Hanoolaato, London (2025)

08/10/2025

Dublin I Saciid Idaajaa I Maxaa ka dhaxeeya halganki irish-ka iyo Soomaalida

04/10/2025

Pakistan ayaa soo jeedisay qorshe ay rabto in Mareykanku ku dhiso deked cusub oo ku taalla magaalada Pasni ee gobolka Balochistan, taas oo loo adeegsan doono ganacsiga iyo Dhoofinta macdanta uu Dalkaasi leeyahay, lkn Islamabad waxay si cad u sheegtay in aan loo oggolaan doonin Maraykanka saldhig ciidan '

Dekedda cusub waxay ku dhowdahay Degeda Magaalada Gwadar, oo ay Shiinuhu gacanta ku hayaan, taasoo siinaysa Mareykanka fursad uu si fudud ku heli karo macdanta muhiimka ah ee Pakistan isagoo Dhinaca kalena Tartan xoogan Gudaha Pakistan Kula gali doona Dalka shiinaha oo Dalkaasi saamayn dhaqaale iyo mid ciidanba ku leh..

Hindisahaan ayaa yimid kadib kulankii saddex geesoodka ahaa ee raiisul wazaaraha Pakistan Shehbaz Sharif' Taliyaha Guud ee Ciidamada Pakistan Asim Munir, iyo Madaxweynaha Maraykanka Donald Trump ku dhex maray aqalka cad bishii H**e Kulankaa oo Pakistan ay ku dhiirrigelisay Mareykanka inuu maalgashi ku sameeyo Macdanta Dalka Pakistan.

04/10/2025

Madaxweynaha Mareykanka Donald Trump ayaa soo dhaweeyay jawaabta ay Xamaas ka bixisay qorshihiisa xabbad-joojinta iyo is-weydaarsiga maxaabiista, isagoo sheegay in kooxda Falastiiniyiinta ay u muuqato “inay diyaar u tahay nabad waarta,”

Madaxweyne Trump ayaa Dhanka kale Israel ugu baaqay inay joojiso duqeynta Gaza si Maxaabiista si nabad ah Loogu sii daayo. Xamaas ayaa sheegtay inay aqbashay qodobada muhiimka ah ee qorshaha, oo ay ku jiraan sii deynta la haystayaasha reer Israa’iil iyo Ku wareejinta maamulka Gaza guddi madax-bannaan balse waxay dalbatay faahfaahin dheeraad ah oo ku saabsan qodobo kale oo Heshiiska ku jira.

Qorshaha Trump, oo ay taageerayaan Dalalka Muslimiinta ee kala ah Turkiga, Qatar, Sacuudiga Masar iyo Urdun, ayaa dhigaya in dagaalka la joojiyo, kooxaha hubeysan ee ku sugan Marinka Gaza-na Hubka ay dhigaan, Israa’iilna si tartiib tartiib ah uga baxdo Marinka, iyadoo la sameynayo kormeer caalami ah oo uu hoggaaminayo Mareykanka.

04/10/2025

Madaxweynaha Maraykankan Donald Trump ayaa u sheegay Israa'iil inay si deg deg ah u joojiso duqaymaha ay kA Gaysanayso magaalada Gaza ka dib ogolaanshaha heshiiska Nabadda ee kooxda Xamaas. Laakiin waaberigi h**e ee maanta oo sabti ah waxaY Israel Duqaymo ka Gaysatay Marinka Gaza.

Ra'iisul Wasaaraha Israa'iil, Benjamin Netanyahu, ayaa sheegay in Israa'iil ay diyaar u tahay inay hirgeliso "wejiga koowaad" ee qorshaha Trump si loo sii daayo la haystayaasha, wuxuuna ballan qaaday inay "si buuxda ula shaqeyn doonaan Madaxweynaha iyo kooxdiisa si loo soo afjaro dagaalka."

Sidoo kale bayaan ka soo baxay militariga Israa'iil ayaa lagu sheegay inay bilaabeen diyaar-garow buuxa si loo hirgeliyo wajiga koowaad ee qorshaha nabadeed ee uu soo jeediyay Madaxweyne Donald Trump, kadib horumaradii ugu dambeeyay ee la xidhiidhay aqbalaadda Xamaas ee qaar ka mid ah qodobbada heshiiska.

War ay soo sareen kooxda Xamaas ee Falaastiiniyinta ayey ku sheegeen inay aqbaleen heshiiskii uu hindisihiisa lahaa madaxweyne Trump ee la doonayey in lagu soo afjaro colaada Gaza.
Bayaan ka soo baxay Xamaas ayaa lagu sheegay inay ogolaadeen sii deynta la haystayaasha Israa'iiliyiinta ee ay gacanta ku hayan "kuwa dhintay iyo kuwa noolba" kuwaas oo qeyb ka ahaa hindisaha nabada ee Maraykanka.

03/10/2025

Madaxweyniha Maraykanka Donald Trump ayaa u Qabtay Kooxda Xamaas inay ilaa Axadda 6:00 galabnimo ku aqbalaan qorshihiisa xabbad-joojinta iyo is-weydaarsiga maxaabiista, isaga oo ku hanjabay haddii aysan aqbalin Heshiiska uu Garwadeenka ka yahay inay la Kulmi doonaan waxa uu ugu yeedhay "dagaal aan h**e loo arag"

03/10/2025

Wasiirka Arrimaha Dibadda ee Pakistan, Ishaq Dar, ayaa sheegay in qorshaha Maraykanku soo bandhigay ee 20-ka qodob ah ee lagu joojinayo dagaalka Gaza wax ka badal lagu sameeyay isagoona xusay in Heshiiska iminka lasoo Bandhigay lagu daray waxyaabo aan ku jirin qoraalkii asalka ahaa ee ay wadamada Muslimiinta qaarkood ka qayb galeen xilli ay la kulmeen Madaxweyne Donald Trump oo Qorshahaan Hogaan u ah.

Waziir Ishaq Dar Wuxuu ku dooday in qodobadii muhiimka ahaa sida xabbad-joojinta deg degga ah, gargaarka bani’aadannimo oo aan la carqaladayn iyo joojinta barakicinta khasabka ah ee Dadka Reer Falastiin la daciifiyey ama laga saaray Qodobada Heshiiska, isagoo ku tilmaamay qoraalka hadda jira mid aan la aqbali karin oo aan ahayn kii Pakistan ogolaatay. Taasi waxay shaki gelinaysaa kalsoonida wadaxaajoodka waxayna caqabad ku noqon kartaa hirgelinta qorshaha ayuu Hadalkiisa kusoo koobay .

03/10/2025

Exclusive I Wariye Cabdullaahi Xaaji oo bixiyay wareysigii ugu dheeraa oo sir badan ay ku jirto

02/10/2025

Mareykanka ayaa siin doona Ukraine xogaha sirdoon ee ay uga baahantahay Gudaha Ruushka si ay u weerarto kaabayaasha tamarta ee Ruushka Washingtin ayaa sidoo kale ku boorisay xulafada Gaashaanbuurta NATO inay taageero la mid ah siiyaan Kiev.
Maraykanka ayaa sidoo kale ka fiirsanaya in uu Ukraine siiyo gantaallada Casriga ah Tomahawk inkastoo go’aan k**a dambeys ah weli la gaadhin'' sida uu qoray Wargeyska Wall Street Journal.

Dhanka kale, Danjiraha Ruushka u Fadhiya Jimciyada Qurumaha Ka Dhaxaysa ' Vasily Nebenzya' ayaa ka digay Falalka Maraykanka wuxuuna ku Hanjabay in Moscow ay ka jawaabi doonto haddii hubkaan uu Maraykanka geeyo Ukraine, halka Wasiirka Arrimaha Dibadda ee Ruushka Sergey Lavrov uu sheegay in xitaa haddii Gantaalada Tomahawk la Geeyo Ukraine , aysan wax weyn ka beddeli doonin isu-dheellitirka dagaalka.

02/10/2025

Ra’iisul Wasaaraha Jarmalka Friedrich Merz ayaa si adag oo ay Cadho badan ka muuqato u dhaliilay Dhiggiisa Ra’iisul Wasaaraha Dalka Hungary Viktor Orbán, intii lagu jiray Shirka aan caadiga ahayn ee Ururka Midawga Yurub uga socda Magaalada Copenhagen ee Dalka Denmark,

Merz ayaa ku eedeeyay Raiisul Wazaaraha Dalka Hungary inuu carqaladeynayo qorshaha Midowga Yurub ee difaaca iyo amniga Guud ee Dalalka Yurub xilli ay sii Kordhayso Xiisada u dhaxaysa Dalalka reer Yurub iyo Dalka Ruushka ;

Raiisul Wazaare Orbán ayaa la sheegay inuu adeegsaday codka Diidmada Qayaxan ee Ururka Midawga Yurub ( veto ) si uu u hor istaago cunaqabateyn culus oo ka dhan ah Ruushka isla markaana sidoo kale wuxuu diiday Xubinimada Ukraine ee Ururka Midawga Yurub sida ay qortay Warbaahinta Bloomberg..

Dalalka Galbeedka Yurub oo Jarmalka ugu Horreeyo ayaa aad uga cadhooday ficilka iyo Diidmada Xukuumada Hungary waxayna Raiisul Wazaare ' Victor Orban' ku eedeeyeen inuu u dhaqmayo sida wakiil ka socda Dalka Ruushka sidoo kalena marnaba ka shaqaynaynin Midnimada iyo wadajirka Ururka si looga hortago Khatarta sii Kordhaysa ee Ruushka ..

02/10/2025

Markii ugu horreysay taariikhda siyaasadda xisbiyada badan ee Dalka Tanzania, haweenka u tartamaya xilka madaxweynenimo ayaa kasoo muuqday iyagoo tiro badan leh iyo heer siyaasadeed oo aad uga sareeya sidii h**e ee weligeed la arki jiray.

Doorashada guud ee Sanadkaan ka dhacaysa Dalkaasi waxay noqon doontaa Doorasho ay madaxweyne dumar ah difaacanayso kursigeeda, iyadoo ay jiraan laba kaloo dumar ah oo ka socda xisbiyada mucaaradka.

Waa doorasho ay ku tartamayaan saddex dumar ah oo u taagan madaxweynenimo, taasoo muujinaysa isbeddel weyn oo dhanka siyaasadda iyo bulshada ah.

Falanqeeyayaashu waxay leeyihiin xaaladdani ma aha oo keliya natiijada siyaasadda xisbiyada badan ee dalka Tanzania ee Waa calaamad muujinaysa in bulshada reer Tanzania, iyada oo loo marayo doodda dadweynaha iyo waaya-aragnimadii sannadihii la soo dhaafay, ay bilaabeen inay aqbalaan hoggaanka haweenka ee jagooyinka sare ee Qaranka .

Halka doorashooyinkii h**e Haweenka ka qayb gala ay ahaayeen kuwa faro ku tiris,
balse hadda Doorashada Tanzania waxay isu beddelaysaa Doorasho taariikhi ah oo Haweenka joogitaankooda ay miisaan culus ku yeelatay doodaha iyo Masraxyada siyaasadeed ee Qaranka .

Xigasho BBC Somali

02/10/2025

Wasiirka Arrimaha Dibadda ee Dalka Spain, José Manuel Albares, ayaa sheegay in ay u yeedheen Danjiraha Kumeel Gaadhka ah ee Israa’iil u Fadhiya Magaalada Madrid, Dana Erlich, kadib weerarkii lagu qaaday Doonyihii gargaarka bani’aadanimo u siday Marinka Gaza ee Global Sumud Flotilla.

Albares, oo la hadlay TV-ga qaranka Spain ee RTVE, ayaa sheegay in dowladda Spain ay u gudbisay Safiirka Israel sida ay Xukuumada Madrid uga xuntahay falka ay ku kaceen Ciidanka iSRAEl
Wuxuuna carrabka ku adkeeyay in arrinta deg degga ahi tahay in la ilaaliyo badbaadada iyo xuquuqda muwaadiniinta Spain ee saarnaa doonyaha, kuwaas oo ay Israa’iil xirtay.

waziir Albarares wuxuu intaa ku daray in muwaadiniinta Spain ee saarnaa doonyaha aysan khatar ku ahayn Amniga Qaranka Israa’iil ama cid kale toona , ayna u socdeen oo kaliya ujeeddo bani’aadamnimo, sidaa darteedna aan la eedayn karin ama aysan lahayn wax Danbi ah “gabi ahaanba”

Wasiirka ayaa sheegay in 65 muwaadiniin Spanish ah ay saarnaayeen Doonyaha , balse weli xog rasmi ah lagama hayo inta dhab ahaan la xiray ama la qabtay.

02/10/2025

Ugu yaraan 20 Falastiiniyiin ah ayaa lagu dilay weerarro Israa’iil ku qaaday Gaza tan iyo waaberigii maanta sida ay Ku waramayso Warbaahinta ALjazeera.

Israel waxay si cad ugu hanjabtay tobanaan kun oo wali ku harsan Gudaha Magaalada Gaza , iyagoo ku amray inay ka baxaan Taasna ay tahay fursada ugu dambaysa oo ay ku badbaadi karaan” Hadii kalena ay wajihi Doonaan weerarada Iyo Dukhaymaha ciidanka Israel ”.

Wasiirka Difaaca Israel, Israel Katz, ayaa bartiisa X (Twitter) ku qoray in qof kasta oo ku haray magaalada loo aqoonsan doono “argagixiso ama taageere argagixiso”

Hanoolaato

08/10/2025

04/10/2025

04/10/2025

04/10/2025

03/10/2025

03/10/2025

03/10/2025

02/10/2025

02/10/2025

02/10/2025

02/10/2025

02/10/2025

Address

Website

Alerts

Contact The Business

Shortcuts

Share

Category