23/08/2025
Binəqədi rayon məhkəməsinə
252006007 nömrəli cinayət işi üzrə
təqsirləndirilən şəxs
Məmmədov Qurban Cəlal oğlu
Ünvanı: AZ1054, Bakı şəhəri, Nərimanov rayonu,
M.Nağıyev küçəsi,
1927-ci məhəllə, bina 4/6, mən.77
ş/v: AZE15788169
FİN: 1AJWAVV
Əlaqə tel.:
(+44) 785 916 81 59 (WhatsApp)
(+994) 50 200 66 10 (WhatsApp)
Faktik olduğu yer: Birləşmiş Krallıq
Azərbaycan respublikası Baş Prokurorluğunun İstintaq
idarəsinin xüsusilə mühüm işlər üzrə müstəntiqi, istintaq qrupunun rəhbəri,
I dərəcəli hüquqşünas Cavid İmanlının
“Vəsatətin qismən təmin edilməsi haqqında”
20 avqust 2025-ci il tarixli, 03/ 252006007 nömrəli qərarına dair
məhkəmə nəzarəti qaydasında
ŞİKAYƏT
(CPM-nin 122-ci maddəsinə uyğun olaraq)
Şikayətin qısa tarixçəsi barədə
1. 16 avqust 2025-ci ildə dostlarım mənə bildirdi ki, Respublika Baş Prokurorluğunun mənim haqqımda qiyabi cinayət təqibi başlatdığı haqqında sosial şəbəkələrdə məlumatlar yayılıb.
2. Mən Baş Prokuror Kamran Əliyevə, onun elektron ünvanı vasitəsilə ([email protected]), aşağıdakı məzmunda, 18 avqust 2025-ci il tarixli vəsatətlə müraciət etdim:
2.1. Azərbaycan Respublikasının Baş Prokuroru Kamran Əliyevə
Haqqında qiyabi cinayət təqibi aparılan
Məmmədov Qurban Cəlal oğlu
Ünvanı: Bakı ş, Nərimanov rayonu,
M.Nağıyev küçəsi, 1927-ci məhəllə, bina 4/6, mən. 77
Faktik olduğu yer: Birləşmiş Krallıq, London.
Əlaqə tel. +44 785 916 81 59, +994 50 200 66 10
El. ünvanı: [email protected]
Cinayət işinin materialları ilə tanış olmaq barədə
VƏSATƏT
Hörmətli Baş Prokuror.
Haqqımda olan cinayət işinin materialları ilə tanış olmaq üçün iş materiallarını mənim elektron ünvanıma (gurban.mehi .com) göndərməyinizi xahiş edirəm.
Çünki, Azərbaycan Hakimiyyəti tərəfindən təqib olunduğuma görə, heydərizm rejimi tərəfindən həyatıma real təhlükə yaradıldığından, 2018-ci ilin 1 aprelindən Azərbaycanı tərk edərək Birləşmiş Krallığa gəlmişəm və burada daimi siyasi oturum alaraq yaşayıram.
05 sentyabr 2020-ci ildə özümün və ailə üzvlərimin mənzillərinin vəhşicəsinə dağıdılması, azyaşlı nəvələrimin küçəyə atılması, Cinayət Məcəlləsinin 186-cı maddəsində nəzərdə tutulan cinayətin açıq-açığına, canlı yayın edən jurnalistlərin gözü qabağında, polis işçilərinin iştirakı ilə törədilməsi və bu cinayət barədə şəxsən sizə-Baş Prokurorluğa yazdığım şikayətlərin cavabsız qalması sübut edir ki, Azərbaycanda olmaq hələ də mənim həyatım üçün təhlükəlidir.
Ona görə də, sizdən xahiş edirəm, mənim Azərbaycan Respublikasının milli qanunvericiliyində və Avropa Konvensiyasının 6-cı maddəsində nəzərdə tutulan müdafiə hüququmu təmin edəsiz.
İctimai Televiziyanın (İTV) efirindən səsləndirdiyiniz Baş Prokurorluğun məlumatından aydın oldu ki, mənə vəkil də tutmusuz (təyin etmisiz). Məlumatınız olsun ki, o vəkil kimdirsə, bu günədək mənimlə əlaqə saxlamayıb, özünü təqdim etməyib və mənim müdafiəm üçün heç nə etməyib. Yəni, mənim müdafiə hüququmun guya təmin edilməsi tam formal xarakter daşıyır.
Sizdən xahiş edirəm, mənim əlaqə telefon nömrələrimi (+44 785 916 81 59, +994 50 200 66 10) o vəkilə verin, onun da telefon nömrələlərini mənə göndərin ki, mənimlə əlaqə saxlasın, müdafiə mövqeyimizi müəyyən edək.
Hörmətli Baş Prokuror!
Mən, mənə qarşı irəli sürülən bütün ittihamları rədd edirəm və bildirirəm ki, sizin bu qanunsuz hərəkətləriniz mənim siyasi mövqeyimlə, heydərizm rejiminə qarşı apardığım siyasi mübarizə ilə bağlıdır.
Siz şəxsən mənə qarşı qərəzli mövqedə olan adamsız və mən sizi:
- savadsız,
-səviyyəsiz,
-səlahiyyətsiz,
-qorxaq,
- yaltaq və
-cinayətkar bir adam kimi tanıyıram.
Bəybala Hüseynov adlı vətəndaşdan Əli Nağıyevin vasitəsi ilə 200 min dollar rüşvət almağın haqqında mötəbər sübutlar var və bu sübutları AzerFreedom TV efirindən səsləndirdiyim üçün sən mənə qarşı qərəzlisən.
Eləcə də, "Tərtər işi"ndə Azərbaycan Ordusunun şərəfli əsgər və zabitlərinə, Azərbaycan xalqının ləyaqət və namusuna, heysiyyətinə qarşı dəhşətli cinayətlər, qətllər törədən qorxulu cinayətkarları məsuliyyətdən yayındırmaq, onlara yüksək vəzifələr verməklə sən əsl kimliyini ortaya qoyan adi bir cinayətkarsan.
Bunları sübut etmək üçün, mən video konfrans yoluyla ittiham tərəfinin istənilən sualına cavab verməyə, üzləşmələrdə, sübutların araşdırılmasında iştirak etməyə hazıram.
Ümid edirəm ki, məni düzgün başa düşəcək, Azərbaycana, sənin oturduğun inzibati binaya gəlməyin mənim həyatım üçün təhlükə olduğunu nəzərə alacaq və müdafiə hüquqlarımı təmin edəcəksən.
Dövlətimə hörmət və ehtiramla, Məmmədov Qurban Cəlal oğlu.
Birləşmiş Krallıq.
18 avqust 2025-ci il
İmza: /Q.C.Məmmədov/
______________________________________________________________________
3. 19 avqust 2025-ci ildə, Bakı vaxtı ilə saat 17:05-də +994 50 323 93 03 nömrəli telefon nömrəsi ilə mənə bir şəxs zəng etdi və özünü Hüseynov Səfər Gülüş oğlu kimi təqdim etdi, vəkil olduğunu, 2020-ci ildən mənim müdafiəçim kimi hansısa cinayət işlərində iştirak etdiyini bildirdi. Mən ondan: “Siz necə vəkil və mənim müdafiəçimsiz ki, bu 5 ildə bir dəfə də olsun mənimlə əlaqə saxlamamısız, mənə heç bir məlumat verməmisiz”- deyə, soruşanda, ağlabatan bir cavab ala bilmədim və başa düşdüm ki, bu adam mənim yox, ittiham tərəfinin vəkilidir. Ona görə də, həmin vəkildən imtina etdim.
4. Baş Prokuror Kamran Əliyevə aşağıdakı məzmunda ikinci, 21 avqust 2025-ci il tarixli vəsatəti yazdım:
________________________________________________________________________________
4.1. Azərbaycan Respublikasının Baş Prokuroru Kamran Əliyevə
Haqqında qiyabi cinayət təqibi aparılan
Məmmədov Qurban Cəlal oğlu
Ünvanı: Bakı ş, Nərimanov rayonu,
M.Nağıyev küçəsi, 1927-ci məhəllə, bina 4/6, mən. 77
Faktik olduğu yer: Birləşmiş Krallıq, London.
Əlaqə tel. +44 785 916 81 59, +994 50 200 66 10
Cinayət işinin materiallarının elektron ünvanıma göndərilməsi barədə
VƏSATƏT
Hörmətli Baş Prokuror.
Aşağıdakı qanun normalarını sizə xatırladaraq:
1. CPM-nin 19-cu maddəsinə (Hüquqi yardım almaq və müdafiə hüququnun təmin edilməsi) əsasən, “19.1. Cinayət təqibi gedişində təhqiqatçı, müstəntiq, prokuror və ya məhkəmə zərər çəkmiş, şübhəli və ya təqsirləndirilən şəxslərin keyfiyyətli hüquqi yardım almaq hüququnu təmin etmək üçün tədbirlər görməlidir. 19.4. Cinayət prosesini həyata keçirən orqan şübhəli və ya təqsirləndirilən şəxsin bu məcəllədə nəzərdə tutulmuş hallarda və qaydada aşağıdakı hüquqlarını təmin etməlidir: 19.4.1. ... təqsirləndirilən şəxsə ittiham elan edildiyi andan müdafiəçinin yardımından istifadə etmək; 19.4.2. hüquqlarını izah etmək; 19.4.3. öz müdafiəsini hazırlamaq üçün kifayət qədər vaxt vermək və imkan yaratmaq; 19.4.4. şəxsən və ya özünün seçdiyi müdafiəçi vasitəsi ilə müdafiə olunmaq, yaxud müdafiəçinin haqqını ödəmək üçün kifayət qədər vəsaiti olmadıqda, pulsuz hüquqi yardım almaq; 19.6. Cinayət prosesində şübhəli və ya təqsirləndirilən şəxsin müdafiəçisinin və qanuni nümayəndəsinin iştirak etməsi bu şübhəli və ya təqsirləndirilən şəxsin hüquqlarını məhdudlaşdıra bilməz.”
2. CPM-nin 21. -ci maddəsinə (Təqsirsizlik prezumpsiyası) əsasən, “21.3. Cinayət törədilməsində təqsirləndirilən şəxs özünün təqsirsiz olmasını sübuta yetirməyə borclu deyildir. İttihamı sübuta yetirmək, şübhəli və ya təqsirləndirilən şəxsin müdafiəsi üçün irəli sürülən dəlilləri təkzib etmək vəzifəsi ittiham tərəfinin üzərinə düşür.”
3. CPM-nin 91.-ci maddəsinə (Təqsirləndirilən şəxs) əsasən, “91.5. Təqsirləndirilən şəxs bu Məcəllədə nəzərdə tutulmuş hallarda və qaydada aşağıdakı hüquqları həyata keçirir: 91.5.1. nədə təqsirləndiyini bilmək (ittihamın məzmunu verilmiş ittihamın faktiki tərəfi və hüquqi tövsifi), ittiham elan edildikdə, habelə həbsə alındıqdan və ya barəsində qətimkan tədbiri seçilməsi haqqında qərar elan olunduqdan dərhal sonra müvafiq qərarın surətini almaq; 91.5.3. dərhal tutulma və həbsə alma protokolu tərtib olunduqdan sonra onunla tanış olmaq və ona protokolda əks olunmalı qeydlərini vermək; 91.5.4. həbsə alındığı və ya ittiham elan olunduğu andan müdafiəçiyə malik olmaq; 91.5.5. müdafiəçinin yardımından pulsuz istifadə etmək; 91.5.7. müstəqil olaraq müdafiəçi seçmək, onun səlahiyyətlərinə xitam vermək, müdafiəçidən imtina etdiyi halda özü özünü müdafiə etmək; 91.5.8. söhbətlərin sayı və müddəti məhdudlaşdırılmadan müdafiəçisi ilə təklikdə görüşmək və konfidensial ünsiyyət saxlamaq; 91.5.9. öz vəsatəti əsasında müdafiəçinin iştirakı ilə dindirilmək; 91.5.10. ifadə (izahat) vermək, özünə və yaxın qohumlarına qarşı ifadə (izahat) verməmək və ya ümumiyyətlə ifadə (izahat) verməkdən imtina etmək, habelə haqqında irəli sürülmüş ittihama dair izahat vermək və izahat verməkdən imtina etmək; .. 91.5.13. etirazlar etmək və vəsatətlər vermək; 91.5.14. istintaq və ya digər prosessual hərəkətlərdə iştirak etmək, bu Məcəllədə başqa hal nəzərdə tutulmayıbsa, həmin hərəkətlərdə iştirakdan imtina etmək; 91.5.15. öz vəsatəti əsasında aparılan istintaq və ya digər prosessual hərəkətlərdə müdafiəçinin yardımı ilə iştirak etmək; 91.5.16. cinayət işinə əlavə və məhkəmə iclasında tədqiq olunması üçün sübutlar və digər materiallar təqdim etmək; 91.5.17. təqsirli olduğunu və ya təqsirli olmadığını bildirmək; 91.5.18. cinayət prosesini həyata keçirən orqanın hərəkətlərinə öz etirazını bildirmək və bu etirazın istintaq və ya digər prosessual hərəkətlərin protokolunda qeyd edilməsini tələb etmək; 91.5.19. iştirak etdiyi istintaq və ya digər prosessual hərəkətlərin protokolları ilə tanış olmaq, protokoldakı yazıların düzgünlüyü və tamlığı barədə qeydlərini vermək; istintaq və ya digər prosessual hərəkətlərdə və məhkəmə baxışında iştirak edərkən, qeyd edilməsi zəruri olan halların müvafiq protokola daxil edilməsini tələb etmək; 91.5.20. ekspertizanın təyin olunması haqqında qərarla və ekspertin rəyi ilə tanış olmaq; 91.5.21. həbsə alma və həbsdə saxlamanın qanuni və əsaslı olduğunu təsdiq etmək üçün cinayət prosesini həyata keçirən orqanın məhkəməyə təqdim etdiyi materiallarla tanış olmaq; 91.5.22. ibtidai araşdırma qurtardığı və ya cinayət işi üzrə icraata xitam verildiyi andan işin materialları ilə tanış olmaq, ona aid zəruri sənədlərin surətlərini çıxarmaq; ... 91.5.29. hüquqlarına və qanuni mənafeyinə toxunan qərarlar haqqında cinayət prosesini həyata keçirən orqan tərəfindən məlumatlanmaq və xahişi ilə bu qərarların, o cümlədən qətimkan tədbirinin seçilməsi, istintaq və ya digər prosessual məcburiyyət tədbirlərinin aparılması, təqsirləndirilən şəxs qismində cəlb etmə, ittiham elan olunması haqqında qərarların, habelə ittiham aktının, iddia ərizəsinin, hökmün, məhkəmənin digər yekun qərarının, apellyasiya və ya kassasiya şikayətlərinin, yaxud protestlərinin surətlərini almaq; 91.5.30. təhqiqatçının, müstəntiqin və ya prokurorun qərarlarından, yaxud hərəkətlərindən şikayət etmək; ... 91.5.35. cinayət prosesini həyata keçirən orqan tərəfindən onun nəzərinə çatdırılmış məlumatlardan və ya cinayət prosesinin digər iştirakçılarının şikayətlərindən ona məlum olmuş hallara öz etirazını bildirmək; ... 91.5.39. cinayət prosesinin digər tərəfinin qanunsuz hərəkətlərinə öz etirazını bildirmək; 91.5.40. cinayət işi üzrə icraat zamanı sərf etdiyi xərclərin ödənilməsinə və cinayət prosesini həyata keçirən orqanın qanunsuz hərəkətləri nəticəsində ona vurulmuş ziyana görə kompensasiya almaq; 91.5.41. ittiham sübut olunmadığı halda bəraət almaq;
91.5.43. cinayət təqibi qiyabi icraat qaydasında aparıldıqda: 91.5.43.1. çağırış vərəqəsini, cinayət təqibi üzrə qiyabi icraatın açılması barədə qərarı, habelə cinayət təqibi üzrə qiyabi icraat nəticəsində qəbul edilmiş qiyabi hökm və ya məhkəmənin digər yekun qərarını bu Məcəllənin 54-1 – 54-4-cü maddələrində nəzərdə tutulmuş qaydada almaq (istintaqdan və ya məhkəmədən gizlənməsi müəyyən edildiyi hallar istisna olmaqla); 91.5.43.2. cinayət təqibi üzrə qiyabi icraatda müdafiəçisi vasitəsilə təmsil olunmaq; 91.5.43.3. cinayət işinin materialları ilə tanış olmaq, istintaq və digər prosessual hərəkətlərin keçirilməsinə dair vəsatətlər vermək; 91.5.43.4. cinayət təqibi üzrə qiyabi icraat nəticəsində qəbul edilmiş qiyabi hökm və ya məhkəmənin digər yekun qərarı ilə bağlı bu Məcəllənin 467-17-ci maddəsində nəzərdə tutulmuş qaydada ərizə verərək, onun ləğv edilməsi və cinayət işinə yenidən baxılmasını tələb etmək.”
4. CPM-nin 467-12.-ci maddəsinə (Cinayət təqibi üzrə qiyabi icraatın xüsusiyyətləri) əsasən, “467-12.2. Cinayət təqibi üzrə qiyabi icraat aparıldıqda bu Məcəllənin 91-ci maddəsində nəzərdə tutulmuş hüquqlar cinayət prosesini həyata keçirən orqan tərəfindən təmin edilməlidir.”
5. CPM-nin 467-13.-cü maddəsinə (Cinayət təqibi üzrə qiyabi icraatın açılması) əsasən, “467-13.1. Azərbaycan Respublikası Cinayət Məcəlləsinin 100–119, 137, 144–145, 178, 179, 182, 193-1, 204, 205, 206, 206-1, 208, 214–219-1, 228, 274–283-1, 308–314-3, 318, 318-1, 319 və 324-cü maddələri, eləcə də həmin maddələrlə yanaşı eyni bir cinayət işi çərçivəsində cinayətlərin məcmusu üzrə həmin Məcəllənin digər maddələri ilə ittiham olunan təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı üçün cinayət prosesində şəxsən iştirakının təmin edilməsi mümkün olmadıqda onun barəsində cinayət təqibi qiyabi icraat qaydasında aparıla bilər. 467-13.3. Cinayət prosesini həyata keçirən orqan təqsirləndirilən şəxsin bu Məcəllənin 54-1 – 54-4-cü maddələrində nəzərdə tutulmuş qaydada çağırılmasını həyata keçirdikdə, eyni zamanda barəsində cinayət təqibinin qiyabi icraat qaydasında keçirilməsi imkanı barədə onu məlumatlandırır, habelə həmin icraatda özünün seçimi əsasında müdafiəçi vasitəsilə təmsil olunmaq hüququndan istifadə etmək istədiyi halda, müdafiəçisi barədə məlumatları cinayət prosesini həyata keçirən orqana göndərməli olduğunu bildirir. 467-13.7. Təqsirləndirilən şəxsin özünün seçdiyi müdafiəçi barədə məlumat olmadıqda, cinayət təqibi üzrə qiyabi icraatın açılması barədə məsələyə baxılmasında müdafiəçinin iştirakı cinayət prosesini həyata keçirən orqan tərəfindən təmin edilir. Təqsirləndirilən şəxsə verilməli olan prosessual sənədlərin surətləri müdafiəçiyə təqdim edilir. 467-13.10. Cinayət təqibi üzrə qiyabi icraatın açılması barədə məsələyə baxılarkən məhkəmə tərəfindən aşağıdakı hallar nəzərə alınır: 467-13.10.1. təqsirləndirilən şəxsin bu Məcəllədə nəzərdə tutulmuş qaydada çağırılması, olduğu yerin müəyyən edilməsi və cinayət prosesini həyata keçirən orqanın sərəncamına verilməsi üçün görülən tədbirlər; 467-13.10.2. təqsirləndirilən şəxsin hüquqi yardım almaq və müdafiə hüququnun təmin edilməsi; 467-13.10.3. təqsirləndirilən şəxsin bu Məcəllədə və Azərbaycan Respublikasının tərəfdar çıxdığı beynəlxalq müqavilələrdə nəzərdə tutulmuş qaydada axtarışı və verilməsi (ekstradisiyası) üçün görülmüş tədbirlər. 467-13.11. Cinayət təqibi üzrə qiyabi icraatın açılması məsələsi ilə bağlı məhkəmə qərarının surəti, həmin qərar çıxarıldıqdan sonra 3 gündən gec olmayaraq vəsatəti vermiş şəxsə, ibtidai araşdırmaya prosessual rəhbərliyi həyata keçirən prokurora, təqsirləndirilən şəxsin müdafiəçisinə və təqsirləndirilən şəxsə (istintaqdan və ya məhkəmədən gizlənməsi müəyyən edildiyi hallar istisna olmaqla) məhkəmə tərəfindən göndərilir.
6. Yuxarıda qeyd edilənlərə əsasən,
Xahiş edirəm:
6.1. Nəzərə alasız ki:
6.1.1. Mən istintaqdan qaçıb gizlənməmişəm. Mən 1 aprel 2018-ci ildə Azərbaycanı tərk edərkən haqqımda heç bir cinayət təqibi aparılmırdı, cinayət işi qaldırılmamışdı və bu barədə mənə heç bir məlumat verilməmişdi.
6.1.2. İlk dəfə haqqımda cinayət işi qaldırılması barədə 10- 15 sentyabr 2020-ci ildə sosial şəbəkələrdən xəbər tutdum. Mənim telefon nömrələrim, YouTube üzərindən hər gün yayın edən AzerFreedom TV-nin ekranlarında olmasına baxmayaraq (+44 785 916 81 59, +994 50 200 66 10), heç bir rəsmi bildiriş, çağırış vərəqi, telefon mesajı almamışam. Yəni yayılan məlumatların dəqiqliyinə inanmaq üçün ciddi bir əsas olmayıb.
6.1.3. 5 sentyabr 2020-ci ildə, özümün və ailə üzvlərimin yaşadığı, Bakı şəhəri Nərimanov rayonu M.Nağıyev küçəsi, 1927-ci məhəllə, bina 4-6 ünvanında yerləşən mənzillərimiz, hadisə yerindən canlı yayın verən jurnalistlərin gözü qabağında və polis işçilərinin iştirakı ilə, Nərimanov rayon İcra Hakimiyyətinin vəzifəli şəxslərinin nəzarəti altında vəhşicəsinə dağıdıldıqdan, hamısı qız uşağı olan azyaşlı nəvələrim küçəyə atıldıqdan sonra, başa düşdüm ki, Azərbaycana dönmək həyatım üçün təhlükə yaradar və ona görə də 12 iyun 2018-ci ildə, yəni mənzillərimiz dağıdıldıqdan 72 gün sonra Birləşmiş Krallıqda siyasi sığınacaq üçün müraciət etdim və həmin ilin sentyabr ayında müraciətimə müsbət cavab verildi.
6.1.4. Bir sözlə, mənim istintaqdan qaçıb gizlənməyimlə bağlı yaydığınız məlumat yalan və əsassızdır.
6.2. 19 avqust 2025-ci ildə, Bakı vaxtı ilə saat 17:05-də +994 50 323 93 03 nömrəli telefon nömrəsindən mənə zəng edən şəxs özünü Hüseynov Səfər Gülüş oğlu kimi təqdim etdi, vəkil olduğunu, 2020-ci ildən mənim müdafiəçim kimi hansısa cinayət işlərində iştirak etdiyini bildirdi. Mən ondan: “Siz necə vəkil və mənim müdafiəçimsiz ki, bu 5 ildə bir dəfə də olsun mənimlə əlaqə saxlamamısız, mənə heç bir məlumat verməmisiz”- deyə, soruşanda, ağlabatan bir cavab ala bilmədim və başa düşdüm ki, bu adam sizn vəkilinizdir, mənim yox. Ona görə də, həmin vəkildən imtina edirəm. Çünki, siz CPM-nin 467-13.3.-cü maddəsində göstərilən “Cinayət prosesini həyata keçirən orqan təqsirləndirilən şəxsin bu Məcəllənin 54-1 – 54-4-cü maddələrində nəzərdə tutulmuş qaydada çağırılmasını həyata keçirdikdə, eyni zamanda barəsində cinayət təqibinin qiyabi icraat qaydasında keçirilməsi imkanı barədə onu məlumatlandırır, habelə həmin icraatda özünün seçimi əsasında müdafiəçi vasitəsilə təmsil olunmaq hüququndan istifadə etmək istədiyi halda, müdafiəçisi barədə məlumatları cinayət prosesini həyata keçirən orqana göndərməli olduğunu bildirir.” - qaydasını pozmusuz. Siz vaxtında bu barədə mənə bildirsəydiz, mən hansı vəkili mənə müdafiəçi təyin etməyiniz barədə sizə bildirərdim. 2020-ci ildən haqqımda cinayət təqibi başlatmısız, ancaq bu barədə mənə məlumat verməmisiz.
6.3. Mənim indiki mərhələdə vəkilə ehtiyacım yoxdur. Hüquqşünasam və hüquqlarımı özüm müdafiə edəcəyəm. Müqdafiəçiyə ehtiyacım olanda sizə bildirəcəyəm.
6.4. Müdafiə hüquqlarımı həyata keçirmək üçün, 18.08.2025-ci il tarixli vəsatətimdə göstərdiyim kimi, təkrarən bildirirəm ki, haqqımda olan cinayət işinin materialları ilə tanış olmaq üçün iş materiallarını mənim elektron ünvanıma (gurban.mehi .com) göndərin. İş materiallarını istədiyiniz formatda (Word, PDF və s.) göstərdiyim elektron ünvanıma və ya WhatsApp nömrələrimə (+44 785 916 81 59, +994 50 200 66 10), eləcə də Telegram səhifəmə (GurbanMammadov) göndərə bilərsiz.
6.5. İş materiallarını aldıqdan sonra 1-3 ay ərzində onlarla tanış olacaq, vacib bildiyim vəsatətləri, məhkəmə nəzarəti qaydasında şikayətlərimi verəcəyəm.
6.6. Mənə ittiham elan etmək üçün topladığınız sübutları mənə təqdim edin ki, mən əks arqumentlərimi, müdafiə dəlillərimi sizə təqdim edim.
6.7. Barəmdə qətimkan tədbiri seçilməsi haqqında məhkəmə qərarının surətini, bu qərarın qəbul edilməsi üçün məhkəməyə təqdim edilmiş sübutların surətini mənə təqdim edin (yuxarıda göstərdiyim qaydalardan birinə uyğun olaraq göndərin).
6.8. Haqqımda irəli sürülmüş ittihamlara dair məndən video-konfrans yoluyla (istədiyiniz qayda və üsulla) izahat alın. Bu mənim müdafiə olunmağım üçün çox vacibdir.
6.9. Mənim əleyhimə ifadə vermiş şəxslərlə məni video-konfrans yoluyla üzləşdirin və Avropa Konvensiyasının 6-cı maddəsində nəzərdə tutulan hüquqlara uyğun olaraq, mənim onlara sual verməyim üçün şərait yaradın.
6.10. Mənə aid olan, yəni bütün iş materiallarının, xüsusilə: qətimkan tədbirinin seçilməsi, istintaq və ya digər prosessual məcburiyyət tədbirlərinin aparılması, təqsirləndirilən şəxs qismində cəlb etmə, ittiham elan olunması haqqında qərarların surətlərini mənə təqdim edin.
• Poçtla göndərmək üçün artıq xərc çəkməyəsiniz deyə, onları mənim qardaşım Məmmədov Süleyman Cəlal oğluna (Etibarnamənin surətini o sizə təqdim edəcəkdir, telefon nömrəsi: 050 365 95 47) verin və ya PDF formatında mənim elektron ünvanıma göndərin.
6.11. Haqqımda cinayət təqibi üzrə qiyabi icraatın açılması barədə qərarınızı ləğv edin və istintaqı adi qaydada davam edin. Çünki, cinayət təqibi üzrə qiyabi icraatın açılması, yalnız, CPM-nin 467-13.1.-ci maddəsində göstərildiyi kimi, “... ittiham olunan təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı üçün cinayət prosesində şəxsən iştirakının təmin edilməsi mümkün olmadıqda onun barəsində cinayət təqibi qiyabi icraat qaydasında aparıla bilər.”. Yuxarıda göstərdiyim kimi, mən istintaqdan gizlənməmişəm və ya çağırışa gəlməkdən Q Ə S D Ə N B O Y U N Q A Ç I R M A M I Ş A M .
• Əvvəla, mənim haqqımda cinayət təqibi üzrə qiyabi icraat başlatdığınızdan 30 ay qabaq, yəni 1 aprel 2018-ci ildə mən Azərbaycanı tərk etmişdim.
• İkincisi, mənim haqqımda cinayət təqibi üzrə qiyabi icraat başlatdığınızdan 24 ay qabaq, yəni 2018-ci ilin sentyabrında mən Birləşmiş Krallıqda siyasi oturum almışdım.
• Üçüncüsü, “şəxsin cinayət prosesində şəxsən iştirakının təmin edilməsi” -dedikdə, şəxsin fiziki olaraq istintaq aparılan otaqda, müstəntiqlə üzbəüz oturması başa düşülməməlidir.
• Mən həmişə istintaqla əməkdaşlıq etməyə, ifadə verməyə, üzləşməyə, istintaq hərəkətlərində iştirak etməyə hazıram və bununçün mənim məhz Azərbaycanda olmağıma ehtiyac yoxdur.
• Sizə söz verirəm ki, mənim təqsirim sübut edilərsə (1990-1991, 1998-2003 və 2013-2014-cü illərdə şərləyib qanunsuz həbs etdiyiniz kimi yox), mən həmin gün Azərbaycana dönəcəyəm.
Dövlətimə hörmət və ehtiramla, Məmmədov Qurban Cəlal oğlu.
Birləşmiş Krallıq.
21 avqust 2025-ci il
İmza: /Q.C.Məmmədov/
___________________________________________________________________
5. 22 avqust 2025-ci ildə, özünü mənim vəkilim kimi təqdim edən Səfər Hüseynov WhatsApp vasitəsilə mənə Azərbaycan Respublikası Baş Prokurorluğunun İstintaq idarəsinin xüsusilə mühüm işlər üzrə müstəntiqi, istintaq qrupunun rəhbəri, I dərəcəli hüquqşünas Cavid İmanlının “Vəsatətin qismən təmin edilməsi haqqında” 20 avqust 2025-ci il tarixli, 03/ 252006007 nömrəli qərarını göndərdi.
6. Həmin qərarı aşağıdakı arqument və dəlillərə görə qanunsuz və əsassız hesab edirəm:
6.1. 21 avqust 2025-ci il tarixli vəsatətimdə izah etdiyim kimi, mən istintaqdan qaçıb gizlənməmişəm. 1 aprel 2018-ci ildə, yəni haqqımda cinayət təqibi başlanmamışdan iki il qabaq mən Azərbaycanı tərk etmişdim və həmin ilin sentybarında da Birləşmiş Krallıqda siyasi sığınacaq almışdım.
6.2. Mən münəccim və ekstrasens deyiləm ki, haqqımda bir-iki il sonra cinayət təqibi başladılacağını öncədən bilərdim.
6.3. Haqqımda 2019-cu ildə cinayət təqibi başladıldıqdan sonra Azərbaycana dönməməyimin səbəbləri barədə. Əvvəla mən bu barədə, yuxarıda 1-ci bənddə qeyd etdiyim kimi, 16 avqust 2025-ci ildə dostlarım vasitəsilə xəbər tutdum. İkincisi, 05 sentyabr 2020-ci ildə, xüsusi mülkiyyət hüququ ilə mənə və ailə üzvlərimə məxsus mənzillərin, hadisə yerindən canlı verilişlər aparan jurnalist və operatorların gözü önündə, çoxsaylı polis əməkdaşlarının iştirakı ilə, Nərimanov rayon İcra Hakimiyyətinin vəzifəli şəxslərinin göstərişi ilə vəhşicəsinə dağıdılmasından və xüsusi əmlakımın məhv edilməsi barədə Baş Prokurorlluğa yazdığım şikayət ərizəLƏRinin cavabsız qalmasından sonra başa düşdüm ki, Azərbaycana dönmək həyatım üçün təhlükəlidir. Üçüncüsü, 1990-1991, 1998-2003, 2013-2014-cü illərdə şəxsən özümə qarşı şərləmə və böhtanla aparılan işləri, qanunsuz olaraq 9 ilədək azadlıqdan məhrum edilməyimi, eləcəcə də, jurnalistlərin, siyasi fəalların heydərizm rejimi tərəfindən şərlənərək həbs edilmələrini, insanların siyasi mövqeyinə görə vəhşicəsinə təqib edilməsini nəzərə alaraq mənim Azərbaycana geri dönməməyim başa düşüləndir.
6.5. Ancaq mənim istintaqdan gizlənmək fikrim yoxdur və istintaqla fəal əməkdaşlıq etməyə hazıram.
7. Müstəntiq Cavid İmanlı həmin qərarla mənim 18.08.2025-ci il tarixli vəsatətimi qismən təmin edib və qərarda göstərib ki, “mənim keyfiyyətli hüquqi yardım almaq hüququmu təmin etmək üçün mənim telefon nömrələrim DƏRHAL “vəkil”lərimə verilməlidir. Bu qərarını əsaslandırmaq üçün o, utanmadan, “Mülki və siyasi hüquqlar haqqında” Beynəlxalq Paktın 14-cü maddəsinin 3-cü hissəsinə, CPM-nin 19.1.-ci maddəsinə (Hüquqi yardım almaq və müdafiə hüququnun təmin edilməsi ) və Avropa Məhkəməsinin “Şaxnovski Rusiyaya qarşı iş üzrə 2010-cu il 2 noyabr tarixli Qərarının 102-ci paraqrafına” istinad edib. Müstənriqin istinad etdiyi Avropa Məhkəməsinin həmin qərarında deyilir ki, “vəkil və onun müdafiə etdiyi şəxs arasındakı münasibətlər etibar və anlaşılmaya əsaslanmalıdır.”
Müstəntiq, 2019-cu ildən bu günədək məni axtarmayan, mənimlə bir dəfə də olsun əlaqə yaratmağa cəhd etməyən, bütün Azərbaycan vətəndaşlarına məlum olan telefon nömrələrimi guya tapa bilmədiklərini iddia edən “vəkillər”lə mənim aramda etibarlı münasibətlər yaratmaq naminə bunu edib.
8. Müstəntiq Cavid İmanlıya görə, AzerFreedom TV efirindən hər gün insanlara göstərilən mənim telefon nömrələrimin, özünün təyin etdiyi və ona xidmət edən, 6 ildə mənimlə bir dəfə də olsun əlaqə saxlamağa cəhd etməyən “vəkil”lərə verilməsi mənim “keyfiyyətli hüquqi yardım almaq hüququmun təmin edilməsi” imiş.
9. Müstəntiq Cavid İmanlı mənim vəsatətimdə “keyfiyyətli hüquqi yardım almaq hüququ”mla bağlı əsas tələbimi- cinayət işinin materialları ilə tanış olmaq, onlara dair vəsatətlər vermək üçün materialların mənim elektron ünvanıma göndərilməsini rədd edib və qərarını belə əsaslandırıb ki:
9.1. “CPM-nin 284.1.-ci maddəsinin tələbinə əsasən, ittiham aktının tərtib edilməsi və cinayət işinin ibtidai araşdırmaya prosessual rəhbərliyi həyata keçirən prokurora göndərilməsi üçün toplanmış sübutların kifayət olduğunu hesab edən müstəntiq ibtidai istintaqın qurtarması barədə təqsirləndirilən şəxsə məlumat verir, habelə cinayət prosesi iştirakçılarının cinayət işinin materialları ilə tanış olma yerini və vaxtını müəyyən edir.”
9.2. “Həmin Məcəllənin 285.1.-ci maddəsinin tələbinə əsasən müstəntiq cinayət işinin materialları ilə tanış olmaq üçün onu vərəqləri nömrələnmiş və hər bir cilddə sənədlərin siyahısı olmaq şərti ilə bir və ya bir neçə tikilmiş cilddə təqdim edir. İşdə saxlanılan maddi sübutlar və istintaq hərəkətlərinin protokollarına əlavələr də təqdim edilməlidir. Cinayət işi bir neçə cilddən ibarət olduqda onun bütün cildləri eyni vaxtda təqdim edilir. ”
9.3. Azərbaycan Respublikasının cinayət-prosessual qanunvericiliyində cinayət işinin materialları ilə tanış olma mərhələsində i ş üzrə sənədlərin təqsirləndirilən şəxs daxil olmaqla, hər hansı cinayət prosesi iştirakçısının elektron poçt ünvanına göndərilməsi nəzərdə tutulmamış, cinayət işi materiallarının təqsirləndirilən şəxsə və onun müdafiəçisinə YALNIZ ƏYANİ ŞƏKİLDƏ ... MÜSTƏNTİQİN MÜƏYYƏN ETDİYİ VAXT VƏ YERDƏ təqdim edilməsi...nəzərdə tutulmuşdur.”
Şikayətçinin dəlilləri.
10. 1 aprel 2018-ci ildən başayaraq mənim hər gün AzerFreedom TV ekranlarında olan nömrələrimin məhz indi, 6 ildən sonra, istintaq tamamlandıqdan sonra “vəkil”lərə, guya mənim müdafiəçim olan şəxslərə verilməsi, həm vəkillərin öz vəzifələrini ləyaqətlə yerinə yetirməmələrinin, həm mənim keyfiyyətli hüquqi yardım almaq hüququmun pozulmasının, həm də müstəntiqin özünün öz vəzifələrini qanunlara uyğun icra etməməsinin, mənim hüquqlarımı pozmasının sübutudur.
11. Müstəntiq Cavid İmanlı CPM-nin 285-ci maddəsini düzgün şərh etmədi, Konstitusiya Məhkəməsinin səlahiyətlərini mənimsəyərək, həmin maddəni öz anladığı kimi şərh etdi və qərarda yazdı ki, “Azərbaycan Respublikasının cinayət-prosessual qanunvericiliyində ... cinayət işi materiallarının təqsirləndirilən şəxsə və onun müdafiəçisinə YALNIZ ƏYANİ ŞƏKİLDƏ ... MÜSTƏNTİQİN MÜƏYYƏN ETDİYİ VAXT VƏ YERDƏ təqdim edilməsi...nəzərdə tutulmuşdur.”
Halbuki, CPM-nin 285-ci maddəsində belə bir tələb yoxdur. Həmin maddəyə (Cinayət işinin materialları ilə tanış etmə qaydası) əsasən , “ 285.1. Müstəntiq cinayət işinin materialları ilə tanış olmaq üçün onu vərəqləri nömrələnmiş və hər bir cilddə sənədlərin siyahısı olmaq şərti ilə bir və ya bir neçə tikilmiş cilddə təqdim edir. İşdə saxlanılan maddi sübutlar və istintaq hərəkətlərinin protokollarına əlavələr də təqdim edilməlidir. Cinayət işi bir neçə cilddən ibarət olduqda onun bütün cildləri eyni vaxtda təqdim edilir.
285.2. Cinayət prosesinin iştirakçılarını cinayət işinin materialları ilə tanış edərkən müstəntiq onların xahişi ilə müvafiq texniki vasitələrdən istifadə etməklə protokollara əlavə edilən yazılar, fotoşəkillər, çəkiliş lentləri və başqa məlumat daşıyıcılarını nümayiş etdirir.
285.3. Təqsirləndirilən şəxs və müdafiəçi cinayət işinin materialları ilə cinayət prosesinin digər iştirakçılarından əvvəl tanış olur və bu tanışlığı birlikdə və ya ayrı-ayrılıqda aparmaq hüququna malikdirlər. Zərər çəkmiş şəxs, mülki iddiaçı və ya mülki cavabdeh cinayət işinin materialları ilə öz nümayəndəsi ilə birlikdə tanış olmaq hüququna malikdirlər.
285.4. Müstəntiq cinayət işinin materialları ilə tanış olmaq üçün vaxtı məhdudlaşdıra bilməz. Eyni zamanda cinayət prosesinin iştirakçıları bu vaxtı süni surətdə uzatdıqda, müstəntiq cinayət işinin həcmini və onunla tanış olmaq üçün kifayət olan vaxtı nəzərə almaqla cinayət işinin materialları ilə tanış olmaq üçün cədvəl müəyyən edə bilər.
285.5. Cinayət işinin materialları ilə tanış olan şəxslər ona aid zəruri sənədlərdən çıxarışlar etmək, surət çıxarmaq, maddi sübutların fotoşəklini çəkmək hüququna malikdirlər.
285.6. Müstəntiq cinayət işinin materialları ilə tanış olan şəxslərə özündə şəxsi, ailə, dövlət, peşə və ya kommersiya sirrini əks etdirən sənədlərdən çıxarışlar etməyə, surət çıxarmağa, foto şəklini çəkməyə icazə verməməlidir.”
12. Bir hakim kimi siz də bu maddəni belə anlayırsızsa, onda, CPM-nin 53.1.6.-cı maddəsinə (Cinayət təqibi üzrə icraatın dayandırılması əsasları ) əsasən, (insan hüquq və azadlıqlarının həyata keçirilməsi məsələləri ilə bağlı məhkəmə tərəfindən Azərbaycan Respublikası Konstitusiyasının və qanunlarının şərh edilməsi haqqında Azərbaycan Respublikasının Konstitusiya Məhkəməsinə müraciət edildikdə) icraatın dayandırılması haqqında qərar qəbul edin və CPM-nin 285-ci maddəsinin şərh edilməsi üçün Konstitusiya Məhkəməsinə müraciət edin.
13. İstintaqdan qaçıb gizləndiyi iddi edilən şəxs, Azərbaycandan kənarda olan təqsirləndirilən şəxs cinayət işinin materialları ilə necə tanış ola bilər? Vəkillərin tanış olduqdan sonra, surətlərini çıxardıb təqsirləndirilən şəxsə göndərəcəyi sənədlərin surətlərini müstəntiq, ittiham tərəfi niyə özü birbaşa təqsirləndirilən şəxsə göndərməsin? Burada hansı məntiq var? Məntiq, sağlam düşüncə, ağıl varmı burada, ümumiyyətlə?
14. CPM-nin 12.3.-cü maddəsinə (Konstitusiya ilə təsbit edilmiş insan və vətəndaş hüquq və azadlıqlarının təmin olunması ) əsasən, “Cinayət prosesi gedişində hər kəsin özünün Konstitusiya ilə təsbit edilmiş hüquq və azadlıqlarını qanunla qadağan edilməyən bütün üsul və vasitələrlə müdafiə etməyə hüququ vardır.” Cinayət təqibi üzrə materialların surətlərinin WhatsApp nömrəsi, elektron ünvan, yaxud da başqa hansısa üsulla şəxsən təqsirləndirilən şəxsə göndərilməsi hansı qanunla qadağan edilir? Belə bir qanun yoxdur.
15. Azərbaycan Respublikası Konstitusiyasının 71-ci maddəsinin IX. Bəndinə əsasən, “ Hər kəs qanunla qadağan olunmayan hərəkətləri edə bilər və heç kəs qanunla nəzərdə tutulmayan hərəkətləri etməyə məcbur edilə bilməz.”. Cinayət işinin materiallarının, təqsirləndirilən şəxsin tanış olması üçün, elektron ünvana və ya başqa texniki vasitələrlə göndərilməsinin tələb edilməsi qanunla qadağan edilməyib.
16. CPM-nin 467-12.-ci maddəsinə (Cinayət təqibi üzrə qiyabi icraatın xüsusiyyətləri) əsasən, “467-12.2. Cinayət təqibi üzrə qiyabi icraat aparıldıqda bu Məcəllənin 91-ci maddəsində nəzərdə tutulmuş hüquqlar cinayət prosesini həyata keçirən orqan tərəfindən təmin edilməlidir.” Cinayət Prosessual Məcəlləsinin 91-ci maddəsində isə: “91.5.1. ...barəsində qətimkan tədbiri seçilməsi haqqında qərar elan olunduqdan dərhal sonra müvafiq qərarın surətini almaq; 91.5.7. müstəqil olaraq müdafiəçi seçmək, onun səlahiyyətlərinə xitam vermək, müdafiəçidən imtina etdiyi halda özü özünü müdafiə etmək;91.5.10. ifadə (izahat) vermək, ... haqqında irəli sürülmüş ittihama dair izahat vermək və izahat verməkdən imtina etmək; 91.5.13. etirazlar etmək və vəsatətlər vermək;91.5.22. ibtidai araşdırma qurtardığı və ya cinayət işi üzrə icraata xitam verildiyi andan işin materialları ilə tanış olmaq, ona aid zəruri sənədlərin surətlərini çıxarmaq; 91.5.29. hüquqlarına və qanuni mənafeyinə toxunan qərarlar haqqında cinayət prosesini həyata keçirən orqan tərəfindən məlumatlanmaq və xahişi ilə bu qərarların, o cümlədən qətimkan tədbirinin seçilməsi, istintaq və ya digər prosessual məcburiyyət tədbirlərinin aparılması, təqsirləndirilən şəxs qismində cəlb etmə, ittiham elan olunması haqqında qərarların, habelə ittiham aktının, iddia ərizəsinin, hökmün, məhkəmənin digər yekun qərarının, apellyasiya və ya kassasiya şikayətlərinin, yaxud protestlərinin surətlərini almaq; 91.5.30. təhqiqatçının, müstəntiqin və ya prokurorun qərarlarından, yaxud hərəkətlərindən şikayət etmək; 91.5.43. cinayət təqibi qiyabi icraat qaydasında aparıldıqda: 91.5.43.1. çağırış vərəqəsini, cinayət təqibi üzrə qiyabi icraatın açılması barədə qərarı, habelə cinayət təqibi üzrə qiyabi icraat nəticəsində qəbul edilmiş qiyabi hökm və ya məhkəmənin digər yekun qərarını bu Məcəllənin 54-1 – 54-4-cü maddələrində nəzərdə tutulmuş qaydada almaq (istintaqdan və ya məhkəmədən gizlənməsi müəyyən edildiyi hallar istisna olmaqla); 91.5.43.2. cinayət təqibi üzrə qiyabi icraatda müdafiəçisi vasitəsilə təmsil olunmaq; 91.5.43.3. cinayət işinin materialları ilə tanış olmaq, istintaq və digər prosessual hərəkətlərin keçirilməsinə dair vəsatətlər vermək;” kimi hüquqlar nəzərdə tutulub.
• İttiham tərəfi, müstəntiq C.İmanlı yuxarıda qeyd etdiyim, CPM-nin 91-ci maddəsində nəzərdə tutulan hüqularımın heç birini nəinki təmin etməyib, həm də bu qərarla həmin hüquqları təmin etməkdən imtina edib.
17. CPM-nin 467-13.-cü maddəsinə (Cinayət təqibi üzrə qiyabi icraatın açılması) əsasən, “467-13.1. Azərbaycan Respublikası Cinayət Məcəlləsinin 100–119, 137, 144–145, 178, 179, 182, 193-1, 204, 205, 206, 206-1, 208, 214–219-1, 228, 274–283-1, 308–314-3, 318, 318-1, 319 və 324-cü maddələri, eləcə də həmin maddələrlə yanaşı eyni bir cinayət işi çərçivəsində cinayətlərin məcmusu üzrə həmin Məcəllənin digər maddələri ilə ittiham olunan təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı üçün cinayət prosesində şəxsən iştirakının təmin edilməsi mümkün olmadıqda onun barəsində cinayət təqibi qiyabi icraat qaydasında aparıla bilər. 467-13.3. Cinayət prosesini həyata keçirən orqan təqsirləndirilən şəxsin bu Məcəllənin 54-1 – 54-4-cü maddələrində nəzərdə tutulmuş qaydada çağırılmasını həyata keçirdikdə, eyni zamanda barəsində cinayət təqibinin qiyabi icraat qaydasında keçirilməsi imkanı barədə onu məlumatlandırır, habelə həmin icraatda özünün seçimi əsasında müdafiəçi vasitəsilə təmsil olunmaq hüququndan istifadə etmək istədiyi halda, müdafiəçisi barədə məlumatları cinayət prosesini həyata keçirən orqana göndərməli olduğunu bildirir. 467-13.7. Təqsirləndirilən şəxsin özünün seçdiyi müdafiəçi barədə məlumat olmadıqda, cinayət təqibi üzrə qiyabi icraatın açılması barədə məsələyə baxılmasında müdafiəçinin iştirakı cinayət prosesini həyata keçirən orqan tərəfindən təmin edilir. Təqsirləndirilən şəxsə verilməli olan prosessual sənədlərin surətləri müdafiəçiyə təqdim edilir. 467-13.10. Cinayət təqibi üzrə qiyabi icraatın açılması barədə məsələyə baxılarkən məhkəmə tərəfindən aşağıdakı hallar nəzərə alınır: 467-13.10.1. təqsirləndirilən şəxsin bu Məcəllədə nəzərdə tutulmuş qaydada çağırılması, olduğu yerin müəyyən edilməsi və cinayət prosesini həyata keçirən orqanın sərəncamına verilməsi üçün görülən tədbirlər; 467-13.10.2. təqsirləndirilən şəxsin hüquqi yardım almaq və müdafiə hüququnun təmin edilməsi; 467-13.10.3. təqsirləndirilən şəxsin bu Məcəllədə və Azərbaycan Respublikasının tərəfdar çıxdığı beynəlxalq müqavilələrdə nəzərdə tutulmuş qaydada axtarışı və verilməsi (ekstradisiyası) üçün görülmüş tədbirlər. 467-13.11. Cinayət təqibi üzrə qiyabi icraatın açılması məsələsi ilə bağlı məhkəmə qərarının surəti, həmin qərar çıxarıldıqdan sonra 3 gündən gec olmayaraq vəsatəti vermiş şəxsə, ibtidai araşdırmaya prosessual rəhbərliyi həyata keçirən prokurora, təqsirləndirilən şəxsin müdafiəçisinə və təqsirləndirilən şəxsə (istintaqdan və ya məhkəmədən gizlənməsi müəyyən edildiyi hallar istisna olmaqla) məhkəmə tərəfindən göndərilir.”
Qanunda göstərilən bu tələblərə də müstəntiq C.İmanlı və mənim haqqımda Binəqədi rayon məhkəməsi tərəfindən əməl edilməyib.
18. Mən istintaqdan qaçıb gizlənməmişəm. Mən 1 aprel 2018-ci ildə Azərbaycanı tərk edərkən haqqımda heç bir cinayət təqibi aparılmırdı, cinayət işi qaldırılmamışdı və bu barədə mənə heç bir məlumat verilməmişdi.
19. Mənim telefon nömrələrim, YouTube üzərindən hər gün yayın edən AzerFreedom TV-nin ekranlarında olmasına baxmayaraq (+44 785 916 81 59, +994 50 200 66 10), heç bir rəsmi bildiriş, çağırış vərəqi, telefon mesajı almamışam.
20. 5 sentyabr 2020-ci ildə, özümün və ailə üzvlərimin yaşadığı, Bakı şəhəri Nərimanov rayonu M.Nağıyev küçəsi, 1927-ci məhəllə, bina 4-6 ünvanında yerləşən mənzillərimiz, hadisə yerindən canlı yayın verən jurnalistlərin gözü qabağında və polis işçilərinin iştirakı ilə, Nərimanov rayon İcra Hakimiyyətinin vəzifəli şəxslərinin nəzarəti altında vəhşicəsinə dağıdıldıqdan, hamısı qız uşağı olan azyaşlı nəvələrim küçəyə atıldıqdan sonra, başa düşdüm ki, Azərbaycana dönmək həyatım üçün təhlükə yaradar və ona görə də 12 iyun 2018-ci ildə, yəni mənzillərimiz dağıdıldıqdan 72 gün sonra Birləşmiş Krallıqda siyasi sığınacaq üçün müraciət etdim və həmin ilin sentyabr ayında müraciətimə müsbət cavab verildi.
21. Bir sözlə, mənim istintaqdan qaçıb gizlənməyimlə bağlı ittiham tərəfinin gəldiyi nəticə tamamilə əsassızdır.
22. 19 avqust 2025-ci ildə, Bakı vaxtı ilə saat 17:05-də +994 50 323 93 03 nömrəli telefon nömrəsindən mənə zəng edən şəxs özünü Hüseynov Səfər Gülüş oğlu kimi təqdim etdi, vəkil olduğunu, 2020-ci ildən mənim müdafiəçim kimi hansısa cinayət işlərində iştirak etdiyini bildirdi. Mən ondan: “Siz necə vəkil və mənim müdafiəçimsiz ki, bu 5 ildə bir dəfə də olsun mənimlə əlaqə saxlamamısız, mənə heç bir məlumat verməmisiz”- deyə, soruşanda, ağlabatan bir cavab ala bilmədim və başa düşdüm ki, bu adam ittiham tərəfinin-Baş Prokurorluğun vəkilidir, mənim yox. Ona görə də, həmin vəkildən imtina etdim. Çünki, ittiham tərəfi CPM-nin 467-13.3.-cü maddəsində göstərilən “Cinayət prosesini həyata keçirən orqan təqsirləndirilən şəxsin bu Məcəllənin 54-1 – 54-4-cü maddələrində nəzərdə tutulmuş qaydada çağırılmasını həyata keçirdikdə, eyni zamanda barəsində cinayət təqibinin qiyabi icraat qaydasında keçirilməsi imkanı barədə onu məlumatlandırır, habelə həmin icraatda özünün seçimi əsasında müdafiəçi vasitəsilə təmsil olunmaq hüququndan istifadə etmək istədiyi halda, müdafiəçisi barədə məlumatları cinayət prosesini həyata keçirən orqana göndərməli olduğunu bildirir.” - qaydasını pozub. Müstəntiq vaxtında bu barədə mənə bildirsəydi, mən hansı vəkili mənə müdafiəçi təyin etməyi barədə ona bildirərdim. 2019-cu ildən haqqımda cinayət təqibi başladılıb, ancaq bu barədə mənə məlumat 2025-ci ildə verilib.
23. Müdafiə hüquqlarımı həyata keçirmək məqsədilə, Baş Prokurorluğa yazdığım 18.08.2025-ci il tarixli vəsatətimdə haqqımda olan cinayət işinin materialları ilə tanış olmaq üçün, iş materiallarının mənim elektron ünvanıma (gurban.mehi .com), istədikləri formatda (Word, PDF və s.) WhatsApp nömrələrimə (+44 785 916 81 59, +994 50 200 66 10), eləcə də Telegram səhifəmə (GurbanMammadov) göndərilməsini istədim, lakin mənim bu qanuni tələbimə əməl edilmədi.
23.1. Həmin vəsatətlə mən, mənə ittiham elan etmək üçün toplanılan sübutları mənə təqdim etmələini istədim ki, mən əks arqumentlərimi, müdafiə dəlillərimi ittiham tərəfinə təqdim edim. Bunu da etmədilər. Belə halda mən necə müdafiə oluna bilərəm?
23.2. Həmin vəsatətlə, barəmdə qətimkan tədbiri seçilməsi haqqında məhkəmə qərarının surətini, bu qərarın qəbul edilməsi üçün məhkəməyə təqdim edilmiş sübutların surətinin, 23-cü bənddə göstərdiyim qaydalardan birinə uyğun olaraq, mənə təqdim edilməsini istədim. Bu qanuni tələbimə də əməl edilmədi.
23.3. Həmin vəsatətlə, haqqımda irəli sürülmüş ittihamlara dair məndən video-konfrans yoluyla, istədikləri qayda və üsulla, izahat almalarını tələb etdim. Çünki, bu mənim müdafiə olunmağım üçün çox vacibdir. Bunu da rədd etdilər. Mən necə qaçıb gizlənmişəm ki, mən izahat vermək istəyirəm, ittiham tərəfi qəbul etmir. Kimdir qaçıb gizlənən: mən, yoxsa Baş Prokurorluq?
23.4. Həmin vəsatətlə, mənim əleyhimə ifadə vermiş şəxslərlə məni video-konfrans yoluyla üzləşdirmələrini və Avropa Konvensiyasının 6-cı maddəsində nəzərdə tutulan hüquqlara uyğun olaraq, mənim onlara sual verməyim üçün şərait yaratmalarını tələb etdim, rədd etdilər. Bu necə istintaq aparmaqdır? Bəs mən necə müdafiə olunum?! Durum hoppana-hoppana, insanları şərləyib həbs edən Kamran Əliyevin hüzurunamı gedim? Öncə, mənim təqsirim, cinayətim sübut edilsin, sonra mən özüm onların tələbinə əməl edəcəyəm.
24. 21 avqust 2025-ci il tarixli vəsatətlə:
24.1. Mənə aid olan, yəni bütün iş materiallarının, xüsusilə: qətimkan tədbirinin seçilməsi, istintaq və ya digər prosessual məcburiyyət tədbirlərinin aparılması, təqsirləndirilən şəxs qismində cəlb etmə, ittiham elan olunması haqqında qərarların surətlərinin mənə təqdim edilməsini,
• Poçtla göndərmək üçün artıq xərc çəkməsinlər deyə, sənədlərin surətlərini qardaşım Məmmədov Süleyman Cəlal oğluna (Etibarnamənin surətini o sizə təqdim edəcəkdir, telefon nömrəsi: 050 365 95 47) vermələrini və ya PDF formatında mənim elektron ünvanıma göndərmələrini təkrar xahiş etdim. Yenə də rədd etdilər.
24.2. Həmin vəsatətlə, haqqımda cinayət təqibi üzrə qiyabi icraatın açılması barədə qərarın ləğv edilməsini və istintaqın ümumi qaydada davam etdirilməsini istədim. Çünki, cinayət təqibi üzrə qiyabi icraatın açılması, yalnız, CPM-nin 467-13.1.-ci maddəsində göstərildiyi kimi, “... ittiham olunan təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı üçün cinayət prosesində şəxsən iştirakının təmin edilməsi mümkün olmadıqda onun barəsində cinayət təqibi qiyabi icraat qaydasında aparıla bilər.”. Yuxarıda göstərdiyim kimi, mən istintaqdan gizlənməmişəm və ya çağırışa gəlməkdən Q Ə S D Ə N B O Y U N Q A Ç I R M A M I Ş A M.
Məncə, əgər mənimlə eyni fikirdə deyilsizsə, maddədə göstərilən “ittiham olunan təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı” sözlərinə şərh verilməsi üçün Konstitusiya Məhkəməsinə müraciət etməlisiz.
• CPM-nin 467-14.-cü maddəsinə (Məhkəməyədək icraat zamanı cinayət təqibi üzrə qiyabi icraata xitam verilməsi) əsasən, “467-14.1. Müstəntiq tərəfindən ittiham aktı ibtidai araşdırmaya prosessual rəhbərliyi həyata keçirən prokurora göndərilənədək təqsirləndirilən şəxs könüllü gəldikdə .. müstəntiq dərhal cinayət təqibi üzrə qiyabi icraata xitam verilməsi haqqında qərar qəbul edir və bu barədə ibtidai araşdırmaya prosessual rəhbərliyi həyata keçirən prokurora məlumat verir... 467-14.2. Bu Məcəllənin 467-14.1-ci maddəsində nəzərdə tutulmuş qərar çıxarıldığı vaxtdan cinayət təqibi üzrə icraat bu Məcəllə ilə müəyyən edilmiş ümumi qaydada davam etdirilir.”
• Bu maddədə göstərilən: “təqsirləndirilən şəxs könüllü gəldikdə” ifadəsi, şəxsin fiziki olaraq addım-addım Baş Pokurorluğun binasına gəlməsi kimi başa düşülə bilməz. Çünki, CPM-nin 467-13.1.-ci maddəsində nəzərdə tutulan “təqsirləndirilən şəxsin Azərbaycan Respublikasının ərazisindən kənarda istintaqdan və ya məhkəmədən gizləndiyi və ya çağırışa gəlməkdən qəsdən boyun qaçırdığı”- ifadəsi, fiziki olaraq, gizlənparçda olduğu kimi, stol altında, ağac dalında gizlənmək kimi başa düşülmür, istintaqla əməkdaşlıqdan, ifadə verməkdən, üzləşmələrdə yayınmaqdan və haqqında qanuni, əsaslı məhkəmə hökm çıxarıldığı halda təslim olmamaq kimi başa düşülür.
• Başqa sözlə, “istintaqdan və ya məhkəmədən gizlənmə” şəxsin fiziki olaraq gizlənməsini nəzərdə tutmadığı kimi, “könüllü gəlmə” də fiziki gəlməni nəzərdə tutmur, istintaqla real əməkdaşlıq edib-etməməni nəzərdə tutur.
• Mənə inanmırsızsa, Konstitusiya Məhkəməsinə müraciət edin.
25. Həmin vəsatətdə həm də göstərdim ki:
• Əvvəla, mənim haqqımda cinayət təqibi üzrə qiyabi icraat başladıldığından 30 ay qabaq, yəni 1 aprel 2018-ci ildə mən Azərbaycanı tərk etmişdim.
• İkincisi, mənim haqqımda cinayət təqibi üzrə qiyabi icraat başladıldığından 24 ay qabaq, yəni 2018-ci ilin sentyabrında mən Birləşmiş Krallıqda siyasi oturum almışdım.
• Üçüncüsü, artıq yuxarıda qeyd etdiyim kimi, “şəxsin cinayət prosesində şəxsən iştirakı” -dedikdə, şəxsin fiziki olaraq istintaq aparılan otaqda, müstəntiqlə üzbəüz oturması başa düşülməməlidir.
• Mən həmişə istintaqla əməkdaşlıq etməyə, ifadə verməyə, üzləşməyə, istintaq hərəkətlərində iştirak etməyə hazıram və bununçün mənim məhz Azərbaycanda olmağıma hələlik ehtiyac yoxdur.
26. Azərbaycan Respublikası Cinayət Prosessual Məcəlləsinin 51-2.-ci maddəsinə (Cinayət mühakimə icraatının videokonfrans əlaqə sistemindən istifadə edilməklə həyata keçirilməsi) əsasən,
51-2.1. Cinayət mühakimə icraatında prosessual hərəkətlər aşağıdakı hallarda şübhəli və ya təqsirləndirilən şəxsin... bilavasitə iştirakı olmadan videokonfrans əlaqə sistemindən istifadə edilməklə həyata keçirilə bilər:
51-2.1.1. bu Məcəllənin 51-2.1-ci maddəsində göstərilən şəxslərin həyatı və sağlamlığı üçün real təhdidlər olduqda onların təhlükəsizliyinin təmin edilməsi, habelə onlara kənar təsirlərin qarşısının alınması zərurəti yarandıqda;
51-2.4. İbtidai araşdırma zamanı bu Məcəllənin 51-2.1-ci maddəsində göstərilən şəxslərin videokonfrans əlaqə sistemindən istifadə edilməklə dindirilməsi müstəntiqin və ya ibtidai araşdırmaya prosessual rəhbərliyi həyata keçirən prokurorun əsaslandırılmış qərarı ilə həyata keçirilir. Bu Məcəllənin 51-2.1-ci maddəsində göstərilən şəxslər dindirmənin videokonfrans əlaqə sistemindən istifadə edilməklə keçirilməsi barədə vəsatət verə bilər. .
51-2.6. Videokonfrans əlaqə sistemindən istifadə edilməklə həyata keçirilən prosessual hərəkətlərdə iştirak edən şəxslərə bu Məcəllə ilə nəzərdə tutulmuş hüquqlardan istifadə etmək və vəzifələri yerinə yetirmək üçün müvafiq şərait yaradılmalıdır.
51-2.7. Prosessual hərəkətlər videokonfrans əlaqə sistemindən istifadə edilməklə həyata keçirildikdə tətbiq edilən texniki vasitələr səsin və görüntünün keyfiyyətini və real vaxt rejimində ötürülməsini, cinayət mühakimə icraatının aşkarlığı və digər əsas prinsip və şərtlərinə riayət edilməsini, habelə informasiya təhlükəsizliyini təmin etməlidir.
51-2.8. Videokonfrans əlaqə sistemindən istifadə edilməklə həyata keçirilən prosessual hərəkətlərin videoyazısı aparılmalı, prosessual hərəkətlərin nəticəsinə dair videoyazıya uyğun olaraq protokol tərtib edilməli və videoyazı elektron daşıyıcıda cinayət işinə əlavə edilməlidir.
51-2.9. Prosessual hərəkətlər bu Məcəllənin 51-2-ci maddəsində nəzərdə tutulmuş qaydada həyata keçirildikdə müdafiəçi və ya nümayəndənin videokonfrans əlaqənin yaradılması zamanı olacağı yer təmsil olunan şəxsin seçiminə əsasən müəyyən edilir.
51-2.13. Cinayət prosesi iştirakçısının Azərbaycan Respublikasının hüdudlarından kənarda olması səbəbindən onun videokonfrans əlaqə sistemi vasitəsilə dindirilməsi zərurəti yarandıqda, bu haqda müvafiq olaraq müstəntiqin, ibtidai araşdırmaya prosessual rəhbərliyi həyata keçirən prokurorun və ya məhkəmənin qəbul etdiyi qərar icra olunması üçün hüquqi yardımın göstərilməsi qaydasında xarici dövlətin müvafiq dövlət qurumuna göndərilir.
• Mən də CPM-nin 51-2.-ci maddəsinə uyğun olaraq, videokonfrans yoluyla dindirilməmi tələb edirəm. Burada qanunsuz nə var ki?
• Yox əgər ittiham tərəfi özü məni videokonfrans yoluyla dindirmək istəmirsə, onda buyursun, CPM-nin 51-2.13.-cü maddəsinə əsasən, Birləşmiş Krallığın müvafiq dövlət qurumundan məni dindirməyi tələb etsin.
• İstintaqdan gizlənən adam belə olmur, cənablar.
• Gizlənən sizsiniz, mən yox!
• Çünki Baş Prokuroru rüşvətxor və korrupsioner,
• hakimi rüşvətxor,
• müstəntiqi rüşvətxor olan ölkənin qanunsuz tapşırıqlarının demokratik, hüquqi dövlət olan Birləşmiş Krallıqda qəbul edilməyəcəyini bilirlər.
Yuxarıda qeyd edilənlərə əsasən,
XAHİŞ EDİRƏM:
26. Azərbaycan Respublikası Baş Prokurorluğunun İstintaq idarəsinin xüsusilə mühüm işlər üzrə müstəntiqi, istintaq qrupunun rəhbəri, I dərəcəli hüquqşünas Cavid İmanlının, təqsirləndirilən şəxsin müdafiə hüquqlarının pozulmasında: istədiyi vəkili tutmaq üçün ona vaxtında məlumat verməməkdə, cinayət-prosessual qanunvericiliklə ona vaxtında verilməli olan prosessual sənədlərin verilməməsində” ifadə edilən hərəkətləri qanunsuz hesab edilsin.
27. Azərbaycan Respublikası Baş Prokurorluğunun İstintaq idarəsinin xüsusilə mühüm işlər üzrə müstəntiqi, istintaq qrupunun rəhbəri, I dərəcəli hüquqşünas Cavid İmanlının “istintaq materiallarının təqsirləndirilən şəxsin elektron ünvanına göndərməməkdə” ifadə edilən hərəkətləri qanunsuz hesab edilsin.
28. Azərbaycan Respublikası Baş Prokurorluğunun İstintaq idarəsinin xüsusilə mühüm işlər üzrə müstəntiqi, istintaq qrupunun rəhbəri, I dərəcəli hüquqşünas Cavid İmanlının “Vəsatətin qismən təmin edilməsi haqqında” 20 avqust 2025-ci il tarixli, 03/ 252006007 nömrəli qərarı ləğv edilsin.
29. İş üzrə “cinayət təqibi üzrə qiyabi icraata xitam verilməsi haqqında” qərar və “istintaqın ümumi qaydada aparılması barədə qərar” qəbul edilməsi barədə müstəntiqin üzərinə vəzifə qoyulması haqqında qərar qəbul edilsin.
30. Binəqədi rayon məhkəməsinin 30 may 2025-ci il tarixli, 4(001)-400/2025 nömrəli qərarının və 2019-cu ildənm başlayaraq, iş materiallarında mənə aid olan digər məhkəmə qərarlarının dərhal mənə göndərilməsi vəzifəsinin Baş Prokurorluğun üzərinə qoyulması barədə qərar qəbul edilsin.
31. İş materiallarının surətlərinin təqsirləndirilən şəxsin, ya elektron ünvanına ([email protected]), ya WhatsApp nömrəsinə (+44 785 916 81 59), ya da Telegram hesabına (GurbanMammadov) göndərilməsi vəzifəsinin müstəntiq Cavid İmanlının üzərinə qoyulması barədə qərar qəbul edilsin.
23.08.2025
İmza: /Q.C.Məmmədov/
