Agaraathi, London (2026)

11/03/2026

வாக்குறுதி அரசியல் vs செயல்பாட்டு அரசியல்

தேர்தல் நெருங்கும் நேரத்தில் அரசியல் மேடைகள் வாக்குறுதிகளால் நிரம்பி விடுகின்றன. மக்களின் வாழ்க்கையை மாற்றுவோம், புதிய திட்டங்களை கொண்டு வருவோம், எல்லா பிரச்சினைகளுக்கும் தீர்வு காண்போம் — இவ்வாறான பல அறிவிப்புகள் தேர்தல் பிரச்சாரத்தின் மையமாக மாறுகின்றன.

ஆனால் சில நேரங்களில் நடைமுறையில் செயல்படுத்த முடியாத அளவுக்கு பெரிய வாக்குறுதிகளும் அளிக்கப்படுகின்றன. தேர்தல் வெற்றி பெறும் நோக்கில் கூறப்படும் இந்த ஆசை வாக்குறுதிகள், ஆட்சி பொறுப்பை ஏற்ற பிறகு நிறைவேறாமல் போகும் போது மக்கள் ஏமாற்றமடைவது இயல்பாகிறது.

வாக்குறுதி அரசியல் குறுகிய காலத்தில் ஆதரவை பெறலாம். ஆனால் நீண்ட காலத்தில் மக்களின் நம்பிக்கையை நிலைநிறுத்துவது செயல்பாட்டு அரசியலே.

அரசியலில் அறிவிப்புகள் முக்கியம் தான். ஆனால் அதைவிட முக்கியமானது — அந்த அறிவிப்புகள் உண்மையில் மக்களின் வாழ்க்கையில் மாற்றத்தை ஏற்படுத்துகிறதா என்பதே.

அதனால் ஒரு கேள்வி மீண்டும் எழுகிறது:

அரசியலில் முக்கியமானது எது — கவர்ச்சியான வாக்குறுதிகளா, அல்லது மக்களின் வாழ்க்கையை மாற்றும் செயல்பாடுகளா?

— அகராதி | அரசியல் பார்வை

11/03/2026

ஒவ்வொரு குடும்பத்துக்கும் வருடத்திற்கு 6 கேஸ் சிலிண்டர் இலவசம்” — இந்த வாக்குறுதி நடைமுறையில் சாத்தியமா?

10/03/2026

உண்மையான அரசியல் கட்சி எது?

தமிழ்நாட்டில் அரசியல் கட்சிகள் பல உள்ளன. ஒவ்வொரு தேர்தலிலும் புதிய கட்சிகள் தோன்றுகின்றன. ஆனால் ஒரு முக்கியமான கேள்வி தொடர்ந்து எழுகிறது — உண்மையான அரசியல் கட்சி எது?

ஒரு கட்சி வெறும் தேர்தல் நேரத்தில் மட்டும் செயல்பட்டால் அது அரசியல் இயக்கமாக இருக்க முடியாது. மக்களின் பிரச்சினைகளில் தொடர்ந்து ஈடுபடுவது, தெளிவான கொள்கைகளை முன்வைப்பது, மற்றும் சமூக முன்னேற்றத்தை நோக்கமாகக் கொண்டிருப்பது — இவையே ஒரு கட்சியின் அடையாளமாக இருக்க வேண்டும்.

அரசியலில் தலைவர்கள் முக்கியம். ஆனால் நீண்ட காலத்தில் ஒரு கட்சியை நிலைநிறுத்துவது அதன் கொள்கையும் மக்களுடன் இருக்கும் நம்பிக்கையும் தான்.

அதனால் ஒரு கேள்வி மீண்டும் எழுகிறது:

ஒரு கட்சியை உண்மையான அரசியல் கட்சியாக மாற்றுவது — தலைவரா, கொள்கையா, அல்லது மக்கள் நம்பிக்கையா?

— அகராதி | அரசியல் பார்வை

10/03/2026

நல்ல அரசியல்: தமிழ்நாட்டில் அதன் அளவுகோல் என்ன?

தமிழ்நாட்டில் “நல்ல அரசியல்” என்ற வார்த்தை அரசியல் மேடைகளிலும், பொதுமக்கள் உரையாடல்களிலும் அடிக்கடி ஒலிக்கிறது. ஆனால் அந்த நல்ல அரசியலை அளக்க எந்த அளவுகோலை நாம் பயன்படுத்துகிறோம் என்பது இன்னும் தெளிவாக இல்லை.

ஒரு பகுதி மக்களுக்கு நல்ல அரசியல் என்பது நலத்திட்டங்கள். அரசின் உதவிகள், இலவச திட்டங்கள், உடனடி வாழ்வாதார நிவாரணங்கள் — இவை அரசின் பொறுப்பாகவே அவர்கள் கருதுகிறார்கள். இந்த பார்வையில் அரசியல் என்பது மக்களின் தினசரி வாழ்க்கையை சற்றே எளிதாக்கும் கருவி.

ஆனால் மற்றொரு பார்வை வேறுபட்டது. அந்த பார்வையில் நல்ல அரசியல் என்பது வளர்ச்சியை மையமாகக் கொண்டதாக இருக்க வேண்டும். வேலைவாய்ப்பு உருவாக்கம், தொழில் முதலீடுகள், தரமான கல்வி, மேம்பட்ட சுகாதாரம் — இவையே ஒரு மாநிலத்தின் எதிர்காலத்தை நிர்ணயிக்கும் என்று அவர்கள் வலியுறுத்துகிறார்கள்.

தமிழ்நாட்டின் அரசியல் வரலாறு இந்த இரண்டு அணுகுமுறைகளையும் ஒன்றாகக் கொண்டுள்ளது. சமூகநீதி கொள்கைகள், கல்வி பரவல், பெண்களின் முன்னேற்றம் போன்ற பல மாற்றங்கள் அரசியல் முடிவுகளின் மூலம் ஏற்பட்டுள்ளன. அதே நேரத்தில், அரசியல் போட்டி மற்றும் கட்சி மோதல்கள் சில நேரங்களில் மக்கள் நம்பிக்கையை சோதிக்கவும் செய்கின்றன.

அதனால் இன்றும் ஒரு அடிப்படை கேள்வி நிலைத்திருக்கிறது.

தமிழ்நாட்டில் நல்ல அரசியல் என்பதை நிர்ணயிப்பது — நலத்திட்டங்களா, வளர்ச்சியா, அல்லது மக்களின் நீண்டகால நம்பிக்கையா?

“இந்தக் கேள்விக்கு உங்கள் பதில் என்ன?”
— அகராதி | அரசியல் பார்வை

10/03/2026

பிரச்சாரங்களில் -வை ‘தீய சக்தி’ என முழங்கிய எதிர்கால அரசியலில் அதன் அரசியல் நிலைப்பாடு எப்படி அமையும்?

இதில் உங்கள் கருத்து என்ன?

01/03/2026

நலத்திட்டங்கள் அறிவிப்பு: பொதுமக்கள் வரவேற்பு

14/02/2024

அரச துறையின் ஆற்றலை அதிகரிக்க இந்தியா இலங்கை கூட்டு முயற்சியில் வேலைத்திட்டம்
-----------------------------------------------------------------------------------

இலங்கையின் பொருளாதார வளர்ச்சியை விரைவுபடுத்தும் வகையில் அரச துறையின் ஆற்றலை அதிகரிக்கும் வேலைத்திட்டமொன்று இந்தியா மற்றும் இலங்கையின் கூட்டு முயற்சியில் நடைமுறைப்படுத்தப்பட்டுள்ளதாக ஜனாதிபதி ஊடகப் பிரிவு அறிவித்துள்ளது.

ஜனாதிபதி ரணில் விக்ரமசிங்கவின் இந்திய விஜயத்தின் போது இரு நாடுகளுக்கும் இடையிலான உறவுகளை புதிய துறைகள் ஊடாக வலுப்படுத்துவதற்கு இரு நாட்டுத் தலைவர்களும் இணக்கம் வெளியிட்டிருந்தனர்.

இந்தியா - இலங்கை கூட்டு முயற்சியின் ஊடாக அரச துறையின் திறனை கட்டியெழுப்புவதற்காக அரச நிறுவன கட்டமைப்பை நவீனமயப்படுத்துவதுடன், செயற்திறனுடன் முன்னோக்கி கொண்டு செல்வதற்கும் வாய்ப்பு ஏற்பட்டுள்ளது.

இந்திய நல்லாட்சிக்கான தேசிய மையத்தின் பணிப்பாளர் நாயகம் பாரத் லால், இலங்கை அரசாங்கத்தின் அழைப்பின் பேரில், இந்த வேலைத்திட்டத்தை நடைமுறைப்படுத்துவது தொடர்பான உயர் மட்ட கலந்துரையாடல்களை இலங்கையில் முன்னெடுத்திருந்தார்.

அந்த கலந்துரையாடல்களின் விளைவாக, இலங்கையில் இருந்து உயர்மட்டக் குழுவொன்று இந்தியாவுக்குச் சென்று பொருத்தமான திறன் அபிவிருத்தி ஒத்துழைப்புத் திட்டத்தை தயாரித்திருந்தது.

அதனை நடைமுறைப்படுத்துவதற்கு தொடர்புடைய இந்திய நிறுவனங்களுடன் மேலதிக கலந்துரையாடல்களை நடத்த தீர்மானித்துள்ளது.

அதன்படி கடந்த 12ஆம் திகதி இந்தியாவுக்கு விஜயம் செய்த குறித்த குழுவினர் எதிர்வரும் 17ஆம் திகதி வரை நடைபெறவுள்ள இந்தியா நல்லாட்சி தேசிய மையத்தில் நடைபெறும் நிகழ்வில் பங்கேற்கவுள்ளனர்.

அதன்படி, இலங்கையில் 12 அரச நிறுவனங்கள் பிரதிநிதித்துவப்படுத்தப்படும் வகையில் டிஜிட்டல் கொள்முதல் உள்ளிட்ட அரசின் பிரதான சேவைகளுக்காக விசேட கவனம் செலுத்தப்பட்டுள்ளது.

டிஜிட்டல்மயமாக்கலை செயற்படுத்தல், புதிதாக ஆட்சேர்ப்பு செய்யப்பட்ட அரச ஊழியர்களின் திறன் மேம்பாடு, ஊழல் எதிர்ப்பு நடவடிக்கைகள், உணவுகளின் நடுநிலையான விலைப் பொறிமுறை உள்ளிட்ட பல பிரிவுகளுடன் தொடர்புடைய நிறுவனங்களின் திறனை அபிவிருத்தி செய்வதற்கான வழிமுறைகள் குறித்து இதன்போது கவனம் செலுத்தப்படவுள்ளதாக ஜனாதிபதி ஊடகப்பிரிவு தெரிவித்துள்ளது.

14/02/2024

கொலை குற்றம் சாட்டப்பட்டவர் ஜனாதிபதித் தேர்தலில் முன்னிலையில்!

-----------------------------------------------------------------------------

இந்தோனேசியாவின் ஜனாதிபதித் தேர்தல் வாக்களிப்புகள் தற்போது முடிவடைந்துள்ள நிலையில், வாக்கெண்ணும் பணிகள் முன்னெடுக்கப்பட்டு வருகின்றன.

தற்போது 75 சதவீதத்துக்கும் அதிகமான வாக்குகள் எண்ணப்பட்டுள்ளதாகவும் அதில் ஜனாதிபதி வேட்பாளராக போட்டியிட்ட பாதுகாப்பு அமைச்சர் பிரபோவோ சுபியன்டோ முன்னிலையில் உள்ளதாக சர்வதேச ஊடகங்கள் தெரிவிக்கின்றன.

இந்தநிலையில், இந்தோனேசியாவின் சர்ச்சைக்குரிய முன்னாள் பாதுகாப்பு அமைச்சர் ஜொக்கொ விடோடோவின் கொள்கைகளை முன்கொண்டு செல்லவுள்ளதாக பிரபோவோ சுபியன்டோ உறுதியளித்துள்ளார்.

முன்னாள் அரசாங்கத்தின் பத்து வருட ஆட்சியில் இந்தோனேசிய பொருளாதாரம் எதிர்பாராத வளர்ச்சியடைந்துள்ளது.

இதன்காரணமாக இந்தோனேசியாவில் வெளிநாட்டு முதலீட்டாளர்கள் அதிகளவில் முதலீடு செய்ய எதிர்பார்த்துள்ளனர்.

எனினும் கடந்த காலங்களில் இந்தோனேசியாவில் மனித உரிமை மீறல்களில் ஈடுபட்டவர் என்பதால் பாதுகாப்பு அமைச்சர் பிரபோவோ சுபியன்டோ ஜனாதிபதியாவது குறித்து மனித உரிமை ஆர்வலர்கள் கரிசனை வெளியிட்டுள்ளனர்.

ஜனநாயக சார்பு செயற்பாட்டாளர்களை கடத்தி கொலை செய்தார் என்ற அடிப்படையில் பிரபோவோ சுபியன்டோவிற்கு அமெரிக்கா பயணத்தடை விதித்துள்ளமை குறிப்பிடத்தக்கது.

14/02/2024

பொருளாதார நெருக்கடியால் 3 சதவீதமான மாணவர்கள் கற்றல் நடவடிக்கைகளில் இருந்து முற்றாக விலகியுள்ளனர்.
--------------------------------------------------------

நாட்டில் நிலவிய பொருளாதார நெருக்கடி நிலைமையால் மாணவ சமூகத்தின் 3 சதவீதமானனோர் கற்றல் நடவடிக்கைகளில் இருந்து முற்றாக விலகியுள்ளதாக தேசிய தொகைமதிப்பு மற்று புள்ளிவிபரவியல் திணைக்களம் தெரிவித்துள்ளது.

அத்துடன், பொருளாதார நெருக்கடி காரணமாக பாடசாலை மாணவர்களில் 54.9 சதவீதமானோர் பாதிக்கப்பட்டுள்ளதாக தேசிய தொகைமதிப்பு மற்று புள்ளிவிபரவியல் திணைக்களம் தெரிவித்துள்ளது.

அவர்களில் 53.2 சதவீதமானோர், பாடசாலைக்கான புதிய உபகரணங்களை கொள்வனவு செய்வதை முற்றிம் நிறுத்தியுள்ளதாக தெரிவிக்கப்பட்டுள்ளது.

அத்துடன், 44 சதவீதமான மாணவர்கள் புதிய பாடசாலை சீருடைகளுக்கான செலவை குறைத்துள்ளதாகவும் தேசிய தொகைமதிப்பு மற்று புள்ளிவிபரவியல் திணைக்களம் அறிவித்துள்ளது.

அத்துடன், 40.6 வீத மாணவர்கள் மேலதிக வகுப்புகளில் பங்கேற்பதை நிறுத்தியுள்ளனர்.

அவர்களில், 28.1 சதவீதமானோர். மேலதிக வகுப்புகளை இணையவழி மூலம் மேற்கொள்வதாக தேசிய தொகைமதிப்பு மற்று புள்ளிவிபரவியல் திணைக்களம் வெளியிட்டுள்ள அறிக்கையில் தெரிவிக்கப்பட்டுள்ளது.

14/02/2024

ஹரக் கட்டாவை தப்பிக்க வைக்க குற்றப்புலானய்வு திணைக்கள அதிகாரிகளின் வங்கிக் கணக்குகளில் பெருந்தொகையான பணம் வைப்பு
--------------------------------------------------------

ஹரக் கட்டா எனப்படும் நதுன் சிந்தக்கவை தப்பிக் வைக்க முயற்சித்தமை தொடர்பில் குற்றப்புலானய்வு திணைக்களத்தின் முன்னாள் பிரதி பொலிஸ் மா அதிபர், முன்னாள் பணிப்பாளர் மற்றும் முன்னாள் பொறுப்பதிகாரி ஆகியோருக்கு எதிராக பயங்கரவாத விசாரணைப் பிரிவு விசாரணைகளை ஆரம்பித்துள்ளது.

குற்றப் புலனாய்வு திணைக்களத்திலிருந்து ஹரக் கட்டாவையும் குடு சலிந்துவையும் தப்பிக்க வைக்க திட்டமிட்டமை தொடர்பில் 34 அதிகாரிகளிடம் முன்னெடுக்கப்படும் விசாரணை தொடர்பான முன்னேற்றம் குறித்து கோட்டை நீதவான் திலின கமகேவிடம் பயங்கரவாத விசாரணைப் பிரிவு அறிக்கை சமர்ப்பித்துள்ளது.

குறித்த அதிகாரிகளின் வங்கிக்கணக்கு மற்றும் தொலைபேசி அழைப்பு தொடர்பான அறிக்கை பெற்றுக்கொள்ளப்பட்டுள்ளதாகவும் பயங்கரவாத விசாரணைப் பிரிவினால் இதன்போது நீதிமன்றுக்கு அறியப்படுத்தப்பட்டது.

அத்துடன், குற்றப்புலனாய்வு திணைக்களத்தின் முன்னாள் பிரதி காவல்துறைமா அதிபர், முன்னாள் பணிப்பாளர் மற்றும் பொது முறைப்பாட்டு பிரிவின் முன்னாள் பொறுப்பதிகாரி ஆகியோரின் வங்கிக்கணக்கு மற்றும் தொலைபேசி அழைப்புகள் தொடர்பான அறிக்கைகளை பெற்றுக் கொள்வதற்கு நீதிமன்றிடமிருந்து உத்தரவொன்றும் கோரப்பட்டுள்ளது.

குற்றப்புலனாய்வு திணைக்களத்துடன் தொடர்புடைய 34 அதிகாரிகளின் வங்கிக் கணக்கு மற்றும் தொலைபேசி அழைப்பு தொடர்பான அறிக்கைகளை ஆராய்ந்தபோது, சந்தேகத்துக்கிடமாக கொடுக்கல் வாங்கல் இடம்பெற்றுள்ளமை அவதானிக்கப்பட்டுள்ளதாகவும் தெரிவிக்கப்பட்டுள்ளது.

அத்துடன், அவர்கள் வேறு வழிகளில் பணம் ஈட்டியுள்ளார்களா என்பது தொடர்பில் விசாரணைகள் நடத்தப்படும் எனவும் பயங்கரவாத விசாரணைப் பிரிவு நீதிமன்றில் தெரிவித்துள்ளது.

14/02/2024

பெருந்தோட்ட மக்களை வலுப்படுத்த சமூக ஒப்பந்தம் கைச்சாத்து

-----------------------------------------------------------------

பெருந்தோட்ட மக்களின் சமூக பொருளாதார அரசியல் கட்டமைப்பை வலுப்படுத்துவது தொடர்பில், சமூக உடன்படிக்கை ஒன்று இன்று கைச்சாத்திடப்பட்டுள்ளது.

தமிழ் முற்போக்கு கூட்டணியின் நாடாளுமன்ற உறுப்பினர்களுக்கும் எதிர்க்கட்சி தலைவர் சஜித் பிரேமதாசவுக்கும் இடையில் இந்த உடன்படிக்கை கைச்சாத்திடப்பட்டுள்ளதாக எதிர்க்கட்சி தலைவர் அலுவலகம் தெரிவித்துள்ளது.

பெருந்தோட்ட துறை மக்கள் எதிர்நோக்கும் பொருளாதார, சமூக ரீதியாக அபிவிருத்தி, அரசியல் பிரச்சினைகள் மற்றும் உட்கட்டமைப்பு துறையில் உள்ள பிரச்சினைகளுக்கு தீர்வுகளை வழங்கும் இணக்கப்பாட்டுடன் இந்த ஒப்பந்தம் கைச்சாத்திடப்பட்டுள்ளதாக எதிர்க்கட்சி தலைவர் சஜித் பிரேமதாச தெரிவித்துள்ளார்.

பெருந்தோட்டத்தில் வாழும் மக்களுக்கு பயிர்ச்செய்கை நில உரிமை மற்றும் வீட்டுரிமைகளை வழங்கப்படும்.

அதற்காக ஐக்கிய மக்கள் சக்தியின் அரசாங்கத்தின் கீழ் ஜனாதிபதி செயலணி ஒன்று ஸ்தாபிக்கப்படும் என எதிர்க்கட்சித் தலைவர் சஜித் பிரேமதாச குறிப்பிட்டுள்ளார்.

குறித்த சந்தர்ப்பத்தில் தமிழ் முற்போக்கு கூட்டணியின் தலைவரும் நாடாளுமன்ற உறுப்பினருமான மனோகணேசன் இவ்வாறு கருத்து தெரிவித்தார்.

இந்த உடன்படிக்கையில் எதிர்க்கட்சித் தலைவர் சஜித் பிரேமதாச, தமிழ் முற்போக்கு கூட்டணியின் தலைவர் மனோ கணேசன், நாடாளுமன்ற உறுப்பினர்களான பழனி திகாம்பரம், வி.இராதாகிருஷ்ணன், எம்.வேலுகுமார், எம்.உதயகுமார் மற்றும் சுஜித் சஞ்ஜய பெரேரா ஆகியோர் கையெழுத்திட்டுள்ளதாக எதிர்க்கட்சி தலைவர் அலுவலகம் தெரிவித்துள்ளது.

13/02/2024

தேசிய மருந்துகள் ஒழுங்குப்படுத்தல் அதிகாரசபையின் பணிப்பாளர்கள் மூவர் பதவி விலகல்
----------------------------------------------------------------

தேசிய மருந்துகள் ஒழுங்குப்படுத்தல் அதிகாரசபையின் பணிப்பாளர்கள் மூவர் பதவி விலகியுள்ளனர்.

தரமற்ற தடுப்பூசி இறக்குமதி விவகாரத்தில் இடம்பெற்றுவரும் வழக்கு விசாரணைகளின் காரணமாக இவ்வாறான பதவி விலகல்கள் இடம்பெற்று வருவதாக அறியமுடிகிறது.

இதேவேளை, தரமற்ற இம்யூனோகுளோபுளின் தடுப்பூசி இறக்குமதி தொடர்பான வழக்குடன் தொடர்புடைய சுகாதார அமைச்சின் மருத்துவ விநியோக பிரிவின் பிரதானிகள் விளக்கமறியலில் வைக்கப்பட்டுள்ளதால், மருந்து விநியோகத்துக்கு கடும் பாதிப்பு ஏற்பட்டுள்ளதாக சுகாதார சேவை பிரதி பணிப்பாளர் நாயகம் வைத்தியர் ஜி.விஜேயசூரிய தெரிவித்துள்ளார்.

மேலும், மருத்துவ விநியோகப் பிரிவை எடுத்துக்கொண்டால் அந்தப் பிரிவின் பிரதி பணிப்பாளர் நாயகம், பணிப்பாளர், பிரதி பணிப்பாளர், உதவி பணிப்பாளர்கள் உள்ளிட்ட ஆறு பேர் விளக்கமறியலில் வைக்கப்பட்டுள்ளார்கள். மேலும் நால்வர் பதவியை இராஜிநாமா செய்துள்ளார்கள். பணியாளர் பதவிகளுக்கு இருக்கும் தேவைப்பாடும் மருந்து விநியோகத்தில் பெரும் தாக்கத்தை ஏற்படுத்தியுள்ளது. இதுவரையில் வெற்றிடமாகவுள்ள பதவிகளுக்கு புதிய அதிகாரிகள் நியமிக்கப்படவுமில்லை எனவும் அவர் சுட்டிக்காட்டியுள்ளார்.

இந்நிலையிலேயே தேசிய மருந்துகள் ஒழுங்குப்படுத்தல் அதிகாரசபையின் பணப்பாளர்களும் இவ்வாறு பதவி விலகியுள்ளனர்.

Agaraathi

11/03/2026

11/03/2026

10/03/2026

10/03/2026

10/03/2026

01/03/2026

14/02/2024

14/02/2024

14/02/2024

14/02/2024

14/02/2024

13/02/2024

Address

Website

Alerts

Shortcuts

Share

Category

Listing takedown request