Allbanaadir Online

Home
United Kingdom
London
Allbanaadir Online

Allbanaadir Online Official page

05/10/2025

Xog laga helay gaarigii lagu weeraray Godka Jilacow (Muuqaal dhameestiran)

27/08/2025

Isbitaalka taqasusiga ah ee Guled ee magaalada Muqdisho ayaa waxaa ka socda daaweynta qaliinada xirida wadnaha duleela ee caruurta, waana markii 7aad ee mashruucan laga fulinayo Isbitaalka oo ka mid ah kuwa ugu waaweyn Somalia.

Mashruucan ayaa waxaa ka faaiideysanaya 15 caruur ah oo heli doona daryeel caafimaad oo degdeg ah oo ay si weyn ugu baahnaayeen, waxaana fulinaya Isbitaalka taqasusiga ah ee GULED oo kaashanaya heyadaha kala ah Hormuud Salaam Foundation, Mogadishu Heart Centre, iyo Hope for Little Hearts Foundation.

Guddoomiyaha heyadda Hormuud Salaam Foundation C/llaahi Nuur Cusmaan ayaa sheegay in caruurtan ay baahi weyn u qabeen qaliinadan, ayna heysteen dhibaatooyin Caafimaad iyo xaalado adag.

“Waxaan u rajeynaynaa in qaliinadan loo sameynayo caruurtan uu ILAAHAY caafimaad taam ah ku siiyo si ay noloshooda caafimaad ugu qaataan mustaqbalka Insha ALLAH” ayuu yiri C/llaahi Nuur Cusmaan.

Maxamed Axmed Nairobi oo ah madaxa heyadda Mogadishu Heart Centre ayaa sheegay in caruurta ka faa’iideysanaya qaliimadan ay diyaarintooda wadeen muddo labo bilood ah, ayna ka soo jeedaan qoysas danyar ah oo aan awoodin iney caruurtooda dibeda ku soo daweystaan, taasoo uu sheegay iney ku dhalisay sidii ay dalkooda ugu heli lahaayeen qaliinada ay baahan yihiin, isagoo u mahad celiyey heyadaha ka qeyb qaatay fulinta mashruucan.

Madaxa Caafimaadka ee isbitaalka taqasusiga ah ee Guled Dr. Maxamed Axmed Guled, ahna dhaqtar ku taqasusay cudurada wadnaha iyo dhiig mareenka ayaa isna sheegay iney ku faraxsan yihiin fulinta qaliinada loo sameynaya caruurtan, isagoo xusay in sida qorshuhu yahay uu barnaamijkan socon doono 25-27 bishan Agoosto sanadka 2025.

“Maamulka Isbitaalka Guled gaar ahaan qeybta daweynta iyo daryeelka Caafimaadka wadnaha farxad gaar ah ayey u tahay iney qeyb muhiim ah ka yihiin fulinta qaliinadan loo sameynayo caruurta wadnaha ka daloola, anagoo u mahad celinayna heyadda Hormuud Salaam Foundation iyo dhamaan heyadaha kale ee ka qeyb qaadanaya taaba gelinta Mashruucan iyo dhaqaatiirta nooga timid dalka India ee qaliinada sameynaya” ayuu intaas ku daray Dr. Maxamed Guled oo balan-qaaday iney sii wadi doonaan mashaariicda noocan ah ee waxtarka u leh bulshada danyarta ah iyagoo kaashanaya heyadaha localka ah iyo kuwa caalamiga ah.

Qaar ka mid ah waalidiinta danyarta ah ee caruurtooda uga faa’iideeyay mashruucan samafalka ah ayaa sheegay in loo sameeyey daweyn iyo qaliimo ay u baahnaayeen, iyagoo u mahad celiyey maamulka isbitaalka Guled iyo heyadihii kale ee gacanta ka geystay howshan qiimaha badan.

Isbitaalka taqasusiga ah ee Guled ayaa waxaa buuxiyey waalidiinta iyo ehelada caruurta loo sameynayo qaliinada la xiriira wadnaha daloola, iyadoo dhaqaatiir ka yimid dalka India iyo kuwa Isbitaalka ay mashquul ku yihiin fulinta qaliimadan iyo hubinta badqabka iyo baxnaaninta caruurta illaa hadda qaliinada maray oo caafimaadkoodu aad u wanaagsan yahay.

26/06/2025

Faah Faahin:- Caqabad xooggan ayaa soo wajahday muwaadiniinta Soomaaliyeed ee u safra dalka Kenya ka dib markii ciriiri xoogan iyo lacago dheeri ah lagu daray qiimaha Viisaha ama dal ku galka Kenya.

Viisaha dalka Kenya oo markii h**e dadka ku heli jireen lacag 70 illaa 100 dollar ah ayaa hadda laga dhigay lacag ka badan 200 dollar, kaddib markii loo xiray Agency ama shirkad Soomaali ah oo ay sameysteen masuuliyiin ka tirsan dowlada Somalia.

Culeyska dhaqaale ee ku yimid Viisaha Kenya ayaa bilowday ka dib kulamo magaalada Nairobi ku dhexmaray Agaasimaha Guud ee Hay’adda Socdaalka iyo Jinsiyadda Mudane Mustafa Duhulow oo uu weheliyo Safiirka Soomaaliya ee Kenya, Mudane Jibriil Ibraahim Cabdulle & Agaasimaha Guud ee Socdaalka Kenya, Marwo Evelyn Cheluget iyo Xoghayaha Amniga GudahaMudane Thomas Saka.

Agaasime Dhuxulow oo tan iyo wixii ka dambeeyey 17-kii Apriil ku laalaabanayey Kenya ayaa masuuliyiinta socdaalka dalkaas ka dhaadhiciyey in Viisaha Kenya dadka doonaya ay u maraan Agency Soomaali ah oo isagu uu ku lug leeyahay isagoo ku andacoonaya si looga hortago kuwa ku lugta leh arrimaha tahriibka iyo argagaxisada.

Agency-ga loo xiray Fiisaha Kenya oo shaqadiisa bilaabay ayaa lacago labo jibaar ah dulsaaray dadka doonaya iney qaataan fiisaha Kenya oo xitaa ay ku jiraan kuwo wata baasaboorka Service-ka ee la siiyo shaqaalaha dowlada Somalia.

Ujeedada ugu weyn ee laga leeyahay talaabadan ayaa ah in dhaqaale laga sameeyo dadka Soomaalida ah ee u safraya Kenya kaasoo ku dhacaya jeebka shaqsiyaad ka tirsan mas’uuliyiinta sare ee heyadda socdaalka iyo jinsiyadaha Soomaaliya.

Agaasimaha Guud ee Socdaalka Kenya, Marwo Evelyn Cheluget, ayaa xaqiijisay ballanqaadka Kenya ee ku aaddan xoojinta iskaashiga iyo hagaajinta wada-shaqeynta socdaalka ee labada dal, iyadoo ugu dambeyn ogolaatay in qorshaha ah n dalabka Fiisaha Kenya loo maro agency Soomaali ah.

Talaabadan ayaa culeys ku ah dadka Soomaaliyeed oo arrimo Caafimaad iyo dano kale ugu safri jiray dalka Kenya, kuwaasoo h**eyba u heysteen duruufo dhaqaale oo la xiriirta xaaladaha adag ee ka jira dalka, waxaana xusid mudan in dadkaas h**ey loogu qaaliyeeyey qiimaha tikidhaha lagu raaco dayuuradaha Kenya.

26/06/2025

Kulankii Agaasimaha Guud ee Hay’adda Socdaalka iyo Jinsiyadda Soomaaliya Mudane Mustafa Duhulow & Agaasimaha Guud ee Socdaalka Kenya, Marwo Evelyn Cheluget ayaa sabab u noqday in Visaha kenya lagu qaato Lacag dhan 200$ ….

Faah Faahin Filo GOOR DHOW…

26/06/2025

Dowladnimadu Ma waxay noqotay Lacag ii sheeg!!

14/06/2025

Agaasimaha Hay’adda Nabad Sugidda iyo Sirdoonka Qaranka (NISA) Mudane Mahad Maxamed Salaad oo soo noqday…

13/06/2025

Telefshinka Al carabia ayaa baahiyey iney baxsadeen xubno ka mid ah wafdi uu horkacayey Wasiirka Wasaaradda Shaqada iyo Arrimaha Bulshada oo Soomaaliya uga qeybgalay shirka 113aad ee Ururka Shaqaallaha Aduunka oo ka furmay magaalada Geneva ee dalka Switzerland.

Xubnaha wafdiga oo ka koobnaa illaa 23 xubnood ayaa waxaa shirkaas ka qeyb galay 10 xubnood oo kaliya halka 13kaa kale oo qaab tahriib ah lagu waday ay ku baxsadeen gudaha dalka Switzerland iyo dalalka kale ee Yurub.

Xubnaha ayaa qofkiiba laga qaatay lacag kumanaan dolar gaaraya oo looga iibsaday Viisaha Switzerland si loo gaarsiiyo Yurub, waxaana lacagtaas faraha badan kala qeybsaday masuuliyinta wafdiga hogaaminaya oo kala ah Wasiirka Wasaaradda Shaqada iyo Arrimaha Bulshada XFS Yuusuf Maxamed Aadan & Cumar Faaruuq Cusmaan oo ah Xoghayaha Guud ee Xiriirka Ururada Shaqaalaha Soomaaliyeed.

Wasaaradda Shaqada iyo Arrimaha Bulshada oo Soomaaliya ayaa h**ey u beenisay dhacdadan dadka tahriibayaasha ee galay yurub loogu daray wafdiga dowlada

10/06/2025

Wasaaradda Shaqada iyo Arrimaha Bulshada ee Dowladda Federaalka Soomaaliya waxay beenisay warar lagu faafinayay warbaahinta Soomaalida & baraha bulshada, kuwaasoo la xiriira safarka wafdiga rasmiga ah ee ka qeybgalay Shirweynaha Shaqaalaha Caalamiga ah (ILO) ee ka dhacay magaalada Geneva ee dalka Switzerland.

Shabakada allbanaadir ayaa baahisay in xubno ka tirsanaa Wafdi ka socday Dowladda Federalka Somalia oo ku sugnaa Switzerland ay u baxsadeen wadamada Yurub

Wafdiga ayaa ka koobnaa 23 xubnood waxaana ka qeyb galay shirka 10 xubnood oo kaliya halka inta soo hartay ay baxsadeen kuwaasoo markii h**eba ahaa dad tahriibayaal ah oo lacago kumanaan dolar ah looga qaatay sidii wafdiga loogu dari lahaa, looga geyn lahaa qaarada Yurub sida ay xaqiijiayan ilo xog ogaal ah.

Wasaaradda oo ceebtaas daba taagan ayaa hadda bilowday iney beeniso jiritaanka arrintaas waxay soo saartay War-saxaafadeedkan hoose.

05/06/2025

Maxaa Somalia loogu daray liiska dalalka dadkooda laga Mamnuucay USA?

Maamulka Madaxweyne Trump ayaa faahfaahiyey sababta ay Soomaalida loogu daray liiska dalalka laga mamnuucay in dadkooda ay booqdaan Mareykanka.

Qoraal ka soo baxay aqalka Cad ayaa lagu sheegay in Somalia aysan laheyn maamul dhexe iyo nidaam sugan oo dhinaca socdaalka ah

“Soomaaliya, malaha maamul dhexe oo karti leh oo lala shaqayn karo, DFS ma maamusho dhulkeeda; oo ah hoyga xagjiriinta, mana laha nidaam sugan oo lagu hubiyo dadka, waxayna diideen in ay ceshtaan dadkooda iska soo galay Mareykanka.” ayaa lagu yiri qoraalka.

aqalka Cad ayaa sheegay in baasaboorka Soomaaliga iyo Dokumentiyada kale ee laga bixiyo Soomaaliya aan lagu kalsoonaan karin musuqa hareeyey nidaamka lagu bixiyo awgood.

“Baasaboorka ama dokumentiga madaniga ah mana laha tillaabooyinka baarista iyo shaandhaynta ku habboon. taasoo si weyn u xadidaysa kalsoonida lagu qabi karo marka la eego Khataraha argagixisanimo oo joogto ka ah gayiga Soomaaliya.

Dowladda Mareykanka ayaa Soomaaliya u aqoonsatay meel ay gabaad ka dhigtaan argagixisada.

Argagixisadu waxay gobollada Soomaaliya ka dhigtaan gabaad nabdoon oo ay ka qorsheeyaan, hawlahooda. Soomaaliya ayaa sidoo kale ah weli meel ay tagaan shaqsiyaadka isku dayaya inay ku biiraan kooxaha argagixisada ah ee khatarta ku ah amniga qaranka Mareykanka” ayaa lagu yiri qoraalka aqalka Cad

“Dowladda Soomaaliya ayaa halgan ugu jirta sidii ay u heli lahayd dowladnimo loo baahan yahay si loo xaddido xorriyadda dhaqdhaqaaqa argagixisada. Intaa waxaa dheer, Soomaaliya taariikh ahaan way diidday in ay dib u soo celiso muwaadiniinteeda sharci darada ku soo galay Mareykanka” ayaa sidoo kale lagu yiri qoraalka aqalka cad ka soo baxay

Talaabada Mareykanka ayaa ku soo beegantay xili musuqii ugu xumaa uu ka jirto laanta socdaalka iyo jinsiyadaha ee Somalia ee qaabilsan bixinta baasaboorka ka dib markii Mustaf Dhuxulow oo hogaamiyaha heyadaas uu ka dhigtay goob uu ka sameeyo dhaqaale fara badan, iyadoo baaaboorka Soomaaliga iyo kan diblomaasiga la siiyo qof walba oo dhaqaale bixiya.

05/06/2025

Guddoomiyaha Gobolka Banaadir ahna Duqa Magaalada Muqdisho Mudane Dr. Xasan Maxamed Xuseen (Muungaab) oo shacabka Soomaaliyeed ugu hambalyeeyay munaasabadda barakaysan ee Ciidul-Adxaa.

05/06/2025

Wasiir dhiiqo diblomaasiyadeed lugaha u galiyey Soomaaliya

Xiisad diblomaasiyadeed oo cakiran ayaa ka dhex aloosan Soomaaliya iyo Boqortooyada Sacuudi Carabiya kaddib markii wafdiga rasmiga ah ee Soomaaliya ee ka qaybgalaya Shirweynaha 113-aad ee Shirweynaha Shaqaalaha Adduunka (ILC) ee ka socda magaalada Geneva ay si buuxda uga qayb qaateen olole ay hoggaaminayaan waddamada Afrikaanka ah oo cambaareynaya xaaladda shaqaalaha ajaanibta ah ee ka xoogsada Sacuudiga.

Wafdiga Soomaaliya oo uu hoggaaminayo Wasiirka Shaqada iyo Arrimaha Bulshada, Mudane Yuusuf Maxamed Aadan, ayaa lagu eedeeyay inay si muuqata u taageereen ololaha, iyadoo xubno ka tirsan wafdigaas, oo ay ku jiraan wakiillo ka socda Ururka Shaqaalaha Soomaaliyeed ee FESTU, ay si cad ugu hadleen baahida isbeddel lagu sameeyo xeerarka shaqada ee Sacuudiga.

Warar laga helay ilo diblomaasiyadeed oo ku sugan Geneva ayaa sheegay in masuuliyiin ka tirsan Wasaaradda Kheyraadka Aadanaha iyo Horumarinta Bulshada ee Sacuudiga iyo Safaaradda Sacuudiga ee Qaramada Midoobay ay haatan wadaan shirar degdeg ah oo ka dhacaya Switzerland, kuwaasoo lagu muujinayo “walaac weyn iyo niyad-jab” ka dhashay doorka Soomaaliya ee ol’olaha.

“Boqortooyada Sacuudiga waxay muddo dheer ahayd saaxiib dhow iyo garab istaag joogto ah u ahaa Soomaaliya,” ayuu yiri ilo diblomaasiyadeed. “Waa arrin murugo leh in Soomaaliya, oo aan walaalo nahay, ay oggolaato in wafdigeeda rasmiga ah lagu adeegsado olole si cad u weeraraya Sacuudiga iyada oo aan wax wadahadal diblomaasiyadeed ah laga hormarin.”

Afkaarta iyo hadallada kasoo yeeray xubnaha xiriirka la leh ururrada shaqaalaha Soomaaliyeed ee qeyb ka ah wafdiga ayaa lagu tilmaamay kuwo “kacsan oo dhaawacaya” xiriirka laba geesoodka ah, iyada oo sidoo kale laga digayo in arrintani ay khatar gelin karto taageerada dhaqaale iyo barnaamijyada horumarineed iyo gargaarka ee Sacuudigu ka taageero Soomaaliya.

Sidoo kale, waxaa su’aalo laga keenay sida loo dhisay wafdiga Soomaaliya iyo in dowladda Soomaaliya ay si buuxda u ogayd saameynta siyaasadeed ee ka dhalan karta ka qaybgalka ol’olaha. Qaar ka mid ah falanqeeyayaasha ayaa ku tilmaamay in ka qaybgalka Wasiirka Shaqada uu yahay “qiyaas xumo siyaasadeed” maadaama Soomaaliya ay si weyn ugu tiirsan tahay Sacuudiga marka la eego taageerada dhaqaale, maalgashi iyo heshiisyada shaqo abuurka.

Khabiir arrimaha Geeska Afrika ah ayaa ka digay in haddii aan si xasaasi ah loo maarayn xiisaddan, ay kasii dari karto. “Soomaaliya waa in ay si dhaqso leh u caddeysaa mowqifkeeda,” ayuu yiri. “Xiriirka diblomaasiyadeed ee ay la leedahay Sacuudiga waa mid istiraatiiji ah oo aan lagu lumin karin olole ay diblomaasiyaddu ka maqan tahay.”

Ilaa iyo hadda, dowladda Soomaaliya iyo Wasaaradda Shaqada k**a aysan bixin wax bayaan ah oo ku saabsan dhacdadan. Waxa la sugayaa in dadaallo hoose oo diblomaasiyadeed ay xal u keenaan xiisaddan, si loo badbaadiyo xiriirka qotoda dheer ee u dhexeeya labada dal ee walaalaha ah.

Wasiirka ayaa waxaa ololahan dhiiqada ah lugaha u galiyey Cumar Faaruuq Cusmaan oo sheegta inuu yahay gudoonka ururada shaqaalaha Soomaaliyeed , kana tirsan wafdigiisa, iyadoo arrintan ay soo dedejin karto in Wasiirka uu xilkiisa waayo si loo qanciyo boqortooyada Sacuudiga.

05/06/2025

Dowladda Ruushka , ayaa diyaarineysa weeraro aargoosi ah ay ku qaado dalka Ukraine, kaddib weerarkii khasaaraha badan Ruushka kasoo gaaray ee Ukraine ku qaadeen saldhigyada Ruushka, kuwaa oo lagu burburiyay diyaarado qiimo badan ku fadhiyay.

Madaxweynaha dalka Ruushka Vladamir Putin, ayaa ku hanjabay in ay bixin doonaan jawaab aargoosi ah, waxa uuna si cad u sheegay in Ukraine ciqaab adag kala kulmi doonto weeraradii ay ka fuliyeen gudaha dalka Ruushka.

Wadahadal dhinaca telfoonka ku dhax maray Madaxweynaha Ruushka Vladamir Putin iyo kan Mareykanka Donaland Trump, ayey uga wada hadleen xaalada cakiran ee taagan , waxa uuna Putin u sheegay Madaxweynaha Mareykanka in jawaab adag ka bixin doonaan weerarkii Ukraine.

“ Madaxweyne Putin, wuxuu ii sheegay muddo 75 daqiiqo oo aan telefoon ku wada-hadalnay inuu ka jawaabi doono weerarkii Ukraine ay ku qaaday saldhigyada Ruushka” ayuu yiri Madaxweynaha Mareykanka Donalad Trump.

Waxaa la isweydiinayaan nuuca jawaabta ay Ruushka ka bixin doonaan weerarkii fadeexada ku noqday ee ka dhax dhacay saldhigyo Ruushka ku leeyahay gudaha dalkiisa, dadka waar ayaana rumeysan in Ruushka hub culus u adeegsan doono aargoosiga uu qorsheenayo.

Address

5 Anglesea Road
London
SE186EG

Website

https://www.allbanaadir.org/

Alerts

Be the first to know and let us send you an email when Allbanaadir Online posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Allbanaadir Online:

Shortcuts

Want your business to be the top-listed Media Company in London?