Radio Dukagjini - Videos

Radio Dukagjini - Videos Jepi jetë biznesit tënd,
reklamo në Radio Dukagjini
+383 43 777 022 Filluam si radio lokale, me drejtor Agim Lluka dhe kryeredaktor Feim
Kurhasani.

Radio Dukagjini është radiostacion privat, komercial, i cili transmeton
programin në rrjetin tokësor dhe internet 24 orë.
Çdo gjë filloi në vitin 1999. Programi i parë eksperimental që përmbante vetëm muzikë dhe sigla filloi me frekuencen 106.3, me datën 16 shtator 1999. Ndërkohë vetëm javë më vonë, 3 tetor, filloi transmetimi i parë me skemë programore të rregullt, transmetuar nga ora 08:00 e mën

gjesit deri në orën 01:00 pas mesnate që përmbante kryesisht programe muzikore, programe foljore dhe kontaktuese. Në këto fillimit e arta e plot entuziazëm pjesë e Radio Dukagjinit ishin një
numër i vogël i të punësuarve por që puna e tyre kurorëzoi sukseset e
njëpasnjëshme. Në vitin 2001 Radio Dukagjini nga një radio lokale kalon në një radio
kombëtare e cila vetëm pas një viti në sondazhin e parë të zhvilluar nga
agjensioni amerikan Irex për media është shpallur radio më e degjuar në
Kosovë dhe e tillë vazhdon të jetë edhe sot. Pikerisht nga viti 2001 Radio Dukagjini krijon dhe transmeton nga dy
studio, në Prishtinë dhe Pejë. Programi i Radio Dukagjinit është i organizuar në këto sektore:
- Redaksia e programeve informative
- Redaksia e programeve zbavitëse
- Redaksia e programeve muzikore
- Detapartamenti i sh*tjes dhe administrata
- Produksioni

Me një audiencë në mbarë botën, falë zhvillimit të teknologjisë, me një
gërshëtim të përvojës së të punësuarve të parë dhe me të rinjëve të fundit, me programe për të gjithë. Me një paanshmëri dhe objektivitet. Jo vetëm kaq. Me një sukses të palëkundur kemi punuar dhe arritur që dëgjuesi të jetë pjesë aktive e Radio Dukagjinit, duke besuar në ne, me vlerësimet, kritikat, sugjerimet dhe propozimet e tyre. E gjitha kjo dëgjohet dhe përjetohet me dashuri përveç në frekuencat si në hartë gjithashtu edhe në të gjitha rrjetet sociale. Dhe kur Radio Dukagjini shënon çerek shekulli punë, e gjitha kjo nuk do të ishte e mundur pa besimin tuaj dëgjues të dashur dhe të gjithë ju
bashkëpunëtorë. Tashmë në këtë institucion po krijohet brezi i tretë dhe vlenë të përmendet që udhëhiqet nga një grua, Edita Doli-Muhaxhiri. Prandaj gjëra të mëdha ndodhin atëherë kur bashkëveprojmë!

Tentativa e 54-t për konstituimin e Kuvendit, e mbajtur në orën 22:00, dështoi sërish. 103 deputetë ishin të pranishëm, ...
26/07/2025

Tentativa e 54-t për konstituimin e Kuvendit, e mbajtur në orën 22:00, dështoi sërish. 103 deputetë ishin të pranishëm, por prapë nuk kaloi votimi për formimin e komisionit të fshehtë parlamentar për zgjedhjen e kryekuvendarit.

Nga nesër hyn në fuqi masa e përkohshme e Gjykatës Kushtetuese, e cila ndalon deputetët të marrin çdo vendim apo ndërmarrin veprime pas kalimit të afatit 30-ditor për konstituim, të përcaktuar me aktgjykimin e 26 qershorit.

Kjo ndalesë do të jetë në fuqi nga 27 korriku deri më 8 gusht. Gjatë kësaj periudhe pritet një vendim i Kushtetueses për ngërçin politik.

Ka nisur seanca e 54-të konstituive e Kuvendit të Kosovës.Kjo do të jetë seanca e fundit përpara përfundimit të afatit t...
26/07/2025

Ka nisur seanca e 54-të konstituive e Kuvendit të Kosovës.

Kjo do të jetë seanca e fundit përpara përfundimit të afatit të dhënë nga Gjykata Kushtetuese se kuvendi duhet të konstituohet brenda 30 ditësh.

Bekë Berisha: Nëse nuk konstituohet sonte Kuvendi, nuk dihet më çfarë ndodh
26/07/2025

Bekë Berisha: Nëse nuk konstituohet sonte Kuvendi, nuk dihet më çfarë ndodh

Kryetari i Nismës, Fatmir Limaj, e ka konfirmuar takimin e sotëm me presidenten e vendit, Vjosa Osmani.Limaj tha se në t...
26/07/2025

Kryetari i Nismës, Fatmir Limaj, e ka konfirmuar takimin e sotëm me presidenten e vendit, Vjosa Osmani.

Limaj tha se në takim kanë shkëmbyer mendimet pas seancës së sotme të kuvendit në ora 14:00.

“Presidentja u interesua për zhvillimet, për shanset dhe mundësitë e zgjidhjes. E njoftuam se fatkeqësisht nuk ka marrëveshje, tash e tre muaj”.

“Gjykata Kushtetuese ka hyrë në veprim me masën e përkohshme, ka pasur kërkesa nga deputetët për të gjetur një zgjidhje juridike të kësaj situate”, tha Limaj.

Deputeti i Lidhjes Demokratike të Kosovës, Armend Zemaj, përpara nisjes së seancës së fundit përpara përfundimit të afat...
26/07/2025

Deputeti i Lidhjes Demokratike të Kosovës, Armend Zemaj, përpara nisjes së seancës së fundit përpara përfundimit të afatit të Kushtetueses për konstituimin e kuvendit ka thënë se nuk është kurrë vonë që të kenë një zgjidhje të ngërçit politik.

Zemaj tha se pavarësisht ngërçit, është tepër e vështirë që të ketë një zgjidhje në këto orë të vona të natës, për shkak të interesave personale apo pozitave lakmuese të VV-së, teksa tha se këta të fundit po i bëjnë presion minoriteteve joserbe.

“Fatkeqësisht, e patë se si u thirr një seancë, në emër të asaj të gjetjes së një mundësie për të dalë nga ky ngërç dhe të kemi edhe kuvend edhe qeveri. Por, shpresat janë të vogla. Nuk kemi ndonjë qartësim të ndonjë marrëveshjeje, qoftë ajo mes VV-së dhe Nismës”.

Deputetja e PDK-së, Sala Jashari, ka thënë se në çdo seancë për konsitutimin e Kuvendit të Kosovës kanë pritur që Lëvizj...
26/07/2025

Deputetja e PDK-së, Sala Jashari, ka thënë se në çdo seancë për konsitutimin e Kuvendit të Kosovës kanë pritur që Lëvizja Vetëvendosje të reflektojë.

Në paraqitjen e saj para mediave, e njëjta theksoi se PDK-ja i ka dhënë mundësi kompromisi VV-së në vazhdimësi për të dalë nga ngërçi aktual.

“Në çdo tentativë realisht ne kemi pritur që Lëvizja Vetëvendosje të reflektojë për shkak që kemi dhënë mundësi ne për kompromis. Ne kemi dhënë kompromisin tonë, kështu që edhe sot shpresoj se do të reflektojnë me që është edhe hera e fundit edhe sipas Aktvendimit të Gjykatës Kushtetuese”, ka thënë Jashari.

Jashari pohoi se PDK-ja pret nga LVV-ja që sonte të kalohet me votim të hapur për zgjidhjen e kryetarit apo kryetares së re të Kuvendit të Kosovës.

“Gjithçka varet nga çka do të ndodh në Kuvendin e Kosovës, vazhdimisht kemi bërë thirrje që të kthehet në rendin e ditës, mendoj se kjo është pika kyçe që ne si PDK mendoj se e presim. Fillimisht shpresoj të kenë reflektuar dhe të kthehet sipas rendit të ditës, sepse në fund të fundit Kushtetuta e Kosovës është bërë me mund dhe sakrificë dhe për të ka luftuar populli ynë”, u shpreh Jashari.

Jashari theksoi se Kushtetuta nuk duhet të shkilet nga deputetët dhe ky duhet të jetë mesazhi që duhet t’ua japin qytetarëve.

26/07/2025

Dështon tentimi i 53-të për konstituimin e Kuvendit, seanca e radhës mbahet sonte në orën 22:00

Kryesuesi i Kuvendit të Kosovës, Avni Dehari, ka njoftuar se seanca e radhës do të mbahet sonte me fillim nga ora 22:00....
26/07/2025

Kryesuesi i Kuvendit të Kosovës, Avni Dehari, ka njoftuar se seanca e radhës do të mbahet sonte me fillim nga ora 22:00.

Kjo pasi seanca e sotme, e thirrur për në orën 14:00, dështoi sikurse në 52 rastet e mëhershme.

Një tjetër person ka protestuar të shtunën para deputetes së Lëvizjes Vetëvendosje, Fitore Pacolli, pas raportimeve se f...
26/07/2025

Një tjetër person ka protestuar të shtunën para deputetes së Lëvizjes Vetëvendosje, Fitore Pacolli, pas raportimeve se familjarë të saj kanë marrë shuma të mëdha parash nga buxheti i shtetit.

Në një video ai shihetduke i ofruar një dokument asaj, dhe duke i thënë “për hajne e ki me dokument”.

“Për hajne, e ki me dokument. Nuk po të kërcënoj, për hajne e ki me dokument, të lutem…Kur ta kish qefin, unë të thash kjo letër o e jotja, të lutem, me dokument po ta them” – ka thënë ai.

Kryetari i Nismës, Fatmir Limaj, tha se nuk pret se do të ketë ndonjë ndryshim në seancën e sotme konstituive.“Jo, nuk b...
26/07/2025

Kryetari i Nismës, Fatmir Limaj, tha se nuk pret se do të ketë ndonjë ndryshim në seancën e sotme konstituive.

“Jo, nuk besoj që ka ndonjë ndryshim. Besoj se do të presim vendimin e Gjykatës. Nuk po shoh ndonjë mundësi të ndonjë ndryshimi sot”, deklaroi Limaj para gazetarëve në hollin e Kuvendit.

Një biznes i pjesëve të makinave në Pejë është përfshirë nga flakët këtë të shtunë, dhe dyshohet se ngjarja ka lidhje me...
26/07/2025

Një biznes i pjesëve të makinave në Pejë është përfshirë nga flakët këtë të shtunë, dhe dyshohet se ngjarja ka lidhje me një konflikt mes dy familjarëve.

Sipas raportimeve, dyshohet se njëri prej tyre i ka vënë flakën makinave që ishin në përdorim për pjesë rezervë, pas një mosmarrëveshje me anëtarin tjetër të familjes.

Zëdhënësi i policisë për rajonin e Pejës, Fadil Gashi, ka konfirmuar se dyshohet se zjarri ka shpërthyer për shkak të këtij konflikti.

Sipas viktimës, dëmi i shkaktuar është rreth 50 mijë euro.

“Rreth orës 11:00, Policia është njoftuar për një zjarr në rrugën ‘Gani Daci’. Dyshohet se deri te zjarri erdhi si pasojë e një mosmarrëveshje mes dy familjarëve, ku njëri prej tyre ka shkuar në pllacin e tjetrit, ku ia ka vënë zjarrin disa makinave që ishin për pjesë. Sipas viktimës, dëmi është rreth 50 mijë euro” – ka thënë ai për Klan Kosova.

Në vendin e ngjarjes kanë dalë njësitet e policisë dhe janë duke punuar për zbardhjen e plotë të rrethanave të incidentit.

Address

London

Website

Alerts

Be the first to know and let us send you an email when Radio Dukagjini - Videos posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Radio Dukagjini - Videos:

Shortcuts

Share

Category