Kashmir press point

17/12/2025

راولاکوٹ
.......پونچھ ڈویژن میں جاری ہڑتال ختم کر دی گئی۔..........انتظامیہ سے مذاکرات کامیاب.........عوامی ایکشن کمیٹی کی ایک اور کامیابی

16/12/2025

دسمبر کی شدید ترین سردی میں عوامی حقوق کے حصول کے لیے پونچھ ڈویژن کے دھرنوں میں بیٹھے وطن کے عظیم بیٹوں و مزاحمت کاروں کی جدوجہد کو سلام پیش کرتے ہیں

16/12/2025

13/12/2025

برطانوی کشمیری رہنما سردار آفتاب خان کو لنکاسٹر یونیورسٹی مینجمنٹ اسکول میں لیڈرشپ پریکٹس میں ماسٹر آف سائنس کی ڈگری میرٹ اعزاز کے ساتھ یونیورسٹی کے چانسلرایلن ملبرن نے سالانہ گریجیویشن تقریب میں عطا کی ہے۔

لوٹن (کے پی پی )برطانوی کشمیری کمیونٹی کے ممبرسردار آفتاب خان، جوایک سینئر لوکل اتھارٹی آفیسر اور کشمیری ڈایسپورا میں ایک طویل عرصہ سے سرگرم رہنما ہین،ان کو لنکاسٹر یونیورسٹی مینجمنٹ اسکول نے لیڈرشپ پریکٹس میں ماسٹر آف سائنس کی ڈگری ایک شاندار تقریب میرٹ اعزاز کے ساتھ یونیورسٹی کے چانسلرایلن ملبرن نے عطا کی ہے۔

سردارآفتاب خان نے اپنی ڈگری سینئر ایگزیکٹو پوسٹ گریجویٹ پروگرام ورک بیسڈ چینج مینجمنٹ پروجیکٹ کے ذریعے مکمل کی، جس کا مقصد ایمرجنسی پالاننگ اور مینجمنٹ کے دوران ملٹی ایجنسی تعاون کو مضبوط بنانا اور لوکل اتھارٹی کی قیادت اور کمیونٹی کی مضبوطی کو فروغ دینا تھا۔

کشمیری نوجوانوں اور ڈایسپورا کے مسائل کے حل کے لیے طویل عرصے سے سرگرم رہنما، مسٹر خان نے اپنی عوامی خدمات کی شروعات 16 سال کی عمر میں کشمیر میں کی۔ بعد ازاں وہ 1999 تا 2002 میں اقوام متحدہ، نیویارک میں پسماندہ نوجوانوں کی نمائندگی کر چکے ہیں۔ 2007 میں برطانیہ آمد کے بعد، انہوں نے کمیونٹی کی آواز بلند کرنے، لوکل اتھارٹیز، این ایچ ایس ٹرسٹس، پولیس اور رضاکارانہ تنظیموں کو تربیت اور اسٹریٹجک رہنمائی فراہم کرنے میں اہم کردار ادا کیا۔

سردار آفتاب خان نے کشمیر ڈیویلپمنٹ فاوؑنڈیشن کے رضاکار ڈائریکٹر کی حیثیت میں کمیونٹی ڈویلپمنٹ، ماحولیاتی بہتری اور صحت عامہ کے لیے ویکسین لٹریسی کے لیے انگلینڈ میں ۳۹ شہروں میں آگاہی مہم منظم کرنے میں کلیدی قائدانہ کردار ادا کیا ہے۔ نومبر ۲۰۲۵ میں انہوں نے اقوام متحدہ کے زیر اہتمام دوسری عالمی سوشل ڈیویلپمنٹ سمٹ میں اقوام متحدہ کی جنرل اسمبلی سے خصوصی حیثیت میں دعوت پر کشمیری کمیونٹی کے نمائندگی کی ہے، جو برطانوی کشمیری ڈایسپورا کے لیے ایک اہم عالمی سنگ میل ہے۔ اس سے قبل انھوں نے برطانوی کشمیری شناخت مہم کے مرکزی ترجمان کی حیثیت میں مہم کی قیادت بھی کی، جس کے نتیجے میں کشمیری نسلی گروپ کو 2021 کی مردم شماری میں شامل کیا گیا۔ وہ کمبریا میں بین المذاہب ہم آہنگی اور کمیونٹی کی ہم آہنگی کے فروغ میں بھی سرگرم ہیں اوریونٹی فیسٹیولز کے بانی ممبران میں شامل ہیں، جو 2016 سے ہر سال مختلف ثقافتوں اور سماجی یکجہتی کا جشن مناتے ہیں۔
لیڈرشپ پریکٹس میں میرٹ اعزاز کے ساتھ ماسٹر گریجویشن کرنے والے اولین کشمیری راہنماہوں میں سے ایک سردارآفتاب خان نے اخباری نمائیندوں سے اپنے انٹرویو میں کہا "کہ یہ اعزاز برطانوی کشمیری کمیونٹی کے لیے فخر کا لمحہ ہے اور عوامی خدمت، کمیونٹی کی مضبوطی اور جامع قیادت کے لیے میرے عزم کی تصدیق ہے۔ میں آگے بھی کام کرتا رہوں گا تاکہ ہماری کمیونٹیز کی نمائندگی، حمایت اور بااختیار بنائی جائے۔"

کشمیر پریس پوائنٹ:

Kashmir Press Point (KPP)

11/12/2025

کوٹلی میں صفائی آگہی واک ،مختلف سکولوں کے طلبہ کی شرکت
⸻

کوٹلی (کے پی پی ) شہریوں میں صفائی ستھرائی کی اہمیت اجاگر کرنے اور نئی نسل کو ماحول دوست طرزِ زندگی اپنانے کی ترغیب دینے کے لیے پاک فوج، محکمہ تعلیم، بلدیہ اور ضلعی انتظامیہ کے باہمی اشتراک سے شہر میں خصوصی آگاہی واک کا انعقاد کیا گیا۔ واک بلدیہ ہال کوٹلی سے شروع ہو کر آبشار چوک کے راستے ہوائی گراؤنڈ تک جاری رہی، جس میں طلبہ و طالبات، اساتذہ، سرکاری افسران، بلدیاتی نمائندگان اور مقامی کمیونٹی کی بڑی تعداد نے شرکت کی۔

مختلف سکولوں کے طلبہ نے شہر کے مختلف مقامات سے کچرا اٹھا کر صفائی مہم میں عملی حصہ لیا۔ بچوں نے صفائی سے متعلق پیغامات پر مشتمل پلےکارڈز اور بینرز اٹھا رکھے تھے جن میں ماحول کی بہتری، صحت عامہ اور شہر کی خوبصورتی سے متعلق آگاہی نعرے درج تھے۔ شرکاء نے واک کے دوران صفائی کے عملی اقدامات کرتے ہوئے شہریوں کو ماحول صاف رکھنے کی ترغیب دی۔

بلدیہ ہال میں واک سے قبل ایک تقریب منعقد ہوئی جس میں مئیر بلدیہ چوہدری محمد تاج، ڈپٹی مئیر راجہ ریاست، ڈسٹرکٹ ایجوکیشن آفیسر نسواں سعیدہ عندلیب، ڈسٹرکٹ ایجوکیشن آفیسر مردانہ سید جمشید بخاری، ڈپٹی ڈائریکٹر لوکل گورنمنٹ راجہ عامر زیب، ڈپٹی ڈائریکٹر زراعت میاں نعیم اللہ، ڈپٹی ڈی ای او حمزہ کاظمی، ڈپٹی ڈی ای او سردار محمد ادریس، پاک فوج کے کرنل تیمور، اسسٹنٹ کمشنر کوٹلی سہیل بشیر، انفارمیشن آفیسر شوکت علی ملک، چیف آفیسر بلدیہ چوہدری محمد راشد، ڈی ایچ او سید شفقت حسین، کونسلرز فیصل حسن، سردار بشارت سمیت بلدیہ کے کونسلرز، میڈیا نمائندگان، سینٹری ورکرز اور شہریوں نے بھرپور شرکت کی۔

تقریب کا باقاعدہ آغاز گورنمنٹ بوائز ہائی سکول کڑتی کے طالب علم محمد ادیب کی تلاوتِ قرآنِ پاک سے ہوا، جبکہ گورنمنٹ بوائز پائلٹ سکول کے طالب علم وحید رضا نے نعتِ رسولِ مقبولؐ پیش کی۔ اس موقع پر طلبہ و طالبات نے صفائی اور ماحولیات سے متعلق پریزنٹیشن بھی پیش کیں جن میں صحت مند معاشرتی ماحول اور ذمہ دار شہری بننے کے حوالے سے اہم نکات اجاگر کیے گئے۔

بعد ازاں احاطہ کچہری سے آبشار چوک اور پھر ہوائی گراؤنڈ تک آگاہی واک نکالی گئی، جس میں شرکاء نے شہر میں صفائی کرتے ہوئے شہریوں میں شعور بیدار کرنے کا عملی مظاہرہ کیا۔

آخر میں تقریبِ تقسیمِ اسناد منعقد ہوئی جس میں صفائی کے متعلق بہترین پوسٹرز تیار کرنے والے طلبہ میں تعریفی سرٹیفیکیٹس تقسیم کیے گئے۔ بلدیہ ہال میں منعقدہ اس تقریب میں طلبہ نے اپنی محنت اور صلاحیتوں سے تیار کردہ پریزنٹیشنز بھی پیش کیں جنہیں شرکاء نے بے حد سراہا۔

شرکاء نے اس عزم کا اظہار کیا کہ صفائی نصف ایمان ہے اور ہر شہری کی ذمہ داری ہے کہ وہ اپنے ماحول کو صاف ستھرا رکھنے میں اپنا کردار ادا کرے تاکہ آنے والی نسلوں کو ایک صحت مند اور خوبصورت شہر فراہم کیا جاسکے۔

کشمیر پریس پوائنٹ:

Kashmir Press Point ( KPP)

11/12/2025

جموں کشمیر لبریشن فرنٹ برطانیہ کے زیرِ اہتمام عالمی انسانی حقوق کے دن پر انٹرنیشنل ویب سیمینار ۔ مقررین کا کشمیر میں 77 سالہ انسانی حقوق کی پامالیوں پر گہری تشویش کا اظہار

لوٹن (کے پی پی )جموں کشمیر لبریشن فرنٹ (جے کے ایل ایف) برطانیہ کے زیرِ اہتمام عالمی یومِ انسانی حقوق کے موقع پر ایک اہم انٹرنیشنل ویب سیمنار کا انعقاد کیا گیا جس میں برطانیہ، یورپ، امریکہ، ترکی اور دیگر کئی ممالک سے مندوبین، انسانی حقوق کے کارکنان، سیاسی رہنما، وکلا اور کشمیری ڈائسپورا کی نمایاں شخصیات نے شرکت کی۔
سیمینار کی نظامت جے کے ایل ایف برطانیہ زون کے صدر لیاقت لون نے کی۔
مقررین نے اپنے خطابات میں کہا کہ ریاست جموں و کشمیر کے عوام گزشتہ 77 سالوں سے بنیادی انسانی حقوق، شناخت اور آزادی سے محروم چلے آ رہے ہیں۔
تقسیمِ برصغیر کے بعد سے کشمیری خاندان ریاستی تقسیم کی بھینٹ چڑھ گئے، ہزاروں گھرانے پاکستان و بھارت کے زیرِ انتظام حصوں میں بٹ کر رہ گئے جن کی نسلیں آج بھی آپس میں ملنے سے محروم ہیں۔
مقررین نے کہا کہ ریاست کے دونوں جانب 'بھارتی زیر قبضہ کشمیر اور پاکستانی زیر قبضہ آزاد کشمیر و گلگت بلتستان' عوام اظہارِ رائے، حقِ رائے دہی اور بنیادی شہری آزادیوں سے محروم ہیں۔ سیاسی کارکنوں کو آواز بلند کرنے کی پاداش میں جھوٹے مقدمات، گرفتاریوں اور اذیتوں کا سامنا کرنا پڑ رہا ہے۔

مقررین نے جے کے ایل ایف کے چیئرمین یاسین ملک کے خلاف بھارتی اقدامات کو شدید ترین ریاستی جبر قرار دیتے ہوئے کہا کہ انہیں گزشتہ چھ سالوں سے جھوٹے اور من گھڑت مقدمات میں قید رکھا گیا ہے، جبکہ اب بھارتی حکومت انہیں سزائے موت دلوانے کے لیے عدالت چارہ جوئی کر رہی ہے۔
ان کا کہنا تھا کہ یہ صرف یاسین ملک کا معاملہ نہیں؛ 5 اگست 2019 کے بعد سے ہزاروں کشمیری نوجوان، بوڑھے اور بچے سیاسی نظریات، ریاستی تشخص اور حقِ آزادی کی حمایت کے جرم میں بھارتی جیلوں میں قید ہیں۔

سیمینار میں پاکستانی زیر قبضہ آزاد کشمیر اور گلگت بلتستان میں انسانی حقوق کی صورتحال پر بھی گہری تشویش کا اظہار کرتے ہوئے کہا گیا کہ حق کی آواز بلند کرنے والے سیاسی کارکنوں کو جھوٹے مقدمات میں پھنسا کر جیل بھیجا جا رہا ہے۔ پاکستان میں داخل ہونے والے کشمیریوں کے ساتھ امتیازی سلوک معمول بن چکا ہے۔ ایئرپورٹس پر مکمل سفری دستاویزات کے باوجود انہیں آف لوڈ کر کے ہراساں کیا جاتا ہے۔ آزادکشمیر میں عوام کے ازادنہ حق رائے دہی کو الحاق پاکستان سے مشروط کر کے نہ صرف عوام سے ان کا بنیادی حق چھینا گیا بلکہ اقوام متحدہ کی قراردادوں اور یو این چارٹرڈ کی بھی صریحاً خلاف ورزی کی جا رہی ہے۔ گلگت بلتستان میں شیڈول 4 جیسے کالے قوانین کے ذریعے سیاسی و عوامی آوازوں کو دبایا جا رہا ہے۔
سیمینار میں حالیہ دنوں میں بھارتی زیر قبضہ کشمیر کے معروف رہنماؤں شکیل احمد بخشی اور جاوید احمد میر کی گرفتاری کو 1996 کے پرانے مقدمات کی بنیاد پر کیا جانے والا سیاسی انتقام اور ریاستی بوکھلاہٹ قرار دیا گیا۔ مقررین نے ان سمیت کرگل اور لداخ سے گرفتار تمام سیاسی قیدیوں کی فوری رہائی کا مطالبہ بھی کیا۔ مقررین نے آزاد کشمیر کے صحافی سہراب برکت اور گلگت بلتستان کے سیاسی کارکنان کی گرفتاریوں کی مذمت کی اور ان کی فوری رہائی کا مطالبہ کیا گیا۔

شرکاء نے زور دیا کہ دنیا بھر میں موجود کشمیری ڈائسپورا اس وقت اپنے وطن کی آواز بن چکا ہے اور ضرورت اس امر کی ہے کہ کشمیری ڈائسپورا بین الاقوامی سطح پر متحد و منظم ہو،’’Citizens Without States‘‘ جیسے عالمی پلیٹ فارم کے ذریعے دنیا کی دیگر آزادی کی تحریکوں کے ساتھ مشترکہ جدوجہد کی جائے، ریاستی عوام کے حقِ آزادی اور انسانی حقوق کے لیے عالمی برادری تک مضبوط آواز پہنچائی جائے۔ عالمی طاقتیں اور انسانی حقوق کی تنظیمیں کشمیریوں کے بنیادی پیدائشی حق حق خودارادیت دلوانے کے لئے اپنا کردار ادا کریں۔ اور بالخصوص برطانیہ جہاں 14 لاکھ سے زائد کشمیری آباد ہیں کی اولین ذمہ داری ہے کہ وہ اس مسئلہ کو عوام کی امنگوں کے مطابق حل کروانے میں اپنا اثر و رسوخ استعمال کرے۔ جموں کشمیر لبریشن فرنٹ کے رہنماوں نے برطانوی ممبر پارلیمنٹ عمران حسین کا شکریہ ادا کیا جنھوں نے آج پارلیمنٹ ہاوس میں انسانی حقوق کے حوالے سے جموں کشمیر کے عوام کے حق خودارادیت و حق آزادی اور انسانی حقوق پر ایک کانفرنس کا انعقاد کیا جس میں 35 سے زائد ممبران پارلیمنٹ نے حصہ لیا اور 50 سے زائد ممبران پارلمنٹ کے دستخطوں سے حکومت کو مداخلت کے لئے خط بھی تحریر کیا۔

سیمینار سے خطاب کرنے والوں میں امریکہ سے میری سکالی (انسانی حقوق کی کارکن)، راجہ مظفر،حلیم خان،سردار انور،امتیاز خان، ترکیے سے ترگے ایواران (یاسین ملک پر نئے نغمے کے خالق)، بیرسٹر طارق (یاسین ملک کیس کے وکیل)، یورپ سے ڈاکٹر اشتیاق خالق، ملک مشتاق پاشا، آوت مصطفی (کردش کمیونٹی رہنما) برطانیہ سے راجہ ظفر خان (سفارتی شعبہ)، صابر گل، لیاقت لون، یوسف چوہدری، تنویر ملک ایس ویلد،ناظم بھٹی، مرزا اسلم ، محمود حسین، محمود فیض، صنور حسین، راجہ سکندر، جمیل اشرف، انیق ککرو، اور آر حسین شامل تھے ۔

کشمیر پریس پوائنٹ:

Kashmir Press Point ( KPP)

10/12/2025

10دسمبر :انسانی حقوق کے عالمی دن کے موقع پر کوٹلی میں ریلی

کوٹلی (ے پی پی )10 دسمبر انسانی حقوق کے عالمی دن کے موقع پر ضلع کوٹلی میں مقبوضہ جموں و کشمیر کے عوام سے اظہارِ یکجہتی کے لیے ایک بڑے احتجاجی ریلی اور جلسہ عام کا انعقاد ہوا۔ شہر کے مرکزی مقام آبشار چوک سے شروع ہونے والی یہ ریلی مختلف بازاروں اور اہم شاہراہوں سے ہوتی ہوئی شہید چوک پہنچی، جہاں عوام کی بڑی تعداد نے اجتماع کی شکل اختیار کرلی۔

شہری سماج، طلبہ، وکلا، تاجر، مہاجرین اور سماجی تنظیموں کی بھرپور شرکت نے مظاہرہ کو ایک وسیع عوامی اجتماع بنا دیا۔ شرکا نے بازوؤں پر سیاہ پٹیاں باندھ رکھی تھیں، اپنے ہاتھوں میں پلے کارڈز اٹھا رکھے تھے جن پر انسانی حقوق کی بحالی، عالمی برادری کی توجہ اور بھارتی مظالم کے خاتمے سے متعلق نعرے تھے۔ عوام مسلسل “گو انڈیا گو بیک "ن”، “Stop Human Rights Violations in Kashmir” اور “UN Wake Up” کے نعرے لگاتے رہے۔

ریلی کی قیادت کل جماعتی حریت کانفرنس آزاد کشمیر کے کنونئیر غلام محمد صفی، جنرل سیکرٹری ایڈووکیٹ پرویز شاہ، صدر انجمن تاجران ملک محمد یعقوب، صدر بار ایسوسی ایشن آفتاب انجم، کونسلر فیصل حسن، سیاسی رہنما ملک رضوان، جماعت اسلامی کے ڈپٹی سیکرٹری جنرل حبیب الرحمن آفاقی، مسلم کانفرنس کے یسین قیصر ،حریت رہنما محمود اختر قریشی ایڈووکیٹ، پاکستان پیپلز پارٹی ضلع کوٹلی کے صدر پرویز اکبر ایڈووکیٹ ،ڈسٹرکٹ کونسلر چوہدری شاہنواز یسین ،پروفیسر غلام بنی،پروفیسر (ر) افتخار بٹ ،پی پی کے محمد علی راٹھور، پاسبانِ حریت کے امتیاز کشمیری اور نصیر راٹھور ایڈووکیٹ سمیت دیگر رہنماؤں نے کی۔

شہید چوک میں منعقدہ بڑے جلسہ عام سے خطاب کرتے ہوئے مقررین نے کہا کہ انسانی حقوق کے عالمی دن کے باوجود دنیا کی خاموشی مقبوضہ جموں و کشمیر کے نہتے عوام کے زخموں پر نمک پاشی کے مترادف ہے۔ مقررین نے کہا کہ بھارت کے زیر قبضہ کشمیر آج بھی دنیا کے طویل ترین فوجی محاصرے، ماورائے عدالت قتل، جبری گمشدگیوں، اجتماعی سزاؤں، خواتین کی بے حرمتی اور نوجوانوں کی غیرقانونی حراستوں جیسے سنگین مظالم کا شکار ہے۔

انہوں نے کہا کہ بھارتی حکومت نے 5 اگست 2019 کے یکطرفہ اور غیرقانونی اقدامات کے بعد کشمیریوں کے بنیادی حقوق مزید سلب کر دیے ہیں۔ ہزاروں نوجوان جیلوں میں بند ہیں، ذرائع ابلاغ پر پابندیاں ہیں، مذہبی اجتماعات محدود کر دیے گئے ہیں اور سیاسی سرگرمیوں کو مکمل طور پر کچل دیا گیا ہے۔

غلام محمد صفی کنونئیر کل جماعتی حریت کانفرنس آزاد کشمیر شاخ نے اقوام متحدہ، او آئی سی، یورپی یونین، انسانی حقوق کی عالمی تنظیموں اور عالمی میڈیا سے مطالبہ کیا کہ وہ مقبوضہ کشمیر کے حوالے سے اپنی ذمہ داریاں پوری کرے۔ انہوں نے کہا کہ کشمیری عوام حقِ خودارادیت چاہتے ہیں، اور یہ حق اقوام متحدہ کی منظور شدہ قراردادوں کے مطابق عالمی سطح پر تسلیم شدہ ہے۔

خطاب میں مقررین نے آزاد کشمیر کے عوام کی وابستگی اور شعوری جدوجہد کو بھی سراہا اور کہا کہ ایسے مظاہرے نہ صرف ظلم کے خلاف عالمی آواز بنتے ہیں بلکہ کشمیری عوام کے حوصلوں کو بھی تقویت دیتے ہیں۔ رہنماؤں نے کہا کہ عالمی دن کا مقصد صرف تقاریر نہیں بلکہ عملی اقدامات کا مطالبہ ہے، اور آج دنیا کو مقبوضہ کشمیر کے سلگتے ہوئے انسانی بحران کی طرف فوری متوجہ ہونا چاہیے۔

احتجاجی جلسہ کشمیری شہدا کے ایصالِ ثواب کے لیے دعا اور جدوجہد آزادی کے عزم کی تجدید کے ساتھ اختتام پذیر ہوا، جبکہ شرکا نے اس عہد کا اظہار کیا کہ جب تک کشمیر کے عوام کو ان کا حق نہیں مل جاتا، یہ تحریک جاری رہے گی۔

کشمیر پریس پوائنٹ:

Kashmir Press Point (KPP)

10/12/2025

انسانی حقوق کے عالمی دن 10 دسمبر کے موقع پر ننھی تسمیہ
کہہ رہی ہے میرا کیا قصور تھا ۔۔۔۔۔۔۔۔۔۔
ظالمو جواب دو ۔۔۔۔۔۔
تسمیہ کو انصاف دو ۔۔۔۔۔۔
😭😭😭😭😭

10/12/2025

International Human Rights Day 10 December
Release Yasin Malik
Message to the world on 77 world

& illegal detention of .
Release all political prisoners.
Stop human rights violations in Jammu Kashmir.



JKLF UK Zone.