Abdulaziz Talks - Marketing & Sales

Abdulaziz Talks - Marketing & Sales Contact information, map and directions, contact form, opening hours, services, ratings, photos, videos and announcements from Abdulaziz Talks - Marketing & Sales, 200A gold hawk Road, Shepherd’s Bush, London.

Waxaan ka caawiya ganacsatada siday u heli lahaayen macaamiil, iibkooda sare ugu qaadan lahaayen, ganacsigoodana u kobciyaan.Waxaan muddo 5 kabadan ka shaqeynaayan Suuqgeynta iyo Iibka.
📩 Wixii la talin ah farriin isoo dir.

Jimco wanaagsan dhamaan inta igaaga xiran pagekaan waqtigu haidin wacnaado.
28/08/2026

Jimco wanaagsan dhamaan inta igaaga xiran pagekaan waqtigu haidin wacnaado.

Jimco wanaagsan dhamaan umadda Soomaaliyeed Alle hanaga dhigo kuwa loo dambi dhaafo aamiin.Abdulaziz Talks - Marketing &...
31/07/2026

Jimco wanaagsan dhamaan umadda Soomaaliyeed Alle hanaga dhigo kuwa loo dambi dhaafo aamiin.
Abdulaziz Talks - Marketing & Sales

"Roobka xanuujiyay ninka Jalaatada gada ayaa ayaa caawiyay kan daladaha iibiya "Sawirkaan hoose ayaa iga hor yimid wuxun...
28/07/2026

"Roobka xanuujiyay ninka Jalaatada gada ayaa ayaa caawiyay kan daladaha iibiya "

Sawirkaan hoose ayaa iga hor yimid wuxuna igu abuuray la yaab iyo inaan dib u milicsado xaaladaha heysta ganacsiyada suuqa Soomaaliya ku jira.

Sawirkaan wuxuu xasuusin u yahay in waxaa caqabad ku ah hal qof ay fursad u tahay mid kale.
Maanta waa fududahay in dadku ay ku marmarsiyoodan suuqa xun iyo dhaqaalaha dalka inu hooseyo. Waa laga yaaba in suuqa u hooseyo laakin waxaa muhiim ah sida aad uga falcelineyso caqabadan kusoo waajahay.

Waa muhiim in ganacsadaha uu yaqaano sida uu ula qabsan lahaa xaaladaha ay noloshu hor keento.

Abdulaziz Talks - Marketing & Sales

Ganacsiyo badan oo yaryar waxay aaminsan yihiin in suuqgeyntu tahay wax u gaar ah shirkadaha waaweyn ee heysta miisaaniy...
27/07/2026

Ganacsiyo badan oo yaryar waxay aaminsan yihiin in suuqgeyntu tahay wax u gaar ah shirkadaha waaweyn ee heysta miisaaniyada badan.

Taasi sax ma aha.

Suuqgeyntu waa in dad badan arkaan ganacsigaaga, ku kalsoonaadaan, kadibna wax kaa iibsadaan.

Haddii aad leedahay dukaan dhar iibiyo, soo bandhig dharka cusub ee aad keentay taasi waa suuqgeyn.

Haddii aad iibiso waxyaabaha la isku qurxiyo, duub muuqaal gaaban oo lagu tusinaayo macaamisha sida kareemada loo isticmaalo intaasi waa suuqgeyn.

Xitaa gabarta wadada geeskeeda sambuuska iibisa, haddii ay ledahay boor dadka tusaya halka maqaayadeeda ku taalo, macaamiishana si wanaagsan ula hadasho, una sheegto in sambuuska ay WhatsApp kasoo dalban karaan, iyaduna waa suuqgeyn.

Suuqgeyntu qasab maahan in lacag badan lagu bixiyo.

Waa in ganacsigaagu mar walba dadka hortooda kasoo hor muuqdo.

Dadku waxay wax ka iibsadaan ganacsiga ay xusuustaan. Haddii aan ganacsigaaga la arkin ama laga warqabin inuu jiro iyo in kale, macaamiishu waxay u wareegayaan cid kale.

Ku billow waxa aad haysato.

Si joogto ah wax u soo bandhig.

Farriimaha macaamiisha si dhaqsi leh uga jawaab.

Macaamiisha ku qanacsanna badeecadaada ku dhiirrigeli inay dadka kale oo alaabtada u baahan kugu xiraan.

Tallaabooyin yaryar oo si joogto ah loo sameeyo ayaa ka fiican sugidda ilaa aad ka hesho miisaaniyad weyn oo xayeysiis ku sameyn laheed.

Ha sugin inta macaamiishu kusoo weydiiyaan, "Alaabtaydii aaway !!?"Sababta ugu weyn ee ganacsiyo badan ku waayan macaami...
27/07/2026

Ha sugin inta macaamiishu kusoo weydiiyaan, "Alaabtaydii aaway !!?"

Sababta ugu weyn ee ganacsiyo badan ku waayan macaamiil ma aha badeecad xun darteed, ee waa xiriir la'aan dhankooda ah.
Marka macmiilku lacagta bixiyo, haka aamusiin.
La socodsii meesha ay wax maraayan sida inaad ku dhahdo:-
• Lacagtii waa isoo gaartay.
• Dalabkaaga hadda la diyaarinayaa.
• Dalabkaagii waa lagu soo dhiibay.
• Lambarka darawalka mootada waa kan.
• Alaabtii makusoo gaartay.

Haddii dib u dhac yimaado, u sheeg ka hor inta uusan ku weydiin.
Waxaad u qori kartaa farriin sidaan oo kale ah, "Waan ka xunnahay. Dalabkaagu hal saac ayuu dib u dhacay. Waan kula socodsiin doonnaa wixii soo kordha," intaas oo aad u qorto ayaa dhiseysa kalsooni ka badan inaad laba saacado aamusnaan laheed.

Macaamiishu dib u dhac way u dulqaadan karaan.
Waxa aysan dulqaadan karin waa aamusnaanta.
Marka aad aamusto, macaamiishu waxay bilaabaan inay is weydiiyaan:
"Ma la i khiyaamay?"
"Ma la i illoobay?"
"Mise dan k**a laha dalabkayga?"

Xusuusnow, xiriirka aad la leedahay macmiilka waa qeyb ka mid ah adeegga aad bixiso.
Kalsoonidu ma bilaabato marka lacagta lagu siiyo.
Waxay ku dhisantaa farriin kasta oo aad u dirto maacaamiisha kadib marka lacagta aad hesho.

𝙌𝙞𝙞𝙢𝙤-𝙙𝙝𝙞𝙢𝙞𝙨𝙩𝙪 𝙢𝙖 𝙠𝙤𝙧𝙙𝙝𝙞𝙨𝙤 𝙞𝙞𝙗𝙠𝙖… 𝙗𝙖𝙡𝙨𝙚 𝙬𝙖𝙭𝙖𝙮 𝙨𝙖𝙗𝙖𝙗𝙩𝙖 𝙞𝙣 𝙢𝙖𝙘𝙖𝙖𝙢𝙞𝙞𝙨𝙝𝙪 𝙟𝙤𝙤𝙟𝙞𝙮𝙖𝙖𝙣 𝙞𝙣𝙖𝙮 𝙗𝙖𝙙𝙚𝙚𝙘𝙖𝙙𝙖 𝙠𝙪 𝙞𝙞𝙗𝙨𝙖𝙙𝙖𝙖𝙣 𝙦𝙞𝙞𝙢𝙞𝙝𝙞𝙞 𝙘𝙖𝙖𝙙...
14/07/2026

𝙌𝙞𝙞𝙢𝙤-𝙙𝙝𝙞𝙢𝙞𝙨𝙩𝙪 𝙢𝙖 𝙠𝙤𝙧𝙙𝙝𝙞𝙨𝙤 𝙞𝙞𝙗𝙠𝙖… 𝙗𝙖𝙡𝙨𝙚 𝙬𝙖𝙭𝙖𝙮 𝙨𝙖𝙗𝙖𝙗𝙩𝙖 𝙞𝙣 𝙢𝙖𝙘𝙖𝙖𝙢𝙞𝙞𝙨𝙝𝙪 𝙟𝙤𝙤𝙟𝙞𝙮𝙖𝙖𝙣 𝙞𝙣𝙖𝙮 𝙗𝙖𝙙𝙚𝙚𝙘𝙖𝙙𝙖 𝙠𝙪 𝙞𝙞𝙗𝙨𝙖𝙙𝙖𝙖𝙣 𝙦𝙞𝙞𝙢𝙞𝙝𝙞𝙞 𝙘𝙖𝙖𝙙𝙞𝙜𝙖 𝙖𝙝𝙖𝙖.

Ganacsiyo badan ayaa ku degdega inay sameeyaan qiimo-dhimis mar kasta oo ay dareeman in iibku hoos u dhacay.
Qiimo dhimistu waxay shaqeysaa mararka qaar.
Laakiin muddo ka dib, macaamiishu waxay bartaan hal arrin oo waxyeello leh taaso ah inay isdhahaan:
"𝑩𝒂𝒍 𝒂𝒂𝒏 𝒔𝒖𝒈𝒏𝒐 𝒊𝒍𝒂𝒂 𝒒𝒊𝒊𝒎𝒂𝒉𝒂 𝒉𝒐𝒐𝒔 𝒖𝒈𝒖 𝒅𝒉𝒂𝒄𝒐."

Sidaas darteed, ganacsigaagu wuxuu si aan ula kac ahayn u barayaa macaamiisha inay dib u dhigaan wax iibsiga.

Halkii aad isweydiin lahayd:
"𝐒𝐢𝐝𝐞𝐞𝐧 𝐪𝐢𝐢𝐦𝐚𝐡𝐚 𝐮𝐠𝐚 𝐠𝐨𝐫𝐠𝐨𝐫𝐭𝐚𝐦𝐢 𝐤𝐚𝐫𝐚𝐚?"
𝐈𝐬𝐰𝐞𝐲𝐝𝐢𝐢:
"𝐒𝐢𝐝𝐞𝐞𝐧 𝐮 𝐤𝐨𝐫𝐝𝐡𝐢𝐧 𝐤𝐚𝐫𝐧𝐚𝐚 𝐟𝐚𝐚'𝐢𝐢𝐝𝐚𝐝𝐚 𝐮𝐮 𝐦𝐚𝐜𝐚𝐚𝐦𝐢𝐥𝐤𝐮 𝐢𝐠𝐚 𝐡𝐞𝐥𝐚𝐲𝐨?"
Taas waxad ku gaari karta inay sameysid qodobada soo socda:-

• Delivery degdeg ah.
• Adeeg macaamiil oo tayo leh (Customer care).
• In badeecooyin ama adeegyo la isku daro hal xirmo (Bundle).
• Abaalmarinta macaamiisha sida joogtada ah wax kaaga iibsada.
• La-talin bilaash ah.
• Caawin joogta kadib iibka.

Ganacsiyada ku tartama qiimaha (Price) oo keliya waxay inta badan soo jiitaan macaamiil gorgortan badan kuwaaso ka taga marka ay helaan cid ka qiimo jaban.
Laakiin ganacsiyada ku tartama faaidada (Value) ay u abuuraan macaamiishooda waxay helaan macaamiil daacad ah oo muddo dheer wax ka iibsada.

𝐅𝐨𝐥𝐥𝐨𝐰 𝐬𝐨𝐨 𝐝𝐡𝐞𝐡 𝐏𝐚𝐠𝐞𝐤𝐚𝐚𝐧 𝐬𝐢𝐝𝐚𝐚𝐝 𝐮 𝐡𝐞𝐬𝐡𝐨 𝐪𝐨𝐫𝐦𝐨𝐨𝐲𝐢𝐢𝐧 𝐤𝐚 𝐜𝐚𝐚𝐰𝐢𝐲𝐚 𝐟𝐚𝐡𝐚𝐧𝐤𝐚 𝐈𝐢𝐛𝐤𝐚 & 𝐒𝐮𝐮𝐪𝐠𝐞𝐲𝐧𝐭𝐚 𝐢𝐲𝐨 𝐡𝐨𝐫𝐮𝐦𝐚𝐫𝐢𝐧𝐭𝐚 𝐠𝐚𝐧𝐚𝐜𝐬𝐢𝐠𝐚𝐚𝐠𝐚.

Ha ku degdegin xayeysiinta ka hor intaadan hagaajin suuq-geyntaada.Ganacsiyo badan waxay u haystaan in suuq-geyntu ay ta...
13/07/2026

Ha ku degdegin xayeysiinta ka hor intaadan hagaajin suuq-geyntaada.

Ganacsiyo badan waxay u haystaan in suuq-geyntu ay tahay Facebook post ama xayeysiin lacag lagu bixiyo. Laakiin suuq-geyntu waxay ka bilaabataa:-

1. Fahamka macaamilkaaga
2. Qiimaha (Value) aad bixiso
3. Sababta lagugu dooranayo.

Haddii aadan si cad uga jawaabi karin su'aalahan, xayeysiintu waxay keliya ku gaarsiinaysaa dad badan iyadoo ganacsigaaga aanu weli si fiican isu diyaarin.

Xayeysiintu waxay soo jiidataa dareenka (attention). Suuq-geyntuna waxay abuurtaa baahi (Demand).

Ka hor intaadan kordhin kharashka xayeysiinta aad ku bixineyso, hagaaji fariintaada. Halkaas ayuu ka bilaabtaa koboca waara.

Waxa loo yaqaan "Maskaxda TikTok" waa arrin dhab ah, waxaana si tartiib tartiib ah u luminay awooddii aan ugu fikiri lah...
05/07/2026

Waxa loo yaqaan "Maskaxda TikTok" waa arrin dhab ah, waxaana si tartiib tartiib ah u luminay awooddii aan ugu fikiri lahayn si qoto dheer.

Waxaan ku nool nahay xilli dareenka dadka uu socdo wax aan ka badnayn 10 ilbiriqsi.

Haddii muuqaalka uusan saddexda ilbiriqsi ee ugu horreeya noqon mid qosol leh, buuq badan laheyn ama dood dhalineyn, isla markiiba waad dhaaftaa.

Hambalyo, waxaad yeelatay waxa loo yaqaan Maskaxda TikTok.

Maskaxda TikTok ma aha dhibaatada barnaamijka laftiisa, ee waa saameynta uu innagu reebay.

Ma awoodno inaan daawanno cashar soconaya 5 daqiiqo.
Ma awoodno inaan akhrinno maqaal dhan.
Ma awoodno inaan dhageysanno podcast dheer.
Laakiin laba saacadood ayaan si aan kala go' lahayn u rogrognaa muuqaallada, annagoo leh, "waxaan ogaanaya wixii cusub."

Waxaan ka doorannay feejignaantii iyo diirad saarustii farxadda degdegga ah ee maskaxdu raadiso.

Malmahaan dambe si qoto dheer uma fikirno; waxa keliya ee aan samayno waa falcelin.
Wax ma daraasayno; si dulmar ah oo degdeg ah ayaan wax u eegnaa.
Wax ma baranno; waxa keliya ee aan samayno waa inaan si joogto ah u daawanno ama u akhrinno waxyaabo aan si dhab ah uga faa'iido noo laheyn.

Taasina waa arrin khatar ah.

Sababtoo ah fikrad kasta oo weyn, ganacsi kasta oo guulaysta, ama hal-abuur kasta oo wax beddelay, wuxuu ka dhashay shaqo qoto dheer iyo feejignaan joogto ah, ee k**a dhalan mashquul iyo rogrogidda aan dhammaadka lahayn.

Dadka guulaysan doona jiilkan lagu jiro ma noqon doonaan kuwa ugu qosolka badan ama kuwa ugu badan ee isbeddellada raaca.

Waxay noqon doonaan kuwa awooda inay meel fadhiistaan, hal shey diiradda saaraan, oo dhammeeyaan waxa ay bilaabaan.

Isku day inaad akhriso buug dhameystiran.
Daawo documentary daqiiqo badan socda adigoo is dhaafin.
Wax qor adigoon taleefankaaga ilbiriqsi kasta fiirineyn.

Bilowga way kugu adkaan doontaa, waayo maskaxdaadu waxay la qabsatay farxadda degdegga ah.

Maskaxdaadu waxay doonaysaa daqiiqad kast farxad degdeg ah, laakiin waxa ay dhab ahaantii u baahan tahay waa is-edbin.

Looma baahna inaad iska tirtirto TikTok, balse waxa loo baahan yahay inaad maskaxdaada siiso nasasho oo aadna dib ugu tababarto diirad saarista.

Isku dheelli tir waxyaabaha gaagaaban ee degdegga ee aad daawato iyo kuwa dheer ee aqoonta leh.

Isla taleefanka ku mashquulinaya u isticmaal inaad isku horumariso.

Sababtoo ah algoritamku dhibka maahan.

Wuxuu keliya uu quudinayaa meelaha aad ka jilicsan tahay.

Haddii aadan dib ula wareegin xak**aynta maskaxdaada, noloshaada inteeda badan waxaad ku bixin doontaa madadaalo,

laakiin ma gaadhi doontid faham iyo aqoon qoto dheer. 📵

MARKA GANACSIGU ISKU BADALO NAXARIIS SHEEKADA GANACSADIHII MALABKA IYO ODAYGII XANUUNSANAA.=============================...
04/07/2026

MARKA GANACSIGU ISKU BADALO NAXARIIS SHEEKADA GANACSADIHII MALABKA IYO ODAYGII XANUUNSANAA.
=========================================
Ninkaan waxaa la yiraahdaa Mustafa Abuu Mujahid Al-Mundhari, waana milkiilaha dukaan malab oo ku yaalla Cadan dalka Yaman. Wuxuu leeyahay mowqif iyo akhlaaq mudan in lagu daydo.

Maalmahan dad badan waxay ka baqayaan inay malab ka iibsadaan suuqa, sababtoo ah waxaa ku batay khiyaano iyo alaab aan tayo lahayn. Malabkii dabiiciga ahaa iyo ganacsigii daacadnimada ku dhisnaa waxay noqdeen wax aad u adag in la helo.

Laakiin xaaladdaas lagu jiro waxaa soo baxay nin wanaagsan oo lagu magacaabo Mustafa Al-Mundhari.

Mustafa waa milkiilaha dukaanka Malabka ee Mukayraas. Bilowgii ganacsigiisa wuxuu go'aansaday inuu ku shaqeeyo daacadnimo iyo masuuliyad, isla markaana uusan dadka u iibin wax uusan isaga iyo qoyskiisu aqbali lahayn.

Markaad tagto dukaankiisa ma helaysid oo keliya malab; waxaad helaysaa malab dabiici ah oo dib kuu xusuusinaya dhadhankii iyo tayadii waagii h**e. Caraftiisa iyo dhadhankiisuba waxay ka markhaati kacayaan inuu ka yimid buuraha, dhirta iyo ubaxyada dabiiciga ah.

Halkaas lagama helo wax lagu qasay sonkor ama maaddooyin kale oo tayada iyo faa'iidada malabka wax u dhima.

Waxaan idiin sheegayaa dhacdo muujinaysa daacadnimada Mustafa.

Maalin ayaa waxaa u yimid nin waayeel ah oo xaalad caafimaad oo adag ku jiray. Dhakhaatiirtu waxay kula taliyeen inuu isticmaalo malab dabiici ah si uu uga faa'iidaysto daawada uu qaadanayay.

Ninkii wuxuu ka baqaaya in la khiyaaneeyo. Meelo badan ayuu tegay, dhammaantoodna waxay u soo bandhigeen malab qaali ah iyagoo ku andacoonaya inuu yahay malab saafi ah.

Markii uu Mustafa u yimid, wuxuu isla markiiba ka dareemay daacadnimo iyo kalsooni.

Mustafa iskuma dayin inuu ka iibiyo nooca ugu qaalisan si uu faa'iido badan u helo. Wuxuu u doortay malab ku habboon xaaladdiisa, wuxuuna si daacad ah ugu sharxay sida saxda ah ee loo isticmaalo.

Markii uu ogaaday in ninku dhaqaale ahaan awoodin, Mustafa k**a qaadin faa'iidadii uu caadi ahaan qaadan jiray. Wuxuu ku yiri, "Adeer, caafimaadkaaga ayaa ka muhiimsan wax kasta. Malabkan waxaan kaaga gadaaya si daacadnimo ah, Alle idankiina wuxuu kuu noqon doonaa sabab caafimaad ku hesho."

Muddo ka dib, ninkii waayeelka ahaa ayaa soo noqday isagoo caafimaadkiisu si weyn u soo hagaagay, wuxuuna Mustafa ugu mahadceliyay si qalbi furan, maadaama malabkii uu si dhab ah u ahaa mid dabiici ah, daacadnimadiisuna ay sabab u noqotay inuu kalsooni ku qabo waxa uu iibsanayay.

Mustafa Al-Mundhari ma iibiyo malab oo keliya; wuxuu dadka siiyaa kalsooni, daacadnimo iyo masuuliyad.

Wuxuu aaminsan yahay in malabku yahay nimco iyo wax faa'iido u leh dadka ka hor inta uusan noqon cunto. Sidaas darteed, marnaba diyaar uma aha inuu khiyaaneeyo dadka ama uu sumcaddiisa iyo ganacsigiisa ku beddesho faa'iido yar oo degdeg ah.

Dad badan ayaa is weydiiya sababta ay u doortaan Malabka Mukayraas.

Jawaabtu waa mid fudud: waxay ganacsigooda ku saleeyaan Alle ka cabsi iyo daacadnimo, Mustafa-na wuxuu mar walba ka hormariyaa Alle ka cabsi iyo ilaalinta kalsoonida macaamiisha faa'iidada dhaqaale.

Tarjumaad.

SUUQ-GEYNTU IIB MA AHAKhaladaadka ugu waaweyn ee ay ganacsato badani galaan waa inay isku khaldaan suuq-geynta iyo iibka...
28/06/2026

SUUQ-GEYNTU IIB MA AHA

Khaladaadka ugu waaweyn ee ay ganacsato badani galaan waa inay isku khaldaan suuq-geynta iyo iibka.

Labadu isku mid ma aha.

Aan si cad mar kale kugu celiyo:

Suuq-geyntu iib ma aha.

Iibku waa inaad macaamilka ku qanciso inuu wax kaa iibsado.

Suuq-geyntuse waa inaad dadka u diyaariso inay wax kaa iibsadaan.

Suuq-geyntu waa wax kasta oo aad sameyso si macaamiisha aad beegsanayso:

- Ku bartaan.
- Ka helaan.
- Kuguna kalsoonaadaan.

Taasi waa ujeeddada dhabta ah ee suuq-geynta.

Sababtoo ah dadku inta badan wax k**a iibsadaan ganacsi aysan aqoon ama aysan ku kalsoonayn.

Haddaba, meesha ay dad badani ku niyad-jabaan waa halkan...

Waxay hal ama laba jeer wax ku daabacaan barahooda bulshada, hal xayeysiis ayay sameeyaan, ama waraaqo xayeysiis ah ayay qeybiyaan, dabadeedna waxay filayaan iib degdeg ah dhaco.

Suuq-geyn saxda sidaas uma shaqeyso.

Suuq-geynta saxda ah waa geeddi-socod joogto ah.

Waxay u baahan tahay inaad si joogto ah dadka u xasuusiso cidda aad tahay iyo waxa aad bixiso.

Waxaa muhiim ah inaad fahanto qodobadan:

1. Suuq-geyntu waxay dadka ku baraarujisaa jiritaanka ganacsigaaga.

Dadka waa inay marka h**e ogaadaan inaad jirto.

Tusaale ahaan, qoraallada aad baahiso, astaanta ganacsigaaga, barahada bulshada, websitekaaga ama muuuqalada ayaa dadka bara ganacsigaaga.

Haddii aan lagu aqoon, in wax laga gato wey adkaanayaa.

2. Suuq-geyntu waxay dhista kalsooni ka hor iibka.

Dadku waxay wax kaa iibsadaan marka ay kugu kalsoonyahiin.

Tusaale ahaan, marag-furka macaamiisha, xogta waxbaridda leh, joogtaynta shaqadaada iyo hab-dhaqanka xirfadeysan waxay yareeyaan shakiga macaamilka.

Kalsoonidu waxay fududeysaa iibka.

3. Suuq-geyntu waxay soo jiidataa dadka saxda ah.

Qof kasta macaamil kuma noqon karo.

Farriinta cad waxay soo jiidataa dadka sida saxda ugu baahan badeecadda ama adeeggaaga aad bixiso.

Sidaas ayaad ku kala saari kartaa macaamiisha dhabta ah iyo dadka uun danaynaya oo keliya.

4. Marka si joogto ah loo sameeyo, suuq-geyntu waxay kuu sahlaysaa inaad qorshayso koboca ganacsigaaga.

Waxaad bilaabaysaa inaad fahanto cabirka ganacsigaaga.

Tusaale ahaan, haddii 10 qof kula soo xiriiraan, waxaa laga yaabaa in 2 ka mid ahi noqdaan macaamiil lacag bixiya.

Markaas koboca ganacsigaagu wuxuu noqdaa mid si cad loo cabbiri karo loona qorshayn karo.

Gabagabaddii...

Ganacsiyo badan dhib kuma qabaan badeecadda ama adeegga ay bixiyaan.

Waxa liita waa suuq-geyntooda.

Dadku kuma kalsoona wax ay mar dhif ah arkaan.

Sidoo kale ma iibsadaan haddii aysan si fiican u fahmin waxaad gadeyso.

Taasi waa sababta suuq-geyn xooggan ay muhiim u tahay.

Marka suuq-geyntaadu xoog yeelato, iibkuna wuu fududaadaa.

Sababtoo ah macaamilku mar h**e ayaad kalsooni ugu beeratay ka hor inta uusan wada hadalka iibku bilaaban.

Haddaba isweydii:

Ma waxaad kaliya rabtaa inaad wax iibiso, mise waxaad marka h**e waxaad dhisaysaa kalsoonida macaamiisha?

Address

200A Gold Hawk Road, Shepherd’s Bush
London
W129NT

Website

Alerts

Be the first to know and let us send you an email when Abdulaziz Talks - Marketing & Sales posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Abdulaziz Talks - Marketing & Sales:

Shortcuts

Share