ZAWIA Media

13/08/2026

له کعبې شريفې څخه د زاويه میډیا د يو لوستونکي پيغام!

📍: رب دې ستاسو دعاګانې په خپل دربار کې قبول او منظور وګرځوي او زاويه يو ځل بيا ژمنه تازه کوي، چې د خپلو هېوادوالو غږ به پاتې کېږي او د لوی افغانستان ملي ګټې به پالي.

07/08/2026

د سندرې نوم: پښتنه وينه بهېږي!
په لر او بر وطن کې د روانو ناخوالو او مخنيوي پيغام.

A Pashto protest rap about the blood spilled on both sides of the l...

07/08/2026

زاويه چېرته ده!؟
بلخ، مزار شريف، روضه مبارکه! 🇦🇫

29/07/2026

29/07/2026

د زمري ۷، د افغانستان ملي بيرغ ورځ.
په دې ويډيو کې د افغانستان د ملي بيرغ تاريخچه او د زمان په اوږدو کې د بيرغونو د تغيير او تبديل معلومات ليدلی شئ. 🇦🇫

28/07/2026

د زمري ۷، د افغانستان ملي بيرغ ورځ او درې رنګه بيرغ ته د ملي شهيد ګيله من وزير شعر.
🇦🇫

17/07/2026

سهار پخير وطنه 🇦🇫

زاويه چېرته ده!؟
📷: ميدان وردګ ولايت

15/07/2026

سلام وطنه 🇦🇫

07/07/2026

له طالبانو څومر راضي ياست او په دې ډلې پورې تړلي توقعات مو څومره پوره شوي دي، په تړاو د زاويه نيوز نمونوي «Sample Survey» او پر ټولنيزو شبکو غبرګوني «Reaction Poll» غير رسمي ګډې نظر پوښتنې کې ۱.۷ ميليونه کسانو برخه اخيستې ده.

د زاويه نيوز دغه نظر پوښتنه د غبرګون ښودلو له لارې لس نيم زره کسانو خوښه کړې او څه کم ۹ زره تنو نورو کمنټونه «مثبت او منفي» ليکلي دي.

په افغانستان کې د موجود وضعيت او د تعقيب له وېرې د خونديتوب لپاره بيا ۳۶۵۲ کسانو په تېرو څلورو ورځو کې د همدې نظر پوښتنې په اړه پر وټس اپ غبرګونونه استولي دي.

د وټس اپ په استول شويو نظرونو کې دوه کټه ګورۍ لوستونکي شامل دي: « ۱۱۷۳ پيغامونه د هغو ټيټ پوړو طالب جنګياليو او غړو دي، چې د خپلو ملګرو له اخلاقي او مالي فساد څخه شکايت کوي. دوی ويلي، ملګري يې د دوی د توقع خلاف د وادونو او ښځو په مسايلو کې ښکېل دي او په مقررۍ کې خپلوي پالنه کوي؛ (جهاد) يې په موږ وکړ، خو مقررۍ کې ټولو د خپلې کورنۍ غړو ته لومړيتوب ورکړی دی. نن موږ راپاتې يتيمانو ته مخ نلرو.»

د دوی ځينو د جمهوري دولت خلاف د جګړې پر مهال د خپلو کورنيو د وژل شويو غړو ويډيوګانې او عکسونه هم استولي او د خپل سخت ژوند کيسه يې کړې ده. (د هويت خونديتوب پاليسۍ پر اساس، د يو څو تنو د همدې پيغامونو بلر شوي سکرين شاټونه په کمنټ کې ليدلی شئ.)

بله ډله بيا د طالبانو منتقدین دي، چې يو مخيز نارضايتي څرګندوي. پر وټس اپ له مجموعي استول شويو پيغامونو څخه پاتې ۲۴۷۹ کسان بيا وايي: «که خپله خبره پر کمنټونو وليکو، نو ژوند ته مو ګواښ پېښېدلی شي. د طالبانو له نظام خوښ نه يو.»

پر وټس اپ د استول شويو پيغامونو پر اساس، د ټولو ناراضه لوستونکيو له ډلې ۳۲.۲ سلنه يې د ټيټې کچې طالب جنګيالي دي. همدارنګه ۶۷.۸ سلنه بيا عام ناراضه خلک دي.

پر وټس اپ استول شوي پيغامونه نږدی ټول د افغانستان له داخل څخه دي، خو پر فېسبوک د زاويه نيوز دې نظر پوښتنې ته بيا له افغانستان، پاکستان، سعودي عربستان او ځينو نورو هېوادونو هم غبرګونونه ښودل شوي او نظرونه ورته څرګند شوي دي.

پر فېسبوک دغه څرګندونې په دريو ګټه ګوريو کې راټولوو؛ د طالبانو ملاتړي، د طالبانو منتقدین يا ناراضه خلک او بې طرفه.

د فېسبوک پر کمنټونو ۲۸ سلنه کسانو او د طالبانو غړو د دوی له نظام څخه بشپړ او سل سلنه رضايت ښودلی دی. ډېرو يواځې همدومره ليکلي، چې ۱۰۰ سلنه راضي يو او دليل يې ندی تشريح کړی. خو پاتې هغو بيا په تفصيل د خپل ملاتړ دلايل هم تشريح کړي دي.
موږ يې د بېلګې په توګه د څلورو تنو نظرونه شريکوو.

ښاغلي جمشېد افغان ليکلي: «چې نور هېڅ نه وي، فقط په اسلامي نظام خوښ یو.»

ښاغلي دادالله عادل ليکلي: «سل سلنه راضي یوو، موږ چې څومره توقع درلوده له هغه پورته کارونه شوي دي. په ځینو مسایلو کې به څه ناڅه کمی یا مشکلات وي انشالله هغه به هم جوړ شي.»

ښاغلي احمد نبي بصيرت ليکلي: «په مقايسوي ډول، په دې ډول (ښه) بل نظام تر اوسه ندی راغلی.»

ښاغلي حمزه اشنا ليکلي: «هغه توقعات چې د اوسني نظام په اړه مې درلودل، تر ډېره بریده تحقق موندلی دی. که ارزونه له احساساتي تمایلاتو او سیاسي تعصباتو پرته، د واقعبینانه تحلیل او عیني شاخصونو پر بنسټ وشي، نو د امنیتي ثبات، د ملي حاکمیت د تثبیت، د تصمیم‌ نیونې د استقلال او د اداري انسجام په برخو کې د پام وړ پرمختګونه تر سترګو کېږي.
البته، هېڅ سیاسي نظام د کمال ادعا نه شي کولای او د حکومتولۍ، اقتصادي انکشاف، نړیوال تعامل، اداري مؤثریت او د عامه خدماتو د ارتقاء په برخو کې لا هم د اصلاح، تدریج او تکامل اړتیا موجوده ده. د همدې واقعیت منل د هرې علمي او مسؤولانه ارزونې لازمه برخه ده. زما په اند، د دولتونو د بریا او ناکامۍ معیار باید عملي مُنجزات، ستراتیژیکه کارنامه، نهادي ثبات او واقعي عملکرد وي. له همدې زاویې، زما ارزونه مثبته ده او باور لرم چې د هغو اساسي توقعاتو مهمه برخه چې ما د یو ملاتړي په توګه لرله، تر ډېره بریده پوره شوې ده، که څه هم د لا غوره حکومتولۍ او پراخ ملي پرمختګ لپاره د دوامدارو اصلاحاتو اړتیا لا هم پر خپل ځای پاتې ده.»

د طالبانو له نظام څخه د راضي لوستونکيو څرګندونې د امنيت ښه والي، له زورواکانو خلاصون او د بيارغاونې مسايلو په تړاو دي.

د ناراضه لوستونکيو له ډلې بيا پر کمنټونو ۶۷ سلنه کسانو د طالبانو نظام څخه خپله نارضايتي ښودلې او ۵ سلنه بې تفاوته پاتې شوي يا يې مثبت او منفي نظر ندی ورکړی، چې د بېلګې په توګه د ناراضه څلورو لوستونکيو څرګندونې نقلوو.

ښاغلي جاويد عابد ليکلي: «کومه توقع چې مو لرله، هغه يې سل سلنه پوره کړه؛ په نړيواله کچه رسمي افغانستان يې منزوي کړ، د نجونو او مېرمنو پر مخ يې د هر ډول عصري زده کړو او کار بنديز عملي کړ، بې شمېره کادرونه او عام وطنوال يې مهاجر کړل، فقر و بې کاري يې اوج ته ورسول، هنر او ظرافت يې تر خاورو لاندې کړل، عالمان يې له دندو ګوښه، جاهلان يې په دندو وګمارل او وطن يې په بشپړه توګه د ګاونډیانو او نړيوالو وحشیانو د خرمستۍ په ميدان بدل کړ.»

ښاغلي کامران پښتون ليکلي: «توقعات خو مو نه دي ترې لرلي، البته د دوی تبليغاتي دستګاه تبليغ کوي او بې حافظې يې تېر اېستلي دي. که ډیپلوماسي یې ګورې پاکستان ورسره څه کوي، ايران ورسره څه وکړل، همداسې لوی هېوادونه لکه چين او روسيه د تېر اېستلو سياست کوي، داسې مثبت څه نه تر سترګو کېږي.»

ښاغلي حفيظ الله تراب ليکلي: «له اوله مو ترې پرته له بربادۍ بله تمه نه وه.»

ښاغلي خالد افغان ليکلي: «هر څه په صفر ضرب دي، فقط کابل کې په يو هوایي پُل او څلورو سړکونو کار روان دی. د طالبانو د پنځو کلونو غټه لاسته راوړنه بې تعليمي، بې روزګاري، فقر او اقتصاد خرابېدل دي. هر چا چې ډېر ويجاړی کړی، هغه نن مخکې دی.»

د ناراضه لوستونکيو مطرح شوي نظرونو کې تر ډېره د نجونو تعليم، د ښځو کار، د امنيت بېرته خرابېدل؛ د مشروعيت بحران، فقر او د اقتصاد خرابېدل، اداري فساد او د افغانستان مبهمه راتلونکې د سر موضوعات دي.

د زاويه نيوز پر ايکس بيا دا نظر پوښتنه ۲۹ زره کسانو لوستلې ده. له څرګندو شويو ۳۰۳ نظرونو څخه ۷۱ سلنه نظرونه د طالبانو په پلويتوب او ملاتړ شوي دي. ۲۲ سلنه نظر څرګندونکو نارضايتي ښودلې او ۷ سلنه نظر څرګندونکو زاويه نيوز ته ښکنځلې او سپکې سپورې ليکلې دي.

د دې نظر پوښتنې د راټولو شويو غبرګونونو پر اساس، ۶۷ سلنه خلکو پر فېسبوک، ۱۰۰ سلنه خلکو پر وټس اپ او ۲۲ سلنه نظر ورکوونکو پر ايکس د طالبانو له نظام څخه نارضايتي ښودلې.

په مقابل کې، ۲۸ سلنه نظر ورکوونکو پر فېسبوک، ۷۱ سلنه نظر ورکوونکو پر ايکس او صفر سلنه پر وټس اپ د طالبانو د نظام ملاتړ کړی دی.‌

د زاويه نيوز پر فېسبوک، ايکس او وټس اپ د راټولو شويو نظرونو پر اساس، ۷۵.۴ سلنه خلکو د طالبانو له نظام نارضايتي، ۲۱ سلنه خلکو ملاتړ او ۳.۶ سلنه خلکو بې تفاوتي ښودلې ده.

په دې نظر پوښتنه کې يواځې ۵ سلنه ښځو برخه اخيستې ده.

نوټ: زاويه نيوز د دې نظر پوښتنې له ټولو ګډونوالو او غبرګون ښودونکو «مثبت او منفي» څخه ډېره مننه کوي.