BBC Burmese

25/07/2026

မန္တလေးတိုင်း ပကဖတာဝန်ခံ ရှမ်းအရှေ့မှာ ဖမ်းဆီးခံရ

ရှမ်းပြည်နယ်အရှေ့ပိုင်းက မိုင်းလားမှာ NUG မန္တလေးတိုင်းပြည်သူ့ကာကွယ်ရေးအဖွဲ့ (ပကဖ) တာဝန်ခံဖမ်းဆီးခံရတယ်လို့ ပကဖသတင်းအရင်းအမြစ်က ဘီဘီစီကိုပြောပါတယ်။
အထူးဒေသ ၄ မိုင်းလားရဲ့ အမျိုးသားဒီမိုကရေစီမဟာမိတ်တပ်မတော်(NDAA) က ဇူလိုင် ၂၃ ရက်မှာ ဖမ်းဆီးပြီး စစ်တပ်လက်ထဲလွှဲပြောင်းပေးလိုက်တယ်လို့ ဒေသတွင်းသတင်းဖော်ပြချက်ကို အတည်ပြုဖို့ NDAA သတင်းပြန်ကြားရေးဌာနကို ဖုန်းနဲ့ဆက်သွယ်ခဲ့ပေမဲ့ ပြန်လည်ဖြေဆိုတာ မရှိပါဘူး။
ဒီသတင်းအပြည့်အစုံနဲ့အတူ ဇူလိုင် ၂၅ ရက် နိုင်ငံတဝန်းနဲ့ ကမ္ဘာ့သတင်းများအနှစ်ချုပ်ကို ဒီလင့်ခ် https://www.bbc.com/burmese/articles/cd695xgdp0jo ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
ပုံစာ - ပြည်သူ့ကာကွယ်ရေးအဖွဲ့(ပကဖ)ဘတ်တံဆိပ်၊ ဇွန်လအတွင်း တွေ့ဆုံခဲ့တဲ့ ဒုတိယ ဗိုလ်ချုပ်ကြီး ရာပြည့်နဲ့ NDAA ဥက္ကဋ္ဌဦးထိန်လင်း။
ဓာတ်ပုံ- ပကဖအသံ၊​ Mongla SR4

#ဘီဘီစီမြန်မာပိုင်း #ပကဖ #ရှမ်းအရှေ့ #မိုင်းလား

25/07/2026

လူသုံးကုန်ပစ္စည်းတွေကိုလွတ်လွတ်လပ်လပ်တင်သွင်းဖို့ ဖြေလျှော့ပေးတာ၊ စားသုံးဆီခွဲတမ်းနဲ့ စက်သုံးဆီ စုံ/မ စနစ်တွေကို အပြောင်းအလဲလုပ်ပေးလို့ ရတဲ့အခြေအနေမျိုးတွေ ရှိခဲ့ပေမဲ့ အသုံးမချနိုင်ခဲ့ပါဘူး။
နိုင်ငံရေးအရဆိုရင်လည်း စစ်မှုထမ်းဥပဒေကို ဆိုင်းငံ့တာမျိုးနဲ့ ဒေါ်အောင်ဆန်းစုကြည်ကို အာဇာနည်နေ့မှာ ဖခင်ဗိုလ်ချုပ်အောင်ဆန်းကို လာရောက်ဂါရဝပြုခွင့်ပေးတာမျိုးလို အခိုက်အတန့်တွေကို ရက် ၁၀၀ အတွင်းမှာ ကြုံကြိုက်ခဲ့ပေမဲ့ လက်လွှတ်ခဲ့ပြန်ပါတယ်။

အပြည့်အစုံကို ဒီလင့်ခ် https://www.bbc.com/burmese/articles/c3r0nq32rxlo မှာ ဆက်လက်ဖတ်ရှုနိုင်ပါတယ်။

#ဘီဘီစီမြန်မာပိုင်း #ဦးမင်းအောင်လှိုင် #ရက်၁၀၀ #စီးပွားရေး #နိုင်ငံရေး

25/07/2026

ဘန်ကောက် BTS ပေါ်က လူငယ်တွေရဲ့အပြုအမူအတွက် အီတလီသံရုံးတောင်းပန်

အီတလီ နိုင်ငံသားလူငယ်တစ်စုရဲ့ BTS ပေါ်က လုပ်ရပ်အတွက် အထူးစိတ်မကောင်းသလို ဖြစ်
စဥ်ကြောင့် ထိခိုက်စေခဲ့သူအားလုံးနဲ့ ထိုင်းနိုင်ငံသားတွေကို စိတ်ရင်းနဲ့တောင်းပန်ပါတယ်လို့ ဘန်ကောက်အခြေစိုက် အီတလီသံရုံးက လွန်ခဲ့တဲ့နာရီပိုင်းက ထုတ်ပြန်ပါတယ်။
ကျောင်းလေ့လာရေးခရီးစဥ်အဖြစ်လာရောက်တဲ့ လူငယ်တစ်ခုဟာ အသံကျယ်ကျယ်လောင်လောင်နဲ့ စကားပြောဆိုနေတာကို ထိုင်းအမျိုးသမီးတစ်ဦးက အသံလျှော့ဖို့ အသိပေးကာ ရုပ်သံရိုက်ယူခဲ့ပြီး အချေအတင်စကားများခဲ့ကြပါတယ်။
မြန်မာမှာလည်း DEMU ရထားသစ်နဲ့ ပြေးဆွဲတဲ့ ခရီးစဥ်မှာ တခြားခရီးသည်တွေ အနှောင့်အယှက်ဖြစ်အောင် စည်းကမ်းလိုက်နာမှုအားနည်းသူတွေကို အရေးယူဖို့ ခရီးသွားတွေက လူမှုကွန်ရက်မှာ ပြောဆိုတဲ့နှုန်း မြင့်လာပါတယ်။
ဒီသတင်းအပြည့်အစုံနဲ့အတူ ဇူလိုင် ၂၅ ရက် နိုင်ငံတဝန်းနဲ့ ကမ္ဘာ့သတင်းများအနှစ်ချုပ်ကို ဒီလင့်ခ် https://www.bbc.com/burmese/articles/cd695xgdp0jo ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
ဓာတ်ပုံ - Getty

#ဘီဘီစီမြန်မာပိုင်း #အီတလီ #ထိုင်း

25/07/2026

ထိုင်းတွန်းလာတဲ့ အာဆီယံ လမ်းကြောင်း ဘာလဲ ... ဘယ်လဲ - BBC News မြန်မာ

အာဆီယံထဲ မြန်မာပြန်ရောက်ရေး ပေါင်းကူးပေးမယ်လို့ ဆိုတဲ့ ထိုင်းနိုင်ငံဟာ နေပြည်တော် နိုင်ငံခြားရေး ဝန်ကြီးနဲ့ အာဆီယံ ဝန်ကြီးတွေ ဘန်ကောက်မြို့တော်မှာ အလွတ်သဘော တွေ့ဆုံနိုင်အောင် ကမကထလုပ် စီစဥ် ပေးခဲ့သလို၊ လက်ရှိ အာဆီယံ အထူးသံ အနေနဲ့ တိုင်းရင်းသား လက်နက်ကိုင် အဖွဲ့တချို့နဲ့ ပတ္တယားမှာ တွေ့တာတွေ၊ NUG နဲ့ အွန်လိုင်းကနေ တွေ့တာတွေ အထမြောက်လာအောင် လုပ်ပေးခဲ့ပါတယ်။

အဲဒီနောက် မနီလာမြို့တော်မှာ ပြုလုပ်ခဲ့တဲ့ အာဆီယံ နိုင်ငံခြားရေး ဝန်ကြီးတွေရဲ့ အစည်းအဝေးမှာ မြန်မာ့အရေး သီးသန့် ထပ်ပြီး ဆွေးနွေးကြပါတယ်။ နေပြည်တော် လွှတ်တော်က ပယ်ချထားတဲ့ အာဆီယံ ဘုံသဘောတူညီချက် (၅) ချက်ကို ထပ်လောင်း အတည်ပြုကြပါတယ်။ နေပြည်တော်ဘက်က ဘယ်လောက် ပူးပေါင်းမလဲ ဆိုတာ ဆန်းစစ်နေမယ် ဆိုပြီး လက်တွေ့ အကောင်အထည် ဖော်ရေး အပေါ် အထူး အသားပေးလာကြပါတယ်။

အထူးသံကို ရေရှည် သဘော ခန့်ထားရေးကိုလည်း လာမယ့် နိုဝင်ဘာ ထိပ်သီး ဆွေးနွေးပွဲမှာ ဆုံးဖြတ်သွားကြမှာ ဖြစ်ပြီး၊ နေပြည်တော်ရော တော်လှန်ရေး အင်အားစုတွေနဲ့ပါ အဆင်ပြေနိုင်တဲ့သူကို ရေရှည် အထူးသံ နေရာမှာ ထားမယ် ဆိုတဲ့ စဥ်းစားထားချက်တွေ ရှိနေပါတယ်။

နေပြည်တော်နဲ့ ထိတွေ့ ဆက်ဆံရေးဘက်ကို တွန်းနေတဲ့ ထိုင်းရဲ့ မူဝါဒနဲ့ လမ်းကြောင်းဟာ အာဆီယံ တစ်ခုလုံးရဲ့ မူ အဖြစ် ခြုံလွှမ်းလာဖွယ် ရှိလား၊ အဲဒီ လမ်းကြောင်းမှာ တော်လှန်ရေး အင်အားစုတွေ၊ တိုင်းရင်းသား အဖွဲ့တွေ အတွက်ရော နေရာ ရှိနိုင်မလား။ ဒီ တစ်ပတ် သတင်းမြင်ကွင်း အစီအစဥ်မှာ အသေးစိတ် ဆန်းစစ် သွားမှာ ဖြစ်ပါတယ်။

ပါဝင်ဆွေးနွေးကြသူတွေကတော့ .... နယ်သာလန်နိုင်ငံ၊ သဟေ့ဂ်မြို့ အခြေစိုက် လူမှုဗေဒလေ့လာရေး နိုင်ငံတကာ အင်စတီကျု ISS မှာ ပါရဂူဘွဲ့ အတွက် သုတေသန လုပ်နေတဲ့ အာဆီယံ မူဝါဒ အရေး အထူးကျွမ်းကျင်ပြီး၊ အာဆီယံ နိုင်ငံ အစိုးရများ ပူးပေါင်းဖွဲ့တဲ့ လူ့အခွင့်အရေး ကော်မရှင်ကို ဦးဆောင်ခဲ့ဖူးသူ ယူယွင် ဝါဟ်ယူနင်ဂရွမ်နဲ့၊ ထိုင်းနိုင်ငံက နာမည်ကြီး မဟီဒေါတက္ကသိုလ်ရဲ့ နိုင်ငံတကာ ဆက်ဆံရေး ဘာသာရပ်မှာ တွဲဘက်ပါမောက္ခ ဖြစ်တဲ့ ဒေါက်တာ ဝီလျမ် ဂျေ ဂျူံးစ်တို့ ဖြစ်ပါတယ်။

ဘီဘီစီသတင်းထောက် ကိုဝေဖြိုး စီစဥ် တင်ဆက်ထားတာကို ဇူလိုင်လ ၂၅ ရက်၊ စနေည၊ မြန်မာစံတော်ချိန် ည ၈ နာရီ အချိန်မှာ ဘီဘီစီမြန်မာပိုင်းရဲ့ ဖေ့စ်ဘုတ် စာမျက်နှာနဲ့ ည ၈ နာရီခွဲ အချိန်၊ ဘီဘီစီ မြန်မာပိုင်းရဲ့ ယူကျုချန်နယ်တို့ကနေ ထုတ်လွှင့်ပေးမှာမို့ စောင့်မျှော် ကြည့်ရှု နိုင်ကြပါတယ်။ #ဘီဘီစီမြန်မာပိုင်း #သတင်းမြင်ကွင်း #အာဆီယံ

25/07/2026

ကိုယ့်အနာဂတ်ကို ဆုံးဖြတ်ပေးမယ့် စာမေးပွဲတွေကို ယုံကြည်လို့မရတော့ဘူးဆိုရင် ဘာကို ယုံကြည်ရမလဲဆိုတဲ့ စိုးရိမ်ကြောက်ရွံ့မှုကနေ ဒီလှုပ်ရှားမှု စတင်ခဲ့တာပါ။

စာမေးပွဲမေးခွန်း ပေါက်ကြားမှုတွေ အကြိမ်ကြိမ် ဖြစ်ပွားခဲ့တာအပေါ် ဒေါသထွက်မှုကနေ ပေါ်ပေါက်လာတဲ့ လူငယ်တွေဦးဆောင်တဲ့ လှုပ်ရှားမှုဖြစ်တဲ့ ပိုးဟပ်ပါတီ- Cockroach Janta Party (CJP) ဟာ နှစ်ပေါင်းများစွာအတွင်း အိန္ဒိယနိုင်ငံမှာ အကြီးမားဆုံး ကျောင်းသားလှုပ်ရှားမှုတစ်ခုအဖြစ် လျင်မြန်စွာ ကြီးထွားလာခဲ့ပါတယ်။

ဆောင်းပါးအပြည့်အစုံကို ဒီလင့်ခ် https://www.bbc.com/burmese/articles/czxekxxnw91o မှာ ဆက်လက်ဖတ်ရှုနိုင်ပါတယ်။

#ဘီဘီစီမြန်မာပိုင်း #ပိုးဟပ်ပါတီ #အိန္ဒိယ #ကျောင်းသားလှုပ်ရှားမှု

စာမေးပွဲမေးခွန်းပေါက်ကြားမှုကနေ စတင်ခဲ့တဲ့ CJP ဆန္ဒပြလှုပ်ရှားမှု ဘာကြောင့် အိန္ဒိယရဲ့ နှစ်ပေါင်းများစွာအတ...

25/07/2026

ပုဏ္ဏားကျွန်းမှာ မိန်းကလေးတစ်ဦးလက်ထိပ်ခတ်အသတ်ခံရမှု သံသယတရားခံတွေ ဖမ်းထား

အာရက္ခတပ်တော်ထိန်းချုပ်နယ်မြေဖြစ်တဲ့ ပုဏ္ဏားကျွန်းမြို့နယ်မှာ အမျိုးသမီးတစ်ဦးလက်နောက်ပြန်အနေအထားနဲ့ လက်ထိပ်ခတ်ခံရပြီးအသတ်ဖြတ်ခံရတဲ့ အမှုရဲ့ သံသယတရားခံ ၃ ဦးကို ဖမ်းဆီးထားတယ်လို့ အေအေရဲတပ်ဖွဲ့(ဒီလပ်)က ထုတ်ပြန်ပါတယ်။
ရခိုင်လူထုအကြား လူပြောများနေကြတဲ့ ဒီအမှုရဲ့ သံသယတရားခံတွေနဲ့ ပတ်သက်တဲ့ အချက်အလက်ကိုတော့ ဇူလိုင် ၂၄ ရက်အထိထုတ်ပြန်ချက်ဖော်ပြထားတာမရှိပါဘူး။
ဒီသတင်းအပြည့်အစုံနဲ့အတူ ဇူလိုင် ၂၅ ရက် နိုင်ငံတဝန်းနဲ့ ကမ္ဘာ့သတင်းများအနှစ်ချုပ်ကို ဒီလင့်ခ် https://www.bbc.com/burmese/articles/cd695xgdp0jo ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
ပုံစာ - အေအေ တရားဥပဒေစိုးမိုးရေးနဲ့ ပြည်သူ့လုံခြုံရေးဌာန(ဒီလပ်)တပ်ဖွဲ့ဝင်တွေ(ပုံဟောင်း)
ဓာတ်ပုံ- ဒီလပ်

#ဘီဘီစီမြန်မာပိုင်း #ပုဏ္ဏားကျွန်း #လူသတ်မှု #တရားခံ

25/07/2026

စစ်တပ်ပူးပေါင်းဂိတ်တွေ ငွေကောက်တဲ့ကိစ္စ လွှတ်တော်မှာ မေးခွန်းထုတ်

မန္တလေး-မြစ်ကြီးနားလမ်းတွေပေါ်က ဖြတ်သန်းသွားလာတဲ့ ကားတွေကို စစ်တပ်နဲ့ အဖွဲ့ စုံ ပူးပေါင်းဂိတ်တွေက ငွေကြေးကောက်ခံနေတာကို တားဆီးပေးဖို့ ရှိမရှိ မိုးကောင်းမဲဆန္ဒနယ် ကြံ့ခိုင်ရေးပါတီ USDP အမတ် ဦးထွန်းထွန်းအောင်က ပြည်သူ့လွှတ်တော်မှာ မနေ့က မေးခွန်းထုတ်ပါတယ်။
ဒီဂိတ်တွေဟာ ကားတွေမှာ တင်လာတဲ့ပစ္စည်းအပေါ်မူတည်ပြီး ငွေကျပ် သိန်း ၁၅၀ ကနေ သိန်း ၃၀၀ အထိ ငွေကြေးတရားမဝင်ကောက်ခံနေတယ်လို့ ဆိုပါတယ်။
ဒီသတင်းအပြည့်အစုံနဲ့အတူ ဇူလိုင် ၂၅ ရက် နိုင်ငံတဝန်းနဲ့ ကမ္ဘာ့သတင်းများအနှစ်ချုပ်ကို ဒီလင့်ခ် https://www.bbc.com/burmese/articles/cd695xgdp0jo ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
ပုံစာ- ဇူလိုင် ၂၄ ရက်က ပြုလုပ်တဲ့ တတိယအကြိမ်ပြည်သူ့လွှတ်တော်အစည်းအဝေးမြင်ကွင်း။
ဓာတ်ပုံ- ပြည်သူ့လွှတ်တော်။

#ဘီဘီစီမြန်မာပိုင်း #ပြည်သူ့လွှတ်တော် #မန္တလေး #မြစ်ကြီးနား

25/07/2026

AI သုံးရင်း ယုံမှားလွန်မှု ပြဿနာတွေ ရှိလာကြောင်း တွေ့လာနေပါတယ်။ AI ကို စွဲလမ်းလာပြီး အိမ်တွင်း အကြမ်းဖက်မှု လုပ်လာတာမျိုး အိမ်ရှေ့မှာ ကိုယ့်ကို ရန်ရှာဖို့ လူစိမ်းတွေ ရောက်လာနေပြီ ဆိုတာမျိုး စတဲ့ အဖြစ်တွေ အထိကြုံနေကြရတာပါ။

25/07/2026

ကလေးယူတာ ကောင်းလား။ ကလေးမယူတာ ကောင်းလား။ - BBC News မြန်မာ

၂၀၂၄ ခုနှစ် သန်းခေါင်စာရင်းအချက်အလက်အရ မြန်မာမှာ စုစုပေါင်းကလေးမွေးဖွားနှုန်း ၁.၈ သန်းရှိပြီး လွန်ခဲ့တဲ့ ဆယ်နှစ်နဲ့စာရင် ကလေးမွေးဖွားနှုန်းပိုကျသွားတာ တွေ့ရပါတယ်။ ခုနောက်ပိုင်းလက်ထပ်ပြီးခါစ လူငယ်စုံတွဲတွေထဲက တချို့နဲ့ ဘီဘီစီက မေးကြည့်တဲ့အခါ သူတို့ဘာကြောင့်ကလေးချက်ချင်းမယူဖို့ ဒါမှမဟုတ် ကလေးမယူဖို့ ဆုံးဖြတ်တာပါလဲ။ ရုပ်သံမှာ ကြည့်ရှုနိုင်ပါတယ်။ ဘီဘီစီပရိသတ်တွေအနေနဲ့လည်း ဒီကိစ္စနဲ့ပတ်သက်လို့မှတ်ချက်မှာလာရောက်မျှဝေရေးသားဖို့ဖိတ်ခေါ်ပါတယ်။
#ဘီဘီစီမြန်မာပိုင်း

25/07/2026

တစ်ဖက်သတ်ဖိအားကြောင့် NUG COC အောက်ဝင်မယ်လို့ ဆုံးဖြတ်ခဲ့ရတာလို့ SRF ဆို
NUG COC အောက်ဝင်မယ်ဆိုတဲ့ ကျောင်းသားတော်လှန်ရေးတပ်တော် SRFနဲ့ မင်းကင်းမြို့နယ်ပြည်သူ့အုပ် ချုပ်ရေးအဖွဲ့တို့ရဲ့ ပူးတွဲထုတ်ပြန်ချက်ဟာ တစ်ဖက်သတ်ဖိအားကြောင့်ဖြစ်ပြီး တပ်တစ်စုံလုံးရဲ့ သဘောထားမဟုတ်ဘူးလို့ SRF က မနေ့ညက ထုတ်ပြန်ပါတယ်။
ပြစ်မှုကျူးလွန်တာရှိတယ်ဆိုတဲ့ စွပ်စွဲချက်နဲ့ SRFရဲ့ ဥက္ကဋ္ဌကိုစံတင်ထွန်းအပါအဝင် အဖွဲ့ဝင် ၁၆ ဦး ဖမ်းဆီးခံရပြီးတဲ့နောက် မေ ၂၉ ရက်မှာ NUG COC အောက်ဝင်ဖို့အချက်အပါအဝင် အချက် ၃ ချက်ကို ပူးတွဲထုတ်ပြန်ခဲ့တာပါ။
ဒီသတင်းအပြည့်အစုံနဲ့အတူ ဇူလိုင် ၂၅ ရက် နိုင်ငံတဝန်းနဲ့ ကမ္ဘာ့သတင်းများအနှစ်ချုပ်ကို ဒီလင့်ခ် https://www.bbc.com/burmese/articles/cd695xgdp0jo ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။
ပုံစာ- SRF တပ်ဖွဲ့ဝင်တွေ(ပုံဟောင်း)၊ SRFနဲ့ မင်းကင်းပအဖတွေ့ဆုံမှု(ပုံဟောင်း)
ဓာတ်ပုံ-SRF၊ မင်းကင်းပအဖ

#ဘီဘီစီမြန်မာပိုင်း #အမျိုးသားညီညွတ်ရေးအစိုးရ #မင်းကင်း