10/09/2026
انا للّٰہ وانا الیہ راجعون 😭😭
برطانیہ بریڈفورڈ میں 21 سالہ دانش حسین کینسر کے خلاف جنگ کے بعد انتقال کر گئے
بریڈفورڈ برطانیہ کے شہر بریڈفورڈ سے ایک افسوسناک خبر سامنے آئی ہے، جہاں 21 سالہ نوجوان دانش حسین کینسر کے خلاف طویل جنگ لڑنے کے بعد انتقال کر گئے۔
مرحوم دانش حسین خوش اخلاق، نرم مزاج اور سمجھدار نوجوان تھے۔ کم عمری کے باوجود وہ پختہ شخصیت کے مالک تھے اور دین سے گہری محبت رکھتے تھے۔ اللہ تعالیٰ نے انہیں حج کی سعادت سے بھی نوازا تھا۔
مرحوم کی نمازِ جنازہ جامع مسجد مدنی، تھارن بری، BD3 میں ادا کی گئی، جس میں اہلِ خانہ، عزیز و اقارب، دوست احباب اور کمیونٹی کے افراد نے بڑی تعداد میں شرکت کی۔
مرحوم کے انتقال پر کمیونٹی میں گہرے رنج و غم کا اظہار کیا جا رہا ہے۔
اللہ تعالیٰ دانش حسین مرحوم کی مغفرت فرمائے، ان کے حج اور نیک اعمال کو شرفِ قبولیت عطا فرمائے، قبر کو نور اور کشادگی عطا کرے اور انہیں جنت الفردوس میں اعلیٰ مقام نصیب فرمائے۔ اللہ تعالیٰ سوگوار خاندان کو صبرِ جمیل اور اس عظیم صدمے کو برداشت کرنے کی ہمت عطا فرمائے۔
آمین یا رب العالمین۔
کشمیر پریس پوائنٹ:
Kashmir Press Point (KPP)
