03/06/2026
Gözəl sənətkarımız Xalidə xanımın: "Gənclər iki-üç il yaşasınlar..." fikri ya düzgün başa düşülməyib, ya da kimlər tərəfindənsə qərəzli olaraq yanlış şərh edilir, haqsız yerə hücumlara məruz qalır.
Xalidə xanım açıq deyir fikrini: "kinoya getsinlər, teatra getsinlər..."
Yəni bir-birinin səviyyəsinə, dünya görüşünə, tərbiyəsinə, cəmiyyətdə davranışına, əxlaqına, dəyərlərinə, hobbisinə, maraqlarına bələd olsunlar.
Başqa sözlə, Xalidə xanım "nişan institutu"nun önəmini qabardır və bu dövrdən düzgün istifadə edilməsini məsləhət görür.
Bu, əsl ziyalı və xalq sənətkarının töfsiyyələridir.
Xalidə xanım, bəzilərinin iddia etdiyi ki, "yataq, intim münasibətlər"i nəzərdə tutmur.
Mən öz vəkillik fəaliyyətimdə "çörək yeyəndə ərinin ağzını marçıldatmasına görə", "əri tərəfindən hər gün bulvara, gəzintilərə, anasıgilə aparılmadığına görə", "xanımın ağzından p*s iy gəldiyinə görə" dağılan ailələr görmüşəm.
Valideynlər gənclərə şərait yaratmalıdırlar ki, onlar bir-birilərini vaxtında tanısınlar, sonradan həyatları cəhənnəmə dönməsin.
Bu "tanıma" isə "intim münasibət"i nəzərdə tutmur və tuta da bilməz, Xalidə xanım da bir müsəlman xanım kimi bunu nəzərdə tutmaz.
Qızına, oğluna düzgün tərbiyə verən valideynlər, gənclərin bir yerdə vaxt keçirməsindən, narahat olmamalıdırlar.
O, sadəcə, "nişan institutu"ndan düzgün istifadə etməni, ailə qurmağa tələsməməyi məsləhət görür və düz də edir.
Sonradan 40-50 illik ömrü cəhənnəmə çevirməkdəndirsə, bu başdan 2-3 il vaxt itirib ailəni sağlam əsaslarla qurmaq lazımdır.
Bunu bilə-bilə, kimlərinsə bu gözəl sənətkarımıza hücum etməsi, ziyalıları xalqdan uzaq durmağa məcbur etmək üçündür.
Diqqətli olun, dostlar!
Dünyada və ölkədə baş verənləri ən tez bizdən oxuyun, izləyin.Biz...
