19/10/2025
Wallee Erdogan waa tagay ! Diyaaradda dagaalka ee cusub ee loo yaqaan “KAAN” ayaa rumeeyey riyo qarni ka badan soo jirtay, taasoo dib noo xusuusinaysa halyeeyadii duuliyayaashii Cusmaaniyiinta ee lagu aasay qubuuraha Salaahudiin Al-Ayuubi ee Dimishiq. Saddex duuliye oo kala ahaa, Saadiq Bey, Fathi Bey, iyo Nuri Bey, ayaa sanadkii 1914 sameeyey duulimaad taariikhi ah oo ujeedkiisu ahaa kor u qaadidda niyadda ciidanka, balse nasiib darro waxay ku geeriyoodeen shil diyaaradeed intii ay marayeen Buuraha Golan Heights iyo xeebaha Yafa. Waxa lagu aasay meel u dhow Qabriga Hoggaamiyihii weynaa Salaahudiin Al-Ayuubi, si ay u sii ahaadaan astaanta xornimo ee hawada iyo awoodda ciidan ee Muslimiinta.
Tan iyo xilligiias, Turkiga wuxuu ku dadaalay inuu dhiso ciidan-cir oo ku qalabaysan diyaarado casri ah. Boqortooyadii Cusmaaniyiinta ayaa markii h**e dhistay dugsiyo lagu barto duulista iyo warshado diyaaradeed, balse dagaalladii dunida iyo cadaadisyadii siyaasadeed ayaa hakiyay horumarkaas. Jamhuuriyadda Turkiga ee cusub ayaa sii wadday dadaalladi lagu rumaynayay riyadaas, iyadoo sanadkii 1925 aasaastay Ururka Diyaaradaha Turkiga, waxaana la dhisay warshaddii diyaaradaha ee Kayseri oo soo saartay in ka badan 200 diyaaradood. Madaxwaynaha Recep Tayyip Erdoğan ayaa ka hadlay horumarka militariga Turkiga kulankii uu la yeeshay Donald Trump, diyaaradda “KAAN” ayaana noqotay calaamad u taagan in Turkigu dib u hantay riyadii duuliyayaashii lagu dhinac aasaySalaahudiin Al-Ayuubi.
WQ . abdishakur Mohamed
