Red, London (2026)

06/10/2026

"ယာဂင်ကလော့ပ်အတွက် ကစားခွင့်ရမယ့် အခွင့်အရေးကို ရရှိခဲ့မယ်ဆိုရင် ပရော်ဖက်ရှင်နယ်ဘက်မှာရော ကိုယ်ရေးကိုယ်တာဘက်မှာပါ အရာများစွာကို စွန့်လွှတ်ပေးဆပ်သွားဖို့ ကျွန်တော် ဆန္ဒရှိခဲ့တယ်။

လီဗာပူးလ်ဆီ ကလော့ပ် တကယ်လာတော့မယ်ဆိုတာကို အဲဒီအချိန်တုန်းကသာ ကျွန်တော် သိခဲ့မယ်ဆိုရင် လီဗာပူးလ်ကနေ ထွက်ခွာဖို့ဆိုတဲ့ ဆုံးဖြတ်ချက်ကို ကျွန်တော် မချခဲ့လောက်ပါဘူး။

သူလာမယ်ဆိုတာ သိခဲ့ရင် ကျွန်တော် စွန့်စားပြီး အသင်းမှာ ဆက်နေခဲ့မယ်။ ကျွန်တော့်ကို ကလော့ပ် အထင်ကြီးလာအောင် ကြိုးစားပြီး၊ ကျွန်တော့်ရဲ့ ကစားသမားဘဝကို သူ့လက်အောက်မှာ ကစားရင် အနားယူခွင့်ရနိုင်မယ့် အခွင့်အရေးကို ရယူဖို့ ကြိုးစားခဲ့မှာပါ။

ဒါပေမယ့် ကံမကောင်းစွာနဲ့ ကျွန်တော် ထွက်ခွာဖို့ ဆုံးဖြတ်ခဲ့ပါတယ်။ အခုနောက်ပြန်ကြည့်လိုက်တဲ့အခါ ကျွန်တော် အသင်းမှာ ဆက်နေပြီး အဲဒီအခွင့်အရေးကို စွန့်စားယူခဲ့သင့်တယ်လို့ ထင်တယ်။”

🗣️စတီဗင်ဂျရတ်

05/10/2026

"ဘော်ဘီ (ဖာမီနို)က ထူးခြားတယ်။ အရမ်းထူးခြားတယ်။ ကျွန်တော့်ဘဝမှာ သူလိုမျိုး ဘောလုံးသမားနဲ့ လူသားတစ်ယောက်ကို တစ်ခါမှ မတွေ့ဖူးဘူး။

ကျွန်တော့်ဘဝတစ်လျှောက် ဘော်ဘီလို အသင်းဖော်မျိုး မတွေ့ဖူးဘူး။ ကျွန်တော့်အိမ်မှာ ထားတဲ့ တစ်ခုတည်းသော အခြားကစားသမားတစ်ယောက်ရဲ့ဂျာစီဟာ သူ့ဂျာစီပဲ။

သူလုပ်နိုင်တဲ့အရာတွေကို ကျွန်တော် မလုပ်နိုင်ဘူး။ သူလုပ်နိုင်တာတွေက တကယ်ကို ထူးခြားတဲ့အရာပါ။ တစ်ခါတလေ သူ့ကိုကြည့်ပြီး ‘ဒီလိုလူမျိုး ဘယ်လိုဖြစ်လာတာလဲ’ လို့ တွေးမိတယ်။

ကျွန်တော် ဘယ်တုန်းကမှ သူ ဒေါသထွက်နေတာ မမြင်ဖူးဘူး။ ကျွန်တော့်အတွက် ဘော်ဘီက ဘောလုံးသမားတစ်ယောက်ဆိုတာထက် ပိုတန်ဖိုးရှိတဲ့သူပါ။"

🗣️ ဆာဒီယိုမာနေး

04/10/2026

ပြင်သစ်နဲ့ အီတလီတို့ရဲ့ပွဲစဉ်အပြီးမှာ ဇီဒန်းက Jeremy Jacquet နဲ့ ပတ်သက်ပြီး "Very good" ဆိုတာကို ၄ခေါက်လောက်‌ ပြောသွားတယ်၊ ကြောက်ရွံ့ခြင်းမရှိဘဲ ပြိုင်ဘက်နဲ့ တစ်ဦးတွေ့ဆုံ ယှဉ်ပြိုင်ရမှာ အရမ်းကောင်းသူ အဖြစ် ချီးကျူးသွားတယ်။

နောက်တန်းကစားသမားကောင်းတွေပေါကြွယ်၀တဲ့ ပြင်သစ်လက်ရွေးစင်အသင်းမှာ နေရာတစ်နေရာရဖို့ဆိုတာ အတော်လေးခက်ခဲတယ်။ ဒါပေမယ့် Jeremy Jacquet ကတော့ ပြင်သစ်အတွက် ၂ပွဲဆက်ပွဲထွက်ခွင့်ရထားပြီး ခြေစွမ်းလည်း ပြထားတယ်။ ဒီရာသီမှာ လီဗာပူးလ်အတွက်သာမက လက်ရွေးစင်အသင်းအတွက်ပါ သူဟာ အကောင်းဆုံးခြေစွမ်းပြနေတာပါ။

လက်ရှိခြေစွမ်း၊ အသက်အရွယ်နဲ့ ရင့်ကျက်တည်ငြိမ်မှုအရ Jeremy Jacquet ဟာ ကမ္ဘာ့အဆင့်ကစားသမား World Class Player ဖြစ်လာဖို့ အလားအလာရှိတဲ့ ကစားသမားတစ်ယောက်ပါပဲ။

02/10/2026

ရင်ထဲက False 9 သို့မဟုတ် ရော်ဘတ်တိုဖာမီနို

သူ့နာမည်ရင်းက ရော်ဘတ်တိုဖာမီနိုဆိုပေမယ့် လီဗာပူးလါ် ပရိသတ်တွေကတော့ ဘော်ဘီလို့ ချစ်စနိုးခေါ်ကြတယ်။

မိုဖာဆာဆိုတဲ့ အသင်းရဲ့ ဂန္တ၀င် Frontline Trio အတွဲမှာ ဆာလာ၊ မာနေးတို့က ဂိုးတွေပိုသွင်းခဲ့တယ်၊ တစ်ဦးချင်းဆုတွေပိုရခဲ့တယ်၊ ဘလွန်းဒေါဆန်ကာတင်စာရင်းရဲ့ ထိပ်ဆုံးနေရာတွေမှာ ရပ်တည်နိုင်ခဲ့ကြတယ်။

ဒါပေမယ့် သူတို့ကို အကောင်းဆုံးချိတ်ဆက်ပေးနေတဲ့၊ ပံ့ပိုးပေးနေတဲ့ ဘော်ဘီကြောင့် ဆာလာနဲ့ မာနေးတို့ ပိုပြီး ကစားရလွယ်ခဲ့တယ်၊ ဂိုးတွေပိုသွင်းနိုင်ခဲ့ကြတယ် မဟုတ်လား။ ကလော့ပ်လက်ထက် ရခဲ့သမျှ ဆုဖလားအောင်မြင်မှုတွေအားလုံးမှာ သူရဲ့အခန်းကဏ္ဍဟာ အရေးပါခဲ့တယ်။

အသင်းကိုလည်း သူဟာ အများကြီး ချစ်မြတ်နိုးခဲတယ်။ အသင်းမှာ ရှိခဲ့တဲ့ ကာလတစ်လျှောက် မခိုမကပ် ကြိုးစားကစားခဲ့တယ်၊ တည်ငြိမ်တဲ့ခြေစွမ်းကောင်းကို consistency ရှိရှိနဲ့ ပြသနိုင်ခဲ့တယ်၊ အသင်းရဲ့သမိုင်းမှာ အကောင်းဆုံး False 9 တစ်ယောက်ဖြစ်ခဲ့တယ်။

ဒီနေ့က ချစ်သော ဘော်ဘီရဲ့ မွေးနေ့ ဖြစ်ပါတယ်၊
Happy birthday to you, Roberto Firmino.

02/10/2026

ဂျာမန်လက်ရွေးစင်အသင်းမှာ ကလော့ပ်ဟာ ဖလိုရီယန်ဗစ်ဇ်ကို အ‌တော်လေး support ပေးနေတာတွေ့ရတယ်။ မနေ့ညက ဂျာမနီဟာ ဆားဘီးယားကို အနိုင်ရပြီး ကလော့ပ်လက်ထက် ပထမဆုံးနိုင်ပွဲရခဲ့သလို ပွဲပြီးချိန်မှာ ကပ္ပတိန်လက်ပတ်ပတ်ထားသူဟာ ဗစ်ဇ်ပါ။

လီဗာပူးလ်ကစားသမားအဖြစ်နဲ့ ဗစ်ဇ်လိုအပ်နေတဲ့အရာက အရည်အသွေးနဲ့ကြိုးစားမှုမဟုတ်ဘဲ မိမိကိုယ်ကိုယုံကြည်မှုပါ။ နိုင်ငံအသင်းမှာ ရခဲ့တဲ့နိုင်ပွဲ၊ ကလော့ပ်ရဲ့ လမ်းညွှန်မှုတွေနဲ့ ကပ္ပတိန်လက်ပတ်ပတ်ရတဲ့ခံစားချက်တွေက ဗစ်ဇ်ကို သူ့ကိုယ်သူ့ ယုံကြည်မှုတွေ ပြန်ရစေမယ့် အကောင်းဆုံးအကြောင်းအရာတွေ ဖြစ်လာနိုင်ပါတယ်

01/10/2026

“တကယ်တော့ ဒီကိစ္စ(မန်စီးတီးဆီကနေ ဆုဖလားတွေပြန်ရခဲ့ရင်ဆိုဝာာ)ကို ကျွန်တော် အများကြီး မစဉ်းစားထားမိဘူး။ ဒါပေမယ့် သတိထားမိတာတော့ အမှန်ပါပဲ။ အရင်က ကျွန်တော်ပြောခဲ့တာကိုလည်း မှတ်မိပါတယ်။ ‘အောင်ပွဲခံဘတ်စ်ကားလှည့်လည်ပွဲ ရှိလာရင် ကျွန်တော် အဲ့ဒီမှာရှိနေမယ်’ လို့ ပြောခဲ့တာပါ။

ဒါပေမယ့် အခုတော့ အဲ့ဒီလို မခံစားရတော့ဘူး။ အောင်ပွဲခံဘတ်စ်ကားလှည့်လည်ပွဲတစ်ခု ကျွန်တော် မဖြစ်မနေလိုချင်တယ်ဆိုတာမျိုး မဟုတ်တော့ဘူး။ ကျွန်တော် ဒီတိုင်း ထိုင်ပြီး ဘာတွေဖြစ်လာမလဲဆိုတာ စောင့်ကြည့်နေလို့ရပါတယ်။

ပက်ဂွာဒီယိုလာကိုရော၊ ကျွန်တော်တို့နဲ့ ယှဉ်ပြိုင်ခဲ့တဲ့ကာလတစ်လျှောက် မန်စီးတီး ပြခဲ့တဲ့ ဘောလုံးကစားတဲ့ပုံစံကိုရော ကျွန်တော် အရမ်းလေးစားတယ်။ ကွင်းထဲမှာ သူတို့ပြသခဲ့တဲ့ ဘောလုံးအဆင့်အတန်း၊ ကျွန်တော်တို့အတွက် သူတို့က ဘယ်လောက်အထိ ခက်ခဲတဲ့ပြိုင်ဘက် ဖြစ်ခဲ့သလဲဆိုတာတွေက အရမ်းကြီးမားပါတယ်။ သူတို့သတ်မှတ်ခဲ့တဲ့ စံနှုန်းက အရမ်းကို မြင့်မားခဲ့တယ်။

အရေးယူပိတ်ဆို့မှုတစ်ခုခု ချမှတ်လာမယ်ဆိုရင်တော့ အဲ့ဒါက ကျွန်တော်နဲ့ ဘာမှမသက်ဆိုင်ပါဘူး။ ဒါကြောင့်ပဲ ဘာဖြစ်လာမလဲဆိုတာပဲ ကျွန်တော် စောင့်ကြည့်နေတာပါ။ ဥပဒေရေးရာ လုပ်ငန်းစဉ်တွေက အချိန်အတော်ကြာနေပြီ။ အယူခံဝင်တာတွေလည်း ရှိလာမယ်လို့ ကျွန်တော် ယူဆပါတယ်။ အဲ့ဒါဆိုရင်တော့ အချိန်အများကြီး ထပ်ကြာဦးမှာပါ။

အဲ့ဒီလိုအခြေအနေအတွက် ကိုယ့်ကိုယ်ကို ပြင်ဆင်ထားဖို့ဆိုတာ ကျွန်တော်နဲ့ အဝေးကြီးပါပဲ။ အဲ့ဒါနဲ့ပတ်သက်ပြီး ကျွန်တော့်မှာ ဘာခံစားချက်မှလည်း မရှိပါဘူး။

ကျွန်တော် ပရီးမီးယားလိဂ်ချန်ပီယံဆုကို နောက်ထပ်အကြိမ်အနည်းငယ် ရဖို့ မလိုအပ်ပါဘူး။ ကျွန်တော်တို့ ရရှိခဲ့ပြီးသား အောင်မြင်မှုတွေနဲ့ပဲ ကျွန်တော် လုံးဝကျေနပ်ပျော်ရွှင်ပါတယ်။

ကျွန်တော်တို့က ကွင်းထဲမှာ အားလုံးကို ယှဉ်ပြိုင်တိုက်ပွဲဝင်ခဲ့ကြတာပါ။ ကျန်တဲ့ကိစ္စတွေအကြောင်းတော့ ဘာမှမပြောနိုင်ပါဘူး။ ဘာကြောင့်လဲဆိုတော့ အဲ့ဒီကိစ္စတွေက ဘာတွေဖြစ်နေတာလဲဆိုတာ ကျွန်တော် အတိအကျ မသိလို့ပါ။ အမှန်အတိုင်းပြောရရင် ကျွန်တော် အဲ့ဒီကိစ္စတွေကိုလည်း စိတ်မဝင်စားပါဘူး။”

🗣️ ယာဂင်ကလော့ပ်

01/10/2026

“ကျွန်တော် ပြင်သစ်ယူ၂၁အသင်းကို နည်းပြလုပ်နေတုန်းက သူ့(Jeremy Jacquet)ကို ယူ၂၁အသင်းဆီ ခေါ်ချင်ခဲ့တယ်။ အဲဒီအချိန်မှာ သူက အသက် ၁၆ နှစ်၊ ၁၇ နှစ်လောက်ပဲ ရှိသေးတယ်။ စာမေးပွဲဖြေစရာရှိလို့ ယူ၂၁အသင်းဆီ သူ မလာနိုင်ခဲ့ဘူး။

ဘောလုံးအပေါ် အများကြီးအာရုံစိုက်ထားတယ်ဆိုပေမယ့် ပညာရေးဘွဲ့တွေ ရရှိဖို့အပေါ်လည်း သူက အာရုံစိုက်ထားခဲ့တယ်။ သူ့စိတ်ထဲမှာ ဘာလုပ်ရမလဲဆိုတာ ရှင်းရှင်းလင်းလင်းသိတယ်။ သူ့မိသားစုကလည်း သူ ဘာလုပ်ရမလဲ၊ ဘယ်လိုအောင်မြင်နိုင်မလဲဆိုတာ သိထားကြတယ်။

Jeremy Jacquet ဟာ ‘ထူးချွန်လာမယ့်သူ’ လို့ သတ်မှတ်ခံထားရတဲ့အကြောင်း လူတွေက ကျွန်တော့်ကို အမြဲတမ်း ပြောကြတယ်။ ဒါပေမယ့် အမြဲတမ်းတော့ လူတွေပြောသလို ဖြစ်မလာတတ်ဘူး။ ဒီအသက်အရွယ်မှာ ‘ဒီကောင်လေးက တောက်ပမယ့်ကြယ်ပွင့်ပဲ’ လို့ သတ်မှတ်ခံထားရတဲ့ ကစားသမားတွေ နောက်ဆုံးမှာ မျှော်လင့်ထားသလို ဖြစ်မလာတာကို ကျွန်တော် အကြိမ်ပေါင်းများစွာ မြင်ဖူးတယ်။ တစ်ခါတလေမှာတော့ ပြောင်းပြန်ဖြစ်သွားတာမျိုးလည်း ရှိတယ်။

Jacquet ကတော့ သူဘာလုပ်ရမလဲဆိုတာ နားလည်ထားပြီးသားဆိုတာကို မြင်နိုင်တယ်။ အထူးသဖြင့် ကစားပွဲအတွက် ကိုယ်ကာယပိုင်းမှာပေါ့။ Virgil နဲ့အတူ တွဲကစားရတာကလည်း သူ့အတွက် အထောက်အကူဖြစ်တယ်။

ဒီလောက်မြင့်မားတဲ့ မျှော်လင့်ချက်တွေ၊ ဖိအားတွေကို သူကိုင်တွယ်နိုင်နေတဲ့အပေါ် ကျွန်တော် အံ့ဩမိသလားဆိုရင် မအံ့ဩပါဘူး။ ဘာကြောင့်လဲဆိုတော့ ပြင်သစ်လူငယ်အသင်းမှာ ကစားနေစဉ်ကတည်းက သူဟာ ဒီလိုအခြေအနေမျိုးတွေနဲ့ အမြဲရင်ဆိုင်လာခဲ့ရလို့ပါ။”

🗣️ သီယာရီအွန်နရီ

30/09/2026

မရိုးဖြောင့်တဲ့ပြိုင်ဘက်တွေရဲ့ အကောင်းဆုံးနည်းပြ၊ အကောင်းဆုံးလူစာရင်းနဲ့ အကောင်းဆုံးအချိန်တွေမှာ အသင်းဟာ လိဂ်ချန်ပီယံဆုကို ၁ကြိမ်ရယူနိုင်ခဲ့တယ်၊ ၂ကြိမ်ကို ၁မှတ်အကွာနဲ့ ရင်နာစရာ လက်လွှတ်ခဲ့ရတယ်၊

တကယ်လို့သာ မျှတတဲ့ ယှဉ်ပြိုင်မှုတွေ ဖြစ်ခဲ့ရင် ကလော့ပ်လက်ထက်မှာ ကျွန်တော်တို့ဟာ လိဂ်ချန်ပီယံဆုကို ၃ကြိမ် ရယူကောင်း ရယူနိုင်ခဲ့တယ်မဟုတ်လား... ပက်ဂွာ‌ဒီယိုလာလက်ထက်၊ မန်စီးတီးရဲ့ အကောင်းဆုံးအချိန်တွေမှာ လိဂ်ချန်ပီယံဆုကို ၃ကြိမ်ယူခဲ့တာ လီဗာပူးလ်ပဲ ရှိခဲ့တယ်လေ

ကလော့ပ်မတိုင်ခင်မှာ ဂျရတ် ချော်လဲရာကနေ လိဂ်ချန်ပီယံဆုနဲ့ လွဲခဲ့ရတဲ့ အဖြစ်မျိုးလည်း ဖြစ်ချင်မှဖြစ်ခဲ့မှာပေါ့။ ဒါကိုတွေးမိတော့လည်း လိဂ်ချန်ပီယံမဖြစ်ခဲ့တဲ့ ဂျရတ်အတွက် စိတ်မကောင်းဖြစ်မိတယ်။

စစ်မှန်တဲ့ သမိုင်းကြောင်းဆိုတာ အလိမ်အညာတွေ၊ မရိုးဖြောင့်မှုတွေနဲ့ တည်ဆောက်ဖို့ မရပါဘူး။ အသင်းရဲ့သမိုင်းမှာ ရခဲ့တဲ့ Top Flight ချန်ပီယံအောင်မြင်မှု ၂၀ ၊ European Cup/ Champions league ဆုဖလား ၆ကြိမ်ဆိုတာက တကယ်ကို စစ်မှန်ပြီး ခမ်းနားခဲ့တယ်။ ဒီအတွက်လည်း ထပ်လောင်းဂုဏ်ယူမိပြန်ပါတယ်။

အခုချိန်မှာ ဆုဖလားတွေ ပြန်မလိုချင်ပါဘူး။ နစ်နာသူတွေအတွက် မျှတမှုရဖို့ မရိုးဖြောင့်သူတွေကို (တကယ်မရိုးဖြောင့်ရိုးမှန်ခဲ့ရင်) သူတို့နဲ့ထိုက်တန်တဲ့ အရေးယူမှု ပြုလုပ်ဖို့ပဲ မျှော်လင့်မိပါကြောင်း...

30/09/2026

ချက်နဲ့ အင်္ဂလန်တို့ရဲ့ ပွဲစဉ်မှာ "ရီယိုနူမိုဟာ"ဟာ အင်္ဂလန်လက်ရွေးစင်အတွက် ခြေစမ်းပွဲမဟုတ်တဲ့ တရား၀င်ပွဲစဉ်တစ်ပွဲမှာ ပထမဆုံးပါ၀င်ကစားခွင့် ရခဲ့ပါတယ်။

ဒီလို ကစားခွင့်ရခြင်းနဲ့အတူ သူဟာ အင်္ဂလန်လက်ရွေးစင်အသင်းအတွက် တရားဝင်ပွဲစဥ်မှာ ပါဝင်ကစားခွင့်ရခဲ့တဲ့ တတိယမြောက် အသက်အငယ်ဆုံး ကစားသမား ဖြစ်လာခဲ့ပါပြီ။

အင်္ဂလန်လက်ရွေးစင်အသင်းအတွက် တရားဝင်ပွဲစဥ်မှာ ပါဝင်ကစားခွင့်ရခဲ့တဲ့ အသက်အငယ်ဆုံး ကစားသမား၃ယောက်ကတော့...

🥇 Wayne Rooney / ၁၇ နှစ်၊ ၁၅၆ ရက်
🥈 Jude Bellingham / ၁၇ နှစ်၊ ၂၆၉ ရက်
🥉 Rio Ngumoha / ၁၈ နှစ်၊ ၃၁ ရက်တို့ပဲ ဖြစ်ပါတယ်။

29/09/2026

“ကျွန်တော် အသင်းကနေ ထွက်ပြီး ဥရောပက တခြားအသင်းတစ်သင်းကို ပြောင်းချင်ခဲ့တာ မဟုတ်ပါဘူး။ လီဗာပူးလ်ဟာ ကစားသမားတစ်ယောက်အနေနဲ့ ဆက်ပြီးတိုးတက်ဖို့အတွက် ကမ္ဘာပေါ်မှာ အကောင်းဆုံးနေရာလို့ ကျွန်တော် ထင်ခဲ့တာပါ။

အသင်းမှာ ကျွန်တော့်ရဲ့ အမွေအနှစ်နဲ့ သမိုင်းကြောင်းကို ဒီထက်ပိုပြီး ကြီးမားလာအောင် လုပ်ချင်ခဲ့ပါတယ်။ ဒါပေမယ့် ကျွန်တော်ရဲ့ နောက်ဆုံးရာသီကတော့ တကယ်ကို ပင်ပန်းခက်ခဲတဲ့ ရာသီတစ်ခု ဖြစ်ခဲ့တယ်။

ကျွန်တော်တို့ ရလဒ်ကောင်းတွေ မရခဲ့ဘူး။ ချန်ပီယံလိဂ် ဝင်ခွင့်လည်း မရခဲ့ဘူး။ ကျွန်တော်လည်း ပွဲတချို့မှာ ပွဲထွက်ကစားသမားနေရာ ဆုံးရှုံးခဲ့တယ်။ ဒါပေမယ့် ဘောလုံးမှာ ဒီလိုအရာတွေက ဖြစ်တတ်ပါတယ်။

အရင်ရာသီက မကောင်းခဲ့ပေမယ့် နောက်ရာသီအတွက်တော့ ကျွန်တော် အရမ်းကောင်းတဲ့ စိတ်ဓာတ်နဲ့ ပြန်လာခဲ့တယ်။ Premier League ချန်ပီယံဆုအတွက် ထပ်ပြီး တိုက်ပွဲဝင်ချင်ခဲ့ပါတယ်။

ဒါပေမယ့် ရာသီမစခင်မှာပဲ Al Ittihad က ကျွန်တော့်အတွက် ကမ်းလှမ်းမှုတစ်ခု လုပ်လာခဲ့တယ်။ လီဗာပူးလ်ရဲ့တာဝန်ရှိသူတွေကလည်း ဒီကမ်းလှမ်းမှုဟာ အသင်းအတွက်ရော ကျွန်တော့်အတွက်ပါ အရမ်းကောင်းတဲ့ ကမ်းလှမ်းမှုတစ်ခုလို့ ပြောခဲ့ကြတယ်။

အဲဒီအချိန်မှာ ကျွန်တော် စိုးရိမ်သွားခဲ့တယ်။ ဒါကြောင့် နည်းပြအဖွဲ့ဘက်က ဘာပြောမလဲဆိုတာ စောင့်ကြည့်ဖို့ ဆုံးဖြတ်ခဲ့ပါတယ်။ ကျွန်တော်က အသင်းအတွက် အရေးပါတဲ့ ကစားသမားတစ်ယောက်လို့ ထင်ထားတာကြောင့် ကျွန်တော့်အတွက် ဘယ်လိုကမ်းလှမ်းမှုမျိုးလာလာ အသင်းက ငြင်းပယ်လိမ့်မယ်လို့ ထင်ခဲ့တာပါ။

ဒါပေမယ့် နောက်တော့ အသင်းက ကျွန်တော့်ကို လက်လွှတ်ဖို့ လမ်းဖွင့်ထားတယ်ဆိုတာ ကျွန်တော် သိလာခဲ့ပါတယ်။

ကလော့ပ်က ကျွန်တော့်ကို ဖုန်းခေါ်ပြီး ‘မင်း ဘာလိုချင်လဲ’ လို့ မေးခဲ့တယ်။

ကျွန်တော်က ‘ဒီကမ်းလှမ်းမှုအကြောင်း ကြားထားတယ်၊ ကျွန်တော်လည်း သဘောကျတယ်။ ဒါပေမယ့် ဒီကိစ္စအပေါ် ဆရာ ဘယ်လိုသဘောထားလဲဆိုတာ ဆရာ့ဆီကနေ ကြားချင်တယ်’ လို့ ပြောခဲ့တယ်။

သူက ‘အသင်းကနေ ထွက်ချင်တဲ့ ကစားသမားရှိရင် ငါက သူတို့ကို အတင်းတားမှာ မဟုတ်ဘူး’ လို့ ပြောခဲ့တယ်။

အဲဒီစကားက ကျွန်တော့်အတွက် အသင်းကနေ ထွက်သွားဖို့ တံခါးဖွင့်ပေးလိုက်သလို ဖြစ်သွားခဲ့တယ်။

တကယ်တော့ နည်းပြနဲ့ အဲဒီစကားပြောဆိုမှုက ကျွန်တော့်ကို အသင်းမှာ ဆက်နေဖြစ်အောင် လုပ်ပေးနိုင်ခဲ့တဲ့ ပြောဆိုမှုမျိုး ဖြစ်နိုင်ခဲ့တယ်။ ဒါပေမယ့် သူက ကျွန်တော့်အတွက် တံခါးကို ဖွင့်ထားခဲ့တယ်။ အဲဒါကိုတော့ ကျွန်တော် သိပ်မကြိုက်ခဲ့ဘူး။”

🗣️ဖာဘင်ဟို

Adam - A Burmese Red

06/10/2026

05/10/2026

04/10/2026

02/10/2026

02/10/2026

01/10/2026

01/10/2026

30/09/2026

30/09/2026

29/09/2026

Address

Telephone

Website

Alerts

Contact The Business

Shortcuts

Share

Category

Listing takedown request