Allbanaadir Online

Home
United Kingdom
London
Allbanaadir Online

Allbanaadir Online Official page

18/12/2025

Dil Argagax Leh: Shaqaale Bangi Oo Lagu Khaarijiyay Hanjabaad Guur Kaddib…..

Haweeney lagu magacaabi jiray Adaanech Kumsaa, oo ka shaqayn jirtay Bangiga Ganacsiga Itoobiya (Commercial Bank of Ethiopia), ayaa si arxan darro ah loo dilay 6-dii December 2018, sida uu BBC-da u xaqiijiyay Ku-xigeenka Taliyaha Booliiska Sandafa Bakkee, Nigatu Alamuu.

Nigatu Alamuu, oo ah madaxa Waaxda Baarista ee Saldhigga Booliiska Sandafa Bakkee, ayaa sheegay in falka dilka ah uu dhacay qiyaastii 3:00 galabnimo, isla markaana uu ka dhacay xaafadda Gomaaxaa ee magaalada Sandafa Bakkee.

“Dhibbanaha waxay ahayd shaqaale ka tirsan Bangiga Ganacsiga Itoobiya, laantiisa Alaltuu. Waxay ku noolayd magaaladeenna, dhacdaduna waxay dhacday 6-dii December, 3:00 galabnimo,” ayuu yiri Taliye Nigatu.

Il-wareed si dhow u yaqaanay Adaanech iyo qoyskeeda ayaa BBC-da u sheegay in haweeneydu ay h**ey qoyskeeda ugu sheegtay in ninka eedeysanaha ah uu marar badan ugu hanjabay goobteeda shaqo, isagoo ku qasbaya guur aysan dooneyn.

Eedeysanaha, oo lagu magacaabo Tsagaayee Asaalifoo, ayaa la sheegay inuu si joogto ah ugu hanjabi jiray Adaanech, isagoo ku oran jiray: “Waan ku guursanayaa.”

Faah Faahinta Warkaan ka aqriso Qaybta Coments ka

18/12/2025

Bashaar al-Assad oo Moscow Nolol Cusub ka Bilaabay, kuna Laabtay Xirfaddii Dhakhtarnimo…

Madaxweynihii h**e ee Suuriya, Bashaar al-Assad, ayaa la sheegay inuu dib ugu laabtay barashada iyo ku shaqaynta cilmiga indhaha, xirfad uu bartay yaraantiisii, kadib markii uu sannad ka hor ka degay talada dalka Suuriya.

Assad, oo 60 jir ah, ayaa h**e cilmiga indhaha (ophthalmology) ugu bartay Isbitaalka Indhaha ee Western Eye Hospital ee magaalada London. Ilo xog-ogaal ah ayaa sheegaya in uu haatan si rasmi ah u xaadiro fasallo, isla markaana uu baranayo cilmiga indhaha iyo afka Ruushka, tan iyo markii uu magangelyo siyaasadeed ka helay dalka Ruushka.

Warbaahinta The Guardian ayaa ilo wareedyo ka soo xigatay in qoyska Assad ay u badan tahay inay ku sugan yihiin Rublyovka, oo ah xaafad aad u qaali ah oo ku taalla duleedka magaalada Moscow. Xaafaddan ayaa sidoo kale caan ku ah inay deggen yihiin siyaasiyiin h**e oo taageersan Ruushka, sida madaxweynihii h**e ee Ukraine Viktor Yanukovych.

Waxaa hadda sanad laga joogaa tan iyo markii Bashaar al-Assad uu ka baxay talada Suuriya, isaga oo gebi ahaanba ka maqnaa indhaha warbaahinta caalamka. Tan iyo waqtigaas, lama soo sheegin wax door siyaasadeed ah oo uu ku lug yeeshay.

Faah Faahinta Warkaan ka aqriso Qaybta Coments ka

15/12/2025

Xildhibaanadda laga doorto Gobolka Minnesota ee dalka Maraykanka, Ilhaan Cumar, ayaa sheegtay in ciidamada la dagaallama soo-galootiga ee ICE ay si ku-meel-gaar ah u qabteen wiil ay dhashay.

Waxay intaas ku dartay iney doonayeen in loo tarxiilo dalka Soomaaliya, ka hor inta uusan muujin dukumentiyada muwaadinnimada Maraykanka.

Ilhaan Cumar ayaa tilmaantay in wiilkeedu ku dhashay gudaha Maraykanka, isla markaana yahay muwaadin sharciyeysan, balse ay xaaladdu halis noqon lahayd haddii uusan xilligaas wadan warqadihiisa sharciga ah.

Waxay sheegtay in tani ay muujinayso cabsi weyn oo ka jirta sida ay ciidamada ICE ula dhaqmaan dadka laga tirada badan yahay, gaar ahaan Soomaalida.

Xildhibaanaddu waxay ku eedaysay ciidamada ICE inay ku dhaqmaan cunsuriyad iyo beegsi gaar ah oo ka dhan ah dadka Soomaaliyeed, iyadoo sheegtay in xitaa dadka haysta sharciga ama ku dhashay Maraykanka aysan ka badbaadin qabqabasho iyo su’aalo joogto ah oo la xiriira aqoonsigooda.

Dhankeeda, ICE ayaa wada howlgallo ay ku qabqabanayaan dad ay ku tilmaameen inay si sharci-darro ah ugu nool yihiin Maraykanka, gaar ahaan kuwa ku sugan Gobolka Minnesota.

14/12/2025

Shaki weyn oo laga muujiyay qaabka ay u shaqeeyaan qaar kamid ah Bangiyada Soomaaliya !!

Qaar ka mid ah bangiyada ka howlgala Soomaaliya ayaa wajahaya shaki iyo walaac xooggan, ka dib markii la sheegay in lacago ay shacabka dhigteen lagu maalgeliyay dhismayaal waaweyn oo laga dhisayo magaalada Muqdisho.

Mid kamid ah macaamiisha bangi ku yaalla caasimadda Muqdisho, oo codsaday in aan magaciisa la shaacin sababo la xiriira baaritaan socda, ayaa Warbaahinta u sheegay in maanta oo Axad ah uu tagay bangigaasi, isaga oo doonayay in uu la baxo lacag dhan 25,000 oo doollar ($25,000) oo u tiillay bangiga.

Macaamilkaasi ayaa sheegay in maamulka bangiga u sheegeen inaysan awoodin in ay isla maanta siiyaan lacagtaas, balse uu heli doono muddo 48 saacadood gudahood ah. Arrintan ayaa dhalisay caro iyo shaki xooggan, maadaama uu macaamilku xaq u lahaa in uu helo lacagtiisa wakhtiga uu doono.

Wuxuu sidoo kale tilmaamay in uu rumeysan yahay in lacago badan oo ay dadku dhigteen bangiyada lagu maalgeliyay ganacsiyo iyo mashaariic kale, si bangiyadu faa’iido badan uga helaan.

Faah Faahinta Warkaan ka aqriso qaybta Coments ka

14/12/2025

Mareykanka oo Tarxiilay TikToker Soomaali ah, kadib muran iyo eedeymo baraha bulshada ah…..

Mahad Maxamuud, oo ay Soomaalidu u yaqaannaan Garyaqaan, ayaa si tartiib ah ula qabsanaya kuleylka iyo xaaladda amni ee magaalada Muqdisho, kaddib markii bishii h**e laga soo tarxiilay magaalada Minneapolis ee dalka Mareykanka, xilli uu halkaas ka jiray qabow daran.

Garyaqaan oo 36 jir ah, ayaa caan ka noqday baraha bulshada, gaar ahaan TikTok, halkaas oo ay ku xiran yihiin in ka badan nus milyan qof. Dad badan ayaa la dhacsan sida uu u difaaco beeshiisa iyo Dowladda Federaalka Soomaaliya, arrintaas oo u horseeday taageero ballaaran iyo caanimo sii kordheysa.

Si kastaba ha ahaatee, shabakad xiriir la leh Aqalka Cad oo lagu magacaabo Rapid Response 47, kuna leh akoon barta X (Twitter), ayaa Garyaqaan ku eedeysay inuu yahay “dembiile aan qiimo lahayn”, isla markaana ku lug lahaa afduub dad Faransiis ah oo ka dhacay hoteel ku yaalla Muqdisho bishii Oktoobar.

Garyaqaan ayaa si cad u beeniyay eedeymahaas, isagoo BBC-da u sheegay in uusan xilligaas joogin Muqdisho, islamarkaana FBI-da Mareykanka ay baaritaan ku sameeyeen eedeynta, balse ay sii daayeen, maadaama aan wax dambi ah lagu helin.

Mahad wuxuu sheegay in ciidamada socdaalka Mareykanka (ICE) ay xireen kaddib markii qof ay ku murmeen baraha bulshada uu u gudbiyay cinwaankiisa. ICE ayaa ku eedeysay labo qodob: inuu si sharci-darro ah ku galay Mareykanka iyo eedeynta afduubka.

Inkasta oo eedeyntii afduubka laga waayay caddeymo, haddana Mahad waxaa lagu hayay xabsi ku yaalla gobolka Minnesota muddo lix bilood ah, isagoo saddex bilood sugayay go’aanka magan-gelyada iyo saddex bilood oo kale tarxiil.

Faah Faahinta warkaan ka aqriso Qaybta Coments ka

14/12/2025

Calanka Somalia oo laga taagay meelo badan oo ka tirsan Mareykanka……

Meelo kala duwan oo katirsan Dalka Maraykanka waxaa laga taagay Calanka Soomaaliya, Bulshada arrintaas samaysay ayaa diidan tallaabooyinka qalafsan ee Madaxweynahooda ku beegsanaya Soomaalida ku nool Dalkaas.

Goobaha Waxbarashada iyo kuwo kale ayaa lagu arkay Calanka Soomaaliya oo dhinac suran kan Maraykanka & kuwa Degmooyinka, waxaa lagu tilmaamay in Garab istaag loogu muujinayo Bulshada Soomaalida ah ee culayska uu ku hayo Donald Trump.

Dadka u dhashay Maraykanka ayaa intooda badan diidan siyaasadda Trump ee ka dhanka ah Soomaalida maadaama ay ku sifeeyeen Soomaalidu in ay yihiin Bulsho wax badan kusoo kordhisay Gobolka Minnesota oo ay u badan yihiin.

Donald Trump ayaa nacaybka uu u muujiyay Soomaalida waxa uu gaarsiiyay heer uu ka dhex raadiyo Ciyaartoyda Xulka Dalkaas sida ka muuqata muuqaal kooban oo ku faafay Baraha Bulshada, tani waxa ay dhalisay taageerro badan oo Dadka Soomaaliyeed ay helaan

Faah Faahinta Warkaan ka aqriso Qaybta Coments ka

13/12/2025

Soomaaliya oo markii ugu horreysay loo doortay martigelinta saldhig dayax-gacmeedyo….

Dowladda Turkiga ayaa si rasmi ah u bilowday dhismaha saldhig hawada sare oo casri ah, kaas oo loogu talagalay in laga gano gantaallo iyo dayax-gacmeedyo, waxaana markii ugu horreysay mashruucan laga hirgelinayaa gudaha Jamhuuriyadda Federaalka Soomaaliya.

Mashruucan ayaa ku soo aadaya xilli Ankara ay si xowli ah ugu socoto inay ka mid noqoto quwadaha waaweyn ee ku loollamaya hawada sare, iyada oo xoogga saaraysa horumarinta teknoolojiyadda casriga ah iyo warshadaha difaaca.

Guddoomiyaha shirkadda Baykar, Selçuk Bayraktar, oo ka hadlayay shirkii caalamiga ahaa ee Take Off İstanbul 2025, ayaa xaqiijiyay in dhismaha saldhigga laga bilaabay goob istaraatiiji ah oo ku taalla xeebaha Soomaaliya. Wuxuu goobta ku tilmaamay mid si gaar ah ugu habboon hawlgallada hawada sare.

“Turkiga hadda wuxuu leeyahay meel laga gano dayax-gacmeedyo. Saldhiggan wuxuu ku fadhiyaa dhul baaxaddiisu dhan tahay 30 kiiloomitir ku dhufan 30 kiiloomitir, waana meel aad ugu habboon hawlgallada hawada sare. Dunida oo dhan waxaa jira oo keliya 12 saldhig oo noocan ah,” ayuu yiri Bayraktar.

Faah Faahinta Warkaan ka aqriso qaybta Coments ka

13/12/2025

Carruurta Soomaaliyeed oo Saameyn Xooggan Ka Dareemay Hawlgallada Socdaalka…..

Ammarrada iyo hadallada cusub ee ka soo baxay Aqalka Cad ee Maraykanka ayaa si toos ah u saameeyay bulshada Soomaaliyeed ee ku nool gobolka Minnesota, gaar ahaan magaalooyinka mataanaha ah ee Minneapolis iyo St. Paul, halkaas oo ay ku nool yihiin kumannaan qoys oo Soomaaliyeed.

Madaxweynaha Maraykanka, Donald Trump, ayaa hadallo muran dhaliyay ku eedeeyay Soomaalida Maraykanka musuq maasuq, hadalladaas oo si weyn uga nixiyay jaaliyadda. Arrintaas waxaa durba xigtay tallaabo uu ku dhawaaqay oo ah joojinta Barnaamijka Magangalyada Ku Meel Gaadhka ah (Temporary Protected Status – TPS) ee ay haysteen Soomaali badan.

Barnaamijka TPS ayaa siinayay muwaadiniinta Soomaaliyeed ee ku nool Maraykanka difaac ku meel gaadh ah oo ka hortagaya masaafurinta, isla markaana u oggolaanayay inay si sharci ah uga shaqeeyaan dalka, sababo la xiriira xaaladaha amni darro iyo khataraha ka jira Soomaaliya.

Hawlgallada ay wadaan Ciidamada Dhaqangelinta Socdaalka iyo Kastamada Maraykanka (ICE) ayaa si gaar ah looga dareemay goobaha ay bulshadu ku kulanto, sida iskuullada, masaajidda iyo xarumaha cibaadada, subax iyo galabba. Arrintan ayaa abuurtay cabsi baahsan oo ku faaftay qoysaska Soomaaliyeed ee ku nool gobolka.

Sheekh Yuusuf Cabdulle, oo ah guddoomiyaha Isku-tagga Masaajidda Muslimiinta Maraykanka (IANA), ayaa BBC-da u sheegay in saameynta ugu horreysa si cad looga dareemay masaajidda.

“Masaajidada hoos u dhac weyn ayaa ku yimid. Salaaddii Jimcaha ayay saameysay, jamaacaddii caadiga ahaydna way yaraatay. Dad badan oo masaajidda iman jiray ayaa hadda cabsi darteed guryahooda ku nagaaday,” ayuu yiri Sheekh Yuusuf.

Warkaan oo Faah Faahsan ka aqriso Qaybta Coments ka

12/12/2025

Waxaa toddobaadyadii u dambeeyay si muuqata u soo ifbaxayay isbeddel ku yimid saamaynta Maraykanka ee arrimaha siyaasadda Soomaaliya, gaar ahaan kadib booqashadii uu Danjiraha Maraykanka u jooga Soomaaliya, Richard H. Riley, ku tagay magaalada Kismaayo horraantii bishan.

Danjiraha ayaa Madaxweynaha Jubbaland, Axmed Maxamed Islaam (Axmed Madoobe), u gudbiyay farriin culus oo ku saabsan xaaladda siyaasadeed ee dalka, isagoo sheegay in marxaladda hadda la marayo aysan qaadi karin kala-tag iyo go’aano gaar-gaar ah. Wuxuu caddeeyay in mustaqbalka Soomaaliya uu ku tiirsan yahay wada-tashi, wada-shaqayn iyo midnimo siyaasadeed.

Sidoo kale, Danjiraha Maraykanka ayaa ballan qaaday inuu Madaxweyne Xasan Sheekh Maxamuud keenayo miiska wadahadalka, si arrimaha masiiriga ah ee dalka loo wajaho iyadoo loo marayo wadatashi qaran.

Farriintan kadib, Madaxweyne Xasan Sheekh wuxuu la xiriiray maamul-goboleedyada isbahaysiga sameystay, waxaana Muqdisho ka dhacay kulammo isdaba joog ah oo looga hadlayay xaaladda siyaasadda, khilaafaadka taagan iyo jidka loo mari karo xal u helista mustaqbalka dhow.

Faah Faahinta Warkaan ka aqriso Qaybta Coments ka

12/12/2025

Deg Deg:- Dowladda Eritrea ayaa maanta ku dhawaaqday inay ka baxday xubinnimada urur gobolleedka IGAD, kaddib warsaxaafadeed rasmi ah oo ay soo saartay Wasaaradda Arrimaha Dibadda ee dalkaasi. Eritrea ayaa ku eedeysay IGAD inuu lumiyey doorkiisii sharci iyo awooddii looga baahnaa inuu kaga qeyb qaato xasilloonida gobolka.

Qoraalka wasaaradda ayaa lagu yiri: “Eritrea waxay isu aragtay inay ku qasban tahay inay ka baxdo xubinnimada urur lumiyay waajibaadkiisii sharci iyo awooddiisii, isla markaana ku fashilmay inuu si wax ku ool ah uga qayb qaato xasilloonida gobolka.”

Go’aankan ayaa yimid xilli ay sii xoogeysanayaan xiisadaha diblomaasiyadeed ee u dhexeeya Eritrea iyo Itoobiya, waxaana sidoo kale muuqda in IGAD uu sanadihii u dambeeyay lumiyay saameyntiisii siyaasadeed ee gobolka.

Eritrea waxay IGAD u aragtaa urur aan dhex-dhexaad ahayn, isla markaana u janjeera dhinaca Itoobiya, oo marar badan hoggaamin ku lahayd go’aamada ururka. Sidoo kale, inkastoo Jabuuti tahay xarunta IGAD, Eritrea wax xiriir diblomaasiyadeed ah k**a dhexeeyo, taas oo sii adkaysay in ay ka shaqeyso gudaha ururka.

Faah Faahinta Warkaan ka aqriso Qaybta Coments ka

12/12/2025

Kiis Cabsi Leh: Nin Mareykan ah oo Sheegay In ChatGPT U Sheegtay In Hooyadii Cadawgiisa Tahay!!

Maxk**ad ku taalla gobolka California ee dalka Maraykanka ayaa loo gudbiyay dacwad ka dhan ah barnaamijka caanka ah ee ChatGPT, kadib markii qoyska nin maskaxiyan u xanuunsanaa oo lagu magacaabo Adams ay sheegeen in app-ku uu door ku lahaa fal dil ah oo uu ninku u geystay hooyadii.

Warbixintu waxay sheegaysaa in Adams uu waqti badan wada hadallo gaar ah la yeeshay ChatGPT, ka hor inta uusan falka dilka ah dhicin. Inta lagu jiro wada sheekaysigaas, ayuu ninku weydiiyay app-ka “cidda cadawgiisa dhabta ah tahay”. Qareenka kiiskiisa ayaa sheegay in ChatGPT uu u fasiray ninkan in dadka ugu dhow, oo ay ku jirto hooyadii, ay yihiin “cadawgiisa koowaad” ama “wakiillo ay cid kale soo dirtay”, taas oo, sida la sheegay, horseedday in uu hooyadii nafta ka qaado.

Qoyska Adams ayaa u gudbiyay maxk**adda dacwad magdhow lacageed ah oo aan wali la shaacin. Sidoo kale waxay dalbanayaan in shirkadda OpenAI lagu amro inay ChatGPT ku rakibto nidaamyo amni oo dheeraad ah, si looga hortago in barnaamijku dhiirrigeliyo ficillo khatar ah.

Faah Faahinta warkaan ka aqriso Qaybta Coments ka

12/12/2025

20 Maarso ee 2025 ayaa dhismo hal qol ah lagu daah-furay xarunta 3-aad ee Hay’adda Socdaalka iyo Jinsiyadaha ee qaybteeda Degmada Dayniile ayaa sababay dood ballaaran iyo cabasho ay muujiyeen qaar ka mid ah shacabka deegaanka.

Dadka deegaanka qaarkood ayaa sheegay in dhismaha oo ay ku rakiban yihiin laba kombiyuutar uusan weli qaban wax shaqo ah muddo ku dhow toddobo bilood, arrintaas oo dhalisay su’aalo ku saabsan ujeeddada dhismaha iyo waxtarka dhabta ah ee uu bulshada u leeyahay.

Shacabka arrintan ka hadlay ayaa sheegay inay u arkayaan “mashruuc aan wax qabad muuqda lahayn”, iyagoo tilmaamay in Hay’adda Socdaalka iyo Jinsiyadaha – gaar ahaan maamulka xarunta – aysan bulshada u caddeyn sida dhismahan yar uu uga jawaabayo baahiyaha adeega ee degmada.

Qaar ka mid ah dadka deegaanka ayaa ugu baaqay bulshada Dayniile inay codkooda mideeyaan, ayna Hay’adda ka dalbadaan warbixin cad oo ku saabsan qorshaha adeeg ee xaruntu, si loo hubiyo in Dhismahaas bulshada u horseedo adeeg muuqda oo la taaban karo.

Ilaa iyo hadda k**a aysan soo bixin wax jawaab rasmi ah oo ay bixiyeen masuuliyiinta Hay’adda Socdaalka iyo Jinsiyadaha , inkasta oo shacabka qaarkood ay ku baaqayaan in xaaladdan si daah-furan loo baaro laguna cadeeyo heerka dhabta ah ee shaqo ee xaruntu qabato

Address

5 Anglesea Road
London
SE186EG

Website

https://www.allbanaadir.org/

Alerts

Be the first to know and let us send you an email when Allbanaadir Online posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Allbanaadir Online:

Shortcuts

Want your business to be the top-listed Media Company in London?