Selom Media, United Kingdom, Regent Streets (2025)

17/08/2025

አንጋፋው አርቲስት ደበበ እሸቱ ከዚህ ዓለም ድካም ዐረፈ

ሴሎም ሚዲያ/ ለንደን/ 11 ነሐሴ 17/25

አርቲስት ደበበ እሸቱ ባደረበት ሕመም በሕክምና ሲረዳ ቆይቶ በዛሬው ዕለት ከዚህ ዓለም ድካም ዐርፈዋል።

አርቲስት ደበበ እሸቱ በኢትዮጵያ ኪነ ጥበብ ዘርፍ የላቀ አስተዋጽኦ ያበረከተ ሲሆን÷ በሬዲዮ፣ በቴሌቪዥን፣ በፊልም እና በጋዜጠኝነት ሙያ በርካታ ሥራዎችን ለአድማጭ ተመልካች አቅርቧል፡፡

ተዋናይ፣ ኮሜዲያን እና አዘጋጅ ሆኖ ለረጅም ዓመታት ያገለገለው አርቲስቱ ÷ በቴአትር መድረኮች በሕዝብ ዘንድ ተወዳጅ የሆኑ ሥራዎችን በማቅረብ ይታወቃል፡፡

አርቲስት ደበበ በሀገር ፍቅርና በቀዳማዊ ኃይለ ሥላሴ (በአሁኑ ብሔራዊ ቴአትር) መድረክ ላይ ለበርካታ ዓመታት በተዋናይነትና በአዘጋጅነት አገልግሏል።

አርቲስት ደበበ መጀመሪያ በቴአትር መድረክ የታየው በመንግስቱ ለማ ያላቻ ጋብቻ ሲሆን÷ በመቀጠልም በሬዲዮ እና ቴሌቪዥን የተለያዩ ሥራዎችን አቅርቧል፡፡

አርቲስቱ ከተሳተፈባቸው ሥራዎች መካከል ያላቻ ጋብቻ፣ ሮሚዮና ዡልየት፣ ጠልፎ በኪሴ፣ ዳንዴው ጨቡዴ ፣ዘ ጌም ኦፍ ቼዝ፣ ኦቴሎ፣ አንድ ዓመት ከአንድ ቀን፣ እናት ዓለም ጠኑ፣ በቀይካባ ስውር ደባ፣ የአዛውንቶች ክበብ፣ የወፍ ጎጆ ፣ የቬኒሱ ነጋዴ ፣ ማዕበል እና ሌሎች ይገኙበታል፡፡

17/08/2025

ፑቲን እና ትራምፕ ከጋዜጣዊ መግለጫ በኋላ የተለዋወጡት ሳቅ በሚሊየኖች ታይቷል

16/08/2025

ሁለት ጋዜጠኞች በልዩ ሁኔታ በደህንነት አካላት ተይዘው የተሰወሩበት አለመታወቁን የሀገር ውስጥ መገናኛ ብዙሃን ዘግበዋል

ሴሎም ሚዲያ/ለንደን፥ ነሐሴ 10፥ 2017/25

አንጋፋው ጋዜጠኛ አብዱልሰመድ መሐመድ ከነሐሴ 5 ቀን 2017 ዓ.ም ጀምሮ የቤተሰቡ እና የቅርብ ዘመዶቹ እያፈለጉት ቢሆንም አሁን ድረስ ሊገኝ አልቻለም። ባለቤቱ እንደገለፀችው አብዱልሰመድ በዚያ ቀን ቃሊቲ ትራንስፖርት ባለሥልጣን የመንጃ ፈቃድ ፈተና እንዳለ ሄደ፤ ነገር ግን ከዚያ በኋላ በሥልክ ለማግኘት ቢሞክሩት አልተቻለም። ቤተሰቡ በፌደራል ወንጀል ምርመራና በተለያዩ ፖሊስ ጣቢያዎች ለማጣራት ቢሞክሩም መረጃ ማግኘት አልተቻለም።

በተመሳሳይ ሁኔታ፣ ጋዜጠኛ ዮናስ አማረም ከነሐሴ 8 ቀን 2017 ዓ.ም ጀምሮ እስከ ዛሬ ድረስ ከቤተሰቡ እና ከሥራ ባልደረቦቹ ጋር ግንኙነት ተቋርጧል። በቤቱ የተካሄደ ማጣራት እንደሚያሳየው ከሆነ ጋዜጠኛው በሸገር ከተማ ኮዬ ፌጬ ኮንዶሚኒየም አካባቢ ሲገኝ ፊታቸውን በጭምብል የሸፈኑ ሰዎች መወሰዳቸውን ነገር ግን የወሰዱት ማን እንደሆኑ እና የት እንደተወሰዱ ዝርዝር መረጃ አልተገኘም።

የሁለቱም ጋዜጠኞች ጉዳይ በማህበረሰቡ ውስጥ ትልቅ ጭንቀት መፍጠሩን የዘገቡት መገናኛ ብዙሃን ቤተሰቦቻቸው እና በተለያዩ መንገዶች የሚያፈልጉ ሰዎች አስቸጋሪ ሁኔታ ውስጥ እንዳሉ ተገልጿል።

13/08/2025

በኢትዮጵያ ከሕግ ውጪ የሆኑ "የዘፈቀደ ግድያዎች" እና "ኢሰብአዊ ቅጣቶች" መቀጠላቸውን ከታማኝ ምንጭ መረጃ አግኝቻለሁ ሲል የአሜሪካ መንግሥት ገለጸ

ሴሎም ሚዲያ/ ሎንደን/ ነሐሴ 07/2017

በኢትዮጵያ የመንግሥት ኃይሎች በዜጎች ላይ ከሕግ ውጪ የሆኑ ግድያዎችን እና የሰብአዊ መብት ጥሰቶች መፈጸማቸውን የሚያሳዩ ታማኝ መረጃዎች ማግኘቱን የአሜሪካ መንግሥት ዓመታዊ የሰብአዊ መብቶች ትግበራ ሪፖርት አመለከተ።

መንግሥት በጸጥታ ኦፕሬሽኖች ወቅት "ብዘዙ መከራና ስቃይ መፈጸሙን እና በባለስልጣናት ላይ ምንም ዓይነት ተጠያቂነት ማስፈን እንዳልቻለ ሪፖርቱ ያስረዳል።

በንጹሐን ዜጎች ላይ ተፈጽመዋል ተብለው ከጠቀሱት የሰብአዊ መብቶች ጥሰቶች መካከል የግሰለቦች "ስወራ"፣ "ስቃይ" እና "ኢሰብአዊ" ቅጣቶች ተካትተዋል።

የአሜሪካ የውጭ ጉዳይ ሚኒስቴር ኢትዮጵያን ጨምሮ ከ200 በላይ ሀገራትን እና ግዛቶችን በተመለከተ በየዓመቱ የሚያወጣው ይህ ሪፖርት ይፋ የተደረገው በትላንትናው ዕለት ማክሰኞ ነሐሴ 6/2017 ዓ.ም. ነው።

ይህ ሪፖርቱት በአውሮፓውያኑ 2024 የነበረውን የኢትዮጵያ የሰብአዊ መብቶች ሁኔታ የሚዳስስ ሲሆን የአሜሪካ ውጭ ጉዳይ ሚኒስቴር ቢሮ ይህን ሪፖርት የሚያጠናቅረው እንደ የሰብአዊ መብት ተቋማት ሪፖርቶች እና መገናኛ ብዙሃን ዘገባዎች ያሉ "ታማኝ" የመረጃ ምንጮች በመጠቀም ነው።

ባለፈው የአውሮፓውያን ዓመት ውስጥ በአማራ፣ ኦሮሚያ እና ትግራይ ጨምሮ በተለያዩ የሀገሪቱ ክፍሎች ውስጥ "በርካታ ከህግ እና ከፍርድ ውጪ የሆኑ ግድያዎች" መፈጸማቸውን ሪፖርቱ ይዳስሳል።

በአማራ እና ኦሮሚያ ክልሎች እነዚህ ግድያዎች የተፈጸሙት "በግጭት አውድ" ውስጥ መሆኑን መረጃዎች እንደሚያመለክቱም ጠቅሷል።

በዋንኛነት በአማራ ክልል ተጥሎ የነበረውን አስቸኳይ ጊዜ አዋጅ የጠቀሰው ሪፖርቱ፤ የዚህ አዋጅ ተግባራዊነት ቢያበቃም "በአማራ እና ኦሮሚያ ክልሎች [የሚፈጸሙ] በደሎች ቀጥለዋል" ብሏል። ሪፖርቱ፤ በሁለቱ ክልሎች "የተስፋፋ ህገ ወጥ የንጹሃን እና ባለስልጣናት ግድያ" መስተዋሉን የገለጸ ሲሆን "የኦሮሞ ነጻነት ሰራዊት እና የአማራ ፋኖ ታጣቂዎችም" እነዚህን ድርጊቶች ከፈጸሙት መካከል መሆናቸውን አስረድቷል።

በትግራይ ክልልም "የንጹሃንን ግድያን ጨምሮ ከህግ ውጪ ግድያዎች" መስተዋሉን ያሰፈረው ሪፖርቱ እነዚህ ድርጊቶች "በኤርትራ መከላከያ ሠራዊት እና የክልሉ ታጣቂዎች" የተፈጸሙ መሆናቸውን መረጃዎች እንደሚያመለክቱ ገልጿል።

የሰብአዊ መብቶች ተሟጋች ተቋማት እና የመገናኛ ብዙሃን መረጃዎችን በመጥቀስም፤ መንግሥት በሚያከናውናቸው "የጸጥታ ኦፕሬሽኖች" ወቅት "ስቃይ ውስጥ ተሳትፏል" ሲል ከስሷል።

ተመሳሳይ ምንጮች በመጥቀስም "የዘፈቀደ ወይም ህገወጥ ግድያ፣ ስወራ፣ ስቅይት ወይም የጭካኔ ተግባር፣ ኢሰብአዊ ወይም አዋራጅ አያያዞች ወይም ቅጣቶች" መፈጸማቸውን በሪፖርቱ አስፍሯል።

ሪፖርቱ፤ "ስቅይት በመፈጸም የሚከሰሱ የመንግሥት አካላትን ተጠያቂ ለማድረግ አለመቻሉን" መረጃዎች እንደሚያሳዩ በመጥቀስም ወቅሷል። መንግሥት የሰብአዊ መብቶች ጥሰት የፈጸሙ "ባለስልጣናትን ለመለየት እና ለመቅጣት የወሰደው እርምጃ የተገደበ" እንደሆነም በሪፖርቱ ተካትቷል።

መንግሥት "ዝቅተኛ ደረጃ ላይ ያሉ የተወሰኑ ባለስልጣናት እንደተከሰሱ" መግለጹን ያስታወሰው ሪፖርቱ፤ እነዚህ እርምጃዎች በተመለከተ ያለው ዝርዝር መረጃ ትንሽ መሆኑን አስፍሯል።

23/07/2025

በአዲስ አበባ ብዙ ሰዎች 'የቫይታሚን ዲ' እጥረት አለባችሁ የሚባሉት በስህተት ነው?

BBC Amahric
ኸዲጃ እና ሪሐና እህትማማቾች ናቸው። ሁለቱም በተለያየ ምክንያት፣ በተለያዩ ቀናት ሐኪም ጎብኝተው ሁለቱም የቫይታሚን-ዲ እጥረት አላባችሁት ተባሉ።

በሥራ ቦታ የሚያውቋቸው ሌሎች በርካታ ሰዎችም እንዲያ መባላቸውን ስለሚያውቁ ተገረሙ።

ኸዲጃ እና ሪሐና በሳምንት ዐርብ ከጁምዓ ስግደት በኋላ የቤተሰብ ፕሮግራም አላቸው። እየተገናኙ ይበላሉ፤ ይጨወታሉ።

በዚህ የቤተሰብ ጉባኤ የቫይቲምን-ዲ ነገር እንደ ዋዛ ተነሳ። "አለብሽ ተባልኩ" የሚለውን ተከትሎ "እኔም-እኔም-እኔም'' መባባል ሆነ።

"ከተሰበሰብነው ውስጥ ግማሻችን ቫይታሚን-ዲ አለባችሁ ተብለናል። ይሄ እንዴት ሊሆን ይችላል?" ትላለች ሪሐና።
"የእኛን አገር ሐኪሞች ብዙ አላምናቸውም። ድሮ ታይፎይድ አለባችሁ ይሉን ነበር፤ አሁን ደግሞ ቫይታሚን-ዲ እጥረት አለባችሁ ማለትን ፋሽን አድርገውታል" ትላለች ታላቅ እህቷ ኸዲጃ።

የጤና ባለሙያዎች ግን ነገሩ ወዲህ ነው ይላሉ።

"የአዲስ አበባ ሕዝብ 75% እጥረት አለበት"

ዓለም አቀፉ የምግብ ፖሊሲ ምርምር ኢንስቲትዩት፣ ከጤና ሚኒስቴር ጋር ተባብሮ የሠራው ጥናት ውጤት አስደንጋጭ ነው።

ከኢትዮጵያ ሕዝብ ግማሹ እጥረት አለበት። ከአዲስ አበባ ሕዝብ ደግሞ ሦስት አራተኛው (¾) ቫይታሚን-ዲ አጥሮታል። ይህ ነገር ከኑሮ ውድነቱ ጋር የተያያዘ ይሆን?

አይደለም።

ይህ አሐዝ በተለይ 13 ወር ፀሐይ ለሚጠጣ ሕዝብ ስላቅ ይመስላል።ምክንያቱም የቫይታሚን-ዲ ዋና አከፋፋይ ፀሐይ ስለሆነች።
"አኗኗራችን ተለውጧል- ምርመራው ዘምኗል"
የሕክምና ባለሙያዎች የኑሮ ዘይቤያችን መቀየሩን አብዝተው ያወሳሉ።ከኮምፒውተር መምጣት ወዲህ እየጎበጥን ነው፤ ከዘመናይ ስልክ ወዲህ እየፈጠጥን ነው።

ይህ ነገር ጣጣ ይዞብን እየመጣ ነው። አያት ቅድመ አያቶቻችን ንቁ ነበሩ። የእኛ አኗኗር ፍዝ ሆኗል።የጤና ጣጣ ይዞብን ይመጣል።

ብዙ ሰው ጠዋት ተንደርድሮ ቢሮ ይገባል።ምሳ እዚያው ክበብ ውስጥ ይበላል። ሲመሽ ወደ ቤት ይነጉዳል።

ታዲያ ከፀሐይ ጋር በየት ይገናኛል? አኗኗራችን ተቀይሯል።

ተማሪ ትምህርት ቤት ይውላል፣ ካድሬ ቀኑን ሙሉ ስብሰባ ነው። ነጋዴው ሱቁ ቆሞ ይሸጣል። ከፀሐይ ጋር በየት በኩል ይገናኛል?

ለመሆኑ አዲስ አበቤ በሺህ በመቶ ሺዎች ለቫይታሚን ዲ የተጋለጠው ለዚህ ይሆን?

ዶክተር ፍጹም አንድ ቁልፍ ምክንያት ያነሳሉ።

"በፊት ምርመራ አልነበረም። ስለዚህ ቫይታሚን-ዲ እጥረት እምብዛምም አይታወቅም ነበር ።አሁን ብዙ ሰው ለአጠቃላይ ጤና ምርመራ ሲሄድ እጥረት እንዳለበት ይነገረዋል . . . ።"

ዶክተር ፍጹም ጥላሁን በአሜሪካን አገር በሕክምና ሙያ ላይ ተሠማርተው ይገኛሉ።

ውስብስብ የሕክምና መረጃዎችን በሕዝብ ቋንቋ አውርዶ ማኅበረሰባዊ ግንዛቤ በመፍጠር ብዙ ሥራ በመሥራት ይታወቃሉ።

'ከቅርብ ጊዜ ወዲህ ሐኪም ቤት የሄደ አዲስ አበቤ ሁሉ ቫይታሚን-ዲ እጥረት አለብህ የሚባለው ለምንድነው?' ለሚለው ቁልፍ ጥያቄ ምላሽ ሰጥተውናል።
"አኗኗራችን ተለውጧል- ምርመራው ዘምኗል"
የሕክምና ባለሙያዎች የኑሮ ዘይቤያችን መቀየሩን አብዝተው ያወሳሉ።ከኮምፒውተር መምጣት ወዲህ እየጎበጥን ነው፤ ከዘመናይ ስልክ ወዲህ እየፈጠጥን ነው።

ይህ ነገር ጣጣ ይዞብን እየመጣ ነው። አያት ቅድመ አያቶቻችን ንቁ ነበሩ። የእኛ አኗኗር ፍዝ ሆኗል።የጤና ጣጣ ይዞብን ይመጣል።

ብዙ ሰው ጠዋት ተንደርድሮ ቢሮ ይገባል።ምሳ እዚያው ክበብ ውስጥ ይበላል። ሲመሽ ወደ ቤት ይነጉዳል።

ታዲያ ከፀሐይ ጋር በየት ይገናኛል? አኗኗራችን ተቀይሯል።

ተማሪ ትምህርት ቤት ይውላል፣ ካድሬ ቀኑን ሙሉ ስብሰባ ነው። ነጋዴው ሱቁ ቆሞ ይሸጣል። ከፀሐይ ጋር በየት በኩል ይገናኛል?

ለመሆኑ አዲስ አበቤ በሺህ በመቶ ሺዎች ለቫይታሚን ዲ የተጋለጠው ለዚህ ይሆን?

ዶክተር ፍጹም አንድ ቁልፍ ምክንያት ያነሳሉ።

"በፊት ምርመራ አልነበረም። ስለዚህ ቫይታሚን-ዲ እጥረት እምብዛምም አይታወቅም ነበር ።አሁን ብዙ ሰው ለአጠቃላይ ጤና ምርመራ ሲሄድ እጥረት እንዳለበት ይነገረዋል . . . ።"

ኖርዌይ እና አዲስ አበባ
ኦስሎ ፀሐይ ብርቅ ናት።

አዲስ አበባ ፀሐይ መከራ ናት።

ብዙ አዲስ አበቤ ፀሐይን እንደ ደመኛ ነው የሚያያት። ታነጫንጫለች። መልስ ስጠኝ ከሚል የታክሲ ጭቅጭቅ ቀጥሎ ብዙ ሰው የሚነጫነጨው በፀሐይ ንዳድ ይመስላል።

በአንጻሩ የስካንዲኒቪያን ሰዎች መሳቅ የሚጀምሩት ፀሐይ ስትወጣ ነው። እዚያ ብልጭ ብላ ትሰወራለች። ለጥቂት ወራት ብቻ።

ሆኖም ከኦስሎ ሕዝብ ይልቅ የአዲስ አበባ ሕዝብ በብዙ እጥፍ በቫይታሚን-ዲ እጥረት ይሰቃያል።

እንዴት ይህ ሊሆን ይችላል? 13 ወር ሙሉ ፀሐይ እየወጣች?

ዶክተር ፍፁም ''ይህ ጥሩ ጥያቄ ነው" ብለው ይንደረደራሉ።

"ይህ የሆነው በሜላኒን ምክንያት ነው" ይላሉ።

ምንድነው ደግሞ ሜላኒን?

እኛ አፍሪካውያን እና ባለ ጥቁር ቆዳ ሕዝቦች ሜላኒን አለን።ፈረንጆቹ ግን የላቸውም።

ሜላኒን የተፈጥሮ ጥላ ነው። የቆዳ ዣንጥላ ማለት ነው።ለቆዳችን "የጨረር ባለሥልጣን" ሆኖ ያገለግላል።

በዚህ የተነሳ "ቫይታሚን-ዲ በቀላሉ ማምረት የሚችሉት በተለምዶ ፈረንጅ የምንላቸው ሰዎች ናቸው። ቆዳቸው ነጣ ያሉ ሰዎች።"

ጥቁር ቆዳ ግን 'ማገዶ ይፈጃል'። ፀሐይ በቀላሉ አይዘልቀውም።

ፈረንጆች ላይ ግን አልትራቫዮሌት ሰውነታቸው ላይ ሲያርፍ በቀላሉ ቆዳቸውን ሰርጎ ይገባል።

በሌላ አነጋገር ቫይታሚን ዲ ሰርጾ እንዳይገባ ይሄ ሜላኒን ደንቃራ ሆኖ ይቆማል።

ይህ ማለት ምን ማለት ነው?

ቫይታሚን-ዲ የማምረት አቅማችን አናሳ ነው ማለት ነው።

ዶክተር ፍጹም፣ "ይህ ማለት ግን ሜላኒን አያስፈልገንም ማለት እንዳልሆነ ልብ እንድንል አበክረው ያሳስቡናል።

ከቆዳ ካንሰር የሚጠብቀን ማን ሆነና።

"ዓሣ ማን አቅምሶን?!"

የሥነ ምግብ ከፍተኛ ባለሙያ የሆኑት ዶክተር ይሁኔ አየለ በበኩላቸው ፀሐይ ብርቅ በሆነችበት በስካንዲኒቪያን የቫይታሚን እጥረት የሌለው በምክንያት ነው ይላሉ።

"የእነርሱ ዋና ምግባቸው ዓሣ ነው።ዓሣ ደግሞ በቫይታሚን-ዲ የበለጸገ ነው።''

ዓሣ ብላ ብሎ መምከር ለብዙ የአዲስ አበባ ሰው በቁስል ላይ እንጨት መስደድ ነው።

ምክንያቱም ዓሣ የሃብታም ምግብ ነው።

''ዓሣ ቤት'' ብዙ ሰው ምግቡን ደጋግሞ ፎቶ የሚያነሳው ለምን ሆነና።

ምን ተሻለ?

በዚህም በዚያም የአዲስ አበባ ሕዝብ ከቫይታሚን-ዲ እጥረት ማምለጥ አልቻለም፤ በዋናነት በሁለት ምክንያት።

አንደኛ፣ ከፀሐይ ንዳድ ሸሽቶ ቫይታሚን ዲ ያጥረዋል፣ ዓሣ ለመብላት ደግሞ ገንዘብ ያጥረዋል።

ምናልባት ለዚህ ይሆን 75 በመቶ የአዲስ አበባ ሕዝብ በቫይታሚን-ዲ እጥረት የሚሰቃየው?

ዶክተር ፍጹም ለዚህ አስደንጋጭ አሐዝ ሦስተኛ መላምት አላቸው።

የከተማው አየር በጭስ ታፍኗል፤ ከመኪና እና ከፋብሪካ በሚወጣ ጭስ (Smog) ከባቢ አየሩ ላይ ተሰግስጎ የፀሐይ ጨረርን እየገፋው ነው።

ይሄ ክፉ ጭስ ከተማዋን እንደ ብርድ ልብስ ይጋርዳታል። ይሄ ማለት ፀሐይ ቢነካንም ቀጥታ ጨረሩን አናገኘውም እንደማለት ነው።

የሥነ ምግብ ባለሙያው ዶክተር ይሁኔ ደግሞ ሌላም ምክንያት አለ ይላሉ።

''የምግብ ማበልጸግ ሥርዓት" በእንግሊዝኛ (food fortification) በሌላው ዓለም ይዘወተራል።በእኛ አገር ግን የለም።

ምን ማለት ነው ደግሞ እሱ?

በውጭው ዓለም የቫይታሚን እጥረት እንዳይከሰት ምግቦቻቸው ሆን ብለው ያበለጽጉታል። "ያ ልምድ በኢትዮጵያ አለመኖር ጎድቶናል" ባይ ናቸው፣ ዶክተር ይሁኔ።

ዶክተር ፍጹም፣ ከዶክተር ይሁኔ ሐሳብ ጋር ስምም ናቸው። እየኖሩትም ነው።

"እኔ በምኖርበት አሜሪካ ለምሳሌ ወተት ስትገዛ በቫይታሚን-ዲ የበለጸገ (Vitamin D fortified) የሚል ተጽፎባቸው ታያለህ።"

እጥረት እንደሚያጋጥም ስለሚታወቅ ነው እንዲያ የሚያደርጉት።

ቫይታሚን ዲ ምን ይሠራልናል? ቢቀርስ?
ካልሺየም የሚባለው እጅግ አስፈላጊ ንጥረ ነገር ወደ ሰውነታችን መግባት የሚችለው ቫይታሚን-ዲ ስናገኝ ነው።

አጥንት ያለ ካልሺየም ጨርቅ ነው። ካርቶን ነው። ይሳሳል-ይፈርሳል።

ቆመን ስንሄድ አይመስልም እንጂ ሸክላ ነን። በቀላሉ እንሰበራለን።ቆመን የምንሄደው በካልሺየም ብርታት ነው።

ሕጻናት በቂ ፀሐይ ካላገኙ እግራቸው ደጋን ይሆናል። እንደዚያው ሆነው ያድጋሉ።መቆም ይደክማቸዋል።

ዶክተር ይሁኔ በተለይ ልጆች ቡዳ እንዳይመታቸው እያሉ መሸፋፈን ይቅር ሲሉ አበክረው ይመክራሉ።

"ቅባት እየቀቡ፣ በጋቢ ጠቅልሎ ፀሐይ ማሞቅም ልክ አይደለም።"

ሽማግሌዎች በደንብ ፀሐይ ካላገኙ 'ወገቤን' ማለት ይጀምራሉ።ብዙ ሰው እርጅና ያመጣብኝ ጣጣ ነው ብሎ ይቀመጣል። ልክ አይደለም።

እጥረቱ ያለበት ሰው ሌላም ምልክት ያሳያል።

ቶሎ ቶሎ እንታመማለን። ቶሎ ቶሎ ጉንፋን ይይዘናል። ቶሎ ቶሎ ቶንሲል ያጠቃናል።

ጡንቻችን ይሟሽሻል። ድብርት ይመላለስብናል። የትከሻ እና የክንድ መዛል ይኖራል።

ብዙ ሰዎች መድኃኒት ወስጄም አልተሻለኝም ይላሉ። ዶክተር ፍጹም ለዚህ ምላሽ አላቸው።

"አንቲ ባዮቲክስ አይደለም። መድኃኒት ስለወሰድን ወዲያው አይሻለንም። ጊዜ ይወስዳል። የአጥንት ጥንካሬ ጊዜ ይፈጃል። መንቀሳቀስ አለብን።"

ሌላም ምክር አላቸው።

"ምርመራ ላይ ሰዎች የቫይታሚን-ዲ እጥረት አለብህ ሲባሉ ሁሉም ህመማቸው በእሱ ምክንያት የመጣ ይመስላቸዋል። ቫይታሚን-ዲ እጥረት ተጓዳኝ ችግር ነው እንጂ ዋና ችግር ላይሆን ይችላል።ሁሉም ህመማችን ከዚያ የመጣ ነው ማለትም አይደለም።"

ለምሳሌ ዘላቂ የኩላሊት እና የጉበት ህመምተኞች የቫይታሚን-ዲ እጥረት ምልክቶችን ያሳያሉ።

የአዲስ አበባ ሕዝብ ቫይታሚን-ዲ በስፋት እና በጥራት ያስፈልገዋል።

አለበለዚያ ዶክተር ይሁኔ እንደሚሉት "በአካሉ የበቃ፣ በአእምሮው የነቃ" የሚሉት ትውልድ አይፈጠርም።

22/07/2025

#ዜና #ከጥቂት ደቂቃዎች በፊት የሆነ

የታጠቁ የትግራይ ጸጥታ ኃይሎች፣ በራያ አካባቢ አስተዳደራዊ መዋቅሮችን በኃይል ለመቆጣጠር ሲንቀሳቀሱ ከአካባቢው ሚሊሻዎች ጋር መጋጨታቸውን የዋዜማ ሬዲዮ ዘግባል።

የክልሉን ፖሊስ ዩኒፎርም የለበሱ የታጠቁ ኃይሎች፣ ወደ ማይጨው፣ መሆኒ እና ጨርጨር ከተሞች እና ሌሎች የራያ አካባቢዎች በብዛት መግባታቸውን ምንጮች መናገራቸውን ዋዜማ ዘግባል። የጸጥታ ኃይሎቹ፣ የማይጨው ከንቲባ ጽሕፈት ቤትን በመቆጣጠር፣ በከባድ መሳሪያ ዙሪያውን እየጠበቁ ነው ተብሏል።

የታጠቁት የትግራይ ኃይሎች፣ በአላማጣ ከተማ የሠፈረው የፌደራል ፖሊስ ካምፑን ለቆ እንዲወጣ መጠየቃቸውንም ምንጮች ነግረውናል፡፡

17/07/2025

አይ ኤም ኤፍ (IMF) ኢትዮጵያን አስጠነቀቀ፡ ከለጋሾች የሚሰጠውን ድጋፍ እየቀነሰ ባለበት የሪፎርም ሂደት አደጋ ሊገጥማት እንደሚችል አሰገንዝቧል

ሴሎም ሚዲያ፥ ለንደን፥ ሐምሌ 10፥ 2017/ ጁላይ 15፣ 2025

ዓለም አቀፉ የገንዘብ ድርጅት (አይኤምኤፍ) በ3 ነጥብ 4 ቢሊየን ዶላር የብድር ስምምነት ማሻሻያ አጀንዳው ኢትዮጵያ ቁልፍ የፕሮግራም ግቦችን ብታሳካም ከለጋሾች የሚሰጠው ድጋፍ እየቀነሰ በመምጣቱን ምክንያት ሪፎርሙ ተግዳሮት ገጥሞታል ሲል አስጠንቅቋል።
አይኤምኤፍ ይዞት በወጣው ሰፊ ዘገባ መሰረት፥ የኢትዮጵያ ባለስልጣናት የድጎማ ቅነሳ፣ የገንዘብ ማጠንከሪያ እና የታክስ ማሻሻያዎችን ጨምሮ ኢኮኖሚያዊ ማስተካከያዎችን በመተግበራቸው በመልካም ጎኑ አወድሷል።

ይሁንና እንደ ትይዩ የውጭ ምንዛሪ ገበያ እና ደካማ የጸጥታ ሁኔታዎች ያሉ ስጋቶች መጨመር እድገትን እንደሚያደናቅፉ እና የብድር መልሶ ማዋቀር ጥረቶችን ሊያወሳስበው እንደሚችሉ ሪፖርቱ ጠቁሟል።

ኢትዮጵያ በ2017/2025 ዓመት መጀመሪያ ላይ ከኦፊሴላዊ አበዳሪዎች ጋር በመርህ ደረጃ በተደረሰ ስምምነት ከቦንድ(holders) ጋር ተመጣጣኝ የሆነ የብድር እፎይታ ትጠይቃለች። የአይኤምኤፍ ምክትል ዋና ዳይሬክተር ኒጄል ክላርክ "ከደህንነት ተግዳሮቶች እና ከለጋሾች ድጋፍ እየቀነሰ በመምጣቱ ከብድር እፎይታ ጊዜ ጋር በተገናኘ አመለካከቱ ለከፋ አደጋዎች ተገዢ ነው" ብለዋል።

ከአሥር ዓመታት በፊት ለኢትዮጵያ የሚሰጠው የውጭ ዕርዳታ ከ12 በመቶው አጠቃላይ የአገር ውስጥ ምርት ወደ 4 በመቶ ቀንሷል። አይኤምኤፍ በዚህ አመት ከአምስት ኢትዮጵያውያን አንዱ የምግብ ወይም የሰብአዊ እርዳታ የሚያስፈልገው ሲሆን የተባበሩት መንግስታት የምላሽ እቅድ በቂ ገንዘብ ያልተገኘለት እና ብዙ መርሃ ግብሮች በጊዜያዊ መገለል ላይ የተመሰረቱ ናቸው ብሏል።

ኢትዮጵያ በውጭ ምንዛሪ ገበያ ሊበራሊላይዜሽን እድገት አሳይታለች ቢልም ሪፖርቱ ነገር ግን መዋቅራዊ ጉዳዮች አሁንም ቀጥለዋል፣ ለምሳሌ የ2.5% ማዕከላዊ ባንክ የኤፍኤክስ ሽያጭ ኮሚሽን፣ የተገደበ የኢንተርባንኮች ፍሰት እና ከፍተኛ የግብይት ወጪን ጨምሮ እንደማሳያ ተጠቁመዋል። እነዚህ ምክንያቶች ትይዩ የገበያውን ዓረቦን ወደ 15 በመቶ ገፋውታል ሲል አይኤምኤፍ ተናግሯል።

የዋጋ ግሽበት ከተጠበቀው በላይ በፍጥነት ወርዷል፣ በገንዘብ ፖሊሲ እና በክሬዲት ገደቦች በመታገዝ። ያም ሆኖ ግን ኢትዮጵያ ወደ ዘመናዊ የፖሊሲ ተመን ተኮር ማዕቀፍ የምታደርገውን ሽግግር እንድታፋጥን እና ተዓማኒነትን ለማጎልበት IMF አሳስቧል።

አይኤምኤፍ የፕራይቬታይዜሽን መዘግየቶች እና ከሚጠበቀው በላይ ከሚጠበቀው የውጭ ቀጥታ ኢንቨስትመንት ጋር የተያያዙ ስጋቶችን ጠቁሟል።

አይኤምኤፍ የተሻሻለ የኤክስፖርት እይታን ገልጿል፣ ወደ ውጭ የሚላኩ እቃዎች እና አገልግሎቶች አሁን በ2024/25 የበጀት ዓመት ከጠቅላላ የሀገር ውስጥ ምርት ውስጥ 12 በመቶ እንደሚደርሱ፣ ይህም በሁለተኛው ግምገማ ወቅት ከነበረው 9.6 በመቶ ደርሷል። ኢትዮጵያ በዚህ ወር መጀመሪያ ላይ ከአይኤምኤፍ ጋር ባደረገችው ፕሮግራም 262 ሚሊዮን ዶላር ወጪ አድርጋለች።
ምንጭ፡ ሮይተርስ

10/07/2025

እነሱ ስለገደሉን ያለቅሱልናል። እኛ አየተገዳደልን እንደሰታለን፤ እንደውም ተገዳድለንም የበቃን፣ የሚበቃንም አንመስልም።

በዶ/ር መርሻ አለኸኝ

በሀገረ እንግልጣር ሊድስ በተባለችው ከተማ የሚገኘው የሊድስ ዩኒቨርስቲ ባዘጋጀውና "Leeds Medieval Congress" በተባለው ስመጥር ዓመታዊ የጥናት ጉባኤ እየተሳተፍኩ ነው። ትልቅ ጉባኤ ነው። ከሦስት ሺ በላይ ተሳታፊ ከመላው ዓለም ተሰባስቦ ይታደምበታል። ነገር ግን የአዘጋጆቹ ቅንጅት መቶ ሰው እንኳን ያለ እንዳይመስል አድርጎታል። መርሐ ግብሩ ሁሉ በታቀደለት መንገድ እየተካሔደ ነው። ኻያ ተሳታፊ ቢመጣልን ታድለናል ብለን የምናዘጋጃትን ትንሽዬ ሲምፖዝየም ሁለት ጊዜ ሰርዘን በሦስተኛው እንደምንም ብለን ከምናከናውንበት አካዳሜያዊ ዐውድ ለመጣ እንደእኔ ላለ ሰው ይኸኛው በእጅጉ ያስቀናል።

እንዲህ ዐይነት አጋጣሚ አግኝቼ ቀድሞ ወዳላየሁት ቦታ ስሄድ በጉባኤው መካከል በሚገኝ ሽርፍራፊ ጊዜ ከተማውንና በውስጡ ያለውን የመጎብኘት ልማድ አለኝ። በሊድስም እያደረኩት ያለው ይኸንኑ ነው። ዕድሜ ለባልንጀራዬ ዳን ሌቪን። እሱ አብሮኝ ስላለ ሊድስን እያሰስናት ነው። ከእኔ በላይ ሽሮ በቃሪያ፤ ሚጥሚጣም ተጨምሮበት የሚወደው ዳን የየዕለቱ ጉባኤ ሲጠናቀቅ እያዋከበ በከተማው ካሉት ከዐስር የማያንሱ የሐበሻ ምግብ ቤቶች ወደአንዱ ይዞኝ ይሄዳል። በመካከል ጊዜ ሲገኝም በዩኒቨርስቲው አካባቢ ያሉ አብያተ መዘክርን እንድንጎበኝ ያተጋኛል።

በትናንትናው አሰሳችን አንድ ሁነኛ ሰው ተቀላቅሎናል። ስሙ ኤሪክ ሮብሰን ይባላል። የጃንሆይ ዘመን ኢትዮጵያን መልክዐ ምድሯን አስሷል፤ በሚያስደንቅ የሥዕል ጥበቡ ወንዝ ሸንተረሯን፣ ባህልና ትውፊቷን ቀርሷል። ከምንም በላይ ለማውራት ሲሞክር እንባ እየቀደመው የሚያወሳውን የኢትዮጵያንና ኢትዮጵያውያንን ፍቅር በህሊናው አትሞ ይዟል። የ፹፯ ዓመቱ ኤሪክ ሮብሰን አሁን በአረጋዊ እፎይታ (retirement) በዚችው በሊድስ ከተማ ይኖራል። ስለሀገራችን ባህልና ወግ፣ ስለታሪካችንም የሚያወራውን ያህል እኛ አናወራም። አማርኛና ኦሮምኛ አቀላጥፎ ይናገራል። ለማ በገበያን አንብቦ ያደገ፣ የታሪክ ማጎላመሻ ኾነው ያያቸው ሥዕላት የኤሪክ ጣቶች የሣሏቸው ናቸው። የኢትዮጵያን የፖስታ ቴምብር ታሪክ ያጠና ካለ የሚበዙት በኤሪክ ተሥለው የተዘጋጁ መሆናቸውን ይመሰክራል። ወዘተ ወዘተ።

ኤሪክ የጃንሆይ ኢትዮጵያ ቀጥራ ታሠራቸው ከነበሩት የመጀመሪያዎቹ ጥቂት ፈረንጆች አንዱ ነበር። በትምህርት ሚኒስቴር ያኔ አራት መቶ ብር የወር ደሞዝ እየተከፈለው ሠርቷል። ከዚያም በብሪትሽ ካውንስል ሠርቷል። በጥቅሉ ፲፮ የፍቅር ዓመታትን በኢትዮጵያ አሳልፏል። በእነዚህ ዓመታት ያልረገጠው የኢትዮጵያ ክፍል የለም። ለዛሬው ቱሪስት የሚያየውን የሚያስቀርበት ካሜራ አለው። ለኤሪክ የነበረው ካሜራ እርሳሱና ወረቀቱ ነበር። ያየውን ሁሉ በሚያስደንቅ የሥዕል ችሎታው በወረቀት ነድፎ ይዞታል። በሁለት ከረጢት ተሸክሞ አምጥቶ የያኔዋን ኢትዮጵያ በሥዕሎቹ አስጎብኝቶናል።

ዛሬ ከአረጋዊው ኤሪክ ጋር ሁለት ታላላቅ ቦታዎችን ጎብኝተናል:። ሁለቱም ቦታዎች ከመቅደላ ዓምባ ቅርሳ ቅርስ ጋር ተዘርፎ ወደ እንግልጣር ከመጣው ልዑል ዓለማየሁ ቴዎድሮስ ጋር የተገናኙ ናቸው። የመጀመሪያው አጭር ሕይወቱን በሰቀቀን ከኖረ በኋላ ላይመለስ ያሸለበበት ቤት ነው። ሁለተኛው ደግሞ ለሞቱ ምክንያት በሆነው ከባድ ጉንፋን (influenza) እንዲጠቃ ምክንያት የሆነው መካነ አራዊት (Zoo) መጎብኛ ማማ ነው። ሁለቱም ሄዲንግሌይ ተብሎ በሚጠራው የከተማው ክፍል በጥቂት መቶ ሜትሮች ርቀት ይገኛሉ።

እዚህም እዚያም ተጽፎ የሚገኘው የልዑል ዓለማየሁ ሕይወት የማያሳዝነው ኢትዮጵያዊ አይአደለም ሰው ያለ አይመስለኝም። እኔን ሁሌ ያሳዝነኛል። ነገር ግን ዛሬ ድንገት የያዘው ከባድ ጉንፋን የሳንባ ምች (Pneumonia) ኾኖበት ተሰቃይቶ የሞተበትን ቦታ ሳይ የበለጠ አዝኛለሁ። ጠዋትም ማታም ወደዚያ በመሄድ እንስሳቱን በማዬት ከሰቀቀኑ፣ ከብቸኝነቱና ከድበታው በመጠኑም ቢሆን ዕረፍት ያገኝበት የነበረውን የዱር እንስሳት መመልከቻ ማማ ስመለከት በእጅጉ አዝኘለታለሁ። ለሀዘኔ መጨመር ደግሞ "አስጎብኛችን" አረጋዊው ኤሪክ አስተዋጽዖ አለው።

ኤሪክ ወደዚህ ቦታ በየጊዜው እየመጣ እንደሚጎበኝ ከነገረን በኋላ፤ የምናውቀውን ታሪክ የበለጠ ውስጣችን እንዲገባ በሚያደርግ መልኩ እንባ እየተናነቀው፤ አልፎ አልፎም እያነባ እንደሚከተለው ተረከልን። እንግሊዝኛውን ወደ አማርኛ ከመመለሴ በስተቀር ይዘቱ የራሱ የኤሪክ ነው።

"...የምስኪኑ ዓለማየሁ ነገር ሁሌ ያስለቅሰኛል።.... አባቱን ገና እያወቀ፣ ፍቅሩንም እያጣጣመ በነበረበት የሰባት ዓመት ለጋ ዕድሜው አባቱን (ቴዎድሮስን) ሞት ነጠቀው። ይባስ ብሎም የስደት ጉዞውን አብራው የጀመረች እናቱንም ነጠቀው። ርህራሄ ፈጽሞ ያልፈጠረባቸው የእኔ ሰዎች (እንግሊዛውያኑን ማለቱ ነው) ሕጻኑን ይዘው የሀገሪቱ ግዛት ወደነበረችው ሕንድ ወሰዱት። ከዚያም አንጠልጥለው ወዲህ ወደእንግሊዝ አመጡት።
ከቤተ መንግሥት አውጥተው ያመጡትን እንቦቃቅላ ሕጻን በንግሥቲቱ ቤተ መንግሥት እንዲኖር አልፈቀዱለትም። ይልቅ ካፕቴይን ስፒዲ ለተባለ የቤተ መንግሥቱ ባለሟል በሞግዚትነት ሰጡት። ቆይቶም እዚህ ሊድስ የታሪክ መምህር ወደነበረው ቄርሎስ ራንሰም ወደተባለ የሊድስ ዩኒቨርሲቲ የታሪክ መምህር ዘንድ ላኩት። ከመጣም በኋላ ከቄርሎስና ቤተሰቦቹ ጋር በዚህ በምታዩት ቤት መኖር ጀመረ።
ያኔ መላው አውሮፓ የኢንዱስትሪ አብዮት የጀመረበት ነበር። ሊድስም ዋና የኢንዱስትሪ ከተማ ስለነበረች አየሯ በፋብሪካ ጭስ የተበከለ፣ መሬቷም ዘወር ብሎ የሚያየው ያጣ ቆሻሻ ነበር። በአጠቃላይ ሊድስ እንኳን ለዓለማየሁ ለሀገሬው ሕዝብም የተመቸች አልነበረችም። በዚህ የተነሣ ወጣቱ ዓለማየሁ ሰቆቃ ከብዶበት ነበር። በአጠገቡ እሱን የሚመስል፣ የእሱን ቋንቋ የሚያወራ የሚያነጋግረውም አልነበረም። በፍቅር ቀርባ የወጣትነት ልቡን የምታሞቅለት ኢትዮጵያዊ ልጃገረድም በአጠገቡ አልነበረችም። ውሎ አዳሩ ትካዜ፣ ለቅሶና መከፋት ነበር። ምግብ አይበላ፣ መጠጥ አይጠጣ፣ እንደወጣት አይስቅ፣ አይቦርቅ።
ለዓለማየሁ በወቅቱ የነበሩት ብቸኛ ጓደኞቹ “ቢር ጌት (Bear Gate)” ተብሎ ይጠራ በነበረው መካነ አራዊት (Zoo) የሚገኙ የዱር እንስሳት ብቻ ነበሩ። ጠዋት ማታ ወደመካነ አራዊቱ በመሔድ በተዘጋጀው ማማ ላይ ቆሞ፣ እየተቀመጠም አራዊቱን ይመለከት ነበር። ታዲያ በአንድ መጥፎ በረዷማ ቀን እንደተለመደው ወደ ቢር ጌት ጎራ ብሉ አራዊቱን ሲያይ ውሎ አመሻሹ ላይ ያሸልበዋል። በአጠገቡ ሰው አልነበረም። ከሰዐታት በኋላ ይነቃል። መላ አካሉ በቅዝቃዜ ደንዝዞ፣ እጅ እግሮቹም ደንግዘው ራሱን ያገኘዋል። እንደምንም ተነሥቶ ወደቤቱ ሄዶ ይተኛል። ጠዋት ሲነቃ ከፍተኛ ራስ ምታት ይሰማዋል። ውሎ አድሮም ከባድ ጉንፋን ይሆንበታል። ይባስ ብሎም በመዳን ፈንታ ጉንፋኑ ወደ ሳምባ ምች (Pneumonia) ተለውጦበት በዚያው ያርፋል። በዓለማየሁ የተነሣ ይህ አካባቢ (በእጁ እያመለከተ) “አቢሲንያ መንገድ” እየተባለ ይጠራ ነበር። አሁን ግን እንደምታዩት ተሠርዞ ሌላ ስም ወጥቶለታል። ሲሞት ገና አስራ ዘጠኝ ዓመቱ ነበር። በጣም አጭር ግን ከባድ ሕይወት። ...... ምስኪን ዓለማየሁ....” (ኤሪክ እዚህ ላይ ሲደርስ እንባዉ ከአረጋዊ ዐይኖቹ ፈሷል)። “እነሱ ስለገደሉን የእነሱ ሰዎች ያለቅሱልናል” ማለት ይኸማይደል ወይ?

ከታች የተለጠፋት ፎቶዎች ከዓለማየሁ ፎቶ በስተቀር (፩/ ሜዳ ከፊቱ ሆኖ በርቀት የሚታየው ዓለማየሁ ያዝወትረው የነበረው፤ በመጨረሻም ለበሽታ የዳረገው የመካነ አራዊት መጎብኛ ማማ፤ ፪/ዓለማየሁ ይኖርበት፤ በኋላም ለኅልፈተ ሕይወት በቅቶ አስከሬኑ ለንደን ዊንድሶር ወደሚገኘው ቅዱስ ጊዮርጊስ ካቴድራል ሊቀበር የተሸኘበት ቤት) እኔ ቦታዎቹን ስጎበኝ ያነስሁአቸው ናቸው።

ኤሪክ ለእኛ ያለቀሰውን ሌላኛውን ለቅሶ እንቀጥለዋለን።

26/03/2025

የኢቢኤስ ቴሌቪዥን ስርጭት አቁሟል ፤ውጥረቱ ከፍተኛ ነው በፌዴራል ፖሊስ እና ደህንነት ከባባ ተደርጓል ፤

Verified by African History
=====
የብርቱካን ተመስገን የግፍ በደል ታሪክ ፤ በኢቢኤስ ቲቪ ለሕዝብ ይፋ መሆኑ ተከትሎ በሥልጣን ላይ የሚገኘው። የአገዛዝ ሥርዓት ከፍተኛ ውጥረት ላይ ይገኛል ።

ብርቱካን ተመስገንን በአዲስ አበባ ፌድራል ፖሊስ ቢሮ በእስር ላይ ትገኛለች ።የኢቢኤስ ቴሌቭዥን የፕሮግራሙ ዳይሬክተር ታሪኩ ሃይሌ ፣ ረዳት አዘጋጅ ህሊና እንዲሁም ቪዲዮ ኤዲተሩ ሃብታሙ በፌድራል ፖሊስ በቅድሚያ ታፈነው ተወስደው ከታሰሩ በኋላ ፤ ሌሎች ባለሙያዎች ከፕሮግራሙ ቀረጻ ጋር በተገናኘ ሙያዊ ስራቸው ያከናወኑ የቢሮ ሠራተኞች ተለይተው በፖሊስ መኪና ውስጥ እንዲገቡ ተደርጎ በጊቢው ውስጥ ታግተው ይገኛሉ።

ይህ መረጃ ይፋ እስከ ሆነበት ሰዓት ድረስ ከጠዋቱ ጀምሮ ወደ ኢቢኤስ ቢሮ እና ቅጥር ግቢ ወደ ውስጥ መገባት የሚቻል ሲሆን መውጣት ግን ክልከላ ተደርጎ የነበር ሲሆን ፤ ከምሳ ሰዓት በኋላ በጊቢው ውስጥ የነበሩ ሠራተኞች በሙሉ እንዲወጡ ተደርጎ በፌዴራል ፖሊስ እና ደህንነት የኢቢኤስ ቅጥር ጊቢ በከፍተኛ ሁኔታ ከበባ እና ጥበቃ ውስጥ ነው ያለው ።
የኢቢኤስ አዘጋጅ ሉላ ገዙ ታስራለች ተብሎ የተሰራጨው መረጃ እስካሁን ሰዓት ድረስ ሐሰት ነው ። ከዚሁ ጋር በተያያዘ ኢቢኤስ የብርቱካን ተመስገንን ጉዳይ አስመልክቶ ሰጠ የተባለው መግለጫ ፤ በተቋሙ በተረጋገጠ የማኀበራዊ ትስስር ገጽ እንዲሁም በሚዲያው በግል የሰጠው አንዳችም መግለጫ እንደሌለ ለማወቅ ተችሏል ።

ይህ በእንዲህ እንዳለ የኢቢኤስ ቴሌቪዥን በዛሬው ዕለት ሶስቱም ቻናሎቹ በኢትዮ ሳት ላይ ስርጭት አቁሟል። የስርጭቱ መቋረጥ ከላይ በተገለጸው ጉዳይ ይሆን ወይም በሌላ በግልጽ እስካሁን የታወቀ የለም ።

24/10/2024

የትግራይ ክልል ሊቃነ ጳጳሳት የራሳቸውን ሲኖዶስ ማቋቋማቸው ተገለጸ

ሴሎም ሚዲያ፣ ለንደን ፣ ጥቅምት 14. 2017/24 October 24

በትግራይ ክልል አህጉረ ስብከት የሚገኙ ሊቃነ ጳጳሳት “መንበረ ሰላማ ከሣቴ ብርሃን ከፍተኛ ቤተ ክህነት” በሚል ራሱን ከዋናው ቤተ ክህነት ለይቶ የቆየ ሲሆን ትናንት ባወጣው መግለጫ መሠረት “የትግራይ ኦርቶዶክስ ተዋህዶ ቤተክርስትያን ሲኖዶስ” በሚል ዐዲስ ሲኖዶስ ማቋቋማቸውን የአሜሪካ ድምፅ VOA ዘግቧል፡፡

የፌደራል መንግሥት እና የትግራይ ክልል ለኹለት ዓመት በተደረገው ጦርነት ሳቢያ በትግራይ ክልል አህጉረ ስብከት የሚገኙ ሊቃነ ጳጳሳት ከኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ ጋር ግንኙነታችን አቋርጠናል በማለት ራሳቸውን አግልለው መቆየታው ይታወቃል፡፡

ኾኖም የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ የጥቅምት ጉባኤውን ማካሄድ እንደጀመረ በኋላ በትግራይ ክልል አህጉረ ስብከት የሚገኙ ሊቃነ ጳጳሳት የራሳቸውን ሲኖዶስ ማቋቋቸውን ገለጸዋል፡፡

የኢትዮጵያ ኦርቶዶክስ ተዋሕዶ ቤተ ክርስቲያን ቅዱስ ሲኖዶስ በተለያዩ ጊዜያት በሰጠችው መግለጫዎች፥ የትግራይ ክልል አህጉረ ስብከት እንቅስቃሴ ቀናኖውን የሚፃረር ሕገ ወጥ እንደኾነ አውግዞ፣ “አንድ መንበር አንድ ሲኖዶስ እና አንድ ፓትርያርክ” የሚለውን የቤተ ክርስቲያኗ አስተምህሮ እና ቀኖና ሊከበር እንደሚገባው በአጽንዖት አሳስቦ ነበር።

ምንጭ፡ የአሜሪካ ድምፅ VOA

17/10/2024

Second Earthquake Strikes Awash Area Within 13 Hours

By Selom Media, London – October 17, 2024

A second earthquake Strikes the Awash area in Ethiopia’s Afar region within a span of 13 hours. The German Geoscience Research Center reports that a Richter scale rating of 4.8, struck at approximately midday on Thursday.

The "Volcano Discovery" website states that the earthquake reported today Thursday, October 17, occurred 34 kilometers northeast of Methara. Different places in the Addis Ababa area felt the shaking.

This marks the eighth earthquake in the Awash area in the past month. A 4.6-magnitude hit the same area last Sunday, while another magnitude of 4.9 occurred a week ago. The United States Geological Survey also reported a 4.6-magnitude quake around midnight last night, centered 17 kilometers north of Awash.

Michigan Technological University also reported that Earthquakes between 2.5 and 5.4 on the Richter scale are generally felt but typically cause minimal damage. Quakes causing moderate damage usually fall between 5.5 and 6.0 in magnitude.

Source: Volcano Discovery

16/10/2024

የፍቅር አባት በመባል የሚታወቁት አባ መፍቀሬሰብእ ኪዳነ ወልድ ከዚህ ዓለም ድካም አረፉ

#ጥቅምት 9 ቀን 2017 ዓ.ም #በሐይቅ እስጢፋኖስ አቡነ #ኢየሱስ ሞዓ አንድነት #ገዳም እንደሚፈጸም ተገለጸ፡፡

ሴሎም ሚዲያ፣ ለንደን፣ ጥቅምት 6፣ 2017/16 Oct 24

በደቡብ ወሎ ደሴ ግሸን ደብረ ከርቤ ከ60 ዓመታት በላይ ቤተ ክርስቲያንን ያገለገሉት እውቁ አባ መፍቀሬሰብእ ኪዳነ ወልድ በ96 ዓመታቸው ከዚህ ዓለም ድካም አረፉ።

አባ መፍቀሬሰብእ በግሸን ደብረ ከርቤ እና ደሴ ዙሪያ በሠሩት ዘርፈ ብዙ መንፈሳዊና ሰብአዊ የልማት ተግባራት መላው ሕዝበ ክርስቲያን እና ሙስሊሙ ማኅበረሰብ ከልብ የሚወዳቸው የዘመኑ የፍቅር አባት ነበሩ፡፡ ከ68 ዓመታት በፊት ግሸን ላይ ከአቡነ ሚካኤል የማስተማር ፈቃድ ተሰጥቷቸው በጎንደርና በወሎ በአብዛኛው ቦታዎች እየተዘዋወሩ ትምህርተ ወንጌል አስተምረዋል፡፡ አባ መፍቀሬ ሰብእ ለማስተማር ሲነሱ አንደበተ ርቱዕ ከመሆናቸው ሌላ የትምህርቶቻቸው ይዘትም በአብዛኛው ከአገልግሎታቸው ጋር የተያያዘ ነበር፡፡ አብያተ ክርስቲያናትን ስለ ማነፅ፣ አፀደ አብያተ ክርስቲያናትን ስለ መትከልና መንከባከብ፣ ለቅርሶች መደረግ ስላለበት ጥበቃና እንክብካቤ፣ ስለ መንፈሳዊ በዓላት አከባበርና ወጣቶችን ከመ*ና*ፍ*ቃን ሴራ ስለመታደግና ከአምልኮ ባዕድ ተግባራት ስለመራቅ በአፅንኦት አስተምረዋል፡፡

ባሕታዊ መፍቀሬ ሰብእ የተወለዱት በ1921 ዓ.ም ሰሜን ሸዋ ተጉለት ወርቅጉር ተብሎ በሚጠራው አካባቢ አለቃ ወርቅ አገኘሁ አገር ገዳምዬ ሚካኤል፣ ድንቡይ ጊዮርጊስ ነው። በልጅነታቸው በገዳምዬ ሚካኤል ለዲቁና የሚያበቃውን ትምህርት ከተማሩ በኋላ ከግብፃዊው ጳጳስ አቡነ ቄርሎስ እጅ ዲቁናን ተቀብለው በአካባቢያቸው ባሉ አብያተ ክርስቲያናት እስከ 14 ዓመታቸው ድረስ ሲያገለግሉ ቆይተዋል፡፡

አባ መፍቀሬ በደቡብና በሰሜን ወሎ ሀገረ ስብከቶች የቅዱስ ጳውሎስን “ዕለት ዕለት የሚከብድብኝ መልእክት በተግባር የሚኖሩ፤ ከግማሽ ምዕተ ዓመት በላይ ንጹህ ስንዴን የዘሩ ትጉህ መምህር፣ ቀናዒ ለሃይማኖታቸው ፣ በርቱዕ አንደበት መምከርን፣ በትጋት ማስተባበርን፣ ከሚዘምሩት ጋር መዘመርን፣ ከሚያመሰግኑት ጋር ማመስገንን፣ ከሚያዝኑትም ጋር ማዘንን ግብር አድርገው፤ እንደ ሕፃን ከሕፃናት ጋር፣ እንደ ወጣት ከወጣቶች ጋር እንደ አበው ደግሞ ከሊቃውንት ጋር ተዋሕደው ቤተክርስቲያን አገልግለዋል።

ባሕታዊ መፍቀሬ ከዛሬ 45 ዓመት በፊት በወቅቱ የነበሩትን የደርግ ባለሥልጣናት በማግባባትና በማሳመን የግሸን ደብረ ከርቤ መንገድ እንዲሠራ ማድረግ መቻላቸው የኒህን አባት ጥበብ እና አስተዋይነት የሚያሳይ ተግባር ነው፡፡ ይህ መንገድ ከተሠራበት ከ1972 ዓ.ም. ጀመሮ እስከ አሁን ድረስ በየዓመቱ የየመሥሪያ ቤቱን በር በማንኳኳት በየግለሰቦች ቤት በመሄድ ለመንገዱ ሥራ ከፍተኛ አስተዋጽዖ አድርገዋል፡፡

አባ መፍቀሬ በአገልግሎት ዘመናቸው የራሴ የሚሉት ምንም ነገር የሌላቸው ሲሆኑ ከ1946 ዓ/ም ጀምሮ በወሎ ሀገረ ስብከት ተመድበው እስከ እለተ ሞታቸው ድረስ ሲያገለግሉ ቆይተዋል፡፡ ሥርዓተ ቀብራቸውን የሚያስፈጽም ኮሚቴ የተቋቋመ ሲሆን ጥቅምት 9 ቀን 2017 ዓ.ም በሐይቅ እስጢፋኖስ አቡነ ኢየሱስ ሞዓ አንድነት ገዳም እንደሚፈጸም ተልጿል፡፡

Selom Media

17/08/2025

17/08/2025

16/08/2025

13/08/2025

23/07/2025

22/07/2025

17/07/2025

10/07/2025

26/03/2025

24/10/2024

17/10/2024

16/10/2024

Address

Telephone

Website

Alerts

Contact The Business

Shortcuts

Share