Fandhaal Media Pro

Fandhaal Media Pro Waa bog si faah-faahsan uga faalooda arrimaha Suugaanta, Muusigga, Falsafada, Ciyaaraha & Siyaasadda

18/08/2025

Khatarta Biraha Korontada, 5 neef bay birtaas dishay 🥹.

𝗔𝗮𝗯𝗯𝗲 𝗮𝘆𝗮𝗮 𝗶𝗻𝘁𝘂𝘂𝘀𝗮𝗻 𝗱𝗵𝗶𝗺𝗮𝗻 𝘄𝗶𝗶𝗹𝗸𝗶𝗶𝘀𝗮 𝗸𝘂 𝘆𝗶𝗱𝗵𝗶:“Saacadani waa saacaddii Awoowgaa, waxay taallaa in ka badan 200 oo sanno,...
18/08/2025

𝗔𝗮𝗯𝗯𝗲 𝗮𝘆𝗮𝗮 𝗶𝗻𝘁𝘂𝘂𝘀𝗮𝗻 𝗱𝗵𝗶𝗺𝗮𝗻 𝘄𝗶𝗶𝗹𝗸𝗶𝗶𝘀𝗮 𝗸𝘂 𝘆𝗶𝗱𝗵𝗶:

“Saacadani waa saacaddii Awoowgaa, waxay taallaa in ka badan 200 oo sanno, ka hor intaanan ku siin u tag dukaanka saacadaha iibiya ee ku yaal kasoo hor jeedka Waddada una sheeg inaad rabto inaad iibiso. Ka dibna ii sheeg inta ay ku qiimeeyaan.”

Wiilkii wuu tagay, dabadeedna wuu soo noqday isagoo leh: “Dukaankii wuxuu ku qiimeeyay saacaddii 5 doolar oo keliya, sababtoo ah way duugowday.”

Aabihii wuxuu ku yidhi: iminkana u tag dukaanka alaabta qadiimiga ah iibiya (antique shop) oo u sheeg inaad rabto inaad iibiso.” Wuu u tagay, kadibna wuu soo noqday isagoo leh: “Dukaankii Alaabta Qaddiimiga wuxuu ku qiimeeyay 5,000 doolar.”

Aabihii wuxuu haddana ku yidhi: Orod u tag matxafka taariikhda lagu keydiyo oo ku soo bandhig saacaddan. Wuxuu yidhi markaan u tegay Matxafku waxay u yeedheen khabiir ku takhasusay, markuu qiimeeyayna waxa la ii soo bandhigay hal milyan oo doolar.

Markaas ayuu aabihii yidhi: “Wiilkaygiiyow, waxaan rabay inaan ku baro in goobta saxda ahi ay tahay meesha si dhab ah loogu qiimeeyo qiimahaaga. Ha tegin hana joogin meel aan kugu habboonayn, hana xanaaqin haddii aan lagu qaddarin. Qofka garanaya qiimahaaga waa ka garta ee qiimeeya qiimahaaga, sidaas darteed, waligaa ha joogin meel aan kuu habboonayn oo aan sharaftaada laga qiimeyn.”

Dhacdo Cajiib ah oo ka dhacday dalka Saudi Arabia, Noura Salem oo ah xaaska Koowaad ee Majiid Baldah ayaa 80% beerkeeda ...
18/08/2025

Dhacdo Cajiib ah oo ka dhacday dalka Saudi Arabia, Noura Salem oo ah xaaska Koowaad ee Majiid Baldah ayaa 80% beerkeeda ugu deeqday xaaska labaad ee ninkeeda, taasoo soo afjartay sannado badan oo ay la tacaalaysay kelyo xanuun.

Falkan nafhurnimada ah ee Nuura wuxuu badbaadiyay nolosha Taghreed Awadh oo ah xaaska 2aad ee ninkeeda, oo sannado badan xanuunkan la tacaaleysay.

Ninkeeda, Majiid Baldah ayaa isagoo ka warramaya Naf-hurninada xaaskiisa koowaad yidhi: “Waxay la mid tahay sida dhibicda roobka oo ku da’aysa dhul saxare ah, sababtoo ah waxay soo nooleysay rejada xaaskeygii 2aad. ”

Dhacdadan ayaa muujineysa naf hurid, naxariis, iyo midnimada qoyska dhexdiisa. Haddaba Gabadh Soomaali ah sidaas ma sameyn laheyd?

17/08/2025

Adduunyadu sinnaan maleh, Wayna kala sarreysaa 🥹.

“Qofna gaajuu dhimanayaa, qofna cuntadii buu cagaha dul saarayaa kibir iyo dhereg awgii.”

Nin xaaskiisa uga shakiyay markuu shaqada jiro ayadana inay Xaafadaha wareegto.Ninkii: Qaalii xagee joogtaa?Xaaska:Gurig...
17/08/2025

Nin xaaskiisa uga shakiyay markuu shaqada jiro ayadana inay Xaafadaha wareegto.

Ninkii: Qaalii xagee joogtaa?

Xaaska:Gurigaan joogaa xaaji

Ninkii:ma hubtaa?

Xaaskii:haaa

Ninkii:bal mashiinka cabitaanka lagu shiido daar aan ogaadee inaad joogto xaafada

Xaaskii:mashiinka ayay shidaysaa kurugkurugkkrrrrr

Ninkii:haye qaali kheyr badan nabad galyo

Maalin kale ayuu soo wacay Ninkii:ku aaway xagee joogtaa?

Xaaskii: Guriga nh

Ninkii:ma iga hubtaa?

Xaaskii: haa

Ninki:haye daar hee mashiinka cabitaanka lagu shiido

Xaaskii:waxay shidaysaa mashiinkii asagana sameecada ayuu ka dhagaysanayaa kikrrrrkkkr

Ninkii:nabad galyo qaali

Maalin kale wuxuu go'aansaday ayadoon ogeyn guriga inuu tago,, wuxuu arkay wiil yar uu dhalay oo guriga hortiisa fadhiyo wuxuu waydiiyay aabo aaway hooyo?

Wiilkii wuxuu dhahay ma ogi ayadoo mashiinka cabitaanka lagu shiido wadato ayay baxday🤣

Ninkii meesha ayuu ku suuxay🤣🤣

Dabcan Masaajidka waad burburin kartaan, laakiin marnaba ma burburin kartaan iimaankooda iyo diintooda suubban ❤️. Allah...
16/08/2025

Dabcan Masaajidka waad burburin kartaan, laakiin marnaba ma burburin kartaan iimaankooda iyo diintooda suubban ❤️.

Allahu Akbar 💯.

Subxaannallaah : Khudbadda Jimcaha tii ugu yareyd (ugu murugada badneyd ) ee aan maqlo noloshayda.Wuxuu ahaa Sheekh Fala...
15/08/2025

Subxaannallaah : Khudbadda Jimcaha tii ugu yareyd (ugu murugada badneyd ) ee aan maqlo noloshayda.

Wuxuu ahaa Sheekh Falastiini ah wuxuu yimid Masaajidka Minbarka Khudbadda Jimcaha laga akhriyo, wuxuu yidhi "Waan baahanahay oo Gaajo ayaa iheysa mana awoodo inaan hadlo, adinkuna waad baahan tihiin oo Khudbadda Jimcaha inaad dhageysataan ma awooddaan gaajo daraadeed ee salaadda noo aqima". 🥹😰

Dunida Caddaalad ma taallo.

Deero yar ayaa Maalinkii ninka Kaamira maanka ah (ee xayawaanada duurka duuba) uu waayi jiray subixiina Waa la arki jira...
13/08/2025

Deero yar ayaa Maalinkii ninka Kaamira maanka ah (ee xayawaanada duurka duuba) uu waayi jiray subixiina Waa la arki jiray. Taas oo Ninkii Duubayay ku kaliftay in uu ogaado halka uu habeenkii aado Deeradaan yari, waxa uuna soo helay, in markii qoraxdu dhacdo in uu weheshan jiray Qalfoofta hooyadiis oo mar h**e dhimatay, isaga oo dhinaceedana seexan jiray.
"Dareenku kaliya kuma eka aadanaha e, xitaa Xayawaanka waxaa jira kuwo ka naxariis badan Dadka" alle ayaa xumaan oo dhan ka hufan.

12/08/2025

"Habeen walba waan ooyaa, mana nasto maalintii oo socodku ima dhibo waayo inankaygii aan jeclaa ayaa cilaaj igaga jira oo aan u shaqeeyaa" 🥹.

Waa Sheekada hooyo 30 sanno Caano la wareegaysay, oo aan baraha bulshada ku arkay. Aynu caawino maamadaas, lambaraduna shaashada ayay ku qoran yihiin. 🙏🙏🙏

Nebigu wuxuu xanuunsanayey 18 maalmood oo ay Asxaabtu booqanayeen Xanuunklisa, Xanuunkii ugu horreeyay wuxuu ahaa Madax-...
11/08/2025

Nebigu wuxuu xanuunsanayey 18 maalmood oo ay Asxaabtu booqanayeen Xanuunklisa, Xanuunkii ugu horreeyay wuxuu ahaa Madax-xanuun, habeenkii isniinta ee uu maalin-keeda dhiman-doono ayaa xanuunkiisii cuslaaday.
Rasuulku wuxuu u wacay Sayid Cali iyo Fadal Bin Cabaas, weyna garba galeen waxeyna geeyeen masajidkii oo salaaddii ayuu ka bixiyay asxaabtii, salaaddii kaddib ayuu rasuulku (NNKH) la dardaarmay asxaabtii wuxuuna yiri: Waxaan idiin dardaarmayaa oo aan idiinku sagootinayaa cabsida illahay iyo inaad adeecdaan oo aad amarkiisa qaadataan anigu waan idin kaga tagayaa adduunyada, maantana waa maalintii iigu dambaysay adduunyada iiguna horreeysay Aakhiro.
Intaa kaddib Nebiga (NNKH) waxaa la geeyey gurigiisa, illahay ayaa u wax-yooday Malakul-mowt wuxuuna yiri: booqo xabiibkayga Muxammad (NNKH) uguna tag suurad wanaagsan una naxariiso marka aad ka qaadaysid nafta, markii aad u tagtid idan weydii, haddii uu kuu idmo u gal gurigga balse haddii uu kuu diido ha u galin kana soo laabo.
Malakul-mowt wuxuu u tagay Nabigeena Muxammad
(NNKH) isagooo u eg nin reer Baadiyo ah, wuxuuna yiri:
Assalamu calaykum yaa rasuulalaah ma soo galaa?
Faadumo ayaa la hadashay oo tiri: Ninyahow rasuulkii illahay wuxuu ku mashquulsan yahay Nafsadiisa!
Malakul-mowt mar labaad ayuu ku celiyey salaantii, waxaana maqlay rasuulkii. Rasuulka (NNKH) ayaa Faaduma ku yiri: Ma garanaysaa ninka? Faaduma waxay tiri: Maya, rasuulku wuxuu yiri: waa ninka kala geeya dadka is jecel, qaraabada guryaha, camira Qubuurta, ilmaha agoomeeya, naagahana carmal ka dhiga, waxaana la yiraahdaa Malakul-mowt.
Faaduma markay ogaatay in ninku yahay malakul-mowt ayay ooyday, waxayna tiri: masiibo ayaa nagu dhacday, waxaana dhimanaya rasuulkii illahay ee ugu dambeeyey ambiyada, waxaa naga go'ayaa waxyigii samada ka imaanayey, waxaan weyneynaa hadalkii rasuulkeena, maanta kadibna maqli mayno salaantii Aabahay.
Rasuulku wuxuu yiri: Faadumoy waxaad tahay qofka ugu horreeya ee aan isla kulmeyno, wuxuu kaloo rasuulku yiri: malakul Mowdow soo gal, wuuna soo galay malakulmowt, wuxuuna yiri. Assalamu calayka yaa rasuullulaah, rasuulkuna wuxuu yiri: wacalaykum assalam yaa malakul-mowt, ma waxaad iigu timid inaad i soo siyaarato mise inaad iga qaado nafta? Malakul-mowt wuxuu yiri: waxaan kuugu imid inaan ku soo siyaarto kaana qaado nafta haddii aad ii idinto, balse haddii aad ii idmi-weydo waan iska noqonayaa!
Rasuulku wuxuu yiri: Malakul-mowdow xaggee uga soo tagtay malakul-jibriil. Malakul-mowt wuxuu yiri: waxaan uga soo tagay samada adduunyada, isla markiiba waxaa yimid malakul-jibriil, wuxuuna fariistay Nebiga madaxiisa, wuxuuna rasuulku yiri: miyaadan ogayn in amarkii dhawaaday? Wuxuu yiri: waan ogahay rasuulkii Illaahayow. Rasuulku wuxuu yiri: iigu bishaare illaahay agtiisa waxa ii yaala oo karaama iyo wanaag ah.
Malakul-jibriil wuxuu yiri: albaabada samada waa la wada furay, malaaigtii illaahayna saf bay galeen iyagoo sugaya ruuxdaada, albaabadii jannada waa la wada sugaya ruudaada, albaabadii jannada waa la wada furay. Rasuulku wuxuu yiri: iigu bishaaree siday ahaan
doontaa ummadaydu maalinta Qiyaamaha?. Malakul-jibriil wuxuu yiri: waxaan kuugu bishaaraynayaa illaahay inuu yiri: Jannada waan ka xarimay ambiyada illaa Nabi Muxammad (NNKH) galo, sidoo kale jannada waan ka xarimay ummadaha illaahay oo dhan illaa ay ummadda Nabi Muxammad ka galaan. Rasuulkuna wuxuu yiri: hadda ayuu wanaagsanaaday qalbigaygu, igana baxday murugtii.
Rasuulku wuxuu yiri: Malakul-mowdow ii soo dhowow.
Malakul-mowt waa u soo dhawaaday naftii ayuuna ka jiiday illaa ruuxdii ka soo gaarto xudunta.
Rasuulku wuxuu yiri: maxaa darnaan badiyey xaraaradda xanuunka mowdka, wuxuu kaloo yiri: malakul-jibriilow ma waxaad dhibsatay eegitaanka wajigayga?. Malakul-jibriil wuxuu yiri: illaahay xabiibkiisiyow ayaa awood u leh inuu eego wajigaaga adigoo sakaraadaya. Aanas Binu Maalik wuxuu yiri:
Nabigu markay naftu ka baxaysay wuxuu lahaa:
Waxaan idiin dardaarmayaa salaadda iyo wixii ay hanatay gacmihiinu.
Rasuulkii illaahay wuxuu geeriyooday maalin isniin ah ee bisha Rabiicul-awal ka mid ah, ama loo yaqaan mowliid.
Haddii adduuniyo lagu baaqi yeelayo qof, waxaa la dayn lahaa rasuulkii illaahay, Rasuulka waxaa dhaqay Sayid Cali, waxaa ku shushubayey biyaha fadal bin Cabaas iyo Usaama bin Zayd, waana la kafanay, waana lagu tukaday, waxaana lagu aasay gurigiisii ee qolka Caa'isha (RC,) habeen arbaco ah ayaana la aasay Suubanaha (NNKH.).
Salluu calal xabiib ❤️
Dhamaad:

Gabadh kasta oo guul gaadha, waxaa ka dambeeya Aabbe aan is dhiibin. ❤️
10/08/2025

Gabadh kasta oo guul gaadha, waxaa ka dambeeya Aabbe aan is dhiibin. ❤️

Geerida Caydiid sidee loo xaqiijiyay? Yaase tebiyay?Habeen Agoosto ah 1996, aniga oo saaxiibbo ajnabi ah oo aan wadashaq...
10/08/2025

Geerida Caydiid sidee loo xaqiijiyay? Yaase tebiyay?

Habeen Agoosto ah 1996, aniga oo saaxiibbo ajnabi ah oo aan wadashaqeyno la soo casheeyay shaqada ka dib, ayaan boorsadeyda garabka ka doontay Xafiiska Laanta Soomaaliga oo ay ahayd in saacado ka hor laga wada rawaxo.

Waxaan yaab igu noqotay in xafiiska ay weli joogaan, Maxamed Cabdullaahi oo ahaa Madaxa Laanta Soomaaliga, iyo Cabdullaahi Xaaji oo ahaa soo saare sare oo aalaaba aan xilli h**e ka rawaxi jiray shaqada.

Midba telefoon ayuu ku hadlayaa.

Waan naxay oo in masiibo dhacday ayaan u qaatay. Nabadi ma jirtaa markii aan weydiiyay ayay ii sheegeen in ay heleen xog ah in uu geeriyooday General Caydiid, si loo hubiyana ay la’ yihiin.

Dhankeyga ayaan shaqada ka galay.

Maaddaama ay xilli dambe u ahayd Muqdisho, waxaan wacay nin jooga London oo xiriirro badan ku lahaa kooxda uu hoggaaminayay General Caydiid.

Wuxuu ii ballanqaaday in uu raadin doono xaqiiqada, haddii uu war sugan helana uu ila wadaagi doono.

Ka dib waxaan wacay dhowr number oo Xamar ah oo uu ka mid yahay weriye Haaruun Macruuf.

Waxaan wacay shakhsiyaad kala jooga Mareykanka, Italy iyo Kenya.

Aniga oo telefoonnadii weli ku guda jira war suganna la’, ayaa telefoonka aan ku hadlayay mid aan ahayn oo isla xafiiska ahi uu soo dhacay.

Cabdullaahi Xaaji ayaa qabtay, in yar ka dibna waxaa uu igu yiri waxaa khadka ku jira nin ku doonaya, markii aan u sheegay in aad telefoon ku hadleysana igu yiri, u sheeg in uu dhigo telefoonka uu ka hadlayo ee uu aniga ila hadlo.

Waa ninkii London oo igu soo laabtay. Wuxuu igu yiri, Caydiid waa dhintay waana hubaal. Ka dib markii uu ii sheegay ninka u xaqiijiyay oo Xamar joogay, waxaan ka qaatay numberkiisa.

Ninkii Xamar joogay wuxuu ii sheegay intii oo kale. Waxaan weydiiyay in uu isagu indhiisa saaray meydka Caydiid oo aan wejigiisa maro ku dadneyn. Wuxuu ku jawaabay maya, laakiin, ayuu yiri Xuseen Caydiid ayaa telefoonkeyga hadda aan kaala hadlayo ka wacay hooyadiis iyo walaashiis oo u sheegay geerida General Caydiid.

Ninkii waxaan ka codsaday in uu telefoonka iigu dhiibo Xuseen Caydiid. Markii uu ii sheegay in uu ka soo tegey, waxaan ka codsaday in uu ku laabto. Wuu ka meermeeray oo wuxuu ii sheegay in uu hadda gurgiisa yimid, xilli dambena ay tahay oo uu berri ku laaban doonay.

Maaddaama aan ninkan isku wanaagsanayn, aakhirkii waan ka dhaadhiciyay qaddar ka dibna wuxuu ila soo hadashiiyay Xuseen Caydiid oo igu yiri, Yusuf, Aabbe Allah ha u naxriisto. Xaqiijin ka dib wuxuu ii sheegay in marka uu waagu baryo Idaacadda laga sheegi doono geerida.

Qiyaastii markii ay tahay habeen barkii xilliga London oo daqiiqado ay wehliyaan ayaan u sheegnay BBC World Service Newsroom, Ka dibna waxaan wargelinnay teamka Network Africa.

Waxay xusuusteydu ii sheegeysaa in ay ahayd 1-da habeennimo waqtiga London ee kuleylaha oo ku beegan labada habeennimo oo Soomaaliya ah markii la sii daayay warka ugu horreeyay ee sugan ee geerida Caydiid.

Sidaas ayay BBC ku noqotay Idaacaddii ugu horreysay caalamka ee xaqiijisa, siina deysa geerida General Caydiid, iyada oo xataa uga horreysay Idaacadda Radio Muqdisho oo ay kooxdiisu maamuleysay.

Warka BBC waxaa ka mid ahaa in Raadiyaha Caydiid saacado ka dib (Waaberiga Muqdisho) uu ku dhawaaqi doono geeridiisa.

Maaddaama uu magaca Caydiid ahaa mid adduunka oo dhan gaaray, isla markiiba hey’adaha wararka ee adduunka ayaa sii faafiyay, Xamar oo hurudda.

Waxay ahayd habeenka keliya ee Newshour Presenterkiisa iyo Editorkiisa habeenkaasi oo wata farsamayaqaankoodu ay iigu yimaadeen Xafiiska Laanta Soomaaliga ee ay Istuudiyaha Laanta iiga duubeen wareysi. Waayo Cabdullaahi Xaaji iso aniga waxaa noo taagnaa Taksi guryaheenna na geeya maaddaama la iga sugayay in aan shaqada soo galo ka hor lixda subaxnimo.

Wareysiga Newshour wuxuu noqday wareysigii koowaad ee ugu yaraan 14 wareysi oo habeenkaas iyo maalintii xigtay la iga qaaday oo ay ku jireen wareysiyo aan siiyay Scotland, Mareykan iyo Koofur Afrika.

Taksigii na qaaday aniga iyo Cabdullaahi Xaaji, raadiyo degaanka London aan dhaafsiisneyn oo ka shidnaa wuxuu sheegay in Caydiid uu dhintay asaga oo tilmaan uga dhigaya dagaalkii uu la galay ciidanka Mareykanka.

F. G.
Sawirku waa Djibouti, 1994. Su'aashaas aan weydiiyay iigama uu jawaabin.

Yuusuf Garaad

Address

148 Kings Road
London
SW34UT

Website

Alerts

Be the first to know and let us send you an email when Fandhaal Media Pro posts news and promotions. Your email address will not be used for any other purpose, and you can unsubscribe at any time.

Shortcuts

Share

Category