13/09/2025
یو وخت چا د مور کنـ..ځا را ميسيج کړې وه. ما ور ته وليکل: « مور مې لمونځ کوي. پښې یې خوږېږي پۀ ناسته یې کوي. چې سلام واړوي، ور ته يادوم دې چې ما سره دې یو ځای د هدايت پۀ دعا کې یاد کړي. »
څو شېبې وروسته یې د سرو لمدو سترګو عکس را ولېږه، ژړا خبرې پکې بندولې ويل يې: « خیر دی. ور ته ووايه! و مې بښي. »
ما ور ته وليکل: « بښي دې. خو بیا بۀ بله مور نه ښکنځې. »
وعده یې وکړه چې سمه ده. دا ډېر وخت ورک و. اوس یې پيغام کړی دی، ويلي يې دي: « اوس حتی پۀ ګپ کې هم کــ..نځا خولې ته نه راځي، ادې څنګه ده؟ »
دا درس مې زده کړ چې، کله، کله کږه خوله پۀ سوک نه، پۀ يوه خوږه خبره سمېدای شي. خدای دې موږ ټولو ته هدايت وکړي، آمين.
