http://www.iweiroyinyoruba.com/

Iwe Iroyin Yoruba, 1 Thanes Villa, Seven Sister's Road, Finsbury Park, London (2026)

17/01/2026

GÓMÌNÀ SANWOOLU PÀṢẸ KKÍ ÌWÁDÌÍ Ó WÁYÉ LÓRÍ IKÚ ÀWỌN ỌMỌ ÌBEJÌ TÍ WỌ́N KÚ LẸ́YÌN ABẸ́RẸ́ ÀJẸSÁRA.

Gómìnà ìpínlẹ̀ Èkó; Babajide Sanwoolu ti pàṣẹ kí ìwádìí ìjìnlẹ̀ ó wáyé lórí ikú àwọn ọmọ ìbejì tí wọ́n kú lẹ́yìn wákàtí mẹ́rìnlélógún tí wọ́n gba abẹ́rẹ́ àjẹsára.
Gómìnà sọ èyí lẹ́yìn tí bàbá àwọn ọmọ náà fi ẹ̀sùn kan ilé ìwòsàn ìjọba alábọ́dé kan tó wà ní Èkó pé abẹ́rẹ́ àjẹsára wọn ló pa àwọn ọmọ rẹ̀ ìbejì ọkùnrin méjì.
Gómìnà bá Samuel Alozie; bàbá àwọn ọmọ náà kẹ́dùn, ó ní àwọn ti bẹ̀rẹ̀ ìwádìí lórí ikú àwọn ọmọ méjì náà. Ọ̀rọ̀ rẹ̀ lọ báyìí pé wọ́n ti fún ọ̀pọ̀ àwọn ọmọ ní abẹ́rẹ́ àjẹsára tí wọ́n fún àwọn ìbejì náà ṣáájú wọn àti lẹ́yìn tí wọ́n fún wọn tí kò sì sí èyí tó gbòdì lára rẹ̀.
Èsì àyẹ̀wò òkú àwọn ọmọ náà yóò jáde síta lọ́gán tí àyẹ̀wò náà bá parí – ìjọba ìpínlẹ̀ Èkó.

17/01/2026

ỌKỌ̀ ÀJÀGBÉ AGBÉPO WÓ LÉ ỌKỌ̀ SUV LÓRÍ NÍ ÌBÀDÀN.

Ọkọ̀ àjàgbé agbépo kan tó kún dẹ́nu bámú ti gbókìtì ní ojú ọ̀nà márosẹ̀ Akala ní Ibadan. Orí ọkọ̀ ayọ́kẹ́lẹ́ SUV kan tí wọ́n gbé kalẹ̀ ni ó dà wó lé lórí tí ọkọ̀ náà sì parẹ́ mọ́lẹ̀.
Obìnrin ni ẹni tó ni ọkọ̀ yìí, nínú fọ́nrán rẹ̀ tó gbòde ni a ti rí obìnrin yìí tó bu awakọ̀ so pé yóò ra ọkọ rẹ̀ padà lódidi. Ó mú ẹ̀rọ ìbánisọ̀rọ̀ rẹ̀ ó sì ń pe ọkọ rẹ̀.
Kò sí ẹni tó farapa nínú ìṣẹ̀lẹ̀ yìí bẹ́ẹ̀ sì ni ọkọ̀ agbépo náà kò gbaná.

17/01/2026

BÀBÁ ÌBEJÌ BÈÈRÈ FÚN ÌWÁDÌÍ LÓRÍ IKÚ ÀWỌN ỌMỌ RẸ̀ LẸ́YÌN TÍ WỌ́N GBA ABẸ́RẸ́ ÀJẸSÁRA.

Ọkùnrin kan tí orúkọ rẹ̀ ń jẹ́ Samuel Alozie ti ké gbàjarè síta lẹ́yìn tí ó pàdánú àwọn ọmọ rẹ̀ ìbejì ọkùnrin lẹ́yìn wàkátì mẹ́rìnlélógún tí wọ́n gba abẹ́rẹ́ àjẹsára.
Bàbá ìbejì fi ẹ̀sùn kan ilé ìwòsàn ìjọba alábọ́dé kan ní ìpínlẹ̀ Èkó pé òun kó àwọn ọmọ òun, ìbejì ọkùnrin àwọn ọmọ oṣù mẹ́sàn-án lọ gba abẹ́rẹ́ àjẹsára ní ọjọ́ kẹrìnlélógún, oṣù Ọ̀pẹ.
Ó ní àwọn ọmọ náà bẹ̀rẹ̀ sí ní gbóná òun sì fún wọn ní parasitamọ́ọ̀ bí nọ́ọ́sì náà ṣe sọ. Ó fi omi tutu wẹ àwọn ọmọ náà àmọ́ ìgbóná náà kò dínkù bẹ́ẹ̀ sì ni àwọn ọmọ náà kò ní okun nínú mọ́. Ọjọ́ kejì tíí ṣe ọjọ́ ọdún kérésì ni àwọn ọmọ náà kú sílé ìwòsàn.
Alozie ṣe àlàyé pé ilé ìwòsàn náà wí pé oúnjẹ tí òun fún wọn jẹ ló pa àwọn ọmọ náà. Ó ní òun kò gba èyí nítorí pé oúnjẹ náà kò pa wọ́n láti oṣù kan títí oṣù mẹ́sàn-án.
Ọ̀rọ̀ rẹ̀ tẹ̀síwájú pé àwọn ọmọ náà kò ṣe àìsàn láti ìgbà tí òun ti bí wọn, lọ́jọ́ tí wọ́n lọ gba abẹ́rẹ́ náà, koko lara wọn le, ìgbà tí wọ́n gba abẹ́rẹ́ náà tán ni wọn kò le jẹun, sọ̀rọ̀ tàbí ṣeré mọ́.
Àwọn ọmọ náà kò gba abẹ́rẹ́ níbòmíràn láti ìgbà tí ó ti bí wọn, lọ́jọ́ tí wọ́n gba àgbàkẹ́yìn náà, nọ́ọ̀sì titun ló fún wà lẹ́nu iṣẹ́ lọ́jọ́ náà kìí ṣe èyí tí wọ́n mọ̀ tẹ́lẹ̀.
Alozie ra ọwọ́ ẹ̀bẹ̀ sí àwọn agbẹjọ́rò àti ajàfẹ́tọ̀ọ́mọnìyàn pé kí wọn ó dìde ìrànlọ́wọ́ fún òun láti rí ìdájọ́ òdodo lórí ikú àwọn ọmọ náà. Ó ní wọ́n ṣe àyẹ̀wò àwọn ọmọ náà nílé ìwòsàn ìjọba wọ́n sì ní kòkòrò inú oúnjẹ ló pa wọ́n, ó ní òun kò gba èyí gbọ́ nítorí ilé ìwòsàn ìjọba ni wọ́n ti ṣe àyẹ̀wò náà òṣìṣẹ́ ìjọba sì ni ó fún wọn ní abẹ́rẹ́.
Alozie ti sin òkú àwọn ọmọ náà àmọ́ ó ní ẹ̀mí wọn kò sinmi nítorí ikú àìtọ́jọ́ ni wọ́n kú.

#ᴠᴀᴄᴄɪɴᴀᴛɪᴏɴᴅᴏɴᴇ

17/01/2026

Owó gọbọi ni wọ́n san kí wọ́n tó dá ọkùnrin náà sílẹ̀

https://iweiroyinyoruba.com/won-ti-da-o%e1%b9%a3i%e1%b9%a3efeyinyi-e%e1%b9%a3o-a%e1%b9%a3obode-ile-wa-sile-leyin-owo-itusile/

17/01/2026

Big thanks to Abdulazeez Zainab, Hafeez Adeoye Adewale, Rasheed Fadairo Adetoye, Bola Blacky, Autumn White, Sikiru Ayo Adeyemo, Ayoola Idera-Oluwa Fayomi, Zi Zi, Jimoh Olamilekan Noj, Buhari Muhammed Adetunji, Olori Abiodun Adekola, Adenike Ayinde, Oyelekan Adigun, Prince Raphael Sola Adeyele, Kayode Adetunji, Joshua Olakanmi Oladeji, Alabi Temmytayor, Sulaimon Lateef, Nasir Adesola Adetokun, Babajide Awodiji, Atunrase Abimbola, Olalekan Akinkunmi Adisa, Arolagbade Waheed Oyeleke, Adekunle Gold, Taofeek Afeez, Ojo Iyiade, Ibrahim Temitope Awoyemi, Adeadun Ayinke, Ambali Akanfe Tijani, Ismail Ajibade, Ipadeola Samuel Oluwagbotemi

for all of your support! Congrats for being top fans on a streak 🔥!

17/01/2026

Big shout out to my newest top fans! 💎 Abdulazeez Zainab, Hafeez Adeoye Adewale, Rasheed Fadairo Adetoye, Bola Blacky, Autumn White, Sikiru Ayo Adeyemo, Ayoola Idera-Oluwa Fayomi, Zi Zi, Jimoh Olamilekan Noj, Buhari Muhammed Adetunji, Olori Abiodun Adekola, Adenike Ayinde, Oyelekan Adigun, Prince Raphael Sola Adeyele, Kayode Adetunji, Joshua Olakanmi Oladeji, Alabi Temmytayor, Sulaimon Lateef, Nasir Adesola Adetokun, Babajide Awodiji, Atunrase Abimbola, Olalekan Akinkunmi Adisa, Arolagbade Waheed Oyeleke, Adekunle Gold, Taofeek Afeez, Idowu Olayiwola, Ojo Iyiade, Ibrahim Temitope Awoyemi, Adeadun Ayinke, Ambali Akanfe Tijani, Ismail Ajibade, Ipadeola Samuel Oluwagbotemi

Drop a comment to welcome them to our community, fans

17/01/2026

Shout out to my newest followers! Excited to have you onboard! Ayinla Ibrahim, Telèjayé Francis A. Káyòdé, Olanrewaju Remilekun, Akinfemi Akintunde, Busayo Oyebisi, Ayodele Mogaji, Alelagba Opeyemi, Baylo Atanda, Ejiwunmi Ejireoyila EdunjobiOba Omo, Olayinka Toyin, Mujeeb Jamiu, Janet Folasade, Funke Pearl, Daniel Kuye, Eyiowuawi Ramotalahi Adebisi, Shuib Ishola, Oyekanmi Olalekan, Adesikemi Taiwo, Inaolaji Marruff Abidoye, Imam Mustapha Abubakar Olayiwola, الأستاذ الشيخ المركزي

16/01/2026

ÌJỌBA ÌPÍNLẸ̀ KANO TI PÀṢẸ KÍ ÌWÁDÌÍ Ó WÁYÉ LÓRÍ IKÚ AISHATU UMAR.

Ìjọba ìpínlẹ̀ Kano ti pàṣẹ kí ìwádìí ó wáyé lórí ikú tó pa ìyàwó ilé kan tí orúkọ rẹ̀ ń jẹ́ Aishatu Umar lẹ́yìn tí wọ́ fi ẹ̀sùn ikú rẹ̀ kan ilé ìwòsàn Abubakar Umar Urology tó wà ní ìpínlẹ̀ náà.
Ìjọba ìpínlẹ̀ Kano sọ èyí di mímọ̀ láti ẹnu agbẹnusọ wọn; Samira Suleiman, nínú rẹ̀ ni wọ́n ti kọ ó pé àwọn bá ẹbí Aishatu Umar kẹ́dùn, ìwádìí ìjìnlẹ̀ yóò wáyé lórí ìṣẹ̀lẹ̀ náà, ilé ìwòsàn Abubakar Umar yóò ṣe àlàyé bí ọ̀rọ̀ náà ṣe jẹ́.
Ọ̀rọ̀ náà tẹ̀síwájú pé àwọn kò ní fi igbá kan bọ̀kan nínú nínú ìwádìì náà. Ẹ̀mí àwọn èèyàn ṣe pàtàkì, àwọn yóò ríi dájú pé ilé ìwòsàn náà fi ojú winá òfin bí wọ́n bá fi le jẹ̀bi ẹ̀sùn náà.
Èyí jẹyọ lẹ́yìn tí àwọn ẹbí Aishatu Umar fi ẹ̀sùn kan ilé ìwòsàn náà pé wọ́n dágúlá nígbà tí wọ́n ń ṣe iṣẹ́ abẹ fún obìnrin náà. Èyí mú kí inú bẹ̀rẹ̀ sí ní run ún tí ó sì ń padà lọ sí ilé ìwòsàn náà.
Òògùn inú rírun ni wọ́n ń fún un fún odidi oṣù mẹ́rin láìṣe àyẹ̀wò ohun tó ṣe okùnfà inú rírun náà. Lẹ́yìn oṣù mẹ́rin ni wọ́n tó ṣe àyẹ̀wò fínní inú rẹ̀ tí wọ́n sì bá àlùmọ́gàjí nínú rẹ̀. èyí já sí pé wọ́n gbàgbé àlùmọ́gàjí sínú obìnrin náà nígbà tí wọ́n ṣiṣẹ́ abẹ náà lóṣù mẹ́rìn sẹ́yìn. Wọ́n dájọ́ iṣẹ́ abẹ mìíràn tí wọn yóò fi yọ ọ́ àmọ́ Aishatu kú kó tó di ọjọ́ náà.
Àwọn ẹbí rẹ̀ fi ẹ̀sùn kan ilé ìwòsàn Abubakar Umar Urology pé wọ́n kò ṣe iṣẹ́ wọn bíi iṣẹ́ wọ́n sì fi àiàbìkítà wọn pa Aishatu. Ọmọ márùn-ún ni Aishatu fi sílẹ̀ sáyé lọ.

16/01/2026

WỌ́N DÁNÁ SUN AFURASÍ OLÈ KAN NÍ ÌPÍNLE BENUE.

Àwọn èrò tí inú bí ti dáná sun afurasí olè kan ní àdojúkọ ilé epo Prime ní Makurdi tíí ṣe olú ìlú ìpínlẹ̀ Benue.
A gbọ́ pé afurasí náà já ọ̀kadà náà gbà lọ́wọ́ ọlọ́kadà kan ní òpópónà Ahamdu Commisi, àwọn ọlọ́kadà yòókù tí wọ́n ríi lé e títí wọ́n sì báa ní ilé epo Prime nígbà tó fẹ́ gbé ọ̀kadà náà sọdá.
Wọn kò tilẹ̀ dúró de àwọn ọlọ́pàá, wọ́n wọ inú ìsọ̀ fọga kan tó wà nítosì, wọ́n kó àwọ àlokù táyà jọ wọ́n sì dáná sun ún lẹ́sẹ̀kẹsẹ̀.
Ẹni tó ni ọ̀kadà náà ṣe àlàyé pé òun ń gùn ún bọ̀ ni afurasí náà dá òun dúró bíi èrò, ó yọ ìbọn sí òun ó sì ní kí òun ó bọ́ sílẹ̀. Bí ó ṣe ń gbé ọ̀kadà náà lọ ni òun bẹ̀rẹ̀ sí ní kigbe olè tí àwọn ará yòókù rẹ̀ fi gbá tẹ̀lé e.
Ó ní mílíọ́nù méjì náírà ni òun ṣẹ̀ṣẹ̀ fi ra ọ̀kadà náà.

🏃🏽⛏⚒🔨🗡⚔️🔪⚰️

16/01/2026

AWAKỌ̀ BRT GBÁ ÈÈYÀN KAN PA LÓJÚ Ọ̀NÀ IKEJA.

Ìjọba ti mú awakọ̀ ìjọba BRT kan sí àhámọ́ lórí ẹ̀sùn pé ó gbá ẹnìkan tí ẹni náà sì kú.
Àlàyé tí a rí gbà láti ọ̀dọ LAMATA ni pé arábìnrin náà tí orúkọ rẹ̀ ń jẹ́ Elizabeth Fresh fẹ́ sọdá títì ní ojú ọ̀nà Ikeja ní àbáwọ pápákọ̀ òfurufú ni ọkọ̀ BRT náà gbá a tó si kú lẹ́sẹ̀kẹsẹ̀.
Ọjọ́ kẹsàn-án, oṣù Ṣẹẹrẹ ni ìṣẹ̀lẹ̀ náà ṣẹ̀. Kíá ni awakọ̀ BRT náà ti fi ẹsẹ̀ fẹ́ ẹ àmọ́ ilé iṣẹ́ náà wá a jáde wọ́n sì fà á lé àwọn ọlọ́pàá lọ́wọ́ lọ́jọ́ náà gan-an.
Ilé iṣẹ́ LAMATA bá àwọn ẹbí Fresh kẹ́dùn lórí ìṣẹ̀lẹ̀ náà, wọ́n rọ àwọn èèyàn láti máa ṣe àmúlò afárá ẹlẹ́sẹ̀.

15/01/2026

WỌ́N TI DÁ ÒṢÌṢẸ́FẸ̀YÌNYÌ Ẹ̀ṢỌ́ AṢỌ́BODÈ ILẸ̀ WA SÍLẸ̀ LẸ́YÌN OWÓ ÌTÚSÍLẸ̀.

Àwọn ajínigbé ti dá Emmanuel Owolabi sílẹ̀ lẹ́yìn tí àwọn ẹbí rẹ̀ san ẹgbẹ̀lẹ́gbẹ̀ mílíọ́nù owó ìtúsilẹ̀ rẹ̀.
Inú ogbó Oro Ago ní ìpínlẹ̀ Kwara ni wọ́n ní àwọn ẹbí rẹ̀ ó ti lọ pàdé rẹ̀ lẹ́yìn tí wọ́n san owó ìtúsílẹ̀ rẹ̀, wọ́n dé inú igbó náà wọ́n sì ríi lóòótọ́ tó ń gbìyànjú àtirìn jágboro.
Ọjọ́ kẹẹ̀dógún, oṣù Ọ̀pẹ ni wọ́n lọ gbé Owolabi ní iwájú ilé rẹ̀, òun nìkan ni wọ́n gbé lọ́jọ́ náà àmọ́ wọ́n yìnbọn pa olóyè kan tó pàdé wọn lọ́nà.
Ìròyìn bí wọ́n ṣe jí Owolabi gbé:
Àwọn agbébọn ya wọ́ Ora ní ibodè ìpínlẹ̀ Ọ̀ṣun àti ìpínlẹ̀ Kwara wọ́n sì gbé bàbá kan tó jẹ́ òṣìṣẹ́fẹ̀yìnyì ní ẹ̀ka aṣọ́bode lọ.
A gbọ́ pé ilé ọ̀gbẹ́ni Emmanuel Owolabi gan-an ni wọ́n ti kó o ní pápá mọ́ra tí wọ́n sì gbé e wọ igbó lọ.
Ìyàwó Emmanuel tí orúkọ rẹ̀ ń jẹ́ Titilayọ ṣe àlàyé pé ní ọjọ́ Ajé, ìyẹn ọjọ́ kẹẹdógún, oṣù Ọ̀pẹ ni ọkọ òun wá bá òun ní ìsọ̀, ó ní kí òun máa lọ sí ilé lọ dáná pé òun ṣì ń jáde lọ nítòun.
Titilayo ti ìsọ̀ ní aago mẹ́fà àbọ̀ ìrọ̀lẹ́ ó sì lọ ilé láti dáná oúnjẹ alẹ́. Nígbà tó di aago méje ni àwọn agbébọn ya wọ ìlú, ilé rẹ̀ gan-an ni wọ́n mórí lé tààrà. Àlàyé rẹ̀ tẹ̀síwájú pé òun kò kọbi ara sí ìró ìbọn náà nítorí àwọn ọdẹ a máa wọ ìlú wá àmọ́ nígbà tó ń ró lemọ́lemọ́, òun bọ́ sínú àgbàlá láti wo ohun tó ń ṣẹlẹ̀, ó rí àwọn agbébọn náà tí wọ́n fo ìgànná wọlé, ó sọ ède Hausa sí wọn àmọ́ wọ́n lù ú lálùbami wọ́n sì ń bèèrè owó. Ẹ̀kannáà ló gbọ́ ìró ọ̀kadà láti ìta tí wọ́n gbé ọkọ rẹ̀ lọ. Titilayọ̀ rawọ́ ẹ̀bẹ̀ pé kí wọn ó dákun gba ọkọ rẹ̀ kalẹ̀.
Nínú ìkọlù yìí ni àwọn agbébọn náà ti yìnbọn pa olóyè ìlú nígbà tó ń bọ̀ láti oko. Olóyè Dennis ń ti oko bọ̀ ló pàdé àwọn agbébọn yìí, ó fẹ́ sá ni wọ́n bá ta á níbọn tó sì kú.
Ilé iṣẹ́ ọlọ́pàá ìpínlẹ̀ Ọ̀ṣun fi ìdí ìṣẹ̀lẹ̀ náà múlẹ̀ láti ẹnu agbẹnusọ wọn; Abiodun Ojelabi.
Ojelabi ní lọ́gán tí ìṣẹ̀lẹ̀ náà ṣẹ̀ ni àwọn ti kán lu ìgbẹ́ láti gba ọkùnrin náà kalẹ̀, ó ní àwọn ń ṣiṣẹ́ kárakára láti ríi pé Emmanuel padà wálé. Bákan náà ló wí pé ibi tí wọ́n pa olóyè Dennis sí ti kọjá ìpínlẹ̀ Ọ̀ṣun, ìpínlẹ̀ Kwara ni yóò ṣe ìwádìí ikú rẹ̀.
Ní báyìí, Owolabi ti padà dé o, àwọn ẹbí rẹ̀ yọ ayọ̀ pé orí kó o yọ.

# #

15/01/2026

Ìròyìn tó gbòde

Òǹkọrin ẹ̀mí nnì; Bukunmi Akinaanu tí gbogbo àwọn èèyàn mọ̀ sí omijé ojú mi ti dágbére fáyé lọ́jọ́ ìṣẹ́gun, ọjọ́ kejìlá, oṣù Ṣẹẹrẹ. Ilé ìwòsàn kan ní ìpínlẹ̀ Èkó ni ó dákẹ́ sí. Ọ̀rẹ́ rè....

Iwe Iroyin Yoruba

17/01/2026

17/01/2026

17/01/2026

17/01/2026

17/01/2026

17/01/2026

17/01/2026

16/01/2026

16/01/2026

16/01/2026

15/01/2026

15/01/2026

Address

Telephone

Website

Alerts

Contact The Business

Shortcuts

Share